影片
以上资料只供参考，请与餐厅确认详情
嚟度鸭脷洲，真系要周围行吓，因为我自己个人本身唔系成日都会去港岛南湾𠮶边，今次嚟度就一定把握时间，尽量周围行吓、睇吓、揾吓有咩好嘢食先。西邨街市入面嘅店舖琳琅满目，有卖杂货嘅店舖，又有卖饮品及熟食嘅店舖，场内冷气够哂凉爽，就算而家踏入夏季暑假阶段，天气非常炎热，嚟呢度食午餐或晚餐都唔会觉得辛苦。西邨街市都有岱民嘅分店，不过唔系喺街市入面，系喺街市外面嘅舖位，因为岱民系专做外卖饭盒，只有个别分店会提供堂食服务。我目测睇到，岱民西邨店都有唔少嘅小菜款式，有炸翼、煎肉饼、炒滑蛋(系真正滑蛋)，炒菜、炆猪腩肉、蒸鱼等等。两𩠌饭$25，3𩠌饭$30，净两𩠌$35，惠顾小菜饭可另外加钱换购各式饮品或例汤。
继续阅读