山西印象

营业中

休息中

呢間小店幫襯咗好多次，老闆娘非常親切，似係家庭式小店。店面唔算新淨，所以大家未必會留意到，但佢哋嘅出品真係好得。今晚二人點了酸菜魚飯、回鍋肉飯，同埋一碟油麥菜。酸菜魚要少辣，魚片盛滿一大碗，酸菜非常清爽又唔油膩，魚片底下係娃娃菜及油麥菜。蔬菜吸收了酸湯，非常入味。回鍋肉一上來非常夠鑊氣，我覺得比轉角位的人龍湘菜館更加好味。最重要係價錢非常親民，今餐盛惠$132咋。今次係第一次寫食評，唔記得影相，真心希望大家多多支持呢間小店呢！

今晚放工夜媽媽經過呢條街，講真真係好大競爭，未試過就入去試下，即炒即整，好吸引！叫咗個炒麵＋手工餃子，等左就係十分鐘，但真係抵等。 麵夠鑊氣，餃子皮薄餡靚，食到停唔到口，埋單$100，夜晚想醫肚，一定要試下！老板娘話知道我地夜收工，個份量一定會夠大夠飽，講真係香港真係好難食到一定飽既麵大家一定要試下，下次應該會試下酸菜魚飯同麵，大約都係$70左右，最緊要係夠多同份量夠大，食完無乜味精，岩晒我地香港人口味。

正宗山西人開嘅山西菜館性價比超高嘅小店，平均每個月都會食一次😚招牌酸菜魚好有驚喜！金湯湯底酸度、鮮度同辣度都恰到好處魚同配菜嘅份量真係多到4個人都食唔晒🤤酸辣土豆絲每一次都要叫嘅菜炒得爽口之餘，亦保留左薯仔嘅口感，生熟度剛剛好～微酸嘅味道中和左薯仔嘅膩，超級開胃！🤤脆椒蝦蝦同辣椒都好出色😋蝦好有鮮味，辣椒就似青豆零食，食唔停口🤣整體炒得好惹味，亦唔會太濃味😋雙拼水餃 （韭菜、青蔥）認真皮薄餡正✨最出色係個皮，煙韌，夾落去完全唔會散size亦都剛剛好，一啖一隻😚

下午3點多先至食午餐的我，苦無好選擇，又不想入商場食集團。記得呢間小店就過嚟試吓。點了紅燒牛肉麵及酸菜魚麵，湯底原來是辣的😅 不太能食辣的我只好大膽嘗試。估唔到湯底如此美味，用料十足，非常美味，個人覺得非常正宗！實在需要大大力推介一下。遲些晚飯再試下小菜如何？價錢方面算幾平民，會多啲黎👍🏻畢竟現在荃新天地附近已經好少平民價錢的午餐。簡單裝修，不過倒也打理得井井有條，十分潔淨。呢方面仲得大讚👍🏻家庭式經營，值得多多支持