川味美食

見文記咁多人就去左隔離呢間試下點左麻辣牛展大腸熱撈米線睇落唔算好辣，點知一放入口非常辣，點左小辣都辣到有啲辛苦，早知唔撈面頭pat醬，阿姐其實可以輕手啲。牛展不過不失，薄切易咬，但基本上係無味要靠麵汁，大腸就非常之韌，趙到口都軟，而且都係無鹵過無乜味，而且因為太辣根本都食唔到咩味。整體嚟講真係同附近幾間出名嘅無得鬥，唔怪得lunch時間都無乜人都可以算係快食之選但深水埗實在太多美食啦下次都係食其他野算啦…查看更多

一向都係米線控既我 點會錯過抵食又好味既米線 川味一向都係我既上班之選 今次一來到就點左我最愛 腩肉湯米線 中麻辣 湯底用豬骨湯淆成 清甜既湯再加上麻辣辣椒醬 岩岩好 好好飲！ 米線方面 軟硬適中 但驚人既係米線份量驚人 多到好似食極都食吾完！大食量既你一定吾會錯過！另外見到餐牌入面既麵底有好多選擇 例如手工拉麵 木薯粉等 更有撈同湯選擇 係$3x幾既選擇下 真係好扺 吾好唸住會好高級但絕對對得起喔個價 下次我會選擇 佢哋既招牌撈木薯粉！…查看更多

酸辣炸醬紅薯幼粉要左 bb 辣，有一大堆酸菜所以酸味會比較突出，不過本人極度唔食得辣就覺得幾好。餸淨係要左份豬軟骨，肉唔係煮得好夠腍，味道都冇特別，但勝左有成四五舊都幾多肉食～加左份油菜 $10 有一大碗通菜，有啲啡色嘅湯喺底但唔太諗到係咩味尼 😂 唔會好咸，菜都係新鮮嘅仲有碗秘製醬汁撈米線，要左小辣都見到啲色好紅下，唔食得辣嘅朋友要留意下。大腸同雞絲都比得多，雞絲係真係搣到一條條嗰種唔係切出尼架，咸淡都適中…查看更多

以前我好鍾意食，而我呢期少左落ssp, 我呢次專登去食，但好失望...我以前鍾意佢個粗薯粉，同佢個秘製醬，結果兩樣野都比以前差左好多，下次再去ssp可以去試其他野~ …查看更多

天氣咁熱，叫我食飯或者湯麵=虐待自己，所以去食涼拌撈麵就最開心。我鍾意食酸酸辣辣既涼拌麵。今次就去左間自稱川菜既小店。酸辣撈粗紅薯一開始見人地隔離枱食撈幼紅薯粉，都幾幼，好似冇咩口感，所以試下撈粗粉。點知一黎就嚇死晒我地。哇粗到呢...以為佢係粗河粉。一咬落去，哇煙銀到咬到口攰先食完長1cm闊1.5cm既粉。於是我食左一半頂唔順。唔係飽，係口攰放棄左。但佢既味道係好食，酸甜味岩岩好，佢仲加左少少花生肉末所以食落好香，而我加左我最愛既芝士丸同油菜。所以唔計口攰，係幾好食，幾開心既。…查看更多

好耐之前啱啱嚟深水埗返工時食過一次喺福榮街嘅分店都幾唔錯，亦都算抵食👍🏻。但呢區真係太多嘢食喇，所以都未返轉頭食過。今日再食因為見到有個外賣app有做優惠，所以食下。今次係去汝州街嘅分店拎外賣。去到餐廳見到都幾多人食，環境望落好似都幾企理乾淨，我一去到外賣已經ready，店員即刻拎俾我👍🏻。今日比較開胃，所以叫咗4個餤😂😂😂。秘製醬汁撈紅薯幼粉($27)，要咗小辣，四餸就分別係魚腐($6)、紫菜($6)、雞絲($7)同肥牛($7)。佢薯粉嘅份量係超多的，放入個碗到滿一滿👍🏻，要夾啲餸出嚟先撈到；口感亦都唔錯，夠煙韌。近來成日想訓練下食辣，叫咗小辣🌶，但佢個辣味我麻麻地啱，對我來説小辣亦都有啲辣。其實佢啲辣唔係來自個汁，而係有啲辣醬放面，小辣可能就放少啲咁，下次會叫返唔辣。佢個薯粉本身有花生、蔥、莞莤、芽菜同炸醬，有乜唔啱就可以走咗去。原來外賣app叫每樣嘢貴一蚊。😨而啲餸嘅量可以好多或者好少😂，魚腐最失望得2粒，味道正常，係買返嚟嗰啲。🐔雞絲味都ok，但量都係偏少。肥牛同紫菜就相反，有勁多，特別係紫菜，多到差啲食唔哂，又啱索汁好食。而🐂肥牛片幾好味有牛味，大細切到啱啱好放落口🤣。總括嚟講，對鍾意食薯粉嘅都幾唔錯，而且佢份量好多，叫少啲餸就$3x有交易🤑，而且撈薯粉比較少見，就算夏天食都唔驚個湯太熱，個撈汁(唔辣的話)其實都唔錯。…查看更多

今日約係太子見面，因為女朋友睇花，for 之後重要日子用的。相對上，其實係實際上好少行到去果邊，所以都吾知食咩好。又吾想去番旺角，太子果邊。所以都係亂甘行，亂甘搵，加上今日熱到傻，淨係有冷氣有得食就夠。甘arm見到間食傷心酸辣粉d friend 就行入去，本身自己好中意食，只係吾太辣得。叫左個豬紅雞絲酸辣粉吾辣，偷左女朋友d麻辣豬耳，加辣，辣到剛剛好，味道幾吾錯，價錢都算平，只係個老板娘m到甘款....中意食酸辣粉可以食食！…查看更多

冇色冇味，白烚薯粉冇色冇味，白烚薯粉⋯。不嬲都買開外賣，一直都係心水之選就算馬會多人到阻門口都堅持買來吃⋯不知道是阿姐定餐廳轉左食譜問題，以前都有酸菜同肉醬，但呢碗係冇酸菜肉醬係有但冇味道，同水加薯粉沒分別；希望係阿姐煮錯而不是轉左食譜；呢碗粉真係超級難死到極點，水+粉⋯請問酸味去了那？…查看更多

有一排冇食過川味今日經過深水埗就想食吓叫左麻小辣撈拉麵加豆腐卜同腩肉麵本身已有炸醬唔需要加錢今日個腩肉唔錯，切口少少都唔會太過煙韌但腩肉平時叫真係睇彩數，有時薄切都嫌鞋口最值得一提就係佢個自家製拉麵夠咬口又索到汁每一啖麵都好香濃撈麵醬汁同炸醬掛哂上麵身完全係5個選項中（粗薯粉/幼薯粉/拉麵/米線/河粉）最適合撈嘅一種貴一蚊都真係有道理美中不足嘅就係花生換左做焗花生以前嘅炸花生比佢香口好多可惜佢地為慳皮就一去不返…查看更多

川味美食的紅薯粉是兒時的回憶，細細個上完興趣班就會與三五知己去食。兒時我經常到荃灣富寧商場食，估唔到現在川味美食已有8間分，今日在附近外勤完，就一於買碗回公司作午餐。我叫了一碗酸辣炸醬紅薯幼粉中辣配麻辣腩肉，味道依然不變，唯獨價錢已加了好多。炸醬肥瘦適中，爆炒過的炸醬味道濃厚。麻辣腩肉亦都肥瘦適中，麻辣味突出。紅薯幼粉營養豐富，採用扭紋型的薯粉使紅薯粉更能掛湯，紅薯粉煮得軟硬適中。酸辣湯中辣，辣度適中，唯酸味不突出，如果可以再酸少少更好。…查看更多

🐹肥老鼠又跟鼠友來到深水埗食川味，之前我們都在其他地方見過類似的店，店名有川字但不同名，餐牌都是一樣，不知冇什麼分別。但我們就偏偏對深水埗這家情有獨鍾，其他都不吃，想起川味就一定要到深水埗。我們一點五十分來到，姐姐堅持一定要兩點才有飲品送，於是幫我們兩點才下單。鼠友每次來都是點豬血豬耳撈拉麵，有時加多個雞翼尖。分量很多，已經小辣都夠味。🐹：記得初時到紅磡店食川味，小辣都幾乎辣得我吃不下。🐹最喜歡還是撈紅薯幼粉，大大碗又彈牙。🐹：建議建議食川味最好是食撈，湯的感覺沒什麼好食，酸辣湯底就是怪怪的，而且分量沒有撈的多。飲品方面多數選豆漿，有白豆漿選白豆漿吧，黑豆漿麻麻地。兩點後下午茶時間包飲品更抵食。…查看更多

去親深水埗shopping都顺便揾d野食。我都幾鍾意食麵，深水埗嘅豬潤麵、車仔麵、蝦子麵同刀削麵等等都食唔少，但我至鐘意反而係嚟呢間川味美食。以前喺度食薯粉，呢一年半載佢出左手工拉麵，令我馬上fall in love with.睇佢d餐牌就知道幾多選擇。呢日我又嚟食我嘅至愛，酸辣手工拉麵，麵入面已經有好多料，包括炸醬、生菜、葱花同芫荽。我再加多兩個餸，即係麻辣豬耳同海帶。豬耳煙煙靱靱又超爽，真係好好食。加埋好似蝴碟結嘅海帶中和一吓辣辣地嘅豬耳，真係絕配，我超like加多支黑豆漿，就真係夠晒營養囉，佢d豆漿都係有牌子嘅原支豆漿，如果下午茶時間嚟仲免費送飲品添。佢有湯麵同撈麵揀，但我始終鐘意食湯麵，因為我鍾意濕濕地，每次嚟食我都食到好滿足咁走，點解？四個字，好食扺食…查看更多

今日本身去深水埗探姨婆, 同佢食晚飯, 結果打風搞亂左個行程, 上姨婆屋企坐左陣就走, 落到樓見對面有間「川味美食」, 之前食過其他分店唔錯, 咁就食你啦。餐牌都幾多款式選擇, 自由配搭, 有辣有唔辣, 我就揀左2號酸辣炸醬紅薯幼粉配豬紅蘿蔔, 賣相唔差~配料 - 略嫌不足, 對我呢d配料控黎講完全唔夠喉蘿蔔 - 入味冇渣, 好食豬紅 - 冇味, 偏硬, 麻麻地紅薯粉 - 不過不失間唔中食一次都唔錯既~…查看更多

附近買外帶食品好像選擇不太多，有的又不太吸引，還是選擇平日在荃灣有吃過的川味吧。撈米線是川味較得意之作，沒有湯，外賣也不用怕浸林麵條。大腸蘿蔔撈米線蘿蔔三大件，吸汁而沒渣，非常乾淨，大快朵頤。大腸非常多絲，不肥膩而入味，沒有任何骯髒東西連著大腸。面頭還有不少炸醬，瘦肉中有少量肥肉，香濃少辣，撈米線一流。米線份量還是挺多，不粗不幼，外賣如果夠近的話，米線仍然不會發漲或是黏成一團，味道相當不錯。二餸米線，三十多元，但沒有飲料。價錢差不多的話，比起三餸飯美味得多。…查看更多

人生第1次寫食評，第1次坐低後拍枱走人，服務態度差到不能形容，個女叫嘢食話走青，個仔話芫荽都走，個員工態度好差咁話我個仔走青咪走咗囉！我都算，個女話食上湯米線，佢問我個女走唔走酸，我話咩走酸，佢好笑到話唔係問我，即係叫我收聲啦！個女唔明佢講咩，我話上湯喎，佢喝我話得啦！我即時拍枱走，補咗句：咁×無禮貌，走！跟住有另一員工問我咩事，我無講嘢走緊出門口，佢仲要話你有無錄音証明我態度差呀！真係9唔搭8！…查看更多