山頭火 (已結業)

本來一心想吃豬頸肉拉麵，但發現迷你牛油帶子飯配細叉燒湯拉麵的組合很吸引，於是改變初衷。拉麵餐要過百元，但這個餐有飯、麵，再加半隻鹵蛋，只售$86,就像出奇蛋，一次滿足三個願望。牛油帶子味道不錯，但汁似乎少了一點。拉麵麵豉湯底，湯底香濃夠熱、超新鮮日本蔥、少許筍，最驚喜是有幾片雲耳，有新意、夠健康，顏色配搭也特別。久不久惠顧，水準及服務都能保持，讚！

復活節假期晚上8點15分吉之島食肆仍然有很長既人龍，排左山頭火因為好似無咁多人，排緊隊已經睇餐牌同點菜，款式不是很多，等左20分鐘有位。2個人叫左個刺身加拉麵定食（加麺）、咖喱飯加拉麪定食、餃子、野菜。加麺（中）要加10元，但其實好似無乜大分別。拉麺既湯有4種味道選擇，我地選左麪鼔湯底，看見厚厚一層油在拉麪，總體比較油膩。餃子鼓油比較鹹，野菜$15量比較少。都係日本飯比較好食。

10月27日, 喺吉之島云云眾多嘅日本野之中, 專門食拉麵嘅就竟然只有呢間. 食過幾多次嘅我地都對呢間拉麵幾有信心, 所以今晚我地想食拉麵都揀番呢度~ 由於不設攞飛仔, 門口d圓櫈係俾人排隊坐嘅, 我地前面有6-7人, 等咗15分鐘就有得入~::: 麵豉拉麵 + 咖哩飯 ::: $78麵豉拉麵雖然得細細碗, 但係觀乎佢濃濃嘅湯底其實呢個size反而啱啱好唔會太膩~ 拉麵配料雖然數量係少d, 但絕對係樣樣齊! 叉燒略嫌偏瘦但啱晒怕肥嘅呀菲! 其他魚蛋呀冬荀呀雲耳同蔥粒可以話係不過不失.咖哩飯就真係齋咖哩汁同飯, 喺咖哩入面勉強都話可以搵到d洋蔥蘿蔔粒咁嘅… 雖然無料, 但咖哩夠香濃杰身, 偷件炸雞點咖哩食更惹味!::: 辣味麵豉拉麵 + 炸雞飯 ::: $93辣味麵豉拉麵除咗濃濃嘅麵豉味, 仲增添咗少少嘅辣香~ 呢個辣味完全係唔食得辣嘅人都可以食到, 感覺仲比普通麵豉拉麵冇咁油, 可能辣味遮蓋咗層油膩感~ 配料嘅叉燒有dd瘦, 肉地少少韌, 而魚蛋冬荀就係普通貨, 中規中矩. 嗰隻烚蛋好乾, 不過浸咗喺湯底一陣再度食就唔錯.炸雞即叫即炸, 上枱仲熱辣辣, 香氣撲鼻~ 味道香口惹味, 亦都

經常弄不清這店的名字，常常把它讀成「火山頭」 猶記得它開業初期，無論是平日或假期，門外總有大堆人潮，也因如此一直沒有幫襯。不經不覺事隔數年，今晚經過人龍已不復勇，雖然還是需要排隊，但約二十分鐘便能入座。侍應姐姐會在你等位時奉上餐牌，並先替客人落單，節省用膳的時間。既然這店以拉麵聞名，當然不能錯過，貪吃的我又想多試幾款，最後便點了迷你鹽味拉麵，牛油帶子飯，另加一客粟米。食物不消一會便送到，拉麵看來的確袖珍，但吃落又感到飽肚，它的湯底洋溢濃郁的豬骨香，雖然浮著一層薄薄的油，但又沒之前食家所說之膩不堪言。麵條是直身和偏幼，煮得軟硬適中，沾著惹味湯底同吃，很是過癮。配料包括木耳、魚蛋、蔥花、荀，還有一件五花腩，肥的位置佔大比數，切得很薄不算入味，放進口中很快便溶掉。我把另叫我粟米混入拉麵中，可能是添加牛油的關係，味道更為香厚，粟米很是清甜，正！牛油帶子飯是細細碗的，盛著三隻超「的骰」帶子和一些紫菜絲。帶子新鮮沒有雪味，煮製後煙煙韌韌，但不是刺身或蒸的質地，我覺得一般而已。白飯過腍而非粒粒份明的上品，醬汁是豉油香但沒有牛油的蹤影。另一細碟上是半邊全熟雞蛋，而不是溏心的，煮得不夠入味，沒有心思。友

久未再試, 發覺加了一, 吃麵15分鐘內毫無服務可言, 可以不給加一的服務費嗎? 或許最低工資影響, 到那裡工作都是一樣, 員工態度差已不是新鮮事.是日叫了一個辣味麵豉湯底拉麵, 埋單$63加一$6.3。味道比以前差了很多, 完全無辣味, 麵豉湯底勁咸, 味精惹的禍?????最差是那塊肉, 完全沒有肉味, 轉了批發商嗎? 總括來說除了賣相, 食物質數$70埋單完全不值

位於康怡吉之島內的山頭火，店外總是有一堆人龍，是日趁時間尚問早，未見人龍，又來一吃拉麵。晚上7時左右，店內有約9成人，山頭火已吃過多次，一向不錯。店內供應多款拉麵及日式飯，亦有套餐供應，套餐一般跟細拉麵及迷你飯／小食。2人Order:鹽味拉麵加大硬麵走青走油 $70熟三文魚飯伴迷你辣味噌拉麵，走青走油 $80煎餃子 $38溫野菜 $12溫野菜有椰菜、紅蘿蔔、芽菜，各蔬菜也新鮮。雖只用上滾水淥野菜，味淡，但比一般的炒野菜健康，亦為野菜保留更多營養價值。份量不多，只有一小碟。由於是溫野菜的關係，用來送飯的話略嫌溫溫呑呑；但用來當拉麵加餸的話就剛好，可以將菜放湯內加熱。熟三文魚飯只用上熟三文魚蓉、非熟三文魚塊，有點失望；而日本米軟硬適中亦富黏性，加上紫菜絲，少量芽菜以及飯素。由於熟三文魚本身味淡、份量亦不多，可幸配上飯素後，整碗飯變得不再單調。迷你辣味噌拉麵(走青走油)小妹鍾意食辣，而山頭火的只屬於微辣 (因為本身男友唔太食得辣，但都食得到唔覺得太辣)，麵條非坊間各林立的名氣日本拉麵店所用的超幼身博多拉麵，其麵條屬中等粗幼度、富有咬感，而麵的掛湯力不錯，除能掛湯外、亦見有紅辣椒粉粒掛於麵上。

開業幾年, 只係食過1次... 今日11點幾路過見冇咩人排隊, 決定再試...山頭火特制叉燒飯定食--Honey揀咗豉油湯底, 湯底都幾好味, D麵唔淋硬硬地, 個叉燒飯一般啦, 隻滷水蛋就唔多入味...燒餃子定食--我揀咗麵豉湯底, 太濃味, 下次都係揀豉油湯底好D... 餃子一般啦...到咗12點正門口已經坐滿排隊嘅人...價錢同3年前相約, 幾年前覺得佢又貴又唔好食, 幾年後物價飛漲, 而且味道改良咗, 所以今日又覺得佢物有所值... 難怪幾時都咁多人係門口排隊...

再一次食呢間拉麵, 不過唔係好肚餓~所以唔敢叫太多~只係一人一個拉麵就算~我地點了:1)鹽味拉麵: 叉燒有舊本肥瘦, 超好味~但有一舊好超韌, 拉麵都爽口, 彈牙~2)面豉拉麵: 同樣~叉燒質素都係麻麻地…之前黎食, 覺得佢d麵好好味, 個湯又好好味~不過今次黎, 覺得好似退步左…特別係個湯底, 食完個麵覺得好口乾..好似味精湯一樣…所以下次都未必再食佢lu…

一心諗住試食, 由於食完要返工,所以叫外賣.我叫左個壽司定食$98-, 有帶子同三文魚各兩件+一碗細拉面. 落單時佢地都好細心問湯要唔要分開裝? 返屋企會否離呢度遠 (唔知咩原因, 好似同d壽司有關), 到俾錢時要$102-, 我問點解, 原來每個盒要$2- (但佢無講,如果唔係堂食仲好,有水飲)到拎左外賣後, 我到附近搵位食, 食食下發覺無左半隻蛋, 咁咪食完行返過去問下,原來佢話外賣的話,我唔問就唔俾,但佢乜都無講,好似老馮咁,我一定唔要.其實d 野食,我覺得唔差架!! 只係d人服務唔點囉!! (真係走去吉吉島自己買壽司無咁嬲)一定唔會再幫襯

與這位同事都相處左6年多, 亦可以話係我飯友多d, 不過過多幾日佢就要走真係有少少唔捨得, 真係有少少少少咁多, 費時佢睇到以為自己份量好重成日都係東大街搵食, 即興叫佢陪我去康山既山頭火點知佢又應約, 2條友坐言起行沖呀.....我叫左個麵豉拉麵, 食友同事就叫左個辛辣麵+咖哩飯.我既拉麵麵豉湯很濃郁美味, 配上甘香既半肥又燒簡宜我至愛, 拉麵偏硬少少就岩晒我味, 每條麵條都沾上濃郁既湯底簡直人間美食..至於食友同事既咖哩飯佢就話ok, 咖哩都係超市買到磚頭貨式, 反而佢話個辛辣麵個湯雖然紅卜卜有點嚇人但亦唔係睇樣咁辣, 相當醒胃.其實食物不在乎價值, 食野都係要講下對手, 雖然食友同事即將離開公司, 幸好新公司與我都好近大把機會再一起食過午飯.

到過此餐廳好幾次,每次也點豬頸肉拉麵, 因為真的很正,雖然吃過後會很濟和飽, 但也沒減退我對它的熱愛.原因:麵質爽口彈牙,湯底濃厚,再加上幼嫩的豬頸肉,真的很好吃,另外, 它的配料極其豐富,比一般拉麵多.此拉麵要$100,而在香港$100以上的拉麵較少, 多是$100以下, 雖然我本人亦覺得有點貴,但我也認為是值的啊!

去吉之島買野, 食埋dinner. 見到山頭火唔使等位, 即刻入! 星期四果然係quiet些. 麵豉拉麵+壽司set麵豉拉麵湯底很好味,我鍾意佢夠咸. 睇上去好似比較細碗, 但食完都夠飽喎壽司就一般貨色啦,不過都新鮮既本來想去附近食個crepe做dessert, 點知執左!

去山頭火都係想食沾麵面以前食有一壷烏龍茶俾便你加入食完的湯度 令到個湯既味道好正 囗裡面沾麵的味道會變得冇咁濃 而且隨茶味化開 可以話係冇得彈但唔知係咪為咗cut cost portion細咗唔緊要 仲要開到聲問都冇茶 好失望唔去lu

近日經常出沒太古一帶，上上個周日想吃好一點，而且時間尚早，山頭火未有人等位，所以便去幫襯。點了一個SET，有叉燒拉麵 & 蟹子飯。個拉麵味道OK，偏油，不算特別出色，或許是近年拉麵店愈開愈多，大家都吃得更腌尖了。反而個蟹子飯非常好味，咸香的蟹子，加蛋絲，加白飯，妹仔大過主人婆。整體可以，但又未去到真係超好... 特別是地方淺窄，稍嘈吵 (可能周日較多小朋友)，坐得唔舒服...若果平日要排隊的話便不值了。

舊年拉麵風未吹到今時今日有點失控的地涉時, 山頭火乃港島東長龍店。估唔到今日好景不再, 晚飯時份也可以自由進出,等位 … No Way! 坐低望下左右隔離的食客食乜? 原來以套餐為主 套餐平均索價八十多元, 而齋一碗拉麵也叫六十多元, 消費者當然十分精明地選擇前者。 選了兩份套餐, 分別為咖喱飯和三文魚飯, 配一碗袖珍版麵豉拉麵 奇怪地將套餐分開上, 先上場是兩碗熱辣辣拉麵 先呷一口湯, 豬骨湯的香味濃郁, 真材實料。 但味道比較咸而且非常之油膩, 就算出盡渾身解數, 亦不能將油消滅之。配料有蔥花, 荀, 木耳, 日本魚蛋同埋一片五花腩, 叫得五花腩, 當然是一層肥一層瘦, 但是甘香的肥位佔大比數, 唔想增磅還是小食多滋味。 主角拉麵都未講, 麵身比較粗身, 但條條彈牙有蛋香, 掛上肥湯….好味 雖說是袖珍版 , 但份量也挺足夠。 咖喱飯 : 日本甜咖喱無疑是開粉貨色; 濃稠之餘有點糊口, 珍珠米是我心頭好, 就算齋白飯一碗也無難度。 三文魚飯: 正確是三文魚鬆, 即係日式超市買到的樽裝魚鬆, 加上紫菜絲, 苜牙等又可以登大雅之堂, 真係抵賺。 套餐內容還有半隻熟