川居雲南風味米線專門店 (已結業)

第一次在同一個星期內幫襯兩次同一食肆，因為在旺角真係諗唔到冇什麼好食。當然一定不會重複幾日前食過的東西。上次臨走前已打算再來的話﹐食手撕麻辣雞涼拌米線，有了上次中辣經驗，覺得唔夠辣，今次升級要大辣，大辣果然好夠麻又好夠辣，不過比四姐同周媽媽，這個麻的程度還差少少。除了手撕雞外，還有蟹柳、青瓜同炸雞塊等配料，其中炸雞塊最難食，又凍又唔脆。噴火麻辣湯米線﹐聽個名好似好辣，所以這碗只要了中辣，食完之前大辣的涼拌米線後，這個麻辣程度真是小兒科，麻辣程度唔夠，而配料有豬軟骨、雞腿菇、玉子豆腐等，豬軟骨賣相深紅色，色水好假，好似染好多色素，雖然肉質好諗但完全唔入味。蜜川雞-真係幾有蜜汁味而且夠晒入味，似食緊bbq 燒雞翼，雞肉雖嫩，但當然唔好期望有什麼雞味。

又去旺角買蛋榚材料同入KT貨，索性係先達附近搵食。以前只得一間舖，現在擴充至兩間。幾年前食過，現在再回味下。傣家酸麻湯米線-未食已傳來一陣陣麻味，食落口真係麻味好重，仲有點羶味，而辣的程度不夠，要了中辣都唔覺辣，下次要大辣才夠口。配料有腐皮、貢丸同豬頸肉，最好食就係豬頸肉，煎得好香又夠爽，而米線的軟硬度夠適中。醬汁金沙骨-肉質較乾身，而醬汁除了有點酸酸甜甜外，仲帶點南乳味。特色西蘭花-25蚊一大粿真係好抵，煮得又夠爽，所謂特色醬汁，我覺得同辣椒豉油沒有分別。只食了三樣野，已經好飽，老公仲叫了杯豆漿，埋單剛好100蚊，真係好抵。

突然好想食米線, 同朋友黎食,叫左個沙爹海鮮米線,有d失望,因為d沙爹好稀咁,無咩味.海鮮有2-3粒龍蝦丸,好細好細既花枝片,同兩粒超微型既帶子. 總括來說, 沙爹味唔夠, d餸又太少, 成個米線要$38, 仲要加$5先有野飲, 好唔抵囉.....朋友既四川米線都係湯多過米線, 而且雪菜碎到食唔到. 印象中記得今年2月左右黎食都幾好架, d酸辣米線仲超級辣tim, 依家好似差左呀.

Data base內有兩間，是旦求其當一間啦。肉醬炸豬扒麵！豬扒係我最唔鍾意的台式香so炸，肉醬亦唔係我鍾意的辣辣地。米線更唔係我最至愛的雲南式。但加埋我又無complain 喎。仲津津有味碗底朝天。我都唔明，唔好問我啦…搵食only…比條生路行下啦please。

午飯：- 沙爹海皇米線+ 飲品- 辣米線（唔記得乜名）+ 飲品海皇米線有帶子、龍蝦丸、菜、花枝片。配料質素一般，米線ok，沙爹湯底似擔擔湯底多點。總括來說味道都ok。

下午茶時段帶男朋友仔黎醫肚叫左碗米線，香蕉鳳凰卷＆蜜川雞鳳凰卷唔好食,可能本人唔鐘意食香蕉味既副產品好在叫左兩件＄１０個蜜川雞真係有名比你叫．好甜囉!我唸係用大量蜜糖而成..都好貴6小件要$28埋單$60呢個價錢係旺角區相信唔難揾到更好既下午茶..ar

......第四件真的是嚥不下, 想起可吃米線, 應是較易入口吧, 叫了一個北茹燜湯米線, 是燜湯底, 很濃, 像是有點點的羊肉味, 料有, 片茹, 豬潤和生菜, 先說米線, 入口時覺得較林, 但咬至線心時發覺剛好, 是有點un 度, 跟著嚐, 此種只要沒有味就可以了, 東茹不太差, 厚肉也有點東茹味, 而那多片豬潤, 又老又…(似食者本人?), 倒要請教KC 是什麼特別品種來的, 以前未曾嚐過, 總的來說, 好吃不是, 不好又不是, 但吃後不口渴, 也應一讚.

認識多年的日本朋友過境香港再去澳洲，當然要一盡地主之誼帶佢周圍去下。年前佢來的時候已經同佢四圍食好野，今次佢只有一個要求，就係行旺角，一來佢住呢頭，二來佢覺得呢區好有趣，所以呢個週末都睇怕要在呢度行。行程由下晝4點開始，自己先來這裡吃點東西，以前食過斜對面的舊舖，今次就試試比較新的呢度。張藤椅個樣唔好睇，但坐落又幾好坐。有幾款套餐，叫了麻辣雞絲涼伴米線，要大辣，大熱天時至適合吃這個。似乎涼伴比湯的要更多時間準備，因為左右隔離吃湯的都在吃我仲等緊。碗米線真係幾多麻辣料撈在內，吃一口是麻多過辣，不過麻辣就係咁，辣的感覺往往是隨麻後來。雞肉也凍凍的，配合涼伴的感覺，不錯。麻料足，是越食越麻，但辣的感覺不很強，吃畢全碗都不覺很辣，雖然如此，只20蚊還包熱飲已交到巧課。能做到麻與辣夠平衡，最好的還是已結業的Q嘜。幾個阿姐服務不錯，有個女人說餐牌字太小，看不清楚，其中一位阿姐拿拿林將擺在門口的大餐牌，拆下來給她看，反應快又幫到手。

個日星期六去左食兩碗燘湯米線,同蜜川雞都幾好食~~但係食到一半就慢慢覺得好熱~~跟住就叫左個侍應開大d個冷氣!跟住食到最後仍然覺得好熱,好似係大排檔食野咁熱~~雖然d野都幾好食~~但係行完一日街~~梗係想搵個地方食下野~~涼下冷氣架啦~~點知咁唔好彩入左一間冇冷氣既食店~~>o<;

貴別人三十巴仙,味道只及別人三十巴仙,肉類新鮮度只及別人三十巴仙,下次請我也不再去o

我們三個朋友昨晚去吃飯,點了一個蜜川($25),很香口惹味,不錯.一個傣什麼酸辣米線,尚可.但是那個手撕涼伴米線便不合格了,味道酸酸地但怪怪地,並不討好,最重要是這個米線一點也不涼,不涼不熱,很難吃!! 埋單$150,算平宜,下次還可以試下.

佢o地本來個涼伴米線係用通心米線, 而家冇o左啦, 有d o徒law! 通心米線因為中間通lone, 食o既時候會有多d湯, 所以麻辣多d. 而家就弱o左. 不過總觀佢o地o既野食真係又麻又辣. 小食推介有涼伴海帶絲.

川居我由洗衣街o既舊店食到依家o係花園街o既兩間大細店, 水準一直保持番咁上下, 冇乜點跌過. 禮拜日有急事要匆匆忙忙走落旺角再走番屋企, 臨走前仲有少少時間, 就入o黎川居o既大舖食晚飯, 叫o左一碗"噴火麻辣湯米線" ($35) 同一碟"沙喇骨" ($15)<br /><br />"噴火麻辣湯米線" 用大湯碗上, 辣度我要o左大辣, 浮o係湯面o個一浸紅卜卜o既辣油望落幾吸引. 材料有麻辣湯, 豬軟骨, 雞腿菇, 玉子豆腐同韭菜. 米線份量幾多, 煮得唔算太淋, 麻辣湯底o既麻味同辣味都好夠同幾強o下, 麻味重一o的, 辣味雖然唔及"Q嘜" 或"小辣椒" o個種四川式勁辣, 不過我相當喜歡佢地o個隻自製o既雲南辣椒油, 而個湯底亦係用呢隻辣椒油做, 辣味比較幼細, 係另一種風味. 豬軟骨有成五舊咁多, 煮得入味而又唔會散收收, 唔錯. 雞腿菇係切片o既, 四五片始終唔多夠喉. 成碗米線o既量夠, 質亦算唔錯, 食完已經飽o左大半.<br /><br />"沙喇骨" 係小食, 15蚊有5粒炸排骨, 沙喇醬係用mayonn

原來川居有兩間架?! 仲係打對面添. 我去0個間應該係新d個間. 自己叫左個套餐--燜湯豬頸肉墨丸椰菜過橋米線連熱飲. 一黎就見到d 豬頸肉咁肥既, 又得幾舊仔, 有兩三細塊真係太肥, 所以冇食到. 因為我一向都唔鐘意食肥豬肉, 平時食過既豬頸肉都冇咁肥既. 不過肥還肥, 味道都唔差既. 另外兩粒墨丸都幾彈牙爽口. 至於米線同平時係d 台式店舖淋淋既米線唔同喎, 又係彈牙好多. 米線份量又好多, 但我都食晒呀~~ d 湯都幾野味, 唔會淡"謬謬".有機會同朋友黎可以試下其他小食, 我諗唔差卦.

諗起就想嘔!大家小心D!我冇講大話咖!