山頭火 (iSQUARE國際廣場)

营业中

休息中

拉麵麵底仲未淥夠（條麵係曲，唔係攣㗎）就上枱，湯底無煙出，唔夠熱，呑拿魚飯都ok，夠鮮，但最後畀咗錢，睇番張單先發現有一項收費叫「手寫單」，但由頭到尾都無講有其他落單方法，莫名奇妙🙄

這間過江龍日式拉麵🍜店,分店偏部世界各地，當年前係鰂魚涌吉之島開店，風靡萬千拉麵迷，日日排長龍，閑閑哋等一、兩粒鐘，當中更不乏日本人。他的湯頭真係做得很好，不論是他最引以為傲嘅豬骨湯底，一或是他的淡魚湯底配赤麵豉實在係高水準之作。而且煮麵條嘅軟硬度亦拿捏得恰當。可能客人太多啦，工作壓力過大，店員服務態度欠佳，一般黑口黑面，叫都唔應，所以已經有幾年沒有幫襯了。最近發現佢原來搬咗嚟尖沙咀I square, 就入嚟探一探，看看有沒有改變！鹽味拉麵（細）最欣賞有得揀size 大、中、小，適合唔同嘅胃口。熱騰騰豬骨湯底，濃稠白豬骨香味濃郁，麵條煮得軟硬適中，配上半肥瘦日式叉燒、小木耳、春筍最後灑上蔥花和白芝麻，香氣撲鼻⋯⋯煎餃子🥟這家的日式煎餃子也是一流，皮薄喊靚，超級好味😋咖喱飯定食日式咖喱🍛其實味道也可以的，但當然不及拉麵的風頭啦。拉麵味道依舊！👍🏻，可態度也依舊！🤣

第一次嚟食呢間野，碗麵味道不予置評就算，態度仲。是咁的，我嗌左碗 醬油沾麵，一嚟就到我就發現我碗湯有條好長嘅頭髮，我都撩咗一陣先撩到出嚟咁當然我即刻向店員反映，但換來嘅係，佢話佢啲店員全部都係包住啲頭髮，同埋無人係咁長～姐係質疑我放條頭髮落去啦☺️～（佢仲要拎住條頭髮過嚟，眼神同表情已知）佢最後係有換碗新俾我嘅但 真心 儘管睇戲夜咗，寧缺勿濫去食呢間野

第一次到尖沙咀這間試食，已經冇招呼，唔緊要，叫你事旦坐，但準備坐時又話叫坐第二張，點餐、結帳店員都表現完全不耐煩，態度不友善，我不是需要殷勤服務，起碼是尊重來光臨食客，我相信一般禮貌態度應該唔難做到，おもてなし是日本餐廳的態度，到香港開分店也不是期望日本水平，但可惜茶餐廳、快餐店店員都比佢好，我是15/8晚上去的，若果餐廳店長有機會看到，希望能正視問題，店舖並不只靠食物留住客人的，服務也同樣重要，謝謝

睇完戲，所有地方都收10點😂急急腳係商場食就算🙃見到依間有少少人氣😍甘就好啦😇上菜超快，落完單，5分鐘左右就到😌，完全快餐既時間.沾麵麵質粗身，較濃味，但唔算係偏鹹😌但啲肉就較碎😅肥肉較多，仲有流心蛋一粒😍，整體黎講唔算十分差.定食炸豬扒飯加一碗拉麵🍜但無流心蛋，好似少左個靈魂甘🥲個拉麵質素麻麻地，係幼麵😌，個湯底較清😂唔算十分好，快餐質素😂但個豬扒岩岩炸起，都好食既😂

🍽 Spicy Miso (Spicy Soybean Paste) Pork Soup (medium size)💰 HK$78 (lunch, 10% service charge)Today's rainy weather made me craving for some ramen.⛈️ We went to HOKKAIDO RAMEN SANTOUKA in iSQUARE. They have three sizes for you to pick (S/M/L). I ordered M size but the portion was quite big that I couldn't finish it. 😅 I enjoy their spicy, rich and creamy broth soup with springy and frizzy ramen. However I wish we can customize the spice level ourselves.

6點就到場搵食，睇咗幾間都唔啱心水，行行下望到呢間食拉麵……門口D食物模型又幾吸引😂，於是就入去一試究竟……🤨最後都冇失望呀～👍店舖唔算大，但服務幾好，侍應將筷子浸落熱水杯比我哋，至少感覺上衞生😄拉麵🍜/定食🍱都有分大、中、細三個份量，好適合不同食量嘅朋友或者小朋友……👩‍👧‍👦我哋叫咗西班牙伊比利亞豬🐖頸肉鹽味拉麵(細)，豬頸肉夠晒淋，好好味。仲叫咗個鰻魚定食(大)，份量足夠2個人食😁

是晚興起想食拉麵，男友提議去海港城一幻食，點知去到排曬長龍！於是我地退而求其次，去咗Isquare睇吓有咩嘢啱食。嗰度六、七樓都有啲唔錯嘅餐廳，唔算十分之多人。見到「山頭火」個招牌，諗起好多年前都喺沙田新城市七樓幫襯過。當年佢地走高檔日本料理路線，亦都覺得佢地嘅嘢係幾得嘅。點知幾年後就執咗。揭開餐牌望吓有咩食先，睇到有鹽味拉麵、麵豉拉麵、壽司八貫、亦有吉列豬扒等選擇，種類唔算太多。題外話：拉麵有大中小size揀，細食嘅女士或小朋友可以揀小size，咁就唔駛擔心食唔曬而浪費食物啦。最後男友點咗推介嘅鹽味拉麵，我就求其點咗個燒三文魚飯。等緊食物嚟嘅時候，服務員奉上兩杯凍水，同埋用熱水浸住餐具俾我地。只可惜冇熱茶供應。男友嘅拉麵送到，原來連半隻溏心蛋裝飾吓都冇，有啲失望。想食溏心蛋只可以追加$18啦！湯底都幾creamy唔算太油，可以接受。另外，我點嘅燒三文魚飯，只得三文魚碎再加熱飯，而且份量少得驚人，索價$56，O咗咀！只能慨嘆一句，現今生意真難做！

今次試左呢個小食 薯餅combo ($40) 有2款 一款係蟹肉忌廉薯餅，一款係咖喱薯餅。2款都係即叫即炸，外脆內軟，皮薄饀靚。蟹肉忌廉好creamy，忌廉味濃，但較少蟹味。咖喱味濃，亦有食到粒粒蔬菜😋性價比高

聽朋友說山頭火在北海道旭川是一間很有名氣的拉麵店，今日慕名而來，一嘗滋味，我叫了一份吉列豬扒定食$120，即炸嘅豬扒熱辣辣，非常鬆脆可口，很美味，定食包括一碗白飯及辛辣味蔬菜拉麵，微辣而香濃嘅豬骨湯配木耳絲及竹筍提升了層次感，麵質軟硬適中非常煙靭

是日去完新的日式超巿朝聖係時候打算下晚餐心血來潮好想食拉麵諗緊邊度好上星期食了霸瑪又唔太想食豚王就諗起呢間山頭火印象中以前在沙田分店好不錯的最特別係拉麵同定食都有SIZE 揀如果唔太肚餓呢揀S SIZE就啱晒我揀左正常M SIZE刺身定食(配辣味拉麵)加一個鹽味拉麵( M SIZE)刺身有帶子,蝦,三文魚OK新鮮唔會好HEA果隻辣味湯底都正常唔會過辣或者過油算惹味的我都忍唔住飲左幾啖呀鹽味拉麵相對無咁重口味我就偏好辣味湯底多DDM SIZE 份剛剛好兩個人食SHARE一個定食加個拉麵PERFECT~雖然價錢比以前貴左但CP值仍然高下次可以試埋餃子

在Isquare睇完夜場就直接落一層覓食得返一兩間鋪頭仲有開當時係門口睇嘅關門時間 兩位店員非常有禮貌地向我地打招呼問咗閂門時間仲有一小時就決定入去食啦～點咗一客刺身拉麵套餐以及三文魚刺身飯拉麵套裝湯底揀了鹽味非常有趣地拉麵係可以揀size😳咁細食嘅朋友仔就唔怕食唔曬做大嘥鬼啦刺身相當新鮮 但比嘅份有啲少切得稍微薄咗啲 但味道搭救三文魚有三文魚腩嘅肥美感覺😋刺身套餐嘅刺身就有八爪魚 三文魚 帶子 一啲海帶同生菜仲有半隻熟蝦（真係得半隻 打橫切咗一半）兩個餐都有跟半隻蛋鹽味拉麵底都幾好味細size份量對我剛剛好加埋刺身啱啱飽肚又唔食嘥野

本人都幾鐘意食山頭火拉麵， 尤其是鹽味拉麵，湯底有少少甜味，算係佢嘅招牌味道。第二度的而且確係食唔到。拉麵有分大中細嘅size，中嘅就係平時其他舖所食嘅size。呢度同依家其他舖冇得麵嘅粗度，同埋湯嘅濃度，或者醬油嘅濃度。我由佢喺太古Aeon食到佢搬走，到尖沙咀。食過一蘭，豚王或其他過江龍，我都會食佢，因為對佢有感情。自從肺炎爆發，我對清潔特別要求高。從店員送拉麵送上抬開始，我發現店員嘅手指點到麵，到送我追加嘅蛋送上嚟，佢五瓜金龍咁拎嚟，我見到手指點到隻蛋，重有烏蠅飛落隻蛋度，買六合彩又唔見佢咁好彩！我為求快啲食完，所以食曬先影相，只有湯畀大家睇！

Weekend，和媽媽來iSquare逛街，到點找地方吃吃午餐，發現山頭火，源自北海道旭川的拉麵店，我自小喜歡吃麵，就進店試試！午市供應定食套餐，選擇多，拉麵可搭配不同組合：日式煎餃、壽司、蓋飯，各式其式！靈活！拉麵可選大、中、小，中份比小份多1/3，貴12元，大份又比中份多1/3，再貴12元，客人可以按需要點單，減少浪費！不是多付12元的問題！而是應該珍惜食物，避免浪費！我點了小份辛辣湯拉麵配吞拿魚壽司，２樣都好味！我喜歡！幫媽媽點了小份醬油湯拉麵配三文魚蓋飯，她表示滿意！

今晚同女朋友諗住食咩之際🤔，就提起不如去isquare 搵嘢食🍽，結果喺六樓發現到呢間拉麵舖🍜，見到門面幾吸引就走咗入去 ，睇返個餐牌原來佢有三個size揀嘅🥣我就揀咗大嘅size🤷‍♂️，因為我比較大食，我揀咗呢個辣味麵豉湯底嘅拉麵拼吉列豬扒，而我女朋友就揀咗沾麵🍲另外加咗兩個牛肉薯餅，黎都既時候睇到個麵份量都幾大，加埋塊吉列豬扒🍘而且有個細細哋嘅飯🍚， 絕對可以滿足一個肥仔嘅食量，整體所有嘢都唔錯 炸豬扒同埋個薯餅都好鬆化，味道都ok 雖然唔係話超好食嗰隻但係都過得去嘅