峰壽司 (已結業)

食左3個手卷, 最好食係吉列炸蝦手卷,隻蝦我食個時仲熱架.

之前行過都好想試,但係實在係太多人,尋晚同個fd去行銅鑼灣,我就實在係好想試,見到價錢都幾平咁,所以就等law,我地6點去攞飛,都等到6點9先有位,真係好多人,我地食左10幾碟壽司and炸野,味道真好味,最正係新鮮,虎蝦正,真係好正,海鰻魚正,蟹柳呀,三文魚,牛舌,碎蔥三文魚醋鯖魚呀,樣樣都正,洽仔湯唔錯,係唯是蝦沙律軍艦唔得之外,樣樣都正哦~咁既價錢,食到手握既迴轉壽司都好抵架嘞,d款又唔錯,真係好正架~

0個次因為板前壽司停業所以先去過一次.只可以話價錢貴未必代表好食.當日去到, 正係壽司店0既衛生檢查高峰期. 竟然有好多新出0既壽司完全無cup 蓋.雖然大家都知呢0的係做比人睇.但係做比人睇都唔做, 好似有點兒那過...0的壽司唔算係難食, 但係以0甘0既價錢, 應該可以再好0的.

星期六同家姐到銅鑼灣添置些秋冬衫,逛街前先醫肚,諗起一路想試的峰壽司,才十二時半,今次應不用等位,去到果然即入坐.帶子,三文魚,蟹柳好大件,但沒有甜味又沒有鮮味.鵝肝壽司又淡,不過$35一碟,都不可要求太高,蛤仔湯就幾好飲.其它食物只屬一般.$190總括,試一次就夠,在味道一般,價錢不是便宜的情況下,下次寧加幾十元去回翔太或今村食個lunch set好了.

星期四lunch time 和同事來吃。12:35 到，剛好有兩個位，好好彩，不用等，good! 壽司帶上的壽司都夠新鮮，另order 的海膽、魚背、火炙三文及tuna 都好好。可惜沒有軟殼蟹手卷。Overall service 都不錯。lunch time 每人$110，就豪一次啦。

d 野好新鮮啦~以銅鑼灣黎講,算抵食啦,d野又新鮮啦,d侍應禮貌又好啦~不過,如果去既話要比預定進食時間早一至兩個鐘頭等位就差唔多勒!

全港咁多間迴轉黎講﹐「峰」係最有水準一間。尤其個魚背﹐肥美豐滿﹐咬下去仲有魚油。尚有其他選澤如火焰tuna, 一樣好吃﹐不過又係上年初開業的事。已有一年多無去,唔知水準能否保持?

之前已經食過幾次峰壽司..但係第一次成家人去食dinner,等左半個鐘到...可以接受...跟住order左好多碟蟹柳,帶子,芝士薯蓉...好滿足..今次特別推介軟殼蟹手卷,即叫即整熱辣辣又脆...好正..

超失望~~!!!!<<峰>>已經差左好多啦~~!!!今次係我第三次去食~~!!!好多壽司都~~無咁新鮮~~~~我最~~愛既燒扇貝~~都有咁鮮甜啦~~!!!

見到食評講到咁好, 生日同男朋友黎試下, 下午四時多, 都要等一陣子. 一入去見到d師父仔己經有d後悔, 不斷講笑, 將d 飯拋黎拋去, 好唔專業. 試左我最鍾意既三文魚, 同玉子~~結論係:都比板前差呀!試埋帶子, ok大, 軟淋, 唔知算唔算好好食.試埋大大條鏝魚, 男朋友認為同板前一樣好食, 入口即溶, 但我就覺得d味好似怪怪地咁. 下次都係食返板前好過.

同老公行過呢道,見佢有位咪試下囉!都唔明點解有人話佢好味架!1.峰蝦--好似有層膠係包住咁!唔掂!2.油甘魚腩--都唔明點解魚腩都有渣架!咬唔開!3.帶子--係就係好大嚿帶子,不過都無鮮味!4.三文魚腩--普通!5.加州卷--係面d蟹子鮮紅色,都唔知咩黎,好難食!6.劍魚腩--都係有渣架!.....好失敗!7.牛舌(壽司)--呢個最唔掂,咬極都咬唔開,都唔明咁都 可以賣比人食架! 佢地唔會試下d品質架 咩! 8.墨魚--普通!9.北寄貝--普通! 其實最難食係d飯,散架!d味好似食緊冷飯咁!都唔明仲有人排隊食,呢個世界真係怪!

只係初初開張幫襯過兩次本來想去cova食tea無位便來這裡推介的是帶子,夠厚肉,幾甜唔係咁推介的是魷魚-身同鬚是分開的,好似唔新鮮三文魚子-都係唔係咁新鮮此外,師傳工作態度唔認真兼唔多禮貌對那些waitress仲有那些諗口黃的日文句子發音極難聽講番廣東話好過!

例牌要等位但唔係好耐!約三十分鐘就有得食了叫左17碟壽司有三文魚,墨魚姿,帶子,軟究軟殼蟹卷,左口魚幾好味,飛魚子軍艦,日式芥末蝦軍艦,蛤仔湯,吞拿魚,赤貝,蟹柳等等帶子(好鮮味好大件),三文魚(抵, 有蔥花洋蔥放面,幾新鮮,但我唔係太喜歡那陣蔥味), 殼蟹卷(賣相好幾好味), 軍艦(咸左少少), 左口魚(幾好味), 蛤仔湯(幾鮮味但喝完會口渴…)服務都幾好…兩個人$263埋單!

上星期六晚去呢度食,去到都七點幾,但係好奇怪見到門口竟然唔係好多人排隊,我地張飛都係61號,平時都應該要派到百幾號,所以唔駛等好耐好快就有位lu其實已經食過幾次,但係我都冇食過蟹柳壽司,不過見好多人都高度評價,咁就當然要試下,果然佢d蟹柳係好好味,完全唔同我地平時食0既蟹柳,冇粉0既感覺,好正呀,另外再叫了帶子,峰蝦,魚背,海膽,三文魚,炸蝦手卷,鹽海螺,葱粒三文魚腩,甜蝦沙律,劍魚腩,其實我幾鐘意食呢度d三文魚壽司,因為佢上面加左d洋葱,真係好香又夠特別,不過呢d濃味0既野唔係人人受到,所以好見仁見智,另外仲有魚背,葱粒三文魚腩係極力推介,真係唔可以唔叫,係超.....好食,而其他款都係好食之選,不過講真我地今次去覺得d魚生0既鮮味不及之前,唔知係咩關係呢,不過總括嚟講我都係會俾笑面0既p.s.我去呢間食壽司係唔會點豉油,而係點檸檬醋,酸酸地好開胃,又唔會太咸,good ar

一d都唔好食,我覺得和花亭比佢好,本應想食炸芝士,但佢d炸野一早炸定放係條帶度, 睇見都唔想食,