山頭火 (iSQUARE國際廣場)

营业中

休息中

前排經過iSquare有啲圖案之後就求其入咗間拉麵舖食野，貴就唔算貴但係又唔係好平，around$100一碗左右啦，但味道來講我覺得呢一間算係好味過一啲開係中環嘅拉麵舖叫咗一個辣同一個普通嘅鹽味拉麵，兩個拉麵都好好味，分唔到邊一個先係我嘅最愛辣味夠香口但又唔算太辣，鹽就比較舒服唔似係味精味麵條方面我覺得都做得唔錯，可以落單之前同職員講要面條嘅軟硬度，如果唔係嘅話就係比預設左嘅硬度，我都係後尾先知，一個預設嘅硬度已經覺得好夠，唔會太軟亦都唔會太硬，有少少口感，幾彈牙

同朋友喺附近收工，等夜晚睇戲，就去咗呢間餐廳食拉麵。五點幾，完全冇人，原本仲以為佢落場未開門，原來真係冇客人。店員好有禮貌咁招待我哋入去。有得就咁嗌拉麵，飯，或者一啲定食，定食通常都係一碗拉麵配一個配菜，但有d得意嘅係有啲定食係一碗拉麵配一種飯，其實就係一個好迷你得三四啖嘅飯配一個配菜。我就帶咗麵豉湯拉麵配炸雞飯，炸雞新鮮炸起，外脆內滑，有個小小酸嘅汁，係高質嘅。但係可能因為個人口味關係，個拉麵就唔係好啱我。首先個湯係好稀嘅湯底，我個人比較鍾意有少少杰，漿住個口嗰啲湯。另外我都係比較鍾意普通豬骨湯底，呢個麵豉湯有啲過鹹，麵質都較林，整體都非常之普通，唯一可以讚嘅就係個湯非常非常非常非常非常非常非常非常熱。仲要唔包嘢飲嘅。個麵有得揀唔同嘅size，有大中細，我呢個係大嘅，成個餐$150左右，係食得非常飽嘅，但呢個價錢，我會想喺其他地方食好食啲嘅拉麵。

店內拉麵有四款湯底選擇，分別有醬油、鹽味、麵豉及辛辣，另外份量有大、中、細三個選擇的。今次吃的是鹽味拉麵加吞拿魚壽司定食。吞拿魚壽司新鮮美味。而主角鹽味拉麵是我吃過其中三款中最好味的一款拉麵(醬油、鹽味及麵豉)，不過那個叉燒本人覺得肥肉頗為多了些。而價格方面不算大貴，在尖沙咀區吃一個拉麵加壽司定食，收費約HKD$196 左右(連加一服務費)來説不算大貴。而份量方面一個成年男人吃這個定食也會感覺很飽。

由濃郁甘醇的豚骨湯火為基底，加入白蔥清爽提味，灑上些金黃蔥酥，撲鼻而來的香氣四溢，使用燒烤過的糯米椒提味出微辣辛香的口感，獨特的風味認人印象深刻，身為山頭火拉麵的粉絲怎麼能錯過這道經典組合的拉麵呢！

not bad find amongst all the other restaurants on the same level. Ordered the salmon combo set that comes with ramen & a salmon rice bowl. The shio soup base is tasty, not overly salty. The seafood ramen is also delicious, we asked for no salmon & they gave many more mussels as replacement for salmon. Service is good as well

想食日本嘢，行下行下又望見呢間，望入去都幾好坐，入去試下先，打開餐牌，見佢大多以拉麵為主既套餐，甘就叫左個刺身拉麵套餐。我㨂左個S 細size✌️✌️套餐—吞拿魚刺身➕豚肉拉麵➕溫泉蛋🤗———————————————————-吞拿魚刺身———食落都新鮮👌小食溫泉蛋———味道都👌豚肉拉麵———我揀左辣味，（但完全吳覺得係食更辣😂）有豚肉，竹筍，木耳，蔥絲，味道都👌———————————————————-呢度既拉麵大細有得選擇，可以根據自己食既份量去揀大L中M細S真係好，細食既吳使食吳哂浪費，吳夠飽果D可以揀個大既食👍———————————————————-佢呢度隻匙羹個設計幾特別，食麵既時候可以扣住隻碗，吳會阻住自己食，又吳會扇左落個湯入面，（有圖）———————————————————-坐位都坐得幾舒服😊服務都算幾好，吳錯☺️

整體食物質素很好，但湯比較鹹，建議店舖應改良，為健康着想應減少鹽的份量，因我和朋友揀選了不同的拉麵，統一答案都是湯太鹹。壽司飯則非常有咬感，炸物亦非常新鮮鬆脆，本人10分欣賞炸魚及煎餃子，絕對不會感覺炸物太油膩，熱度適中，不會感覺是一早已經是炸好的食物，服務態度亦不錯，落單快，食物送來時間亦快，在尖沙咀睇戲前的最佳選擇。店舖位置非常好，裝修佈置亦有身處日本的小店感覺，座位不算太多，如果三五知己去到，又想有私人空間的話，就最好選擇近門口左手邊的位置，感覺沒有壓迫感，又有私人空間，該位置又比較闊落，是整間鋪頭坐得最舒服的位置。

一個人嘅晚餐，唔想食快餐，食拉麵係唔錯嘅選擇，又快又唔洗等位😁一睇Menu見到有沾面就即刻揀咗，仲加咗個咖喱牛肉薯餅試一試佢～咖喱牛肉薯餅炸得好鬆脆熱辣辣，加埋嗰醬都幾好食👍🏻沾麵湯裏面有隻流心蛋，仲有幾塊肉同我最愛嘅筍👍🏻，但就略嫌個湯鹹少少水少少，差左啲掛麵嘅效果..大食女仔表示下次可以試試下其他嘢，畀多次機會你😬

係尖沙咀行街行到夜左，咁岩係isquare, 就睇下有d 咩好食。 見呢間野唔係好多人，就試下。唔洗等位，一入到去，個裝修都算ok咁就睇睇個menu 有咩食先主要都係麵食，我地分別選擇左醬油沾汁麵 同埋煎餃子定食（s)等左唔係好耐，我地叫既野食好快就黎左醬油沾汁麵食法係夾一小撮麵落湯到浸，浸完後食落暖暖地，咸味就岩岩好，啲麵煙煙韌韌，幾好咬口。另外呢個煎餃子定食有麵之餘，仲有個飯，對男仔黎講都算飽肚，煎餃煎到岩岩好，幾香幾脆，唯獨係個麵湯太咸。

今日經過呢個商場, 行咗幾間食肆都唔知去邊間食好,  因為太多選擇, 結果揀咗呢間日本野, 大概中午時段店內都唔算多人, 都只係得六成入座, 午巿而家有新套餐, 不過就唔包飲品, 拉麵餐有刺身或壽司配, 賣相都算不錯, 而且出菜時間都好快三式刺身配拉麵 - 刺身好新鮮, 拉麵湯底都好濃, 拉麵爽口帆立貝三文魚壽司配拉麵 - 壽司飯好軟熟, 刺身新鮮, 呢碗湯底係麵豉底, 味道不錯總結 : 而家有套餐推出係好事, 可以有多啲選擇, 不過如果包埋飲品茶或咖啡會更好

呢個炸雞拉麵， 一眼睇落去以為唔算好熱，但一飲個湯就發現原來溫度都好夠。 個拉麵咬落去唔會覺得太“林”，都好彈牙，好有咬口。 反而個配菜木耳就煮得太過林，可以爽脆番少少就好啦。 豬肉咬落去有層次感，有好多肉汁，好入味。炸雞味道都唔錯。當日係週未晚上，人唔算好多，坐得都舒服。

2018/04/18 AhBwui18:40 入場，並沒有太多人，服務生的態度非常好，有別於大多數的香港餐廳服務生。點完餐點後餐點很快便上齊AhBwui點了三文魚籽飯定食豉油湯底（中）$122，Beauty點了壽司四件定食鹽味湯底（小）$120。食物整體評價不錯，能以一份的價格吃到兩樣餐點實屬不錯！三文魚籽飯AhBwui表示：份量較小，三文魚籽應為真的三文魚籽，很夠味道，很喜歡！豉油湯底拉麵（中）AhBwui表示：湯底較清，應該沒有加味精；叉燒軟硬適中，味道不錯；麵體一般壽司四件壽司不夠厚，但夠新鮮，沒有腥味（綠芥末很嗆，兩個人都嗆到😂）鹽味湯底拉麵（小）Beauty表示：湯味道不算特別，但不錯喝；叉燒一樣軟硬適中，夠入味；麵體較無口感，綿綿的，也不錯

在isquare睇完戲，可以我們找了餐廳吃個豐富晚餐，太太想吃日本菜，新城市廣場消失了很久的山頭火。雖然已經九時多，但是也還是那麼多人！我們叫了一個M Size 的餐，有飯、有麵，我選擇了麵豉湯底的。先講一下魚生飯，雖然已經是M Size，但是魚生飯大約是我的拳頭咁上下...份量很小，三文魚也只有幾片，唯一可取的是有幾片玉子，吃起來甜甜的！麵豉湯底的麵味道一般，份量也是很少，好像幾啖就已經吃完，湯也是很油的，不建議飲湯。麵的質感比較粗，口感不太好，我比較喜歡幼身的。大約要$150左右，不太化算囉...

啱啱睇完場戲成夜晚十點，四圍舖頭都閂晒門，就哩間山頭火未閂，門面睇落又唔錯，就入咗去食喇。入到去睇下餐牌，都百幾蚊個餐，有碗飯仔同麵，心諗應該唔會太細，食得飽嘅，點知原來飯細麵都唔大😂😂😂飯就係一個飯團咁大，麵就大少少，加埋等於兩個飯團咁上下😂百幾蚊唔算好貴，但比想像差咗少少，不過好在食落又唔差，醬油麵味道正宗，三文魚飯嘅刺身份量都唔少，值返係到，但如果個麵真係可以大少少就好啦😂😂😂

繼續係呢個商場食，搵左呢一間。點解？無架，純粹一路寫落去，話明要試曬全部食店（希望得啦）嗌左2個套餐，咁佢有分S M L 既咁我同友人都嗌左M 有4種味道簡，我就食鹽味，試完之後勸大家一句唔好簡，純咸味無特別。本人係拉麵控，呢碗麵就不合格其實，個套餐有半隻熟蛋同炸雞。熟蛋已經無誠意，炸雞都一般 連元x 都好食過佢。價錢仲要12x 性價比差而友人就嗌左麵豉，味道好d不過都差不多，以小食就配左炸蟹肉牛薯餅，友人表示幾特別不錯既。總結，不可一不可再，可能呢個係得翻一間既原因