影片
更多
2006-06-13
8 浏览
新開業無幾耐, 但聽聞係荃灣開左好耐, 只係搬新舖.舖頭細細, 只係放得落五張四人台. 但地方好乾淨.食過兩次, 第一次食紅薯湯粉配豬心, 豬潤及雲耳, 要左小辣, 湯唔太濃, 辣味剛剛好, 豬心同埋雲耳都好好味, 但豬潤好明顯係過熟, 唔好食. 紅薯粉係寛身既, 但係我估佢唔同埋D湯一齊煮, 所以D粉吸唔到湯D味, 所以覺得個粉麻麻地.第二次去食我同男友食, 今次無左豬心, 因為佢地話少人食, 所以停左. 我改左食貢丸, 雲耳,魷魚米線小辣. 男友叫左豬肚, 雞亦尖牛丸米線小辣. 魷魚係魷魚"蘇", 唔會UN身, 雲耳依然好味, 貢丸普通. 男友話豬肚同雞亦尖都好好味, 雞亦尖我有試過, 真係滷得好入味.我同男友都覺得呢間既湯底好過其他米線舖, 唔會得個辣字. 一路食我都飲左唔少湯添喎. 舖頭仲有無湯撈粉, 有紅薯寛粉, 米線, 河粉同埋粉皮選擇, 上次見有人食過撈粉皮好似好正, 下次一定要試下不過佢地好早收舖, 約九點三就收, 要食就早少少到啦.
舖頭細細, 只係放得落五張四人台. 但地方好乾淨.
食過兩次, 第一次食紅薯湯粉配豬心, 豬潤及雲耳, 要左小辣, 湯唔太濃, 辣味剛剛好, 豬心同埋雲耳都好好味, 但豬潤好明顯係過熟, 唔好食. 紅薯粉係寛身既, 但係我估佢唔同埋D湯一齊煮, 所以D粉吸唔到湯D味, 所以覺得個粉麻麻地.
第二次去食我同男友食, 今次無左豬心, 因為佢地話少人食, 所以停左. 我改左食貢丸, 雲耳,魷魚米線小辣. 男友叫左豬肚, 雞亦尖牛丸米線小辣. 魷魚係魷魚"蘇", 唔會UN身, 雲耳依然好味, 貢丸普通. 男友話豬肚同雞亦尖都好好味, 雞亦尖我有試過, 真係滷得好入味.
我同男友都覺得呢間既湯底好過其他米線舖, 唔會得個辣字. 一路食我都飲左唔少湯添喎.
舖頭仲有無湯撈粉, 有紅薯寛粉, 米線, 河粉同埋粉皮選擇, 上次見有人食過撈粉皮好似好正, 下次一定要試下
不過佢地好早收舖, 約九點三就收, 要食就早少少到啦.
张贴