山東餃子館

营业中

休息中

以前去過長沙灣分店, 今次試埋總店. 菜牌一樣, 點左未試過既麻醬拌麵同紅油抄手, 仲有次次都叫既豆漿.麻醬拌麵果然有濃厚既麻醬, 自己略嫌多得滯添, 一個人食都幾漏下. 麵條保持有咬口, 但好似以前食既擔擔麵煙韌少少. 紅油抄手用的, 係類似上海菜肉雲吞的物體(可能係佢地賣既某種餃子), 有點名不副實, 碟野上檯時有少少被搵笨的感覺. 可幸菜肉雲吞本身做得好, 加上個汁又甜又辣又香, 岩晒我既口味, 結果係好食到唔停得口.聞到隔離叫既菇菌麵好香, 就鎖定佢為下次既目標啦!

我係長沙灣分店的常客~~好多人~~無論几多點都好多人~~差不多每款餃子都食過~~要減肥的女士食就最好~~around $16左右就有一碟餃子~~仲可以有選2種口味~唔駛咁單調嘛~最好食就係青瓜餃同蕃薯苗餃。講真~~d 麪我就唔係几"好"~~不過d 餃就一定要食~~好清~~近佢佢d 湯好似愈來愈多味精咁~~可以一試~~!!

今日要去黃金買野去之前要醫肚因為好想食花生醬味既食物想起呢度d擔擔麵花生味特別濃一於再黎開餐食既野同上次差唔多但今次擔擔麵就無咁香花生味但麵就比上次煙un而餃子選左京蔥羊肉同蘿蔔蝦係羊肉餃仍然好味但蘿蔔蝦只係食到蘿蔔絲同豬肉粒完全唔覺有蝦味豆漿比上次甜左少少而且豆味少左希望下次會變番好啦不過呢間野真係好多人雖然無乜冷氣但我臨走前已經差唔多full 晒外賣既人亦都不少

如果唔係見bluemoonｏ係分店既食評話呢間ｄ擔擔麵唔錯我相信我一定會過門而不入因為呢度個環境都幾ｕｐ　ｄｕｐ似係一間家庭式舖頭但食完你又會覺得呢度係一間幾用心既食肆兩個人叫左擔擔麵，炸醬麵，金玉滿堂餃併京蔥羊肉餃，豆漿擔擔麵～一上檯見佢有好多冬菇粒同榨菜粒舖面，都幾奇怪，但加埋濃濃既麻醬湯底，又幾好喎，而麵條雖然食唔出係咪自己手打，但都幾彈牙，好食！炸醬麵～呢個賣相好靚，除左炸醬外亦有ｄ青瓜絲舖面，但撈勻ｄ麵後試左一啖，又覺得味道唔太夠，ｏｋ咁啦！金玉滿堂餃～本來係想試蘿蔔蝦餃，但佢話未有，改左要呢個。其實佢係粟米秀珍菇加豬肉做餡，幾清新。京蔥羊肉餃～呢個真係正，除左蔥同羊肉外，亦有ｄ洋蔥混埋一齊，羊肉唔係打到爛晒ｏ個種，而係切到小粒小粒咁，一ｄ都唔ｕｎ，又唔覺蘇，野味又好味道！下次一定要再食！豆漿～有豆味又唔太甜，唔錯！

我覺得蕃茄水餃係全店最好味！仲係只限堂食。

1. 蘿蔔蝦肉餃子麵($16)﹕以為有一件件的蝦肉，但原來是豬肉內加上蝦肉，所以蝦味不強，如果不是吃到蝦殼，真不太肯定是否有蝦。至於蘿蔔，都能食到些蘿蔔絲。餃子味道整體上不差，但似豬肉餃子多些。麵方面，據稱是自家打的，很彈牙，不錯。2. 蒜香千層餅($8)﹕很多蒜子粒，香味濃郁，煎得外脆內軟。3. 自製豆漿($5)﹕OK，不太甜。