影片
tastytommy良心食店 (85罢市 拒收某付款APP💛)屏欣仔有好多甜品食😍 之前佢话经营困难叫大家多d支持佢㖞 大家就算系咪屏欣仔都好 落左天水围西铁都可以去下隔离个新街市帮衬呢间小店🤘🏻芒果班戟/芒果糯米糍💛 $28/26系现场忍唔住食左半件芒果班戟 皮唔会太厚 cream都唔太腻 雪返冻d应该更好食😋 糯米糍细细粒几重手 大大粒芒果肉好香甜 唯独糯米皮口感唔够软糯😌我系十月果阵买够$50仲有9折 宜家唔知仲有冇
继续阅读
天水围糖水店比起元朗少好多，通常都会喺元朗买。但近尼发现屏欣呢间糖水铺，价钱亲民就试试。买咗芋圆十分足料，烟烟韧韧，且糖水唔会过甜，呢个价钱尼讲CP值算高！会再试试其他糖水！There’re not many dessert restaurants in Tin Shui Wai, so we gave it a try and bought Taro balls from this restaurant!! The price is cheap yet it’s quite delicious! And it’s a large portion given its price. Worth trying!
继续阅读
第一次为同一间食店写两次食评。虽然中过两次伏，但前排见店主喺fb透露想揾人顶手，觉得好可惜（因为啲汤丸同竽圆本身冇问题，只要改良下啲糖水就搞掂），于是决定第三次挑机~见椰皇3.6成日卖晒，就拣佢啦！原价$40，依家做紧85折，都系$34，好鬼抵~而且椰汁味浓，3.6牛奶够香，又嫩又滑又唔会太甜，唔觉唔觉就食晒成个，仲刮埋椰肉嚟食添~唔比返个正评都唔得啦~BTW，好多街坊都希望屏欣仔继续撑落去，加油呀！
继续阅读
搬离铜锣湾后发觉仍然残留一堆未写嘅。但系今日突然间跳到来天水围第一篇。（冇嘅其实都系想写就写）呢间系屋苑附近街市入边嘅一间甜品店，只提供外卖。今日放假口淡淡天口又热㖞，但系粗身大细乜冰点都唔食得知唔知咁嘅天气食热野内心系无限句粗口。（胎教！）只好望住一堆雪糕轻叹咪住先见到有糖不甩，本人系非常钟意呢啲烟烟韧韧痴晒牙嘅嘢，由于即刻整嘅关系都等左5-8分钟左右。一盒八粒卖$18。至于味道系有惊喜嘅，由于糯米本身系淡身食口感，所以糖浆方面正常来讲系要比较浓甜先夹到。呢个价钱做到呢个效果味道仲要唔错一定会有下次。
继续阅读
向来钟意食台式芋圆甜品见屏欣开左甜品店仲要引入芋圆甜品满心欢喜去试芋圆仙草冻点知劲甜同埋劲硬我已经系买左返屋企即刻食成碗野得d 白色小丸子口感正常，甜度正常仙草就普普通通唔滑，但好易碎整体黎讲真系非常失望另外之前试过芝麻糊同埋木瓜糖水，就正正常常每次都足料嘅，但食甜品唔系为饱肚，系为享受只能讲抱观望态度希望店主入货前真系试清楚唔好心急同埋希望会继续改进芋圆仙草呢d, 请店主至少都去下深水埗出名果几间试下味，知道自己仲差d 咩！
继续阅读