川滿居 (京都廣場)

营业中

休息中

銅鑼灣SOGO後面有好多商業大廈，數座大廈當然有不少美食，京都廣場有一間餐廳叫川滿居，主打惹味川菜🔥✿ 金湯酸菜魚 $188有分BB辣、大中小辣，揀咗BB辣，都有啲辣，不過金湯味道好惹味💚魚片份量好多好滑溜，仲做到冇乜骨，不愧為招牌菜🐟✿ 黃金蝦球 $128去親中菜館都中意食黃金蝦球💛鹹蛋黃部分香氣撲鼻，沾滿每粒蝦球，蝦球新鮮又爽口彈牙🦐✿ 招牌香鍋 $258近年好流行香鍋，可選香辣/ 麻辣/ 醬香，我地就揀咗醬香，醬汁甜甜地同食物融合不俗。配料揀咗五花肉片🐷牛肉片🐮雞翼🐔油豆卜 魷魚鬚🦑豆皮，五花肉油脂豐富，牛肉片牛肉味香濃，雞翼系單骨雞翼好有驚喜。✿ 桃之夭夭 $36個名咁搞笑🤣其實即系白桃梳打🍑吾會系死甜，白桃味道又算明顯，作用解膩真不錯。✿ 百香果檸檬茶 $36有百香果嘅飲品又系解膩一流，檸檬茶茶底濃厚🍋

今日打算同同事一齊叫外賣，我話想食川菜，叫川滿居，佢哋都冇異議😌我叫咗小蘇肉香鍋餐，飲可樂，一份藤香雞(凍食）另外兩位同事分別叫咗個牛肉香鍋餐，飲芬達，同埋一個酸菜魚，餐飲雪碧。大概四分鐘外賣到，各自取餐拍照後，都交換咗啲食物試吓😂小酥肉香鍋同牛肉香鍋都要咗小辣，都跟白飯一個，配料甚多，有辣椒🌶️蓮藕片，薯仔片，油麥菜，小蘇肉好腍夠味，牛肉好有牛味油麥爽口，蓮藕同薯仔片都好入味。藤香雞全部都係雞髀肉好嫩口，食完成條脷＇好麻，但係好出色。同事個酸菜魚魚肉好厚，比平時嗰啲餐廳賣相極佳。我試咗一篇魚肉好厚好鮮味，對呢間十分之滿意，必然會再叫😌

今日去銅鑼灣食川菜 呢間餐廳有齊我鍾意食嘅嘢 酸菜魚 烤魚 雞煲 香鍋 甚至乎片皮鴨都樣樣有香辣魚皮 味道調得剛剛好 麻油味唔會過搶 同時間辣油同埋椒藤麻香都好夠 魚皮本身夠爽口 凍食作為前菜一流之後就叫咗今日嘅主菜麻辣烤魚 份量非常大盤 佢有兩隻魚選擇 我哋揀咗鱸魚 烤魚本身個底料都配咗幾多嘢 腐竹 大豆芽 蓮藕 青瓜 薯粉 都係啲吸汁或者爽口嘅嘢 烤魚原條炸香咗在面頭配上香辣汁 好多肉食我哋再加埋自選配料 萵筍 土豆片 墨魚餅 都幾大碟 土豆片係厚切 配埋個烤魚汁食好正手撕包菜 其實即係腩肉炒椰菜 不過佢再有啲川香同埋醋味 又夠鑊氣另外叫咗個唔辣但香口嘅黃金蝦球 我不嬲都好鍾意食鹹蛋黃 而呢度嘅黃金蝦球好濃鹹蛋黃味 但食落又唔會覺得膩 脆漿薄薄一層 蝦肉爽彈 另外呢度係用app落單 揀嘢食嘅時候仲可以揀埋辣度 要唔要麻 多油少油 濃味淡味 非常方便

金湯酸菜魚係佢哋店既招牌菜，叫左BB辣，大大盤，適合2-3人享用，佢既湯底用咗黄燈籠辣椒同埋南瓜泥，能夠整出金黃既湯色，新鮮鱸魚，無骨，放左大量茹菌，有我愛既雞髀菇，薯粉。川香鮑魚雞煲半隻$168，都係bb辣，件件雞都好滑好入味，基本上都唔洗點醬料都夠味，鮑魚都幾大粒。蓮藕仔炒牛肉$88，蓮藕仔一條條吸收晒啲汁而且爽口，仲配搭埋西芹，雲耳青椒，一齊炒京蔥羊肉$98，獲氣夠，用麼麼皮包住黎食，有口感，但又吾會蓋過啲羊味，多汁。本身朋友唔係好食得辣，好多菜式都可以揀辣度。

想系銅鑼灣搵間性價比高啲，份量又多，味道較正宗，而朋友更是無辣不歡，又可以慢慢吹水，我同佢揀左呢間#川滿居 ！餐廳嘅位置都算十分方便，行過對面地鐵站都不用3分鐘。❇️招牌香鍋HK$ 260配料有豬大腸、肥牛、田雞、雞翼、木耳、薯粉，,上枱陣陣香味已從香鍋發出，薯粉份量都好多，豬腸切開一片片，洗得乾淨，雞翼大舊得黎一d都唔韌，抵食加惹味！❇️京蔥羊肉HK$ 98羊肉厚度屬薄切中又軟淋，洋蔥非常香甜，去左羊騷味，用麼麼皮夾著吃，增加了獨特口感，味道亦很不錯😋❇️干煸四季豆HK$ 66夠鑊氣！同辣椒拌炒，鹹香又夠味，唔太油，配飯一流!❇️Suntory Gold白啤（380ml)HK$ 38❇️金桔檸檬茶HK$ 28可以揀冰塊份量以及甜度，金桔味道清新又解膩！❇️白飯 (碗)HK$ 15

📍川滿居 (銅鑼灣)📍銅鑼灣駱克道491-499號京都廣場6樓🟡酸菜魚薯粉$68🟡京蔥羊肉（6張嬤嬤皮）$98🟡金桔檸檬茶$28食午餐係京都廣場係好多選擇，今次想食酸菜魚薯粉，去咗川滿居。想講一人份的份量都超多，價格親民，魚片好嫩滑與酸菜爽脆，薯粉Q彈，係一間好食嘅酸菜魚。我係羊肉愛好者，伊度的京蔥羊肉搭配六張薄嬤嬤皮，我好鍾意呢度的羊羶味，與薄餅皮捲黎食好有北方風味！金桔檸檬茶酸甜適中，清新解膩。下次要過嚟試埋個香鍋！

其實我的他係比較鍾意食中菜，所以今日約會就試吓川菜😌明明用QR Code點緊菜時點到片皮鴨，點知我哋諗耐咗食其他啲咩好，落單時無晒片皮鴨😭😭😭實在太受歡迎了！都點咗其他鍾意食嘅嘢🤣涼拌黃金皮蛋$48。又香又軟滑，BB辣得嚟夠晒惹味，絕對係呢餐飯嘅開胃之選😋籐香雞$66。上到枱，見呢碟雞好吸引，份量上都幾大碟，又夠多肉，隻雞好嫩滑，雖然點咗唔辣，但好有麻麻嘅香味，做前菜小食真係一流👍川满居小炒肉$88。嘩，好吸引😍我倆最鍾意啲有鑊氣嘅小炒，點咗2碗白飯，鹹香又夠爽嘅豬肉，伴住辣椒，超開胃🤤炒肥腸$108。內臟係我倆嘅至愛，成碟都係肥腸絕無欺場🤣肥腸唔會好韌，伴住爽爽甜甜嘅筍絲，又夠鑊氣，我哋極速消滅咗呢2碟餸🤣🤣黃金蝦球$128。呢個餸又係超出色，上到枱熱辣辣❤️‍🔥蝦球超新鮮，有鮮味又好彈牙，鹹蛋黃夠晒鹹香🥰2碗白飯加呢3個餸都極速消滅埋🤣炸饅頭（6個）$48。個皮脆得嚟一啲都唔硬，個心又好軟熟，新鮮炸起好熱，點埋甜甜嘅煉奶好正😋今餐又大滿足，下次一定要食到片皮鴨🤣

今日喺銅鑼灣收工約咗朋友食飯，朋友講今晚想食啲辣嘢，刺激下個味蕾，我哋就去咗銅鑼灣站C出口對面，京都廣場6樓川滿居四川菜黃金炸蝦球 128元蝦球份量好多大約有八隻左右，外面炸到好酥脆，食落去脆卜卜好香口，最正就係用蛋黃包住，每食一啖都食到蛋黃嘅香味。入面嘅蝦肉仲係好嫩滑，爽口彈牙味道鮮甜。蛋黃令到蝦肉嘅鮮味提升香辣魚皮 68元魚皮非常爽口，配上川式辣汁，令到魚皮嘅鮮味提升，辣味啱啱好。越食越開胃，加上蘿蔔絲增添口感招牌烤魚烤魽魚 388元 揀了Bb辣，烤魚上枱味道好香 ，條魚勁大條。魚皮經過煎香,煮出嚟嘅魚肉非常嫩滑，魚味香濃。估唔到魽魚嘅魚肉係咁嫩滑同結實，非常鮮甜惹味。配料加上萵筍，吸曬魚湯嘅鮮味。估唔到底部仲有好多薯粉，薯粉又香又滑食到舐舐脷，非常飽肚，見個湯咁正加多份鮑魚仔，鮑魚仔吸收晒湯嘅精華非常惹味，味道鮮甜口咁爽脆

間唔中味蕾就會想食下辣嘢 今日去咗銅鑼灣嘅京都廣場一間叫做川滿居嘅川菜館度食晚餐 一坐低先叫咗個小食再慢慢睇其餐牌 香辣魚皮 麻麻辣辣 而且魚皮夠爽彈黃金蝦球 好似大概有十隻蝦球 每隻用脆漿炸香咗之後 面頭再鋪滿滿嘅鹹蛋黃碎漿 非常邪惡大盆花菜 我不嬲都好鍾意食花菜 尤其係川菜煮法 因為通常好夠鑊氣 簡簡單單用豬腩肉伴炒再有少少麻香就已經非常美味川香鮑魚雞煲 (半隻) 我哋揀咗唔辣 但係我哋其後一致覺得加少少辣會更加香 鮑魚雞煲裏面嘅鮑魚都幾大隻爽口呢度本身無跟餐飲或者水 所以都叫咗啲飲品 梳打水 凍檸茶 不過啤酒反而最抵飲 廿幾蚊一大支

今天與朋友在這餐廳用餐， 要用手機點菜, 看錯了單點以為午餐， 即時叫職員去改， 居然跟我說不可以更改， 這個也沒問題，但事後居然拿一個餐出來而不是單點。 份量一模一樣是少了一個白飯， 但價錢要比單點價錢。 付錢以後職員還要一起在笑。 大家請小心這餐廳，我以後也不會再幫襯。

在銅鑼灣的血拼前的川菜午餐，來到川滿居。店子開業經年，古早味的裝飾散發出經典川菜餐廳的風格。出來的是餐廳自己煲的酸梅湯，酸梅的味道很濃，能中和濃味川菜的膩滯感，還要是自家製用不同的玻璃杯上，好可愛。半份片皮鴨秒速登場，是第一下即時觸動味蕾！鴨皮竟然似薯片般脆，香口度登頂！鴨肉厚而鬆化，用麽麽皮包著青瓜及京蔥，加入鴨醬，好食到無與倫比！細的金湯酸菜魚都好大盤！金湯的酸辣度剛剛好，帶強烈的花椒香！魚片細滑柔嫩，配合荀片、白蘿蔔片、菇菌，與底下滑滑的薯粉，滋味爆燈！乾煸四季豆是食得出的鑊氣，煸得香而不油，小人當場食了三分之二！相反孜然羊肉沒多少孜然味；而最後才上的涼拌花甲不夠酒香，而且勁多粒都沒有開口。上菜快、價錢抵，除了羊肉和花甲之外都相當滿意。

今天10個人去了這間餐廳晚餐，他們將幾張4人桌拼成1張長桌，哪有中菜館這樣安排長桌？向樓面查詢如何才能坐房，職員答我最低消費2600，最後離開發現也沒有人在房內消費，這也表示，餐廳寧願把房空著，也不願意借出來。其次，用餐期間，天花冷氣漏水滴到朋友，向職員表示後，職員表示了解，卻根本沒有想解決的意思。餐廳的其中一個中年女職員一直都黑著面服務我們，也不知道得罪了她什麼。總之，這間餐廳給了我們一次很差的體驗。

是日與友人聚會，想吃川菜，選址銅鑼灣的川滿居。雖然是閒日，但客人相當多，建議訂位為佳！藤香雞與口水雞不同，藤香雞使用藤椒，幾乎沒有辣度，入口溫和，偏向於麻中帶香口感，沒有苦澀味，雞件滑溜，整體口感清爽，是一道挺開胃的前菜。片皮鴨(半隻)份量足2-3日食用，餅皮厚薄適中，入口煙韌，配以甜麵醬及鴨片同吃，不錯。招牌香鍋有十多種配料可自由配搭，份量很大，鑊氣十足，每枱必點的招牌菜式，口味我點了醬香不辣，推薦點豬頸肉和雜菌。

好掛住正宗四川風味，再度回訪銅鑼灣川滿居。金湯酸菜魚 $188野食一上枱就瀰漫住濃郁嘅麻辣香氣，湯頭酸中帶甜，魚肉片片鮮滑，帶出魚肉鮮嫩的味道。黃金蝦球 $128蝦肉彈牙可口，表層金黃酥脆，濃郁咸蛋香味，簡直是下飯絕配。川香鮑魚雞煲(半隻) $168以獨特的川式調料醃製，慢煮煨煮，川味麻辣香氣撲鼻，鮑魚肉質柔滑，雞肉嫩滑入味，惹味可口。凍檸茶 $18最後配以凍檸茶中和口中的麻辣感，清澀清新，最緊要係夠凍。

上網睇到呢間川菜館有片皮鴨，心諗可以滿足我兩個願望🤩結果去到，冇片皮鴨食😢裝修好有中國風，頭頂掛住紅紅嘅大燈籠，牆身鋪滿面譜👺🔖金湯酸菜魚 | $188 加大$288因為得三個人食，所以叫咗小份，啱啱好🍲魚肉大塊、厚身，味道正常🐟配菜份量多，除咗魚肉之外，仲有萵筍、菇、紅薯粉🍄‍🟫🔖麻辣香鍋 (花甲、土豆片、蓮藕片、萵筍、花菜) | $178可以揀五款配菜，份量多! 嚟到嘅時候發現有好多花甲都係合埋咗，所以搵店員了解🙋🏻‍♀️店員聲稱花甲合埋好正常，因為花甲遇熱就會合埋，之前已經收過好多客人投訴😲食落去有少少唔新鮮，所以我下次就應該唔會再叫啦🙈🔖紅糖糍粑 | $58糍粑唔夠煙靭，表面嘅黃豆粉份量唔夠，有啲失望🔖百香果檸檬茶 | $36朋友飲嘅時候，發現上面有膠片🫣不過整體都唔錯嘅有微微百香果味本身喺網上見到好多好評，滿心期待，可惜食物質素一般、唔夠新鮮、侍應態度一般，有啲失望😮‍💨==============================推介指數：👍🏻👍🏻性價比：🌟🌟