山東餃子館

营业中

休息中

近來見到呢間多食評介紹, 又住附近,就來試下!叫了好多人讚的羊肉餃同蕃茄肉餃,一碗擔擔麵,一個涼拌青瓜d餃子賣相普通, 羊肉有好多葱同香茜,本人最驚....但我唔覺得佢d羊肉好味..d羊肉一隻得勁少...都食唔真d羊肉味!d蕃茄肉餃, 我本來好大期望,因為我好鍾意食蕃茄, 點知好失望,只係普通屋企的蕃茄(冇加茄膏)做餃子料, 唔夠酸同茄味唔夠.........個擔擔麵好咸, 加左d 冬菇同東菜??感覺好奇怪..........麵身亦唔係平時食開那種但整體又唔係難食....涼拌青瓜不錯, $5 都萛實惠!後來再叫多兩種餃試, 分別係西洋菜餃同津白餃,但都是普通而已, 相比起我廣州的姨媽買給我吃的餃子...似乎仍有好大段距離呢.............未必會再來了.....

今日又黎開飯如常叫左擔擔麵($15),麻醬撈麵($13+2)同豆漿($5)另外亦翻炒上次食過好味既紅油抄手($14)加白菜馬蹄豬肉餃($7/半份)擔擔麵,麻醬撈麵同紅油抄手味道大致無乜改變唯一變係我請佢o係我碗麻醬撈麵度好似擔擔麵咁加左冬菇同榨菜(加$2)不過加埋原來味道有d怪唔加好過加豆漿今次又係失左水準燶左少少味白菜馬蹄豬肉餃清清地有馬蹄增加左口感但就無乜味道可言差唔多試晒佢所有餃子原來都係羊肉餃最好味可能因為多人幫襯左今次去請多左個講廣東話既阿姐負責樓面之前有d鄉音o個位轉左入廚房包餃咁好得多起碼保証唔會落錯單

食左羊肉餃, 金玉滿堂餃, 兩款都好好味.青瓜5蚊碟, 抵食.個擔擔麵都幾好.其實仲有幾款餃想食, 留番下次!!

5隻羊肉餃子($9) : 有鮮羊肉味, 餃子皮厚度適中, 唔錯.5隻蕃茄豬肉餃($8) : 幾清新, 餃子皮厚度適中涼拌青瓜($5) : 清爽, 好香麻油味, 香而不油, 份量夠多, 好味抵食.個人覺得側魚涌京城的餃子比較大隻, 比較厚皮, 比較貴(價錢由$25到$35/10隻), 但比較好味.

睇完openrice的食評,今日專程黎試下係咪咁好味.(因為我男朋友勁喜愛食餃子)下午3:00到達,已經坐滿晒人,好彩仲有2個門口位.叫了:涼拌青瓜: 清爽,麻油味好香,份量又夠多,不錯!紅油抄手: D汁好好味,食到停唔到口,面頭仲有些蒜泥,正!煎羊肉餃子: 好多羊肉,又多汁,仲加入大量花,必食!九菜餃子: 味道一般,但個皮好特別,滑得黎又有咬口,好好食!麻醬拌麵: 麻醬味夠,不過D面太淋,冇乜咬口,而且好奇怪,碗面係熱架,我仲以為係冷面添.豆漿: 好淡,冇乜豆漿味,不過夠凍,可以唔試!唔知係咪因為三點幾先食野,覺得特別好食呢?我都會再來幫趁既!因為又平又好味,埋單時阿姐話多謝$71,全場人都望住我地,我地好大食咩???he..he.heeee

今朝早想吃餃子,心血來潮的上網search下餃子店,見咁多人都話好吃,便去try一try. 今天試的是大家推介的羊肉餃子noodle.$18 的,但我加了$2 要煎的.餃子也不錯,但羊肉味好像不重...如果是肉碎可能會更好吃.可以一試~

幫襯過好多次今日又忍唔住走去食雖然又翻抄左好多野食但今次都試左個少辣既紅油抄手抄手即係菜肉雲吞大大隻好飽滿菜多肉少(雖然唔知係咩菜)但個汁少少辣又少少甜加埋又滑又薄既雲吞皮好好味presentation又靚下次一定番黎再食呢個p.s.餃子可以叫半份,價錢照計!

就是喜歡北方餃子唔放湯...乾身餃子反而更加可以食到餃子鮮味羊肉餃(10隻/$18) - size適中,味道唔太濃但又有鮮羊肉味...隻餃又唔會有太多汁...唔會搞到唧到周圍都係...good麵- 麵條好彈牙好有口感...跟平時食開麵有所不同...花生醬唔多唔濃,幾乎無花生味...除有辣味仲有麻感覺...唔錯唔錯

20/12 11pm尋晚交左個project,學校生涯暫且可take a break,所以決定今日放自己一日假.男友攞到Disney免費飛,今日去Disney前黎左呢度食野,之前試過近荔枝角店,發覺呢間質素好得多!我地叫左蔥油餅酥餅$8,蒜茸酥餅$8,擔擔麵$15,麻醬拌麵$13,涼拌青瓜$5,豆漿$5,西洋菜餃拼蕃茄豬肉餃$16蔥油餅酥餅,蒜茸酥餅---2款都是即叫即做,酥餅外脆內鬆軟,十分出色!擔擔麵---湯底頗香麻醬味,但略酸,北方麵條彈牙到不得了!麻醬拌麵---麻醬味相當濃郁,一定要share,如果吾系會太滯!麵條同樣彈牙,拌青瓜絲食,一流!涼拌青瓜---$5一大碟,加左麻油既青瓜香而不油,而且十分爽口!西洋菜餃拼蕃茄豬肉餃---2款餡料同樣新鮮,餃皮厚度適中!豆漿---有豆香且無渣,吾過甜.埋單$70,真系抵食到無話可說,高質素,低價錢,服務好,highly recommended!!

今日中午再黎叫左麻醬撈麵,擔擔麵,茴香鮮肉餃併香芹鮮肉餃,豆漿麵一樣咁彈牙麻醬個汁亦無之前咁"確"喉其他食物之前評過唔再講今次呢個香芹鮮肉餃麻麻地無錯係幾清香但無乜特別而且當兩種餃子一碟咁上時完全分唔清係邊種豆漿水準亦唔穩定好似今次就煲燶左

可能冬天來, 所以好耐無同傻鬼做蛇皇出來食lunch. 難得今日大家就到時間咁咪出來搵野食. 見post全部都係笑面, 我地決定試下先.想叫涼拌青瓜不過無就叫左個菜心($8) - 無咩特別啦.羊肉餃子+鮫魚餃子($19) - 羊肉好正, 不過鮫魚就似d唔新鮮既魚肉做可以不用試啦.担担面($15) - 都好香我仲飲成碗湯有少少花生味..正.下次我都試下其他餃子先.不過間舖好細我地12:30去到已經滿座.

已經幫襯過好多次今日再同朋友仔黎食要左擔擔麵,羊肉餃,茴香餃同豆漿可能因為紅左已經無以前做得咁有心擔擔麵既湯底無以前咁濃麻醬味冬菇同榨菜都切得大粒左幸好麵仍然好彈牙餃子仍然幾得手不過入面d餡無以前切得咁細緻羊肉亦有d韌幸好味道仍如以往咁好茴香餃係新試既個人口味就覺得好正佢有一陣獨有既香味好清新肉菜比例大約五五點少少醋已經好正豆漿今次無煲燶又唔過甜好味道希望佢快d做番好d擔擔麵可以重麻醬味番d就好喇

在教會附近, 所以經常幫襯。第一次去食真係驚喜, 又平又好食, 冇得彈!no. 1 推介係擔擔面, 食小辣中辣大辣同阿姐講就得喇。個面好彈牙, 個湯就非常野味, 主要材料有冬菇片同炒菜, 好香芝麻味! 價值不過係15蚊, 非常抵!餃子種類多囉......我試過蕃茄豬肉、粟米豬肉同白菜豬肉......都係好正!涼拌青瓜, 好有水準, 賣5蚊......嚇死人!自制豆漿, 好明顯係自制, 因為水準參差......試過飲倒煲過火, law law地味比較冇咁好o既係麻醬撈面......都唔係唔好味, 不過個醬杰, 有o的漏, 唔o岩自己口味。佢地而家"紅"o左, 但舖頭仔仍然係咁細細, 人手已經算唔少......不過都做唔切, 無論堂食外賣, 大家都預o左要等喇! 趕時間就唔好食~

琴日專登約朋友仔黎開餐叫左炸醬麵,麻醬撈麵,新出品既鮫魚餃同蕃薯苗餃各5隻另加豆漿兩杯炸醬麵～試左一啖,個汁帶少少咁味,味道一般麻醬撈麵(如圖)～好香濃既花生味,麵條都幾彈牙而且唔會煮得太淋,可惜真係太勁喇,自己食一碗真係好漏下,食完再飲豆漿即刻喉嚨唔舒服鮫魚餃～好似豆腐加蕃薯苗咁既餡,雖然食唔到好濃既魚味,但清清地又唔錯喎蕃薯苗餃～第一次食蕃薯苗,味道幾得意,但因為佢有d菜梗所以幾有口感,豬肉碎同菜份量大約一半一半,而且多數係瘦肉,所以水煮完上檯,點少少醋已經好清好好食(如果唔要水煮可以叫煎,但要加2蚊)豆漿～幾香豆味但可惜今次又係甜左少少兩個人食完飽左六個鐘先至54蚊超值不過下次都係食番羊肉餃同擔擔麵好d地方太簡陋喇如果唔係睇過openrice介紹相信一定唔會入去

擒日下午去吃了，呢度全部餃都係10隻起計，雖然似快餐店格局，但係o的餃子好食過好多鋪頭，餃子放雞湯及煎餃好似都係加$2，叫了1. 京蔥羊肉餃$ 18/10隻-- 喜歡吃羊不能錯過，京蔥好似冇乜，但係都好味。2. 茴香鮮肉餃$ 16/10隻-- 都係冇乜/少茴香味，但總括來說，都是好味的。3. 涼拌青瓜$5 -- 夠大碟，夠凍，呢度o的青瓜好似係衹用鹽及麻油調味，好味。4. 蔥油酥餅$8 -- 可能多左少少油，上枱時甩開一圈圈，都好味，不過根據此店各食物價格，標$8 好似有o的貴，但呢個餅都值o既。5. 豆漿$5 -- 個人覺得略甜。純粹個人觀點，我個人覺得此店餃子好食，但我老公就覺得o的皮硬左少少。