居食屋「和民」 (皇室堡)

营业中

休息中

以前最鍾意去和民，因為食物多選擇，豬扒窩同壽喜燒仲係必點item，但而家嘅和民已經唔同晒，小食同主食款式都好少，所以都好少同朋友嚟呢度gathering，不過今次因為人少、有coupon同有卡位，所以先再嚟幫襯。大阪椰菜燒 $58 因為有芝士做饀，所以好想試，但醬汁非常咸，而椰菜絲又有少少燶咗，影响晒成個味道，no good囉！炸雞軟骨 $38粒粒都係軟骨，唔硬好爽口，炸漿又炸得唔太厚，口痕友必叫！牛肉壽喜燒(大) $98，追加烏冬 $28湯底濃郁中帶點甜，係我愛既味道，牛肉超多每人起碼分到4塊，豆腐又滑又夠豆味，追加烏冬又夠煙靭，好味、必叫！日本南瓜蕃薯天婦羅 $48我唔鍾意食南瓜，但呢度南瓜又腍又甜，食落同一般南瓜唔同味；而蕃薯同樣又綿又甜，炸漿又夠薄夠脆，不錯既小食！三人共消費 $222 (和民咭95折+會員coupon $50)

因為匯豐信用卡有得平50蚊,3個人叫左個2人豪華餐,本身個餐太豪華,2個人真係食唔哂,3個人就岩岩好。雞肉沙律,菜新鮮爽口,沙律汁應該係南瓜醬打出黎,酸酸甜甜都ok.仲有塊雞肉添豪華壽司盛合,壽司大大舊,有蝦,鮭魚同帶子。蝦肉爽脆,鮭魚都ok,肉質唔會一pat pat,帶子鮮甜。刺生有5款,蝦就中規中矩,其他魚都ok,合格。天婦蘿有炸蝦,冬菇,南瓜,番薯。外層都算脆,似係炸左唔係好耐,唔多粉。照燒雞,個汁ok唔錯,雞肉大份,係個棷菜唔食得,硬到呢....最後係和牛鍋,牛肉其實都唔錯,牛味有,幾滑身,脂肪比例都ok,咁既價錢食到呢隻牛都ok啦,下面d配菜都份量都好夠

早排同同事去左銅鑼灣皇室堡4/F果間和民食lunch, 發現佢lunch menu 都唔錯, 望落都坐得舒服就入左去試下.環保方面, 裝修唔算好高級,但整體舒服. 坐位唔逼, 空間感都OK食物品質方面, 叫左個滑蛋吉列豬定食,味道都唔錯, 蛋整得幾滑, 豬唔會太chewy( easy to crush with the teeth) 總體黎講係幾好, 但lunchtime時段就要等位. 要留意一下

之前都未試過壽喜燒，平時黎和民都係食它既下午茶，今次特登過黎試這個窩，但係幾失望，其實配料特別少，配左兩種日本雞蛋，牛肉都係得個幾片，菜比較多，其實單叫唔太抵，它有d套餐，感覺優惠d，另外叫左個三文魚壽司，無失望，三文魚大片，唔錯食，兩杯特飲，一個奇異果沙冰，唔錯，另一個熱情過茶，酸酸地，幾開胃

午膳，朋友的訂位，靠窗位置，好曬，冷氣明顯不足。看圖選餐，是日精選「貌似」不錯：豚肉天婦羅、野菜配黑醋汁定食($68)，套餐配上白飯、鏗魚湯、湯律、茶碗蒸及飲品。有這麼多配搭，很是吸引。經過漫長的等待，菜終於送上來，跟圖片挺接近的。誰知道，炸物相當的油膩，我熱愛炸物，但我也接受不了！！！因為很失望，不打算拍照。吃了三份之一，就跟它斷捨離了。整個套餐，我覺得最美味的就是鏗魚湯。回到公司，全身油煙味，相當難受。

呢間和民，其實食過咗好多次 食物嘅質素普普通通啦！近呢幾年價錢上脹咗好多，但係因為成日都貪佢坐位係比較舒服，同比較寬闊，所以有時諗唔到食乜，就好自然去咗和民，相信佢都有值得令人欣賞嘅一面嘅！

朋友剛申請左和民信用卡有折，梗係Lunch即刻去食啦 自家製厚燒玉子 $48 小食叫左玉子食，好彈牙， 佢重配左蘿蔔泥，點豉油！ 但個人覺得唔點豉油好味...石鍋鮭魚魚子飯定食 $63凍冰冰要食個熱辣辣既石頭鍋飯暖暖身配菜有沙律同面豉湯.三文魚反有片牛油, 炒既時候有少少牛油味, 好香. 撈飯既時候 - 炸炸聲 - 又香噴噴. 重要有飯焦. 魚子好貼心禁分開上. 撈好個三文魚反先加, 禁就可以原粒吃三文魚炒熟後, 散左一舊舊, 令每啖飯都有三文魚!再加D七味粉, 立刻將成個飯好味情度再提升壽喜燒鍋御膳 (烏東) $88朋友打邊爐, 湯底打左隻雞蛋, 再加埋牛肉既味道, 超濃郁!我試左個烏東, 好煙韌. 連湯吃. 重送左個小甜品, 紅豆蓉菓子, 都OK, 唔錯飲品叫左, 熱咖啡 同 熱柚子蜜

我極少寫食評，因為我覺得餐廳整野好食係應，所以我比較中意報告啲唔好嘅野比大家知，等大家唔好中伏。今次平日晚18:xx去銅鑼灣和民，叫左細牛肉壽喜燒、細雞鍋、吞拿魚腩卷呢幾樣都正常。原本仲有個新出嘅廣島蠔芝士年糕燒，點個一個毫無表情嘅侍應同我講「冇貨」... 我心意，隔離有人食蠔鍋，即係年糕冇貨啦... 但年糕都冇真係啞晒...算啦，再揭下本menu，見到佢有個炸mozzarella 芝士粒，好正咁嘅樣，咪叫嚟試下...一嚟到，「圖片只供參考」即刻浮見腦中...咬開嚟食... 空心咁滯！mozzarella拉到絲架咩？！拉唔到絲都算，我連芝士味都食唔到！$48叫7粒炸粉... 勁伏囉！

細牛肉壽喜燒(一人前)$68大牛肉壽喜燒(二至三人前)$98問過店員，一份大牛肉壽喜燒，等於兩份細牛肉壽喜燒。牛肉煮太耐會變韌，但牛肉沒有分開上菜，唯有先食，不過牛肉肉質不理想：太韌。

午飯時候，和三個同事來和民食午飯。讀書時候，很喜歡吃和民。現在選擇多了，所以很少吃了。座位寬敞，坐得幾舒服。午餐有麵食和飯類選擇。照燒蒜香雞扒定食叫了一份套餐，附送麵豉湯和飲品，凍飲又唔洗加錢，呢個價錢好抵食！而且和民食物質素不差。可以見到雞扒真係好多！雞肉唔乾，軟軟地，腍腍地，容易咬，總之一定食得飽！石鍋黑椒牛肉飯定食牛肉都係好多，足料牛肉醃得幾好食，薯條都係脆脆地。不過又有碗飯，又有薯條感覺幾奇怪。呢餐午餐幾抵食，又坐得舒服，唔洗搭檯👍🏻

Bad service. The restaurant was practically empty but the waiter wouldn’t give us a booth table. We had a baby and want a booth table. Super lazy and unfriendly staff. There are over 10 booths and I said if all the booth are taken then we will give up our booth. The food is below average. We orders scallops and the quality is not fresh and we ordered skewers and the chicken is very dry and over cooked. On top, the service is horrible, which is why I gave a bad rating.

又到happy friday喇，收工梗係約朋友聚舊食飯，朋友選擇了和民。兩個人叫咗一飯一麵加壽司，份量剛剛好。北海道十勝豚肉盒子飯 :豚肉煎得好香口，配上燒汁後相當開胃，送飯一流，但可惜豚肉份量較少，汁亦唔足夠，食到最後剩返白飯，如果可以多少少肉會更好。廣島風鐵板炒麵 :上檯時熱辣辣，仍然有鐵板嘅咋咋聲，份量比想像中細，配料只有肉絲及魷魚，食落比較油膩，味道亦略嫌過鹹，一路食要一路飲水，建議調味可以輕手啲。火炙鮭魚腩壽司 :鮭魚經輕微火炙過後，表面微脆，內裡依然鮮甜，配埋面頭嘅沙律醬食，四件話咁快就清晒。

某個星期六嘅下午，我和家人準備食午餐，但係又唔想食西餐，又唔想食中餐，終於揀咗食日式。我哋去咗銅鑼灣皇室堡4樓嘅「和民」食，貪佢嗰度坐得幾舒服，又多位。蛙魚牛油果卷我好鍾意食牛油果，所以就揀咗呢一個卷物。但係一嚟到就好失望，因為啲牛油果就係得卷物面嗰一兩小片，少到食落簡直唔覺得有牛油果嘅存在。三文魚片又好薄，捲起啲飯團又鬆散又細嚿，一啲都唔似Menu啲相咁吸引！我諗我做的可能還好呢！牛肉鍋燒烏冬燒鍋好細鍋，有牛肉片、雞蛋、菇和大蒜片，當然也有烏冬，但係各樣材料的份量唔多，每人只可算點到即止，味道沒有驚喜。日本南瓜番薯天:婦羅有三片南瓜和三片番薯。粉漿都算炸得OK，南瓜和番薯都好甜，可能係用日本品種嘅原因。北海道+勝䐁肉盒子飯䐁肉份量都算多，但味道普普通通，但覺得醃肉時可能「拿」得過龍導致肉有啲鬆散，整個盒子望落只有肉，應適量加些少蔬菜，以增加健康嘅元素。和民自慢鐵板餃子望落以為餃子底的脆片會卜卜脆，原來啱啱相反，係軟淋至真，真係估佢唔到而且大失所望。食落的餃子覺得同超市的急凍餃子沒有什麼差別，但價錢就好有差別呢！

中秋正日到處都充滿人，晚餐時間，間間都要等位，在皇室堡看到和民只有大約十人等位，拿籌後大約廿分鐘就可以入坐，但進去後發現其實有好幾長吉檯，看看menu,有二人及四人餐，每款再分兩三個級別，見今天是中秋正日，就食豪d, 點了二人前豪華set ($498) 6樣野食再加前菜，飲品及甜品，不過上菜次序稍為freestyle,第一樣是牛舌飯 (沙律及前菜也比飯後上)但沒關係，反正吃下去都一樣沙律 --- 正常水準刺身 --- 略欠新鮮，不過也是意料之中火鍋 --- 點了雞肉，但湯底卻很辣 (沒註明是辣)厚切牛舌飯 --- 大部分都淋，但略為不夠厚天婦羅 --- 普通炸雞 --- 最後才到，但來了醬燒，十分鐘後換回炸的，一切開，生的....是粉紅色那種生....退回去翻炸，明顯細舊左，而且翻炸後超級乾及燶.....因為來來回回的，總餐飯也吃了一段長時間😅之前有段日子，和民差了很多，但最近水準總算回復了，但此分店的員工不會主動收碟及加水😅某一員工行過好幾次，吃完的碟及火鍋就在他旁邊，什至是上第二道菜，都仍然不會去收拾.....反而另一穿深色西裝的員工 (可能是經理級)會主動收碟，所以仍然會再幫襯的

難得同一班朋友好耐冇見，我哋大家都好鍾意食日本野，所以就揀咗好耐冇佢嘅和民啦！今次去咗呢間和民，好彩我哋個個都好早去到，大約下午六點就到了！所以，出面冇乜人等位！我哋去到就可以入座了！我哋叫咗一啲餐前小食，有雞軟骨啦，一支白酒，幾罐啤酒，同埋一條鯖魚！我條鯖魚最好味架，肥美又多汁！食落去一啲都唔樓，仲好鮮味添！另外支白酒都幾抵飲， ＄110一大支，食飯開始飲到食少餐飯都未飲完！期間我哋仲叫咗一鍋日式牛肉鍋，分量都算差唔多，但如果係三個男人就一定唔夠食啦！可能兩個女人食就啱啱好！令我哋都叫咗雞軟骨，份量比較少，但係有客落鬆脆！我哋亦叫咗一樣芝士薯餅，對比起Menu入面嘅圖片，實在太大分別了！ Menu入面嘅相片顯得份量10分大，但係餸菜嚟到的時候，我哋都愛望着那碟芝士薯餅，實在是太過迷你了！只能倒抽一口涼氣！但是整體都不錯的，下次應該還會再去！