影片
朋友一向对食好讲究，今日一行十几人今次自携海鲜去石塘咀熟食中心呢间餐厅加工，今日晚餐超丰富，有虾有蟹有鱼有花甲有蛏子有生鱼两味，其他小菜就喺𠮶度叫，叫咗菠萝京都肉，炒酸辣土豆C，毛血旺，大豆芽炒猪肠，炒篙笋都好好食。厨师话推介话生鱼两味系佢嘅撚手菜，朋友买咗条 三斤几重嘅生鱼试下佢手势，生鱼片炒球同芫荽生鱼骨汤，真系冇介绍错㖞，特别系个汤超清甜，几个小朋友都追住饮。个豉油王虾系我食过嘅最好食，加上朋友买啲虾好靓，有虾膏啖啖肉好好食👍🏻朋友赞猪肠处理得好好，E味菜我就唔识欣赏啦，因为我唔食猪肠。最后由朋友自家制绿豆沙同大菜糕结尾，正!，
继续阅读