屋子咖啡

营业中

休息中

屋子由我中一個陣已經開業，仲記得細個個陣成日放學去食甜品😋今日經過見到咁啱有位，就決定入去食個lunch, 重拾中學嘅回憶☺️-我地兩個人叫左兩set,兩杯飲品，同埋一個甜品😋☕️烤焦糖奶蓋咖啡（上面）- $50☕️拿鐵咖啡（下面）- $45兩杯咖啡本身個味好似，但烤焦糖奶蓋咖啡為成杯咖啡增添左多種焦香嘅甜味😋👍🏻我個人中意呢杯多啲～🍱醬油蛋拌飯&南蠻雞唐揚&芝士年糕 - $115個炸雞好驚艷‼️個炸皮好薄，啲肉好juicy好滑，一共有5件雞，加埋上面個醬食非常適合配飯食😋個芝士年糕新鮮出爐熱辣辣♨️有時出邊啲芝士年糕會有一陣blue cheese味😨但呢個唔會！仲超級爆漿‼️🍱飯素拌飯&醬油蛋漢堡&木魚花玉子燒 - $108個玉子燒好滑😋個漢堡排好足料好實淨👍🏻食完非常有飽足感🤰🏻🧁鐵觀音奶油脆脆雙層窩夫 - $60呢個窩夫唔係平時見嗰啲格仔餅樣，係好似冬甩咁嘅樣，但個質地都係窩夫咁嘅～充滿茶香嘅鐵觀音cream配上啲焦糖脆脆，多重嘅口感令呢個甜品嘅層次好豐富👍🏻最緊要係唔會太甜！-結論：可以經營到10年嘅cafe，果然係有佢嘅原因😋👍🏻係一個好啱同朋友嚟食下甜品嘆下咖啡嘅地方💛

和風日系裝修cafe食日式料理木系傢俬好有質感入面仲有榻榻米座位添！午市定食可以自選主菜+飯/麵同配菜今次揀咗關西牛肉煮 + 鮭魚醬油湯茶泡飯配菜有柚子醋冷蕃茄茶泡飯開胃好好食😋甜醬油汁煮牛肉送飯一流冷蕃茄好啱夏天嘅冷盤前菜黑芝麻抹茶冰淇淋咖啡好多黑芝麻醬喺晒個底度多到其實溶唔晒落個咖啡🤣

印象中之前大圍有間屋子空間唔好食, 但呢間屋子唔錯 日式家庭午餐🍱 = 米飯/麵+料理+冷熱配菜好鍾意呢啲自選組合, 配搭自由+豐富✨🍚：山藥泥拌飯+8比較少地方有淮山蓉食, 所以見到有啲驚喜, 不過淮山蓉偏少, 同埋飯偏淋同濕, 影響口感 ✨明太子拌飯+$8明太子微辣, 飯同樣偏淋料理✨一棵洋蔥豚肉煮$88 豚肉較肥🫣洋蔥🧅整法聰明, 令個汁甜甜地易送飯食 ✨醬油蛋漢堡$88 有咬口, 呢個好味啲😋配菜✨手羽餃子：即係餃子雞翼👍🏼好味同埋少地方有✨紫蘇拌豆腐：估唔到呢個配搭幾夾,豆腐溫度岩岩好, 唔會太凍飲品正常美式咖啡+$8桂花烏龍茶+$8總括食物唔錯, 勝在選擇新鮮+獨特😗不過飯嘅乾濕度有待改善加埋一 lunch人均$100-120 視乎你點叫, 性價比ok由裝潢到食物到碗碟都有日式家庭料理感覺, 唯獨是服務欠奉.. 如果服務可以主動點, 殷勤點會好好多！！btw logo幾特別幾有意思～

星期日brunch，去咗大圍搵食，又想食鹹嘢，又想食甜嘢，仲想嘆杯咖啡，最尾選擇重遊屋子。店舖唔大，可能天氣有啲悶熱，前面兩張檯都走咗，等咗大約5-10分鐘就有得入。叫咗一份食 #貓飯 + #醬油蛋漢堡 + #大阪章魚燒 ，味道不過不失，沒什麼驚喜。甜點叫咗 #鐵觀音奶油脆脆雙層窩夫 ，呢個茶味好香，個奶油勁滑，加埋焦糖脆脆好夾，呢個幾好食！嘢飲叫咗 #烤焦糖奶蓋咖啡 ，燒咗嘅焦糖奶蓋好香，我喜歡。 #蜂蜜檸檬綠茶 ，味道清新，呢個都幾新鮮好味～其實之前都食過，印象價錢唔平，今次一個主食，一個甜品，兩個嘢飲，兩個人食咗差唔多$300。食物質素OK，但少貴，短時間應該唔會再嚟🫢

呢間餐廳係一間日系cafe，定食係可以自選，所以選擇都好多☀️⭐️關西牛肉煮+ 醬油茶泡飯 + 薯條牛肉片正常，唔會太肥，正常嘅日式鰹魚汁，係可以要黎送飯嘅菜式。醬油茶泡飯唔會太鹹，同牛肉一齊食有少少重口味。至於薯條就一般，好似唔係太新鮮🍟⭐️ 十勝燒豚 + 明太子拌飯 + 木魚花玉子燒燒豚偏向濃稠，肉質不錯，大約2分肥7分瘦👍🏻明太子嘅份量足夠可以撈晒成碗飯，少少辣好惹味！反而玉子燒就覺得麻麻地，凍冰冰🥲⭐️蜂蜜檸檬抹茶我覺得呢個係必叫，飲落去好fresh，抹茶又甘香，正😎

去過大圍踩單車嘅朋友應該都有去過屋子咖啡。以前比較簡約既咖啡甜點menu，到依家已經越嚟越多嘢食。咖啡主食唔講了，淨係想講下呢個《清酒香梨 荔枝華夫$55》堂食擺盤好啱打卡用。是次外賣，味道冇變，屬於小清新類型。清酒味道唔算好出，忌廉有特製過，底下 waffle偏鬆糕類型，比較鬆軟，口感似mini dutch pancakes嘅成人版。配合面頭嗰幾粒青提子乾，令到味道更加有層次。我係個鐘意捐窿捐罅揾特色甜品同嘢食嘅吃貨， 雖然呢個甜品味道唔算最出眾，但個combination足以令我回頭。

午餐套餐係✨米飯/麵+料理+冷熱配菜✨每款都有多種菜式選擇，配搭自由度好高。介紹吓我哋揀咗咩先：LUNCH SET 1飯：飯素拌飯料理：醬油蛋漢堡 $88湯：滑子茹白味噌湯 +$18冷/溫配菜：手羽餃子飲品：熱摩卡咖啡 +$28🥣套餐本身無湯，可加$18配湯。味噌湯配料豐富，有不少菇、豆腐、蔬菜，清新解膩。🍔漢堡肉質綿軟多汁，入口溶化，肉香味係口中散發，好好食🤤鐘意佢個調味，提升鮮味之餘，又唔會蓋過食材本身嘅滋味🤤原來第一次食雞翼餃子🥟雞翼外層煎得香口，入面釀咗肉及菜餡料，味道豐富，滿滿嘅鹹香滋味✨☕️同朋友一致認同杯摩卡好高質👍🏻出面經常飲到嘅摩卡，咖啡同摩卡好分層，但依杯兩者味道融合得好好。咖啡帶微苦，咖啡豆烘焙嘅香味濃厚，同摩卡醬好夾😋～～～～～～～～～～～～～～～～～～～～～LUNCH SET 2飯：醬汁蛋拌飯 +$5料理：鯖魚味噌煮 $88湯：滑子茹白味噌湯 +$18冷/溫配菜：紫蘇起司章魚串飲品：玫瑰荔枝氣泡水 +$28🍚太鐘意醬汁蛋拌飯，單食已經無得輸🤣🐟鯖魚魚肉口感紮實，調味剛好，味噌醬汁煮得濃厚，唔太鹹，帶微甜，配飯好好味😋🍢章魚串彈牙，有咬口，食到章魚香味，面層舖上芝

2018年第一次嚟食覺得驚為天人當時飲桂花latte ，桂花勁香，但又唔會俾咖啡味遮到，今時今日啲咖啡係7-11嘅質素，超難飲，又酸又澀，啲奶打到勁薄，但賣緊40蚊一杯，俾少少誠意好喎，唔係裝修靚就大曬。野食更加唔洗講，想扮「習作」個隻日式小碟模式，但啲野食難食到飛起，首先佢個明太子拌飯又濕又冧又爛，連最基本嘅米都做唔好，學咩人做飲食，重點係收得咁貴，炸雞厚粉，唔juicy ，敗筆。估計係轉左手，希望大家不要以身試似伏。

嘩有冇搞錯呀啲嘢咁少仲係樣樣嘢都有問題 沙律淨係得菜蕃茄都冇比一粒得半粒 飯個賣點就有topping嗰啲山藥呀明太子撈飯嘅但係又要加錢又個份量係一匙羹都冇 仲要爛飯！！唔該用少啲水啦18蚊面豉湯沖粉既老魅......炸三文 又少又老你冇料就唔好又要薄又要炸啦 你哋睇下嗰個豉油碟對比下個三文魚餐要幾多肉仲有骨㗎喎 在對比下嗰舊明太子有幾多連個洋蔥全個燉呢都唔係燉到林曬亦都唔係好豬肉味下次嚟呢都係專心食甜品一係就唔好嚟好過

暑假將到 老師們終於可以輕鬆一下有個做老師既家姐 難得依加可以早收工 遷就佢 揀係佢屋企附近𝔱𝔢𝔞1𝔱𝔢𝔞 ლ(´ڡ`ლ)我地約左𝟚點半左右 由大圍地鐵站行過去都需要𝟝-𝟞分鐘左右可能未夠時間 仲係🄻🅄🄽🄲🄷 🄼🄴🄽🅄唔緊要啦 照𝕆𝕣𝕕𝕖𝕣午餐組合係可以有唔同配搭我地揀左⥅  關西牛肉+紫蘇起司章魚串+飯素伴飯 $𝟠𝟠 +西柚冰茶$𝟠 ⥆紫蘇起司章魚串有驚喜 好大舊好好食｡◕‿◕｡ 飯素令到我好開胃 係錦多款主食入面只有牛肉飯可以打動到我 以前都會食吉野家牛肉飯 依加戒左 佢比吉野家既牛肉汁淡 但係feel到健康啲少啲味精 ᴍᴜsᴛ ᴏʀᴅᴇʀ西柚冰茶 有西柚粒粒 唔太甜 可以解渴 又凍冰冰 (｡•ᴗ-)_好舒服⥅鯖魚味噌煮+紫蘇伴豆腐+米飯 $𝟠𝟠 +桂花烏龍茶$𝟠 ⥆係我家姐𝕆𝕣𝕕𝕖𝕣 我唔食魚 (ーー゛)只可以食下佢啲豆腐 但佢好鍾意個味噌煮 仲攞啲汁撈飯 個桂花烏龍茶係茶包 可以飲完再加熱水𝓇𝑒𝒻𝒾𝓁𝓁⥅紫色地瓜舒芙蕾$𝟞𝟘 ⥆太太太太太太太太好味啦( ૢ⁼̴̤̆ ꇴ ⁼̴̤̆ ૢ)~ෆ  紫色既舒芙蕾本身就吸晴 再加上新鮮出爐 氣味吸引 地瓜既味道濃烈 仲有雲尼拿雪糕 無得頂呀！ 好想再叫

今日去咗好多人推介嘅大圍屋子餐廳。一去到俾佢日系文青感覺吸引住。聽聞平時一位難求，往往都要排長龍先有機會試到，所以今日早少少到，果然唔洗排隊就可直入。餐廳面積唔大，所以位置有少少迫，但尚可接受。當晚點咗兩個set，主菜分別係牛肉煮和洋蔥豚肉。牛肉煮正常發揮，味道ok，但冇特別驚喜。洋蔥豚肉反而有驚喜，豬肉口感鮮嫩多汁。洋蔥好腍好甜，甜味溶入咗豬肉裡面，真係令我食唔停口。除咗主菜，跟餐仲有前菜，選擇都幾多。我哋揀咗凍蕃茄同青瓜。青瓜正常，冇乜特別。蕃茄好食，鮮甜多汁，配合埋酸酸哋嘅汁，好醒胃。順帶一提，飯都有唔同種類揀，例如明太子，飯素等等。我哋一個揀咗加梅子，一個揀咗茶泡飯。梅子飯好fresh，可以中和返肉嘅膩。茶泡飯易入口，但感覺加咗味素，如果少d，感覺會再清新d。兩個人兩個set最後埋單$200有找，食物質素絕對對得住價錢。下次去大圍會再去試吓其他食物。

「屋子咖啡」的店面裝潢簡約溫馨，給人一種家的感覺。「屋子咖啡」提供各種不同種類的咖啡，如美式咖啡、拿鐵、卡布奇諾等。我品嚐了他們的拿鐵咖啡。咖啡的味道濃郁香醇，奶泡的質地綿密細膩，帶有一種微微的甜味，非常美味。他們的咖啡製作精湛，給人一種享受的感覺。此外，他們還提供各種特色飲品，如抹茶拿鐵和焦糖瑪奇朵等。這些特色飲品口感獨特，給人一種驚喜和新鮮感。除了咖啡，「屋子咖啡」還提供各種輕食和甜點。我品嚐了他們的三明治和蛋糕。三明治的麵包鬆軟，內裡的配料新鮮多樣，口感豐富。蛋糕則是濕潤軟綿，味道香甜，非常美味。他們的輕食和甜點選擇多樣，品質上乘，適合作為早餐或下午茶的選擇。

悠閒嘅平日下午又係我去搵食去chill嘅時候，先前舊舖環境都唔錯，而新舖就更加chill!裝修主要走偏和式簡約風同木系設計，令人感覺悠閒又舒服。而食物方面主要係日式定食同埋靚靚打卡甜品☺️ 便當組合 -便當+冷/熱配菜 🍱醬油蛋漢堡飯便當漢堡牛味重之餘仲成個拳頭咁大舊，上面放左隻醬油漬蛋，撈飯一流😚配菜方面就揀左起司年糕，外脆內軟之餘仲有流心芝士餡！！不過個人都係鐘意食咸味嘅芝士多d 另外散叫咗🥚木魚花玉子燒 木魚花帶出咗個香味，連埋d沙律醬，係大阪燒嘅味道呀😋甜食組合 - 甜品+飲品鐵觀音奶油脆脆雙層窩夫 (+$5)上菜前一直以為係格仔餅/牛角窩夫咁，點知出到嚟成個🍩咁，整體做到外脆內軟，都幾滿意。而個cream就有濃濃嘅鐵觀音茶香，配合埋d焦糖脆脆，成件事幾夾，超好食！最後再加返杯凍美式作為呢餐完美嘅ending☕️

-鐵觀音奶油脆脆雙層窩夫Tieguanyin Crispy Caramel Double Waffles好濃嘅鐵觀音cream🧋🍼🫖好似飲緊鐵觀音奶茶奶蓋咁同焦糖脆脆好match 👅👅👅窩夫唔係一般一格格果隻佢係環形冬甩形狀 🍩🍩好似Bagel咁 幾特別外脆內軟 👏🏻👏🏻下午茶set配埋餐飲可以Chill chill地high個tea文青風格嘅裝修可以好好打卡屋子咖啡 (大圍)大圍積信街49號安信樓地下P號舖

經開大圍 搵左間cafe食tea裝修傢俬都係日本風設計 仲有個屋頂型很迎合屋子的名字多人食可以試唔同甜品草莓鮮牛奶戚風烤香蕉朱古力奶油窩夫黑糖抹茶牛乳屋子咖啡呢間日式甜品製作非常精緻睇得出廚師很有心思