山下菓子 (T.O.P This is Our Place) (已改名) 查看

期間限定。「兩大萌熊」🐻小熊維尼 Winnie the Pooh 和 勞蘇 Lotso 主題 Café 咖哩吉列豬扒蛋包飯(小熊維尼) $119造型好可愛，吉列豬扒炸得香脆而不油膩，咖哩汁味唔算太辣而帶甜，所以小朋友也啱食👍飯是蜜蜂🐝造型上面還有紫菜， 還有跟一個炒蛋， 份量啱啱好最窩心送上一小熊維尼造型曲奇🫓泡沫咖啡☕️ $42門口出面還有打卡位， 內面有好多 飾物和紀念品可以購買， Café 顏色好鮮豔氣氛好好🥰📍Kingsley Cafe & MealT.O.P Shopping Mall旺角彌敦道700號3樓315號店12:30-21:00 旺角地鐵站B2出口

上年尾，得知旺角T.O.P 3樓的 <山下菓子> 又再做 Mofusand 主題，今次真的機不可失嘞！當時期間限定12月，供應Mofusand 主題美食！咁啱我帶咗隻公仔出嚟，返工上車先睇到間限定主題餐廳，即興當晚就去嘞！ 約朋友都嫌遲呀！最驚喜可以食完拎走隻杯、牛奶凍玻璃樽，埋單抽襟章！店內各處都是打卡位！Menu以電子掃 QR code 落單！用餐限時75分鐘，而且規矩多多！ Mofusand 主題餐 $158超級夏威夷薄餅 夏威夷薄餅的薄餅味道穩陣， 幸好！薄餅薄身如餅乾，否則，我會飽到食不落甜品！紫薯千層蛋糕唔算好甜，牛奶凍奶味重，微甜！抹茶拿鐵 $88 (連杯價)無落糖，苦到呢！親加咗大半個雪糕球都於事無補！期待日後店方會 crossover 什麼人氣公仔主題呢！

為左呢個mofusand主題而黎，當然不可以空手而回。留意下，佢經常聯承唔同主題。今次貓係朋友要求要黎。booking聲稱90mins，所以一入去，即睇有乜可以叫而有紀念品攞走嘅。翊住睇清楚或問清楚，乜嘢嘢飲或嘢食先有嘢送。不過本身都寫得好清晰嘅。茶飲89，明啦，為左隻杯。果茶，又係為左杯。都幾好，第二階段都有3款不雕選擇，有肉桂狗，布甸，同水怪 個盤，原來要自己洗，無新，佢會比個密實袋你攞走，不過我都去左洗手間洗洗先，感覺良好些。個餐得幾隻餃子一堆薯條，真係當自已比少少錢買個盤咁囉。個炸蝦我無食，不過一句到尾，百幾蚊個小食併盤，茶記質素。個吉列豬扒咖喱蛋包飯都係咁上下，不過不失。吉列豬扒當算脆口同唔油。而個卡邦尼幾好，可能我鍾意玉子蛋，佢甜左少少，但配個意粉cheese味都叫ok嘅。甜品方面，tramisu梳乎里班㦸蛋黃味過大，如蛋白苿重D好些，但質感尚算空氣感得黎夠soft。朱古力手工千層蛋糕，一個字“乾”，可以只叫個奶凍食會好D囉。似係MT個間嘅奶凍苿。朋友叫呢杯menu無嘅咖啡，幾有富士山feel。整個用餐一句，為左贈品而𠥔係唔錯嘅，嘢食不過不失，價錢係用黎贈品都覺得ok嘅。

今日本身見到出邊好似幾好睇咁，然後佢冇講明要最低消費嗰啲嘢，勁惡咁樣喝我哋，入去入到去發現每個人最低消費$150，佢每樣嘢食都係120至140左右，反正兩個人兩樣嘢食加埋就唔夠$300，然後就諗住嗌一杯嘢share，一杯$80😓，個飯嚟到得嗰半碗都冇，成舊嘢扁到，一人一半一個人兩三啖食晒。個量仲細過兒童餐。個咖喱汁個飯個蛋啱啱到，係凍嘅。佢個Menu話係蛋包飯，原來蛋包飯個蛋唔包住個飯，佢係分開嘅。杯嘢飲上面嗰兩舊啫喱有睇似donki買嗰啲日本小朋友diy玩具嗰隻膠味。上面嚿cream超難食。杯嘢飲咗兩啖就冇。。。再講吓佢個裝修，本來以為入到去會好靚，點知得幾塊海報。。。。一個鐘後，個疏乎厘終於到。味道正常，等一個鐘3分鐘食完。最後諗住忍痛埋單嗰陣，發現要加一服務費。諗住買單嗰陣係咁hi個服務員佢先理我。同埋同埋想講，食食吓係咁有烏蠅飛埋嚟😅😅😅這是一個不好的經驗，令我造成巨大心理創傷。

知道山下菓子最近同百變小櫻合作所以放工就同朋友過黎旺角食晚餐😋百變小櫻係兒時回憶 細個日日都會追黎睇🩷古羅咭之書 燒汁雞扒定食 $129定食裡面有飯有湯有餸搭配小食雞扒好嫩滑 唔鞋口 個燒汁好正珍珠米好咬口 麵豉湯唔算鹹 適中易入口🥰明太子忌廉蛋飯 $139造型好精緻👏🏻芝士印有星星圖案蓋上蛋既上面 混合埋蛋包飯一齊食 感覺幾特別 蛋好滑溜🥚基路仔 茉香芒芒芝士奶蓋 $79奶蓋上有基路仔圖案 奶蓋好滑芒果味較重 整體ok👍🏻

位於旺角嘅「山下菓子」係一間超有特色嘅日式甜品店，一入到去就感受到濃厚嘅日式風情。裝修簡約而精緻，牆上掛滿咗各式各樣嘅和風裝飾，仲有淡淡嘅和風音樂，令人感覺好放鬆。座位安排得好舒適，無論係同朋友一齊嚟享受甜品定係自己嚟放鬆一吓都啱晒。今次我試咗佢哋嘅招牌甜品「抹茶紅豆鬆餅」，真係無得彈。鬆餅外脆內鬆軟，抹茶味道濃郁但唔會過苦，配埋甜甜嘅紅豆餡，口感豐富。仲有佢哋嘅「焙茶雪糕」，焙茶香氣撲鼻，雪糕質地綿密，入口即溶，甜而不膩。最後當然唔少得嘅係「日式和果子」，每一款都精雕細琢，口感細膩，味道十足。店員嘅服務態度非常好，笑容滿面，令人感覺好親切。無論係環境、食物質素定係員工態度都非常出色。價格合理，性價比高。如果你鍾意食甜品，尤其係日式甜品，呢度絕對係唔錯嘅選擇。下次一定會再嚟幫襯，推薦俾大家！🍵🍰

見到鍾意嘅主題就book咗枱，為咗基路仔，叫咗唔少餐，炸嘢幾好食，叫咗一個定食送枱墊，一個小食送機路仔木盤，一杯熱飲送杯，一個朱古力千層蛋糕送甜品杯，兩個人食建議淨係嗌一個煮食share，咁就可以叫其他小食要埋啲限定精品～social media post留言送咗杯凍既綠茶，定食同小食個雞件唔錯，見隔籬枱叫炸豬扒蛋包飯個豬扒就好柴😂好彩冇揀錯～2人連加一食咗$5xx，但為咗我最愛嘅基路仔，加錢買咗個基路仔咕𠱸～7月3號先開始，6號佢哋連個餐牌都未整好，冇得睇靚餐牌住，只可以靠QR code睇文字落單 ，希望快啲整好啦😅

今日要到旺中辦事，中間有時間，當然要入百變小櫻店感受那青春熱血。環境佈置超正，係打卡好地方，有一比一人像，有小櫻不同的造型，工作壓力盡去。今次沒有時間選小櫻餐，點選了午餐C，最愛的蛋汁卡邦尼意粉。意粉軟硬剛剛好，有咬口，每條意粉都沾滿了蛋汁，入口順滑。當然火腿絲亦不少，明顯有爆炒過，增加香味。加上分量對女生來說，真心要有食力，才可以完成。餐廳提供餐飲不少，有咖啡，檸檬茶，汽水，梳打水等，當然亦可點選特色飲品，任君選擇。

見到呢間ᴄᴀғᴇ網上預約好快ғᴜʟʟ左😱當日只能ᴡᴀʟᴋ-ɪɴ排左超過1個鐘先入到🥲餐廳期間限定推出ᴍᴏғᴜsᴀɴᴅ聯乘sᴀɴʀɪᴏ主題落單時食物可選擇sᴀɴʀɪᴏ公仔圖案陪襯但果日剩返好少圖案選擇好彩仲有我鍾意的水怪及ᴍᴇʟᴏᴅʏ😍sᴇᴛ ᴍᴇɴᴜ ᴀ 👉 (主食 + 甜品) $168卡邦尼意粉🍝見到ᴍᴇɴᴜ有粉紅卡邦尼但已經賣晒🥹，只可以叫普通卡邦尼意粉，一上枱已聞到陣陣玫瑰花芳香🌹，意粉表面撒上玫瑰花瓣，撈埋一齊食充滿玫瑰香氣，醬汁中含蛋汁及有少量芝士粉，入口帶有流沙感，食落都ᴄʀᴇᴀᴍʏ每一條意粉都沾上醬汁，蛋香雖夠但芝士味不足，但配合煙肉🥓及洋蔥🧅增添口感都唔錯士多啤梨手工千層蛋糕🍰一層層薄薄的蛋皮配上軟滑忌廉，食到淡淡的士多啤梨味，入口充滿層次感，配上少量新鮮的士多啤梨伴碟，酸甜不膩，另外奶凍食落奶味唔夠重，不過食完後奶凍樽可以帶走，填飽第二個胃都好滿足🥰吉列豬扒咖喱蛋包飯🐷🍛平時食開蛋包飯是以蛋包起成漂亮的橄欖形，估唔到今次食係分開上，吉列豬扒唔算太厚，炸到金黃香脆豬扒又唔乾，蛋口感滑溜帶有蛋香，咖喱汁香甜惹味拌飯一流👍食物水準好好，但公仔圖案全部都係紙牌，感覺有啲失望

✨mofusand迷必到😻 山下菓子✨ 💠💠💠💠💠💠💠💠 山下菓子之前都試過同mofusand crossover，但上次book唔到，所以見今次再出即時book！！dinner booking得兩個時間：1800-1930 & 1940-2110~ 如果真係book唔到，我覺得可以試下碰運氣walk-in，我地食1940，早左入座，都發現坐唔滿~今次活動最特別係如果每人食夠$150，就可以帶走mofusand既精品！包括木托盤同杯！！ 💠 明太子雞翼小食拼盤$139分量比較少，有薯條，兩隻明太子雞翼同沙律菜~但價錢其實包埋個木托盤，所以感覺會貴d，由於已經係接近活動尾聲，所以有d款已經送完~但係值得一讚，木板質素高~如果會自己下厨既，可以重用~💠 和牛漢堡扒咖喱蛋包飯$159味道不過不失，一人分量都夠食~咖喱係日式咖喱，唔辣，小朋友都岩食~ 💠 Tiramisu梳乎厘班戟$119如果想食pancake, 一定要預先落單，入座20分鐘後就唔比再落甜品！要注意啊！pancake都係不過不失，好味，鍾意食souffle pancake既就唔好錯過~ 如果大家無打算要精品，又好似

坐低10分鐘就行埋嚟催落單，話限食90分鐘，要留時間俾廚房整嘢食，但個餐牌勁複雜，又要qr code落單，四個人揀嘢食，睇得嚟都十分鐘，跟住啲阿姐又走嚟催，成餐飯食到背脊骨落，價錢又貴但啲嘢食啲嘢飲係唔錯，賣相都靚，但個服務係值得俾負分囉！四個人食咗千幾蚊但勁受氣，明知係限時交枱，咁就搵人手落單啦，方便落單時唔明可以即刻問，用手機落遇到問題又要搵人問，嗰度又脂咗幾分鐘，扣吓扣下淨係落單都用咗20-30分鐘啦！一啲都user friendly

我今日遇啱落雨，所以光顧了一間呢間餐廳,這間餐廳生意好像一直都好火，好多人打卡，結果到我來試就後悔首先要提的是服務態度。當我們一家人走進去時,服務生甚至沒有一個人主動問候或引導我們到座位。我們只好自己四處找位置坐下。點餐時,服務生也顯得十分敷衍,語氣冷淡,完全沒有熱情和耐心。至於食物質素,實在讓人大失所望。我們又點了甜品和意粉,但成果同樣不理想。甜品口感平平,缺乏創意和特色;意粉則過度煮軟,失去原有的彈牙口感。最後說到價錢,這間餐廳的價格其實偏高,但分量卻很小。性價比實在是太低了,完全不值回票價。最過份的是開始的確被告知需要每人最低消費150港幣先可以有禮品，到食完之後，有個服務員話個布丁膠樽仔可以拎走，於是我就洗乾淨打算拎返去仲小食物，結果買單時，話因為我拎左禮品，而又未夠最低消費$300， 而我地張單係$289。我話都係差少少，而且我洗乾淨左，點知對方表示要收錢，最後我係無加錢，亦無拎佢個樽。總的來說,我是非常後悔選擇了這間餐廳。服務、食物和價錢都未如理想,真的是非常糟糕的用餐體驗。我強烈建議大家不要輕易光顧。除非他們能有很大的改善。

MOFUSAND又返嚟啦!!今次仲要係同SANRIO合作兩邊都中意嘅FANS點可能錯過唐揚炸雞小食拼盤 我諗多數叫得小食拼盤都係為咗佢地送嘅木盤可以自行選擇款式好佛心有4蕭炸雞，味道都唔錯唔會太油膩仲有好多薯條~ 和牛漢堡扒咖哩蛋包飯 上面嘅角色圖案可以落單果陣自行選擇為咗要放公仔圖案所以由蛋包飯變成蛋邊飯XD蛋味幾香，個飯都好食咖哩會有小小辣不過漢堡扒就相芍有小小失色 卡邦尼 普普通通嘅卡邦尼個玉子燒好食  原味手工千層蛋糕送主題奶凍瓶一個 老實講一開始都係為咗佢個奶凍瓶而叫當然公仔都係可以自己揀全部都揀晒最愛嘅玉桂狗 但奶凍意外地好好食奶味好香濃千層蛋糕都唔錯 嘢像就為咗隻杯而叫咗熱抹茶拿鐵咖啡粉嘅圖案都可以自選嘅公仔 另外果杯特飲就無咩特別不過藍色好靚 限時90分鐘連埋打卡影相都夠時間食~中意SANRIO同MOFUSAND嘅人會好開心一定要嚟試下

叫左2個一人餐SetA$168粉色卡邦尼Kuromi ＆Melody，食落夠creamy ，意粉硬度適中，加左煙肉洋蔥都幾香口甜品分別要左朱古力千層蛋糕+奶凍（Kuromi ）和士多啤梨千層蛋糕+奶凍（Melody ），奶凍樽可以攞走哦！小食拼盤$139明太子雞翼比較辣，日式餃子炸得幾脆口，薯條炸得香脆～其實重點係想要小食木盤🤣🤣🤣士多啤梨梳打特飲$79係Melody呀～微微既士多啤梨味，不會太甜。利賓納梳打特飲$69係Kuromi呀～冇乜特別味道。。。凍飲都會贈送吊飾和杯墊哦！每$200就送1個襟章，可以累送如$400就送2個如此類推，但留意番不計加一服務費的！現場仲有一系列週邊產品哦！19/4 - 16/5 起推出第一階段：Hello Kitty , MyMelody 及 Kuromi 搶先登場 17/5 - 30/6 推出第二階段： Cinnamoroll (玉桂狗) ~ Hangyodon 和 Pompompurin (布甸狗)

唔係因為朝聖睇水怪...真係唔會去...朝聖食完lee 間野，完全唔推...服務冇咩之外...食完個碟油淋淋，個杯又綠茶粉咁（食完同飲完可以拎走）都幾煩，不過佢地可以慳返洗碗同埋食左四百幾蚊...佢門口話左200百蚊一個襟章，400 有兩個...但同我問佢，佢就話...400 係要未計加一前...我覺得幾取巧...食物一盤...咁既價錢應該可以食d 再好味d 既...