山景閣

营业中

休息中

Good, Really reasonable price, just $68/ ppl for tea buffet. It's really good, the potato cheese ball is really good.Highly Recommend

朋友想吃teabuffet，要尖沙咀區又要平，早上我在開飯搵了很久，最後選了最平的這間。獨自在尖沙咀搵了20分鐘才到>.<””2點半已到，呆等了半小時，3點正可以入得。場不太大，和旺角仕德福差不多，但景觀是山景，都不錯。沙律：火腿沙律﹑蟹柳沙律(因全部有沙律醬，沒有食)小食：車里茄﹑生菜﹑牛展﹑豬耳麵包：有白麵包﹑牛角包及多士。餡只係火腿or吞拿魚沙律(沒食)，再配生茶蕃茄，好食過自己整0既^^多士：花生醬西多﹑果占西多(後者無食)熱盤：南乳雞翼﹑蕃茄焗青口﹑沙律骨﹑韭菜煎餅(後兩者無食)點心：燒賣﹑小籠包粉麵：鮑魚雞絲鯊魚骨湯米線﹑皮蛋鹹肉絲粥另：自制pancake﹑窩，牛奶公司雪糕四種味，蛋糕約十款，柑桔蜜﹑橙汁﹑牛奶任飲~雖然食物款式不多，熱盤refill的也是同一款食物，以每人$68，確係抵食﹗而且每樣食一款，已經好夠飽。推介燒賣同湯米線，好好食﹗除了廚師面黑黑之外，服務都幾好。

都未試過食d 咁差o既buffet ! 連人地dlunch buffet 都多野食過佢! d 野又唔夠新鮮! ( 食完唔舒服! )只食了兩碟仔就唔想再食落去! d中湯又勁咸! 燒牛又老冇左個d鮮甜味! 老公話d生蠔都不太新鮮! 魚生只得三文魚一款- ok ! d海南雞冇雞味! d甜品睇見都唔想食! 熱葷都冇試到! 平就好平....匯豐咭做75折$177.- 1 位! 三佰多元去食其他野都食到"籃"住個肚啦!

朋友推薦抵食, 故相約其他好友於2/7公眾假期一試, 個人是生蠔愛好者, 雖然只有一款愛爾蘭蠔, 幾新鮮, 其他不吃亦足矣, 叫了一枝House red 及一杯啤酒, 埋單$920(4人), 滿足了.

星期六晚去，有hkbc咭就75折～～平日去仲可以有7折~~幫朋友搞生日會，廿人仲送個兩磅寫名生日蛋糕比朋友，食物方面當然唔可以要求高水準之作，但呢個價錢食到刺身，煙三文，風鱔，羊扒，仲有果汁雪糕，算係超抵價！甜品最遜色，我一啖都無食過：ｐ但朋友都讚呢度的自助餐，可以算係聚腳的好地方～

早兩星期的星期六到山景閣食Buffet 晚餐, 選這裡一來因為聽過公司同事推薦它的lunch buffet, 二來無意中在雜誌上找到它的廣告和coupon (hk$198 + 10%, 星期一至四75 折, 五至日8 折; 如果沒有coupon 也自動有8 / 85 折)那個場不太大, 當晚全場約8-9 成滿客, 所以比較"應聲" 比較嘈; 但食品種類也幾豐富, 生蠔、魚生、翡翠螺、煙三文魚、海鮮等"回本" 的東西素質全都不賴, 那個即場煲的水蟹煲仔粥十分鮮甜而且夠綿, 不過我最鐘意食的是它的炸蝦丸和沙律~~ 廚師補給食品和侍應收碟都十分快手, 非常落力!全buffet 最弱的一環是甜品, 蛋糕和甜品十分行貨... 不過算啦, 折實只係hk$174, 以這個價錢和整體質素, 已經是物超所值!

去左食lunch buffet !!係我食過最差的buffet , 原因如下:- 中湯比大排檔仲差: 無味又唔熱- 熱盤款式十分少而且不好吃- 甜品只有數款一點也不吸引- ice-cream 係牛奶公司, 溶溶地(都幾溶下) 兜水好好好污濁都無人理下- 點心只有小龍包用一個籠蒸幾十隻一隻踏住一隻黏埋一舊爛晒- d 粥都ok ge~ 不過d料一d 都唔多- 不過d 生豪都好多~ 岩晒中意食生豪既人- 侍應好唔醒目我仲聽到佢講d客事非真係好唔專業雖然價錢好平不過都唔洗咁差卦我一定唔會再去!!若果想食平價buffet 去紅煙窗(通) 好過!! 都係貴幾蚊!!

今次是第二次到此間餐廳吃自助午餐，由於此酒店位於斜路上，環境旺中帶靜，尤其在平日光顧，更顯寧靜。雖然食物款式不算多，味道一般，但勝在價錢適中，小童長者更有折扣優惠，自然相對要求較低。九月份美食方面有生滾粥、米線、凍蝦、三文魚、冷麵、壽司、日式雜錦小食、凍雞、焗青口、龍柳、雞中翼、日式海鮮燉蛋、炸腐皮卷、鮑汁百靈菇、泰式香芋焗飯、釀茄子、沙律；甜品有椰汁糕、涼粉、蛋散、雪糕等。母親是較為傳統，喜歡中菜，所以生滾粥、米線、凍雞、凍蝦、百靈菇較合口胃，其他熱食一般，甜品蛋糕較弱，西瓜蝦沙律夠清甜，幾好味，雪糕加涼粉，大人小孩都喜歡，反而不起眼的蛋散有驚喜，很脆口。侍應亦很有效率及禮，由於有雜誌優惠，是次每人平均消費約80元。

上星期係某某雜誌看到有lunch buffer 30%off coupon,見價錢合理.便去試試~環境:我地一行5人book左12點半,他們安排左一張六人枱给我們...沿路看見buffer bar既食物都尚算豐富,不過坐下不久..即傳來一陣喧嘩聲...很噪..是一行20人的太太團...之前看過網上食評都話有人班太太很噪..不知是否同一班"常客"所有酒店內的服務員都不作聲..沒有勸她們細聲一點...整個環境連酒樓都不如..四周的食客都望著她們.如果有關方面看到此食評..請加以改善了食品:一般的雞翼.飯..菜..腐皮卷..蝦..等.甜品都很多..牛奶公司雪榚..唯一特別的是生滾粥..但鮑魚沒有了,只有雞粥罷了~價錢:用左coupon後每人$80食後感:如果清靜d就似係酒店食lunch buffer啦~

同媽咪去食standford hillwiew的lunch buffet,因為媽咪生日,同埋之前有個fd話佢\個tea buffey都好ok,打左去booking,到左個度,野食就唔算多,一坐低,個環境幾好,原本好寧靜架,黎左班師奶團就...出去拿野食lu,最impress我gei就係個煙3文魚,雖然salty左d,我都食左好多塊,食物alwaz refill,sushi好搞笑,塊3文魚係圓形的-_-嘩,個生滾congee好正!我原本叫左一個,老師傳叫我等5mins,咁我就返返去,5mins再出去,出到去,老師傳竟然話我知我bowl congee比人拿左...我見到係個師奶..哈哈....再整過.....味道好正!!!!食完滿肚子gei熱葷就食甜品了,我全部都有食,不過佢\li度得2款cake,一個比人liu到爛哂gei tiramisu,2個不知名gei mossexjelly(唔好食架),糖不甩,勁正的豆沙香蕉酥, 楊枝甘露(唔好飲呀..so horrifying!!!) 4隻味gei ice cream仔..all in all,都ok的,我會再同朋友去食

昨天和同事一行六人, 來試這裡的DINNER BUFFET. 兼Farewell同事, 他快將退休了. 整體上過得去. 價錢也便宜. 上星期有同事吃完自助餐\\\後, 給了我額外5% discount coupon, 所以好抵! 我訂座前指明要坐window side. 坐window side好處是可以把帶來的手袋, 背包, 其他東西放在窗台, 那麼會坐得較舒適. 這裡環境也算清幽, 不太嘈雜, 方便傾談, 但若選擇隔離的Lounge會略嫌嘈吵.食物大致上okay, 有凍蟹, 凍蝦, 焗田螺, 沙律, 三文魚, 當中以燒羊脾最好味. 但生蠔很\\\"奀\\\", 也覺不太新鮮! 天婦羅以炸蝦較好. 甜品也中規中矩! 生果都okay!***精明貼士: 六人或以上, 其中一人在當月生日, 那朋友可獲免費, 還有填下一張抽獎咭可抽獎.***

星期四與家人吃, 有三文魚刺身, 生蠔, 田螺, 這三樣是我們一家人吃自助餐的至愛, 另外還有凍蟹, 炸天婦羅(不過麻麻地), 班(有四款味選擇, 香蕉杏仁朱古力味好味呢), 甜品有兩款蛋糕, 糖不甩, 雪糕(自己不太喜吃甜, 所以只吃了少少)每人$169(己連加一)

上星期四黎呢度食dinner buffet~建議預先打電話去訂定位,因為我去果日就算閒日都爆哂!早D訂位先會有窗口位lo~不過都係街景~一入到去地方都唔係好大,但都坐得舒服o既.6:30開始,等我講下有咩食先~冷盤有生蠔,魚生,凍蝦,壽司,沙津,都係例排野啦湯有兩款,一中一西咁啦熱盤有雞翼,田雞炒西蘭花,扇貝(好好味!食左好多),唔知咩咩炒鵝肝,銀雪魚(ok好味)...仲有果d唔記得lu==""近門口有個檔口仔係整天婦羅,炸蝦果隻幾好味!同埋有d冷麵同螺咁啦~甜品有普通的芝士蛋糕,同兩款忌廉蛋糕,仲有細細粒煎堆仔,布甸,啫哩糖,同埋即叫即整pancake(四種味)有雪糕,仲可以自己加d朱古力粒呀,朱古力醬咁,o岩細路仔玩lo我覺得^^"另外有橙汁同雜果賓治飲~整體黎講都算係喜出望外,服務都好好,雖然款式係少d,不過d野一食完就好快有人refill(但唔會轉款)咁o既價錢我覺得已經好唔錯!good 呀!但如果你只係對甜品有興趣的話呢間就可能會令你失望lu~哈哈第一次寫食評寫埋D唔啦更野各位唔好見怪~

法式田螺(好大隻又厚肉係最特別的食品之一)甜品方面有即製pancake，但蛋糕好普通好似雪芳蛋糕。三文魚同壽司都唔新鮮，但生蠔還可接受。價錢平所以要求也不可以太高。

星期四的晚上, 跟朋友逛完歷史博物館, 因為親戚曾經推介, 於是便來了這裡吃buffet。$158 一位, 已包加一了, 這種價錢, 就是在酒店, 也不會存有太大期望, 可能就是沒什麼期望, 反而覺得不錯。有刺身(只有三文魚, 但頗新鮮), 有生蠔(ok 的), 有藍貝青口(一般), 凍蝦(這個好吃, 很鮮甜, 而且每隻都有「羔」, 沙律的選擇也有不少, 而且也算新鮮, 冷盤已經不錯了。熱盤是那法式焗田螺比較有印象, 不是很多buffet 有提供, 很不錯。沒有燒牛肉, 但以原隻海盜式燒羊脾, 味道也是不錯的。它有個counter 煮生滾粥, 是「鮑魚花蟹粥」, 用料是不便宜, 但味道卻很普通。我把生蠔弄成小塊再拿個生滾白粥回來自己焗個生蠔粥, 味道更好。甜品和生果也只是一般, 但有即製的pancake 和雪糕, 也算是可以接受了。services 不錯, 換碟和加水也很快。以這樣的價錢, 吃到一個不錯的酒店buffet, 有點喜出望外~~