影片
某日嘅晏昼接近6点左右去咗康盛嘅岱民帮衬，当我准备行入店内，间店舖非常干净整洁，一眼望去厨房入面，个厨房真系非常干净，简直好似屋企嘅厨房一样，完全唔似系一间食店🤣。我再睇吓啲𩠌，真系好多，又系有接近30款左右嘅小菜款式，而且有部份小菜系喺其他嘅岱民分店系未有出现过，例如金蒜猪扒、一字骨、粟米条、萝卜牛腩、西芹鸡柳、冬瓜炆火腩等(呢啲小菜的确系喺其他嘅岱民分店好少好少出现)。我当日买咗个3𩠌饭，要咗萝卜牛腩+金蒜猪扒+凉瓜炒猪腩片配白饭，𩠌嘅份量非常之多，好大盒！食材水准全属中上水平，白饭软硬适中，3款小菜嘅味道相当对办，而且冇咁油腻，呢吓真系几理想。
继续阅读