山下菓子 (T.O.P This is Our Place) (已改名) 查看

山下果子每隔一段時間就會轉主題今次輪到最近大受歡迎的Mofusand要在網站預約非常難book所有星期六日都full booking落單前要先閱讀用餐須知規矩也頗多每人消費150蚊以上未計加一食物種類也不算很多如果套餐只有意粉和拼盤單點可選擇蛋包飯和漢堡和牛漢堡咖哩蛋包飯$138雞扒漢堡配薯條加凍飲一杯$158飲品方面熱飲$88附送陶瓷杯一隻凍飲附送杯墊一個店內更有不同的Mofusand精品可以購買牆上四處也是Mofusand公仔非常適合打卡總括而言食物不要期望太高但Mofusand迷一定不可錯過

身為Mofusand嘅粉絲，點可以錯過期間限定嘅主題餐廳 - 山下菓子啊✨ 位於旺角市中心T.O.P商場3樓，夠哂方便啊！食物就冇大家講到咁難食同等得耐嘅，今次有目的去落單㗎！為咗拎隻杯同木托盤返屋企，我地專登叫咗明太子雞翼小食拼盤同埋熱朱古力🍫不過座位安排同埋唔夠貨存俾客人即時帶走產品，真係令人大跌眼鏡啊！地方已經細，座位有限都有做booking客生意，但假如訂咗枱而過哂鐘no show嘅，係唔係應該拿拿聲俾walk in客入座清一清條龍先呢？walk in嘅話你預返個半鐘先有得食啦。順帶一提，呢度預大約夜晚7點鐘就截龍㗎啦。買小食拼盤同埋熱飲先會送嘅產品，竟然預唔夠數，要客人12月返嚟拎 (btw唔會有電話通知)，大家要有心理準備，做定失望而回嘅打算啊！

見到 @kingsley_dessert_ 同Mofusand crossover忍唔住即刻去食因為覺得個木盤同熱飲杯好靚啊🥰小食拼盤揀左 日式炸雞🍗$138拼盤有貓爪曲奇 炸雞 沙津 薯條入口熱辣辣夠香脆，本身都有調味，唔洗點醬都好食再叫左杯 熱抹茶latte$88好好今次幫我走左甜曲奇同薯條就帶走左😌重點都係木盤同杯，真係好靚🥰貓迷點都要儲返套山下菓子 (T.O.P This is Our Place) (旺角)旺角彌敦道700號T.O.P This is Our Place 3樓315號舖#mofusand

Mofusand 主題係好正，但係職員態度惡劣，西臉。等一樣野食要成三十分鐘，pancake delay 再delay，最後75分鐘先到，要預多啲時間黎食先得。整體體驗差。

晚餐去左食唐老鴨主題餐廳🍴KD唐老鴨Set Menu B $178我揀左拉芝大蝦意粉🍝，配指定檸檬梳打附唐老鴨匙扣拉芝大蝦意粉味道幾好，但意粉有點硬同普通，但係加左芝士粉好香，大蝦🍤吾夠大隻，我覺得餸只有小蝦3隻😂😂飲品顏色溝得幾靚，檸檬味的梳打汽水🥤，套餐尼講我覺得偏貴，食材吾太值呢個價，作為迪士尼迷既我，唐老鴨主題餐廳又吾算太多打卡位，食物一般冇咩唐老鴨特色，今次試過就算😆套餐跟左一個隨機唐老鴨的亞加力匙扣🫨

味道好濃烈既卡邦尼意粉我係1月27號食既，不過就到7月29號先寫返出黎。意粉賣相好精美，仲送左塊恐龍仔曲奇比你。塊曲奇味道一般，怪怪地既甜味，而且甜得黎牛油味唔太勁，仲有d淋身。不過見係角落生物，我就冇咁多不滿啦❤️成道餸落左好重既芝士粉，而且煙肉粒偏咸，睇得出係想用芝士中和返煙肉既咸味。既然係咁，點解唔整淡d...... 我食完之後個胃好濟, 滿滿芝士既味道....意粉既口感我唔係太記得啦，因為我既味覺都被濃烈既芝士味覆蓋左。重口味同重口味既配搭唔適合我。份量唔多，對我黎講唔係太夠, 因為要成百幾蚊，唔係太抵食。

為著Donald Duck的主題，6月中已和朋友黎朝聖一次，上次朋友已不滿職員態度，但當時我只覺得職員可能係未經訓練，只係唔醒目，唔變通，但都可接受。但係今次我和另一朋友再惠顧，大家都一致覺得唔會再有下次。因為今次嘅職員態度可以用惡劣黎形容。坐低時已經無啦啦要受氣，叫個甜品又再受多次氣。主要黑面職員係一位個子矮小偏瘦的女職員，唔知佢係咪有心想搏炒，所以揾顧客出氣。呢位女職員唔知係咪夜晚放9點，佢14/7晚8點幾走黎黑面話我們叫甜品後，我們9點多埋單時已經見唔到佢。因為佢，我相信都成功趕走唔少客唔會再有下次幫趁。

野食又貴又難食，啲甜品得個賣相，實際直頭放唔落口係超難食！我嗌個係牛奶味，佢上到嚟嘅絕對係冇味🫠Size同落單時張相又爭好遠！食飯前仲要睇張A4 密密麻麻嘅T&C 但又Show得個幾秒（呢個真係嬲，咁驚不如唔好做生意，唔爭在叫人食飯前要簽免責合約吖笨）🙃 一坐底氣都未抖順店員就講一大堆T&C我地聽，唔知以為自己中咗傳銷陷井。因為太多T&C，落完單怕中伏就問下店員到底有冇最低消費，店員一個又話有最低消費，一個又話冇。基本培訓都未做好，成件事好似去咗黑/ 店咁。而且用餐時間75分鐘，我等野食都等咗半個鐘以上！真心冇下次！

一向對以卡通為主題嘅餐廳都有一份偏見，唔係話佢哋難食，而係會無驚喜。 今次。因為Donald, 破例一試。吉列豬扒外脆內嫩，蛋亦滑嫩，可惜飯。。。唔好食，已經涼左，膠感咬口，亦冇米香。好彩其他嘢，連塊曲奇都ok，如果唔係真係會嬲...

身為唐老鴨fans，當然要來試試。平日下午1點幾嚟到，等咗十分鐘左右入得，不過入面啲枱擺得好密，坐得有啲逼，真係轉身大啲都撞到隔離。門口、店內枱面、牆壁都有貼上唐老鴨裝飾唐老鴨主題menu每位成人最低消費$150，用餐時間75分鐘熱飲 熱山楂洛神花玫瑰茶 $88，附送杯墊和陶瓷杯一個，杯墊和陶瓷杯都是另外送上，不會整污糟的好濃山楂味反而冇乜洛神花同玫瑰味凍飲 檸檬梳打 $68，附送飲管套、杯墊、亞加力掛飾，都是另外包好送上不會整污糟夠酸好飲不太甜唐揚炸雞小食拼盤 $138附送木盤一個，都是另外送上不會整污糟炸雞睇落以為好硬原來唔硬，好脆雞肉軟熟，好味，薯條又熱又脆，曲奇甜甜地幾好食，下面沙律係配胡麻醬都唔錯支旗仔都可以攞走和牛漢堡扒咖哩蛋包飯 $138呢個飯會附送唐老鴨曲奇一塊，幾靚飯上面嘅水泡同旗仔當然都要攞走咖哩甜甜地又好香咖哩味，蛋夠滑唔老，漢堡扒牛味好香，肉質彈牙飯係唐老鴨掌造型卡邦尼意粉 $98呢個冇嘢附送只有旗仔卡邦尼汁唔夠香雖然主題menu價錢比較貴，但有嘢送都算ok的，好彩食物質素都ok以前都食過呢度嘅主題，木盤嗰啲不會另外附上，要回家洗番乾淨，宜家終於唔會最後食滿$2

今個月係Donald Duck嘅生日月🤭見山下菓子有唐老鴨主題店，身為忠粉，我今晚就叫埋老公陪我去😆成場都係鴨鴨鴨，牆上有鴨，枱上都有，周圍都係 打卡位 ～ 佈置用心，食物都唔錯😋 我哋叫咗唐揚炸雞咖喱蛋包飯，炸雞好香脆，咖喱係唔辣嘅日式咖喱，啱食唔到辣嘅我～因為實在好食～如果份量可以多少少就好；蛋包飯仲附送Donald Duck造型曲奇！仲有和牛漢堡配薯條，漢堡包有煎過，夠用心，和牛都幾厚身，一個人食好夠飽。本身想叫埋Donald duck造型芒果Mosses蛋糕，好可惜佢未有🥹，不過抹茶奶茶都好滿足，甜度適中，抹茶味都幾濃，最開心嘅係，叫熱飲會送埋個Donald Duck陶瓷杯同杯墊㗎🤓冇諗過食一餐就有咁多嘢送😂

唐老鴨生日主題店又到左六月啦，大家又知唔知係邊位迪士尼朋友生日呢？仲有幾日就係到我鍾意既唐老鴨生日啦，作為鴨粉既我，知道有一間唐老鴨期間限定店，又點可以唔即刻去打卡同瘋狂拍照呢？餐廳除左有多款唐老鴨食物，仲有多款限定產品發售輕便環保購物袋、旅行收納袋、輕便摺傘、手提扇仔、T 恤、食物袋、保溫樽等等期間限定店到 8 月 31 日，唐老鴨粉絲千祈唔好錯過啦食物方面:小食附木盤一個 (數量有限、售完即止)唐揚炸雞小食拼盤 : 炸雞酥脆多汁，香脆薯條，加埋船舵型曲奇，拼盤輕鬆美味明太子雞翼小食拼盤 : 雞翼炸得香脆，雞肉入口嫩滑，加埋滿滿既明太子，味蕾滿足，再配搭香脆薯條、船舵型曲奇，夠曬豐富熱飲附陶瓷杯一個 (數量有限、售完即止)熱抹茶咖啡 : 抹茶味濃郁，口感順滑，再加上船舵拉花，超鐘意既熱飲凍飲附亞加力掛飾一個 (數量有限、售完即止)Ocean (柚子梳打配雲呢拿雪糕) : 唐老鴨色既柚子梳打，再加雲呢拿雪糕，夠曬冰凍解渴Ours Tip : 用餐時間為 75 分鐘，成人最低消費為每位 $150 ，六至十一歲小童最低消費為每位為 $80

今日嚟到旺角店嘅山下菓子x唐老鴨期間限定店🔥 有好多款唐老鴨嘅食物同產品！！🍗明太子雞翼小食拼盤 $138附有唐老鴨專屬木盤，好可愛喔！！附有船舵曲奇～雞翼一咬開就喺滿滿明太子，配上薯條、沙律菜🥘和牛漢堡扒咖喱蛋包飯 $138飯以唐老鴨腳形式呈上，漢堡質感唔錯咬落都有肉汁，咖哩味道甘口好有日式感覺👍🏻配埋滑蛋一齊食，整體份量剛剛好咖！🍰即焗拿破崙 Mile Feuille （每日限定15份） $88擺碟有船錨圖案⚓️ 拿破崙層超級脆！表面吉士醬較多有草莓🍓藍莓🫐中層吉士醬唔算太多，入口都喺帶脆較輕盈！食哂成個都唔覺有罪惡感🤭🫖熱山楂洛神花玫瑰茶 $88花茶好香好足料，入口順滑飲完好舒服！仲有多款唐老鴨美食！！

好鍾意食creamia嘅雪糕😍每次經過呢間都一定要嗌一杯，因為香港得好少地方有賣💔平時食開原味，今次試下加紫薯粉，用咗落雪糕之後超香紫薯味！再加埋佢個招牌餅乾筒，每一啖都超幸福🥰

星期六來，不用排隊，鋪頭規則不少。時限，最低消費，贈品規則等。手機落單，點了兩個甜品，一個pizza。即叫即做，等候時間不算短，可以要烤，焗。1. 超級夏威夷披薩2. 士多啤梨法式吐司 配雪糕本以為是普通法式吐司，原來吐司入面浸左蛋醬，外脆內軟，好食。 士多啤梨忌廉 同雪糕，都係正路味道，無香精士多啤梨味。3. 黑糖珍珠梳乎里配曲奇雪糕奶蓋夠多，梳乎里夠軟，還是熱的，珍珠可以軟多少少。另外甜品 可以+10配牛乳雪糕，呢個值得配，好香濃牛乳味道。總體而言，食品唔錯，價錢稍貴，還要+10%。 希望可以多做優惠，會再試。