嶺南會所

营业中

休息中

昨晚同三位舊同事食飯，去一間食小菜既上樓鋪，哩一間係專招待會員，我地好榮幸有前任老細既眷顧，可以去試食．款款小菜都係45元，有例湯20元一大碗（日日唔同）．例湯：樟魚粉葛湯－好飲，無味精，清熱，解渴，正．小菜：嶺南牛肉－果然係好野，叫得哩個名，係得既．炸子雞－好鬆脆而不膩．宮保雞丁－有雞粒，腰果，西芹炒埋一碟，不過不失．蒸豆腐（正確名字，我已忘了）－蛋白做底，上面鋪上冬菇粒，豆腐粒，帶子，菜粒，好滑，送飯一流．炒豆苗－依家當造，一定會吃．甜品：三個同事都要雪糕（椰子或芒果）涼粉，我就要綠豆沙，好棉呢．．．哩度有兩層，12樓係散，13樓係間房，好岩一家大細，公司或朋友聚會既地方．皆因哩度係食住家菜，好有返屋企食飯既feel．

裝修簡潔, 招呼親切, 價錢又咁實惠... 咁既舖頭, 真係無幾多間。大除夕, 一家五口食晚飯, 半隻炸子雞, 涼瓜炒蛋, 咸魚蒸肉餅, 炒豆苗, 嶺南牛肉, 炒桂魚片, 加埋例湯, 甜品和白飯任裝... 埋單$491... 少油少味精, 家常小菜, 份量又夠, 食飽仲可以傾下計。一於團年再來, 到時再寫番幾味硬野, 擦餐勁!

又來嶺南會所，今次是同幾位行家收料，選了這裡，氣氛較輕鬆，加上旺中帶靜又不易撞到熟人，係私局的佳選。五個人，簡簡單單的，就叫了是日午餐的五個選擇，分別是鎮江骨、瑤柱蒸水蛋、蒜蓉炒莧菜、蒸肉餅及炒五秀。咁請客點都要加點菜，就要多一隻炸子雞。先來一窩湯，是日湯水是冬瓜薏米煲豬踭。幾甜但不太夠火侯，不過撈渣上碟，就知材料不多，跟前一日的樓上靚湯是沒有得比；幾個菜色是比較家庭式風味，油水足，味精不算多，當中我的心水當然是炒五秀，白果粒更是甘香煙韌；炸子雞是等了一等，皮不厚，肉都算嫩滑有雞味，水準不錯。在這裡，當然是真正的油淋熟的炸子雞而非炸雞，百五蚊一隻，都食得過。甜品是例牌的雪糕涼粉，可選芒果或椰子味道，結果都要了芒果味。雖然雪糕球是盒裝貨，撈涼粉吃當然涼快可口，略嫌是日的涼粉太腍，正路是硬身一點較對口味，十二蚊一個雪糕涼粉，一試無妨。當然不吃雪糕，也有冷熱紅綠豆沙可供選擇。呢度白飯任裝，不過如要添飯，就要自己郁手。埋單五百八十幾，經濟抵食，一試無妨的。

有兩條問題：第一條係應該唔使，不過你要話自己係。至於訂位方法已原文錄出，可以照住講就得。簡單來說唔係要自己事但作個名，而係話自己係舊生而佢會俾個名你留位，如果食過想再訂位下次用番同樣名就得。

咁,係唔係即係話唔駛係嶺南舊生都可以在這裡食,只要訂位時是但作個名,去到就說番同一個名就得??

據負責訂位的同事講，呢度訂位比港大校友會嚴謹少少，可參考以下對話：客：「一點三位，唔該！」伙記：「留那一位會員姓名訂位呢？」客：「am......我係嶺南校友來的。」伙記：「咁就用XXX的名字留位啦！」在此不便透露XXX是誰，咁你記住個名，到時講番出來就得。

駛唔駛係會員才可進入呢?

唔記得講酒水，呢度唔收開瓶費，鼓勵客人帶酒來開，我地以三支白酒做膽，再開多一支紅酒。有酒有餚又有電視睇，飲飲食食得好開心。<br />

舊同學聚會，有人話呢度食晚上酒席都抵食，所以就又來試試。我地十六人，係尷尬懢人數，事關一圍坐爆兩圍又唔夠人，好在呢度set檯幾有彈性，有超大檯可以坐得晒十六人。有三個菜單可以選擇，由千八王三千八都有，我地就在三款菜單中自行加減，最後寫了個二千四的菜單出來，菜色包括：釀蟹魽、荷芹花枝帶子、瑤柱甫、花膠瑤柱羹、髮菜元蹄、生抽王中蝦、嶺南牛肉、蒸東星斑、炸子雞同飯麵糖水。原先都驚十六個壯丁唔知夠唔夠食，但呢度經理拍晒心口話一定得，又結果菜色真係幾夠份量，食到飯麵大家都差不多停晒手。菜色平實不花巧，味道亦不差，比坊間的酒家好。瑤柱甫的雹柱好大粒，係靚貨；生抽王中蝦味道唔錯，用醬油亦無用茄汁及強黃咁漏；嶺南牛肉唔錯，牛肉有用少許疏打粉，但夠味亦有口感，亦不負嶺南之名；元蹄就唔夠肥，肥肉只佔3成，但個人覺得呢味菜肥肉要至少六成至好食，怕肥的可以索性唔叫，廋的元蹄味道是差好多。同經理反映，果然佢話而家個個都怕肥，廚房亦自動「減肥」，而下次可以交帶要「正牌」元蹄；條東星斑蓀過左籠，連近骨的肉都全熟，經理的解釋是而家客人怕食半生熟的肉，如交帶可以蒸得適合火候絕無問題，咁我下次識叫啦！炸子雞是全熟，在禽流

係一個好鍾意食雞的朋友帶我們來的，呢度位處中環商業大廈的十二樓，唔係有人帶路都幾難搵得到。原來唔講唔知，呢度係香港咁多間大學舊生會會所飯堂中，最有歷史的一間，原來已經開左五十年有多。三個人來到，先叫了半隻炸子雞同三個午餐，小菜都有幾款選擇，要了紅燒豆腐、糖豆炒牛肉同梅菜蒸肉餅。先來的湯是粉葛赤小豆煲豬肉，真材實料，夠下火；炸子雞係唔錯，皮脆肉嫩，可惜人太少只能叫半隻唔係太夠喉。另同事話鹽焗雞都好正，下次搵多D人來一定要試；三個小菜住家風味，份量亦足夠，因為叫多左半隻炸子雞所以食到好飽。反而最欣賞個梅菜肉餅，幾好味送飯又適合。菜不是任吃，但白飯卻是任裝，但要自己郁手，要去在餐廳的一邊有個大電飯煲處裝飯。呢餐連茶芥埋單二百五十蚊，唔叫炸子雞只每人五十，都算幾經濟。To編者：再加入嶺南會所的洋名「Lingnan Club」。