川婆婆 (寶勒巷) (已結業)

今日第一次去左呢度食放題B餐，包一碟可以燒嘅牛肉，我地叫左封門柳。麻辣湯底味道唔錯，有牛肉的羶味，點左中辣唔算太辣。食物refill得慢d，但品種算多，惟獨牛柳稍微比較有嚼勁。總括黎講，食物質素唔錯。但其中一位店員嘅服務態度有待改善，事源我第一次嚟，落單個時有d懵，我地兩個人無點到兩個套餐。後黎店員同我講番，我解釋，但佢直接用不太好嘅語氣同我講，話我要兩個人食一個套餐，仲話左好幾句。我亦唔係特登要食霸王餐，雖然我知道係自己蠢左，但我認為其中一位店員嘅服務態度有待改善。

早幾日同咗幾個朋友去試呢間川婆婆，二百幾蚊有得燒肉，又有得食串串，都算係幾抵🤔🤔入面嘅食物種類都算多👍🏻👍🏻串串啲食物都幾盞鬼，有牛肉片包菠蘿，牛肉片包豆角🤣🤣竟然又幾夾喎😮都幾好味! 我地嗌咗個麻辣湯底，好香好入味😎不過都晚市時間都多人，要提早book位呀！

寶勒巷真係好多選擇😆見到呢間開左一段時間既四川菜就諗住試吓🥳晚市仲有串串火鍋放題任食好開心🥰湯底:湯底可以揀招牌麻辣鍋或者升級至鴛鴦湯底 (四川麻辣鍋/養生菇菌雞湯)，麻辣鍋非常足料，香料同辣椒份量都好多，麻辣控必試❤️🌶🔥養生菇菌雞湯味道香濃，湯料都幾多，唔食得辣既朋友就岩哂啦👍🏻👍🏻食物:食物種類非常多，人氣串串香有超過80款配料，平時打邊爐食到既呢度都有，值得推介既係呢度會有唔同部位既牛肉，連罕有部位如牛腸、牛草肚都食得到，封門柳、牛肩胛、PRIME 雪花牛小排、PRIME牛頸脊款款都牛味香濃，輕輕一烤，逼出油脂，散發濃厚肉香。配菜都好掂，每款配料放係一個迷你盅上面，打卡一流💯環境:餐廳環境乾淨企理，自助區附近都好衛生，客人都食得好放心🥰服務:店員態度都好好，上菜同換碟既速度都好快👍🏻👍🏻

最近疫情好反覆，趁開返晚市堂食又係時候約朋友一齊食飯吹水啦，朋友話見到川婆婆最近推出左全新串串火鍋烤肉任食，一於跟佢食餐好既~🔥麻辣湯底麻辣湯底用上大量牛頸骨、十幾種四川香料，辣度惹味🌶🌶🌶🔥配料配料好似平時飲茶食點心咁，用上「迷你盅」裝住，蓮藕好爽脆、金菇菜夠清新，放係火鍋度淥一陣就食得，食得肉多要食返啲蔬菜中和返❤️食麻辣火鍋當然唔少得要叫鴨血、滑溜溜的，同麻辣湯真係好夾👍🏻🔥牛肉除左有四川名物串串香之外，最驚喜係牛肉全部新鮮，肉味特別香濃，泡椒牛肉、芫茜牛肉等等，索哂麻辣湯汁，極惹味。🔆/整體黎講/食物選擇廣泛豐富，一個價錢食到麻辣火鍋加烤肉，100分鐘仼飲仼食大滿足，會想再回訪既川菜餐廳！

最近有番堂食，又可以多番幾個人一齊食，就緊係要去食下啲多人食先開心嘅嘢啦！邊爐+燒肉=happy Together 🥳今次佢地話食川婆婆，啲朋友大讚，可以食到邊爐同燒肉，唔會太乾同悶🤣咁就去咗試😋因為係任食嘅形式，可以食好多肉，所以我地一次過叫咗肥牛 腩肉 牛腩等等嘅肉類，全部一次過上哂，個陣容好鼎盛🤩樣樣都好新鮮，仲要唔係得個樣，食得都係好爽，脂肪比例平均嘅肥牛，你點整都好食，我推薦燒，可以令更多嘅牛脂留係肉上面，食落會更加感受到驚喜嘅牛油香。串串嘅芫茜牛肉，我就大推，對於芫茜嘅愛好者，可以完美地食到芫茜嘅爽脆同香味，加埋惹味麻辣湯底，真係一口接一口😋😋😋

紅色你會諗起乜嘢？紅燈籠？危險？熱情？我會諗起麻辣火鍋🌶⭕️尖沙咀寶勒巷，有一問外表紅通通，感覺非常熱情嘅四川麻辣餐廳———川婆婆⭕️最近川婆婆推出任食火鍋+燒肉 完全為貪心人士準備🤣成日都擔心要揀食火鍋定燒肉呢到嘅燒肉同火鍋都好用心準備食材新鮮，肉質鮮嫩，湯底惹味⭕️串串嘅款式多每款同湯底都配合得相當出色比如傳統一啲嘅芫茜牛肉牛肉選用鮮牛肉可以令牛肉吸哂麻辣湯底嘅惹味同時芫茜嘅爽脆令成件事嘅感受更升華⭕️燒肉方面牛肉嘅鮮味同油脂分布平均令牛肉只需要輕輕一燒就能迫出每啖都充滿牛肉香

朋友約食飯為慶祝生日 🥳問吓呢個壽星女想食咩 我就話我想食邊爐/燒肉 咁佢地就負責揀 壽星女就負責食啦😋😋佢地約咗我係尖沙咀站等 5話我聽目的地 一路行經過哂平時會食嘅餐廳🤣點知都5係🤣最後去咗平時未食過 個門口有條樓梯 好有風味嘅川婆婆 坐低咗 見到入面原來係食串串鍋+燒肉😍勁驚喜❤️好多種類 差5多有80種🥰串串款推介👍雞翼尖 雞腎 京川牛肉 芫茜牛肉❗️索哂湯底，惹味到飛起。邊爐款推介👍牛根 金錢肚 蓮藕 鴨血 牛黃喉❗️足料，真係好足料，5會叫咗幾次就越來越少燒肉款推介👍牛小排 豬腩 ❗️全部都係新鮮牛，牛魔王一定要試總結 9/10食物新鮮，湯底惹味。靜雞雞話你聽，我偷睇咗廚房🤣點解可以咁整齊，乾淨？食得好放心💕

⭕️牛魔王⭕️貪心想一次過食2種嘢老公同我都係牛魔王黎 一到假期就想去食邊爐 但有時候都會想貪心 可以食埋燒肉 川婆婆就滿足到我地啦😋📍位於尖沙咀賽勒巷📍離地鐵站只係3分鐘距離 好方便📍門口有條樓梯 好易識🐮牛魔王就係乜牛都中意上至牛小排 下至牛腩 內至金錢肚牛根 黎川婆婆 你可以食到全部嘅牛肉 就連牛黃喉 你都可以食到 牛肉上碟好吸引 食指大動 牛肉山嘅外貌 完全令牛魔王迫不及待🤤牛肉新鮮 肉質鬆軟 一定5會出現因放得耐 令肉色梅嘅情況 用黎邊爐同燒肉都非常出眾 ✌🏼我全都要如果你係霸氣仔 成日都要邊爐 燒肉 我全都要你一定要試下川婆婆 一定會有驚喜

大愛就係好食❤️大愛就要係咁食❤️對於串串嘅大愛，就係想食哂全世界嘅串串❤️今次黎到川婆婆食串串鍋，勁有驚喜，先講講環境，大多數食串串嘅地方，都係比較污糟，但川婆婆環境整潔，地板嘅整潔程度簡直係五粒星🤩食物方面，多達80樣，比較傳統嘅芫荽牛肉，到普通邊爐必備嘅蟹柳/腸仔都有準備，食物新鮮，豐富，必定令你齒頰留香，津津有味❤️而火鍋最重要嘅湯底，麻辣湯底擁有豐富嘅牛油香味，麻辣湯底嘅香料，花椒香，但花椒嘅麻發揮得淋漓，令你舌尖感受刺激❤️員工嘅服務好細心，見我地幾個女仔黎，好細心提醒我地小心啲衫，另外仲有同我地介紹啲串串用嘅醬汁，邊種最好，乾碟又可以用邊種❤️

夜麻麻，又5知食咩好，發現平時食單點嘅川婆婆出咗放題，咁就要試下啦。入到去發現環境比之前更加整潔，冇因為做放題對環境有馬虎，反而更加用心做好。食物嘅種類多達80種，令人花多眼亂，不過好彩係每個份量都好細，可以一次過試哂都5會食5哂。中意食麻辣嘅朋友可以黎試下，因為佢個湯底真係好正，5係化學嘅辣黎，係真正用辣椒煮出黎嘅香辣，好香嘅辣椒味，加埋好刺激嘅花椒，完全能夠令你有刺激嘅一餐。食材新鮮，肉質鮮嫩，油脂分布平均，每一啖都能食到肉嘅香味。不過要提提大家，因為有啲款式係串串咁上菜 會令你好容易叫得太多，食5哂，所以要留意5好浪費食物如果5係就會罰錢嫁啦❤️

⚜️川婆婆 (寶勒巷) (尖沙咀)尖沙咀寶勒巷26-36號地舖🥘串串火鍋放題$268🧡傳統串串香vs本地串串香唔知有冇人同我一樣都係好鍾意食四川菜，而家疫情之下冇得返大陸對於我來講真係痛不欲生😩仲記得以前成日去大陸嗰度食好多唔同嘅串串香，淨係深圳已經食過好多間☹️，喺香港又成日都搵唔到一間好食嘅餐廳甚至就算係好食，都又貴又食唔飽。🧡川婆婆主打四川菜 勁多野食可以揀喺川婆婆呢度就唔怕食唔飽，因為佢哋新出左一個新嘅Menu就係串串火鍋放題💯，自助選區嘅配料可以任食，汽水任飲。🧡80款串串串串香竟然有成超過80款，最驚喜係牛肉全部新鮮，肉味特別香濃，泡椒牛肉、芫茜牛肉等等，索哂啲麻辣湯汁，惹味之餘，仲辣到好爽呀。我同我男朋友食到個嘴都紅晒又出晒汗🤣🧡刁鑽牛位+高級靚牛超抵食30蚊碟刁鑽靚牛！牛肉控必點‼️🙈🥩自選$30/碟牛五花肉、肩胛肉眼、封門柳、內裙肉、肩胛翼板、吊龍伴 🥩自選$60/碟Harris Ranch Prime純種黑安格斯牛頸脊、Prime牛小排、SRF美國和牛西冷推薦指數：⭐️⭐️⭐️⭐️⭐️因為佢哋嘅牛肉真係好香，完全唔係下等貨色。最緊要係佢哋嘅麻辣湯底超香超濃，讚喲👍🏻

有冇諗過可以一個地方食到燒肉同埋麻辣火鍋？川婆婆位於尖沙咀，離地鐵站只有3分鐘嘅距離，佢嘅獨特外表，你非常之易找到佢，門外有一條樓梯紅色為主，非常搶眼。川婆婆嘅特色係四川麻辣火鍋同燒肉，而呢兩件事係同時進行😱環境闊落，完全唔會有壓迫感。串串鍋有好多5同嘅配款，由傳統京蔥牛肉，到普通腐皮，都非常用心準備🥹牛肉嘅牛香，腐皮嘅豆香，同麻辣火鍋嘅湯底都有化學作用，令你倍添美味。肉類對邊爐同燒肉都尤其重要❗️肉類嘅好壞，都好影響整餐飯的體驗，而川婆婆完全冇忽視，仲好用心放食客準備肉質鮮嫩可口，脂肪比例足夠嘅肉類。😋

❤️❤️❤️❤️❤️❤️❤️我同老公都係麻辣火鍋嘅熱愛人士，成日都會上網搵一啲好食嘅麻辣火鍋，但係結果就係唔夠正宗或者完全唔辣，麻辣火鍋最緊要嘅係色香味俱全，用嘅香料好緊要，完全影響到成個火鍋嘅品質。❤️❤️❤️❤️❤️❤️❤️川婆婆係我哋成日都會在一次光顧嘅地方，因為呢度嘅用了非常出色，完全做到麻香，油而不膩。❤️❤️❤️❤️❤️❤️❤️呢度除咗可以食麻辣火鍋，仲可以食下燒肉，令到你刺激嘅味道得到緩和，燒肉最緊要就係肉質夠唔夠鮮嫩，而家呢度除咗鮮嫩之外油脂嘅分布都非常好，只要輕輕一燒，肉嘅油香就可唔可以出黎，令你一口接一口🥰

味道都唔錯但係睇仲有最後20分鐘嘅時候，嗰店員就過嚟吹仲有10分鐘，我哋好疑惑，點解剩返10分鐘，但係都冇理到。過咗一陣，又來另外一個店員，話我哋時間差唔多。10分鐘之後，個店員真係過嚟叫我哋走，仲話，超時要收錢。我呢一刻火都嚟，我反問佢，唔係食100分鐘咩，然後我就唔知佢講咩，然後先走去睇清楚狀況，一句道歉都冇，睇完之後返嚟講你哋仲有10分鐘🙂。佢走咗之後，另外個店員又走過來講，你哋差唔多啦。第一次喺20分鐘之內俾人吹走左四次😇好體驗。其實係唔係唔想人哋食夠100分鐘，越早走越好？本身對呢間野都好有好感，但係最尾呢20分鐘，令到我以後都唔會再食呢一間🙂

成日都同朋友嚟食川婆婆，最近終於可以再去食，所以就叫埋幾個朋友一齊去❤️每次嚟食都唔會失望，因為呢度嘅選材好好，一啲都唔係馬虎，無論係肉類蔬菜，都係非常新鮮，每次同朋友都可以食到冿冿有味🤣另外呢度嘅款式好多，打邊爐同燒肉嘅款式多達80款🥹有選擇困難症嘅朋友唔使擔心，因為呢度每一款嘅份量都比較細，所以你可以一次過嗌哂都冇問題！你係一定會食得晒🥹😍平時食嘅邊爐或者燒肉，好多時地方都會比較污糟，地板又會癡立立，啲牆又會有油漬😱但我哋點解咁多次都會返嚟食川婆婆？就係因為呢度嘅環境好整潔好乾淨😍令到你每一次都會好放心咁樣食，唔需要擔心有任何奇怪嘅生物令到你有一個唔愉快嘅經歷😍