山本屋 (海運大廈)

营业中

休息中

每次去名古屋都必去朝聖呢間百年老店食雞翼🤗🤗雖然旅程計劃未安排到去名古屋～但喺香港一樣可以回顧住美味先架啫～得知 @yamamotoya_hk 分店開到嚟海港城～可以對住百看不厭嘅維港海景品嚐名古屋美食～又係一種全新體驗呢🥰🥰.✨名古屋黑赤雞翼山 $88尖沙咀店限定款📸嚟到呢度開餐當然必須叫手羽先❗❗上菜時名符其實一座雞翼小山丘咁上枱～睇見都流口水🤤🤤分別有紅山椒&黑椒兩款獨創口味～咬落皮脆得嚟唔油膩～內裏雞肉嫩滑又冇冰鮮味～整碟都非常惹味❤️❤️.✨吉列蝦明太子忌廉平烏冬 $108呢款同樣為LCX店限定～造型好吸引😚😚兩隻大大隻嘅香口酥脆炸蝦搶眼非常～將咸香十足嘅明太子&生玉子撈埋掛滿忌廉汁嘅闊條平烏冬～入口極creamy鮮味🫶🏻🫶🏻.✨美國安格斯牛肉煮烏冬 $108加配咗招牌咖喱(+$10)～原個砂鍋上枱熱辣辣～一打開鍋蓋咖喱香氣撲鼻而來😃以生玉子拌以牛肉同食感覺口感更油潤👌🏻伴以大葱&油揚更添和式風味～烏冬亦頗彈牙～.✨加一服務費

山本屋 尖沙咀名古屋著名烏冬食店，開業於1925年，至今有百年歷史。2023年11月30日香港第二分店進駐尖沙咀海港城LCX，聽說第五代烏冬手藝傳人會親自駐場🧐。 該店提供湯烏冬或平烏冬，湯烏冬有三款口味（老店傳統味噌 / 黃金鰹魚清湯 / 招牌咖喱）並使用砂鍋煮製，平烏冬則可選冷或熱。 服務方面，日本師傅積極廚房及樓面上菜兩邊走，結帳時也會送客人離開。其他香港店員也會主動服務，只係他們之間聊天音量較大。 美國安格斯牛肉煮烏冬（咖喱）：烏冬麵質有咀嚼感，湯配料有油揚腐皮、生雞蛋、京蔥，湯汁有咖喱味，但味道唔夠濃郁。牛肉肉質較靭身，整體份量唔算多。砂鍋令烏冬足夠熱。價格在尖沙咀係親民。 蟹棒天婦羅：天婦羅味道正常，調味料得天婦羅豉油，選擇較為單一。 未食過名古屋店，但香港店咖喱口味麻麻地，或者試下味噌或鰹魚湯會好些。🤔以上為個人自費食評。

個湯底真係好鹹，鹹到食唔到其他嘢嘅味，食完要即刻洗腎。飲咗好多杯水都搞唔掂。烏冬，口感尚算正常啦，食得出係手制但係份量真係好少，而且啲料牛肉完全係低級質素，啲肉又梅又碎衰啲講，真係佳寶質素。另一碗叫咗天婦羅，食得出啲油好似用咗好多次邊個估到成餐飯最好食係個紫菜雞肉服務都唔算係好，夠膽死要人填紙但係又唔派支筆俾人，我心諗你expect每個人出街都會帶支筆？衰啲講真係好後悔排咗10分鐘，仲要唔係平兩個人都食咗$300

今日去咗尖沙咀LCX食烏冬。呢間烏冬喺日本名古屋好出名，主打手打烏冬。下午2pm左右去到，唔洗等位直入。有窗口位，係睇到海景的，所以餐廳好光猛。落order用紙劃，tick要邊款烏冬同湯底🥣。我哋叫咗以下2款烏冬：✅吉列豬扒煮烏冬（老店傳統味噌湯底）$108成碗湯烏冬好熱，烏冬好煙靱，湯底唔會好鹹，好好味😋仲有配腐皮、葱同雞蛋🥚。吉列豬扒炸得幾好，冇乜油，炸粉都唔厚👍🏻✅美國安格斯牛肉平烏冬（冷）$98平烏冬有得揀凍食定熱食。今日27度🥵又猛太陽🌞鬼佬緊係揀凍食😂自己倒啲冷湯落碗烏冬度，清清地幾好。平烏冬都係好煙靱👍🏻呢個價錢係貴，不過喺香港食烏冬呢個叫正常價。呢度啲烏冬真係值得試，好耐冇食過咁煙靱嘅烏冬喇👍🏻

🔸美國安格斯牛肉煮烏冬💲108 老店傳統味增湯底另外+年糕 💲15評分(5星滿分): ⭐️⭐️⭐️🔸黑豚肉煮烏冬💲98黃金鰹魚清湯評分(5星滿分): ⭐️⭐️⭐️服務質素: 🌕🌕🌕🌗🌑回頭率: 🌕🌕🌕🌑🌑➿➿➿➿➿➿📍 山本屋 @yamamotoya_hk 尖沙咀廣東道3-27號海港城海運大廈LCX3樓32號舖➿➿➿➿➿➿

滿心歡喜想試新野，13:00唔洗排隊好開心。揀左好似主打嘅吉列豬扒麵豉烏冬 。上到枱仲好開心 。一啖咬落舊豬扒，凍嘅？唔係常溫，係凍嘅 。我真心好奇又擔心自己小見識，就問侍應佢哋呢味菜係咪咁 - 佢答「唔係凍架，可呀能係等埋個烏冬煮好之後豬扒就凍咗，你係咪要換，要換我換俾你，係咪真係換？」 等緊正常會係熱嘅豬扒嘅過程，食左烏冬先啦，咦？唔係主打烏冬咩？烏冬嘅口感係好淋，好普通。到個湯喇，係帶苦嘅麵豉湯？同個烏冬完全唔夾，以上係個人食感 。今時今日我明白租貴，但108蚊仲要加一，喺超過一半吉枱嘅午飯時間，但茶都唔會主動再斟嘅情況下，呢個lunch顯得格外貴 。

🐷吉列豬扒煮烏冬 $108湯底可以揀自家製鏗魚湯、招牌咖哩湯、老店傳統味噌湯，小編揀左味噌湯✨✨ 味噌係自家發酵超過三年製成岡崎八丁味噌濃稠❣️味噌湯真係超濃厚🤤🤤重點佢啲烏冬又煙韌又掛汁正😋😋鍋入面有生雞蛋、腐皮、蔥，撈埋雞蛋一齊食一番風味🤩腐皮超甜👍吉列豬扒唔厚粉脆卜卜，外脆內軟，好高質💯無野好挑剔❗️🦐吉列蝦明太子忌廉平烏冬 $108雖然湯烏冬好出色，但呢個我更中意😍😍呢款係海港城分店專有❣️❣️烏冬係平烏冬，有啲似寬河粉既感覺，滑嘟嘟🤤🤤加埋明太子忌廉混合，真心勁好食🤩我食住都講左起碼十次好味🥺超𝐂𝐫𝐞𝐚𝐦𝐲!!吉列蝦都係好出色炸得好好😚✨🐣名古屋黑赤雞翼山$88黑赤代表有兩款味雞翼，一款係辣、一款係椒鹽，個人口味我偏和椒鹽😋😋🤩🤩好過癮，同埋雞翼佢炸到岩岩好，入面肉質唔會過老，😋😋辣味我覺得有啲辣，小編唔係甘食得辣，食左一舊就無再食🤣雞翼山分佈有雞翼仲有雞搥架🐣我覺得呢個都幾抵食❣️

之前喺大圍圍方見到好多人排隊，今日經過見到LCX開咗分店，竟然冇咩人排隊就諗住試吓，點知食完有啲失望😫今次叫咗蝦天婦羅煮烏冬，試吓佢個老店傳統味噌湯底🍜 蝦天婦羅炸得唔錯，但烏冬略嫌比較硬，味噌湯底亦都太鹹☹️ 坦白講唔值得排隊食，CP值比較低

嘢食好好食，而且可以望到海景，可以望到會展、IFC、中環摩天輪、山頂凌霄閣，甚至可以望到北角添！員工服務又好，又播住好聽嘅音樂，而且好有禮貌添，簡直係100分嘅配套啊，大家一定要嚟試吓！

📍山本屋 (LCX)尖沙咀廣東道3-27號海港城海運大廈LCX3樓32號舖本來想到隔鄰的火煱店食火煱，但遲遲都未等到位，唯有轉呔，試吓呢間烏冬。叫咗兩個烏冬，分別🐖黑豚肉煮烏冬配以味噌湯($98-HKD)，🦐蝦天婦羅煮烏冬配以味噌湯($108-HKD)，上枱熱辣辣的，兩款烏冬都算重口味的，湯底有點漏，但相當飽肚。乳酸味氣泡酒($32-HKD)，罐裝飲料。靜岡蜜柑梳打($36-HKD)，普普通通。甜品叫咗個杏仁豆腐布甸($28-HKD)，都係普普通通，都係視乎大家自己口味。

排長龍名古屋手打烏冬山本屋除了圍方外的第二分店店內有幾個窗口位可以望到維港景色Menu非常簡單就係呢幾款烏冬裡面揀吉列蝦明太子忌廉平烏冬$108尖沙咀LCX分店限定明太子份量算多可以拌勻所有烏冬平烏冬好似扁意粉口感不錯忌廉也不會太膩吉列蝦炸得幾好味美國安格斯牛肉煮烏冬$108咖喱湯+$10用砂鍋裝住整個過程都熱辣辣牛肉正常但烏冬不是太大驚喜食完烏冬還可增添一小碗飯撈咖喱汁一流靜崗抹茶可樂$38味道幾特別雖然抹茶味唔算好突出枱面上有簡單介紹親子工作坊幾適合一家大細參加親手製作烏冬

人氣日本過江龍🌟山本屋🌟，喺尖沙咀海港城開咗新店喇🎉！👨🏻‍🍳有位日本匠人喺店面不停製作手打烏冬🍜！一百咗右嘅價錢，就食到新鮮製作嘅手打烏冬🍜兼享無敵海景🌃，難怪未夠6點已經要排隊！🍤吉列蝦明太子忌廉平烏冬 $108尖沙咀新店限定菜式之一，質地恰到好處嘅忌廉汁，配搭生蛋黃同埋明太子，實在係正！平烏冬好掛汁，啖啖滋味！🐓名古屋黑赤雞翼山 $88同樣都係尖沙咀新店嘅限定菜式，赤、黑兩款口味嘅雞翼，雞翼炸得香脆，赤微辣惹味，黑椒辛香刺激！🍲美國安格斯牛肉烏冬 $108我揀咗黃金鰹魚湯底，突顯牛肉嘅軟嫩同埋鮮味！煲仔上熱辣辣好保溫，煮手切烏冬連埋生雞蛋、大蔥、腐皮等！

美國安格斯牛肉煮鳥冬，108蚊鍋💰手工烏冬美國安格斯牛肉為主要食材，配上濃郁的老店傳統味噌湯底，牛肉煮肉質鮮嫩多汁，湯底的味噌風味濃郁，店長講解食完烏冬可以免費再加白米飯，撈落濃郁味噌湯底，像食粥的食法，日本的相撲手都會這樣食法🥰吉列豬扒煮鳥冬，108蚊鍋💰吉列豬扒為主要食材，配上鮮美黃金鰹魚清湯。豬扒保持嫩滑口感，湯底較清爽甜，烏冬彈牙口感，充滿了日本料理精髓，每一啖都食到熱熱辣嘅鳥冬😃名古屋黑赤雞翼山，88蚊份💰山本屋招牌菜之一，黑椒雞翼同辣味雞翼煎得香辣可口，肉質鮮嫩多汁，雞翼調味恰到好處，黑椒粒香氣和辣味的刺激，每一隻雞翼都美味，非常有創意的菜式😍

日本過江龍🇯🇵全新分店開左係尖沙咀主打手打烏冬 在店外排隊時可以欣賞師傅手勢非常純熟地處理麵糰新店仲有限定菜式👍🏻裝潢方面充滿日式庭院感牆身有一幅富歷史意義既畫作重現「山本屋」近百年前於名古屋首店開幕時既盛況 近窗邊仲有一排海景座位 加上日光☀️坐得特別舒服💯🌟美國安格斯牛肉烏冬店家採用左獨創伊賀燒砂鍋燉煮方法去烹調烏冬 砂鍋保溫性強 夠哂熱辣辣香濃咖哩湯底配上彈牙烏冬同肉質軟嫩既安格斯牛肉👍🏻🌟吉列蝦明太子忌廉平烏冬 (尖沙咀限定)平烏冬同傳統烏冬有分別 烏冬面積較闊 形狀平整且較寬口感會較嚼勁同掛汁力特強所以每條烏冬都可沾滿香滑既忌廉汁同明太子加埋爽彈既吉列蝦 呢個組合💯🌟名古屋黑赤雞翼山 (尖沙咀限定)一黑一紅既雞翼山賣相已經好吸引雞翼炸得外脆內軟黑色為店家獨創既芝麻 紅色為辣椒兩款都好惹味😋

[ 山本屋 ]具人氣既手工烏冬店·山本屋係尖沙咀LCX開咗新分店，可以望住維港景色食烏冬，唔錯嘅體驗😍。✿ 蝦天婦羅煮鳥冬 $108 招牌咖喱湯底 +$10必試手打烏冬，每日新鮮製作，入口好爽口彈牙🦷，有嚼勁。咖喱湯底十分濃郁，不會過咸，而咖喱屬於唔辣口味。放係獨創伊賀燒砂鍋呈上，熱辣辣🤤🤤。而蝦天婦羅🍤炸得薄脆。✿ 名古屋黑赤雞翼山🐔🪽 $88見到尖沙咀新店限定菜式，即刻叫咗來試吓。兩款口味嘅雞翼堆砌成雞翼山⛰️，非常打卡之餘味道不錯，係明太子&黑芝麻口味，裹滿調味粉，兩款都好香口。✿ 四日市赤味噌手抓豚 $98而另一款限定菜式手抓豚肉肉質結實，食落啖啖肉，好滋味，醬汁咸咸甜甜。總結🫦可以欣賞住海景食烏冬，絕對係唔錯嘅體驗，想食既朋友記得早d去拎位啦！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿山本屋地址: 尖沙咀廣東道3-27號海港城海運大廈LCX3樓32號舖電話: 22972039✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿