峰壽司魚屋

营业中

休息中

今日想食日本野，見唔洗排隊就入去。叫左火焰三文魚壽司，新鮮又燒得好食，不過飯少左啲。到火焰蟹柳壽司，蟹柳鮮甜同樣燒得好食。之後到軟殼蟹手卷，炸得好鬆脆，紫菜總算冇淋ok嘅。但嚟到麵豉湯就係一般味精湯。總算分量不多，但總算滿足。

之前試過係峰壽司食lunch，覺得好抵，今次又帶fd去食，set lunch個menu轉左，我今次叫左set b，自己對油甘魚一向唔食，個fd幫我食左，佢話好甜好爽口，我就食其他壽司。峰壽司有一樣好欣賞既，係每件有生食既壽司，刺身都有小小wasabi，真係好用心我都唔識講，總之呢個價錢，食得飽，食材新鮮，每件壽司都握得好到位，沙律既菜唔污糟好乾淨，沙律汁酸酸地好好味，服務好好，環境好靜好舒服，真係好抵呀！！

今日帶寿司狂熱嘅食朋友仔生日飯，我地唔介意坐吧枱位，所以唔洗排隊。朋友介紹佢最鐘意嘅龍之卷，我第一次食都覺得好好食。上面係鰻魚，食落去入口即溶，中間係炸蝦，炸得剛剛好~ 其餘仲叫左三文魚，炸物同湯。三文魚都算新鮮，不過個蜆湯似乎太重味精，但總算有三隻蜆食吓~

峰壽司芒果千層蛋糕有口感帶有芒果味層次感都做得唔錯細細件 一點都不膩壽司一向都唔錯海膽非常新鮮無腥味 入口滑流三紋魚壽司有好多花款泡菜芝士三紋魚壽司 味道有小小咸平時的三紋魚會較好吃

峰壽司一向都唔錯，水準好穩定。好中意火炙三文魚上面有沙律醬嘅壽司，輕輕炙過，好香，魚油又令到魚身好滑，好中意呀。加埋沙律醬真係好正！！！！不過個抹茶茶大福就有少少失望，結晒冰咁，又硬又無乜味，唉！

上兩次黎食已經覺得尐質素差左~今次都係sushi尐飯一夾就散~用料都差左好多~三文魚腩冇乜味~我食果陣真係懷疑佢係咪腩.....一尐腩應有既口感同味道都冇~只係普通三文魚肉.....失望叫左個五點刺身~尐刺身厚度可以~但係味道就好一般~尐甜蝦仲要好清楚地食到係兩批唔同日子既貨~仲好記得以前食峰既迴轉sushi 既時候~會見到店員張尐放得太耐既收走~以前著重質素既峰壽司係咪已經不復見?對上一次黎飲三文魚面鼓湯都係好好飲既味道~面鼓同三文魚既味道都飲得出~禽晚一飲~不知所謂~飲完會口渴!!!!!wasabi都冇乜甜味~禽晚唯一欣賞係火炙帶子~我以上所講既都係以前覺得好~宜家差左既野~

係荃灣一田行完街，剛好踫到晚飯高峰時間，間間餐廳都多人到爆。剛好見到呢間峰壽司唔駛排隊，所以就入左去食。平時食開元氣壽司，已經食到做會員，而呢間峰壽司真係未食過，所以都有D驚唔好食。但係門口見價錢都唔貴所以即管試下。見到個MENU都幾驚喜，因為有好多平時係香港普通連鎖式壽司店都未見過的壽司種類(起碼同一價格水平的壽司店，都未見過<頭盔MODE> )而且好多比較少有的魚都有得食，所以我地決定試下新野。首先，我地叫左個春之彩6點盛($75):櫻鯛、伊佐木、春池魚、針魚、呼子烏賊、鮟鱇肝三文魚雖然我唔駛分邊隻魚打邊隻魚，但魚肉都算新鮮，味道都鮮甜，而且鮟鱇肝三文魚都算幾少有，因為鮟鱇肝係好稀有。七十幾蚊算係好抵食。之後，都叫左D正常壽司:秋刀魚壽司、赤貝、海瞻軍艦、青蔥吞拿魚腩碎軍艦、三文魚子軍艦其實都係正常水平，因為有其他正野，呢D普通壽司就無咩大感覺。大致上都好味，價錢亦屬正常。當中，秋刀魚壽司水準算是比較突出，好味~ 呢個「一本海鰻魚」真係超超超超超超超超超級大條，而且都好厚肉，完全睇唔到舊飯。而且肉質嫩滑，鰻魚汁亦相當好味。超推介呢個「一本海鰻魚」~~因為之前食懷

刺身拚盤: 帶子鮮甜, 甜蝦一般, 唔算甜, 油甘魚OK, 但唔夠肥美, 三文魚正常炸蝦卷: 以為好油, 點知入面個天婦羅夾埋少少菜又唔漏WOR, 仲幾好食! 三文魚籽SUSHI: 好多三文魚籽, 味道OK

咁尋日...睇完戲...一出戲院就見到依間峰壽司....見好耐無食過又無咩人, 個陣10點, 侍應話10點半last order, 11點關門, 香港地1個鐘食飯本人覺得好正常, 當然無問題, 難得唔洗排隊食到峰記!!峰壽司係本人好鐘意既壽司點, 因為新鮮價錢大眾化款式多又有埋熱食服務又好, 所以成日排長龍係好有道理!是次點左三文魚盛合, 三文魚原來都可以有好多組合, 原來羅辣醬跟三文魚係咁夾既, 味道有點似煙三文魚味但好似三文魚咁清新, 配埋小小蟹子係上面, 所以口感都幾爽口, 三文魚跟沙律醬都唔錯, 而且只係賣$68 我個人覺得好抵食!!!另外我最有驚喜係點左個鵝肝壽司, 上面仲有金薄同蔥絲, 鵝肝本身煎得好甘香, 外脆肉軟, 仲要熱辣辣, 一流。我試過係板前叫鵝肝壽司, 真係嚇親, 難食到想死我以為我叫左件肉餅壽司, 價錢同峰壽司好似差唔多!!!所以我能總括峰壽司用料真係好唔錯!!香港人始終係識食!!我地仲叫左個清酒煮蜆添, 雖然唔係好大隻但係無沙仲幾鮮甜同好香清酒味!!確實唔錯!!!

大時大節，四處都要排隊等開飯，壽司都唔例外！！火炙帶子，鰻魚，三文魚，蟹柳～都非常香口三文魚都尚算肥美其他食物都好新鮮吉列炸蝦卷～新鮮炸出，脆卜卜，好食芝士薯蓉～其實有5粒架！！不過食左！！超級好食，新鮮炸出，熱辣辣，芝士同薯蓉份量啱啱好，芝士味香，但又唔會太多，而覺得膩！就算唔愛好芝士者都覺得好食！！相反燒三文魚鮫就麻麻，冇乜魚香味，而且有d乾，肉質又麻麻！！所以冇影相！！軟殼蟹卷～一般，淋左d！牛我冇食，所以唔知！！不過應該幾香！！整體來說，食物新鮮，滿意！！可能係節日關係！！所以要下次試多次先知！

每次在荃灣吃壽司均會去爭X，今次是少有的去試別的壽司店，原來環境和質素也好好。我們坐玻璃窗旁的臺，望著街道上行人如鯽，樓和樓之間的點點星光，在微黃的燈光下吃著壽司，別有一番情趣。白身盛，吞拿魚，三文魚腩。白身盛很抵吃。而且這店家的選擇很多，亦很合心水。海膽，份量不多，尚算鮮味。帶子三味。尺碼巨型，由其是燒帶子配上醬油，賣相味道一流。火炙三文魚，特大海鰻魚。海鰻魚我最愛，不只夠長，而且很厚身。蝦天婦羅，脆漿厚度啱啱好。

再次來到荃灣行街，大熱天時食壽司就最啱啦。今日揀左荃灣廣場的峰壽司解決我地的午餐。1) 炸吞拿魚飯 - 正常水準，不過不失。2) 蟹柳沙律 - 新鮮蔬菜配上蟹柳，夏天吃總錯不了3) 炸物 - 有3 款。墨魚，蝦和元貝。3 款也不錯，當中以墨魚最好味4) 三文魚壽司 - 三文魚迷見到這個肯定會開心得不得了。峰壽司的三文魚真的很不錯，夠鮮味，吃後令人回味無窮！三文魚配柚子鹽建議最後食，因為十分清新，以此作結就最好不過了

呢日 lunch 無啦啦落大雨, 所以原本諗住去試新餐廳既念頭打消咗!!改成唔會有機會掂到雨水既行程… 就係留響商場…. ToTLunch 時間, 又撞啱落雨, 所以商場間間食店都要等位!!原本打算食越南野, 不過貌似應該都要等一段時間, 所以…最後轉戰日本野~拎咗飛仔之後, 諗住都要等一陣, 點知侍應話其實唔介意既可以坐吧枱…既然吧枱唔使等, 我地亦無咩所謂, 反正都係食個便飯o者..所以就殺上吧枱, 一齊排排坐!!!坐好之後, 第一時間叫野食…佢地個個都揀 lunch set… 但係我就揀咗 menu 入面既『三文魚盛』份量唔多, 一個女人仔係食量啱啱好既, 反正我唔肚餓, 啱晒~因為坐響吧枱, 所以食物係師傅整好親手遞比我既..買相對版!! 新鮮無雪味, 不過唔算肥美…無咩油脂香味~壽司飯唔算好黏, 不過都唔會散, 唔錯~酷愛三文魚既我… 呢個 lunch 好滿足!!!

變成全職媽媽後，與小魔怪出街的時間多了很多，帶著他用餐的時間也多了很多；帶著幼兒，甜魔媽媽盡量多揀西餐或日本餐，少揀中餐 (非常高級的例外)，因為覺得那街坊中菜都有著濃濃的調味、色素及味精! 以前仍在返工時，甜魔媽媽最最最反感兩位老人家帶囝囝去飲茶了，特別是那些特價$3.8的點心，想起都驚驚! 　扯得遠了，總之今週到荃灣廣場買東西，同行的囝囝又睡著了，就來了地方較闊落好坐的峰壽司。雖然囝囝早前在家已吃飽粥仔，但為食豬真的很大食，到媽媽用餐時又會想分享，所以點餐時也要考慮一下他的胃口及需要!所以... 考慮了一會後，甜魔媽媽選了有兩件三文魚、墨魚、蝦、玉子、蟹柳、北寄貝、腐皮的壽司併盤午餐，附上沙律及麵豉湯。其實全部質素都很一般，主要是飯粒生硬、而且部分食材特別是墨魚不太新鮮有腥味... 不過當中的腐皮壽司及玉子壽司都是囝囝至愛，而他也真的及時醒來，OMG!! 當然為食豬一醒來，一份壽司午餐鐵定不夠吃啦，還好這裡的午餐可以加$18選配迷你拉麵／迷你烏冬，當日就點了一份迷你拉麵，是鰹魚湯底，清清的襯以雜菜，比壽司更有質素。而且，為食豬吃拉麵的樣子，真的極端可愛!!!而大概這隻為食豬太可愛，

嘻嘻~ 青蛙同部門的兩位同事,因為在春茗時各中了HK$5,000的現金獎,所以請了青蛙及另一位同事吃午飯!!青蛙選了《峰壽司魚屋》為是次午餐的地點~午飯時間, 人流極少,不用等位就可以直接入座~時間有限, 快捷的選了個午市套餐,再加了一碗烏冬~烏冬先上, 味噌湯底濃度適中,而烏冬亦爽口彈牙~其實青蛙吃了碗烏冬後已有半飽的感覺,當看見食物上桌, 才知道原來壽司份量都不少~青蛙本身不太喜歡有沙律醬的沙律,由於這個沒有沙律醬, 所以都可以吃光光了,因為少少酸挺開胃。壽司食材新鮮, 不過飯則有點鬆散,整體上不過不失。唯青蛙不愛沙律醬,所以其中有沙律醬在食材上面的兩舊壽司,青蛙就給了同事~吃完所有壽司,肚皮已脹,再飲不下餐湯...果然是眼闊肚窄呀!!