居食屋「和民」 (淘大商場3期) (已結業)

日本野相信大家都食過，但便宜的日本野，和民係其中一個選擇。最近公司樓下開咗間和民，午市只係$60左右，最重要推介一定要係佢嘅炸雞，炸雞可以係跟飯食，或者當係小食加，又得，雞肉非常滑，多汁，配沙律醬，非常推介。

今日翻中學拎完獎學金後，便與媽去了九龍灣的和民食日本菜，但不是很滿意，加州卷是連1/3的餡都沒有，很差呢！食壽司還是去翻壽司專門店的比較好😵而且石鍋黑椒牛肉飯的份量很少，只是看上去很多，但鍋很厚顯出很大一碗，與pepper lunch 的相比，這個的味道沒有那麼好。雖然是定食，有埋沙律、湯、飲品，但這裡還收加一。btw上次係黃埔花園食的和民質素很不錯👍，所以應該不是和民的問題，而是每間分店的質素差別的問題吧🤔🤔🤔還是廚師的心情不好呢🤔🤔🤔想著過中秋🥮

和民一直係食日本嘢嘅親民之選a la carte 或者揀套餐都得套餐有幾款，唔同價錢，豐儉由人我哋最後就點咗個 4 人餐加個刺身拼盤【豪華刺身盛合】甜蝦刺身幾彈牙，size 都 OK三文魚生熟兩種都有，中間仲有三文魚籽火炙過嘅三文魚更有油香因為無呑拿魚，所以帶子係 double 份量帶子好肥厚鮮甜！【健康野菜沙律】野菜沙律加咗少少燈籠椒絲同煙肉 🥗令到沙律層次更豐富，味道亦冇咁單一【極味意式薄切鮭魚】即係 salmon carpaccio伴以洋蔥、蔥花同埋用黑椒提味咁樣食都幾特別【季節前菜】前菜有啲入味蓮藕、菇同紅蘿蔔有種住家風味【照燒雞壽司卷】本身都有啲擔心呢個壽司卷會整到不倫不類點知好好味喎！照燒汁好惹味，雞肉頗滑壽司卷包住脆口嘅漬物，勁有口感 👍🏻【惹味黑椒糖脆雞翼】雞翼好有肉地，大大隻咁雞皮脆得嚟沾咗黑椒同蜜糖外面香脆，入面嘅雞肉好嫩好有肉汁【南瓜&日本有機番薯天婦羅】天婦羅嘅炸衣可以再薄脆啲不過番薯真係好甜好正 🍠【牛肉壽喜燒】牛肉好快就熟，都幾軟滑豆腐同大蔥吸咗壽喜燒汁甜甜哋嘅味道我都幾鍾意【復活！和民石鍋泡菜飯】呢個石鍋泡菜飯似模似樣仲有大大個生蛋黃將所有材料拌好就食得～

和民再次回歸淘大～新店的裝修明亮寬闊，用餐環境更為舒適。餐牌可以散點，也有 2人和 4人的套餐，我們就點了4人歡聚晚餐。套餐飲品選擇蠻多的，沒想到更有梅酒可選。在躁動的夏天喝一杯冰涼芳香的梅酒，微醺的滋味很是令人舒暢。先來季節前菜和健康野菜沙律。新鮮沙律有芝士煙肉生菜洋蔥紅椒黃椒，色彩豐富。這碟極味意式薄切鮭魚是漬過的，風味十足，加點檸檬汁來吃更是開胃南瓜 & 日本有機番薯天婦羅炸得香口不油膩，南瓜和番薯都是超甜的說！照燒雞壽司卷圓滾滾的賣相很可愛，雞肉鮮嫩，讓人一口一顆吃不停惹味黑淑糖脆雞翼帶點甜甜的滋味，物如其名是一道非常惹味的小食復活！和民石鍋泡菜飯是這裡經典菜式啊，幾乎每次來都必點的，脆口飯焦和香辣泡菜，令人回味牛肉壽喜燒也是不會岀錯的鍋物，燒得咕嚕咕嚕，牛肉、豆腐、冬菇和蔬菜跟甜美的壽喜燒簡直是絕配

淘大新開咗呢間和民，但一直未試，所以決定夜晚同屋企人食下本身我都好鐘意食和民，所以十分期待！次次食和民必叫嘅石頭鍋飯，又有我鐘意嘅泡菜，落啲辣醬落去個飯更加惹味！正啊呢個係大嘅牛肉壽喜燒，夠份量，啲菜索哂啲壽喜燒湯汁好好味！呢個係雞軟骨串燒，係我覺得最好食嘅！除咗啲汁好好味，入面亦都好juicy好夠味，同時亦有雞軟骨果種脆脆嘅口感，推介！廣島炒麵，燒汁好好味，加上脆口嘅椰菜，口感好好！加上有鐵板，肯加香最後加咗個照燒雞肉pizza，個pizza上面啲汁真係勁好味，我諗應該係千島醬黎，但呢度調得啱啱好總結：絕對值得食下，食物亦有水準，鐘意食日本嘢嘅不妨考慮！

本身是住九龍灣，見和民最近在淘大開了新分店，就今日同阿仔去試下啦！我地叫了二人前套餐（$369) 再加了一set串燒（$99)!加埋10%之後埋單成為$514.80套餐選了：餃子，壽司，壽喜燒，燒雞套餐有餐前刺身，沙律送，而且所有食品都唔錯！埋單時仲有甜品送唯獨串燒併盆令我地太失望，樣樣都無味，燒得太乾，而且串串都唔熱！

首先申報以前我係中意食和民的，自從它的分店越來越少，就好少機會去食了。今次係為了＄50優惠劵來試下這間新開了－排的和民。它的裝修風格不是以前的風格，有光猛燈光，佈置簡約清新，感覺舒適。可惜衛生情況有待改善地下痴立立，周圍有食物碎，櫈有水跡及食物碎，枱布不乾淨，聞到枱面有酸酸宿宿味點解感覺同茶餐廳衛生情況－樣架？！服務方面，好多店員係暑期工，對樓面不太熟悉。落單時，有－個店員不太懂操作落單機，問第二個店員，第二個也不太熟悉，問第三個店員，最後三個店員－齊落單。而且食完不會主動收碗碟，要叫才收。另外餐牌上有好多菜式都無。叫烏冬，無！叫pizza, 無！叫吞拿魚，無！最後我地點了:濃湯盛滿海鮮鍋（Ｌ）＄149 - 配料有尤魚圈，蠔仔，蟹棒，蜆（有沙），帶子仔，出奇地無蝦！整體味道似吉Ｘ家的火鍋。軟殼蟹壽司卷＄89 - 份量適中，可惜壽司卷鬆散，—夾飯同配料即分離軟殼蟹淋左唔酥脆天婦羅冷蕎麥麵＄99 - 蕎麥麵軟硬度適中，可惜天婦羅炸得略硬，唔鬆脆由其是魚柳好多炸粉，蝦肉有點霉另有加一收費！為何和民而家變差左咁多？！還我昔日的和民呀！！

原來淘大開左和民叫左個2人餐不知名前菜x2 食完都唔太知咩黎仲有沙律 （ 有個沙律夾好細心）同香草三文魚 味道也不錯Side dish 6選1 海老牛油果pizza雖然顏色有d 怪 但味道尚可 pizza 要快食因為d 汁會浸稔pizzaMain dish 6選1 蜆肉湯烏冬多蜆 湯鮮味 好食烏冬浸左好耐都仲十分有咬口鍋物 4選1 蕃茄香草牛肉壽喜燒原來係原個爐上有d 偏鹹 茄味濃 仲有原個蕃茄有好多牛肉仲有豆腐等等配菜 好豐富飲品係青檸可樂青檸係有青檸汁落去嘅所以味道偏酸而且好多核不過都幾好飲另外仲有生薑蜂蜜梳打呢個係好好飲嘅飲品嚟好薑而且唔係周圍都飲到淨係和民先有食物美味員工親切 上菜快只係張枱太細

即慶同朋友食飯，星期六周圍都好多人，所以一次過拎左幾間籌，好彩咁岩和民等中枱既人都走左，所以我地都算好快入左去～因爲套餐得4人同2人餐⋯所以我地揀左個2人餐再加小小野～（其實都唔小😂）套餐都有好多選擇⋯⋯飲品叫左 青柑桔可樂&巨峰提子梳打，我自己中意青柑桔可樂多d，因為巨峰果個我只飲到梳打味芝士炸雞比較一般，味道唔豐富⋯沙律都係普通⋯不過個蒜味雞脾就好好食～首先個汁好出色～有蒜味又甜甜地～而個雞脾肉整得好嫩滑～好好食滑蛋豚肉飯都唔錯～我自己都幾中意食～石鍋飯都做得幾好～有小小飯焦～加埋個辣汁一齊撈～好惹味～我揀左牛肉壽喜燒鍋～我自己本身好中意食～但呢一間分店個壽喜燒湯底好淡⋯😞無左本身壽喜燒個甜味～有點失望呀⋯⋯下次都係去返平時食開果間分店食先得⋯

今日經開淘大，到處好多食肆，見到有和民喎，就同朋友食和民，水準同其他分店一致，這間分店裝修簡約明亮，座位都好舒適👍和民一向都份量多，抵食，有散叫或者二人餐，四人餐，我們今次不是太餓，所以就散叫了幾樣。我最愛的是和民沙律，每次都一定一定要點$69。這個價錢食一個咁豐富的沙律，其實是超值，他的重點是在那個醬，混合了吞拿魚沙律，非常好食，還有煙燻雞肉，雞肉好入味，配埋羅馬生菜，口感好正，還有大蝦，熟蛋，材料好豐富，個沙律一上枱不到2分鐘，就被我和朋友食光了。芥末雞翼， $29 3隻本人又係覺得好抵食，這是炸雞翼，面層占了芥茉醬，重點係雞翼非常嫩滑多汁，脆熱的表皮鎖住了雞翼的嫩汁，唔錯。點了新產品，日本有機番薯條， $49好甜的蕃薯，番薯非常香，甘甜，雖然好熱氣，但係比炸薯條好好多。牛肉壽喜燒 大$119裏面有肥牛，冬菇，蔬菜，金菇等，醬汁夠濃味，而且好鮮甜，牛肉新鮮上枱，顏色非常鮮艷，煮大概3分鐘左右牛肉就熟了，所有配料都吸收晒湯底嘅味道，不錯不錯👍和民石頭鍋飯， $69又是非常抵食，熱辣辣上枱，建議要即刻將佢撈勻，因為很快鍋底就會有結焦，旁邊會跟埋辣醬，可以將辣醬放入去一齊撈勻，軟綿綿的

今日放工去左淘大商場食野，見到新開左間和民，出面望入去環境都幾好~門口見到menu有個2人套餐$289，如有和民信用卡就$275，可惜小妹冇和民卡，如有就更抵，不過$289都ok，所以決定食呢間~環境都算大，燈光柔和，日本風既設計~2人前套餐有前菜、沙律、煙三文魚，再揀1個小食和揀一個飯，最後仲可以揀多一個鍋，都幾多野食仲有2杯飲品前菜(年藕紅蘿蔔)年藕爽口，紅蘿蔔都幾甜~薄切煙三文魚上面有d黑椒粒，再吱埋d檸汁落去食，感覺好冰涼清新🍋~野菜沙律沙律入面有煙肉和蒜蓉味既麵包糠脆粒，蔬菜鮮甜，沙律醬酸酸地，好開胃滑蛋豬柳盒子飯滑蛋好滑，豬扒鬆化🤤d飯都好香和民鐵板餃子脆口煎餃，入面有d肉碎同菜粒皮薄餡靚牛肉壽喜燒呢個係我既大愛呀，湯底仲好甜，放埋粒雞蛋落去，簡直係完美既配搭，另可追加烏冬同牛肉~追加烏冬(250g)$39追加牛肉(100g)$49烏冬煙韌，上枱時仲係熱的~牛肉塊塊都切得好平均，食落去仲好嫩滑😋，好吃青柑桔柚子蜜梳打呢個男人話冇咩特別，都係有d柑桔味和柚子味，加埋有汽既梳打，所以唔會太甜~熱蜂蜜生薑茶熱飲比較甜，同埋飲到底，薑味好出帶點辣~店員親切有善，接待員都好好笑容

和民居食屋係淘大花園重新營業，所以午餐又多左個選擇。店鋪比以前細，所以都要等位。😣😣😣和民特選日替既套餐好抵食，$65有沙律、主食、鰹魚湯、茶碗蒸同飲品。加加埋埋份量都好多下。😅😅今日係星期一，所以是日特選日替套餐係雞&豚天婦羅定食。天婦羅炸漿唔會話勁厚，所以整體都好好食。野菜同雞肉比豚肉較較為美味。😋同行同事點左滑蛋豚肉定食。相比起是日特選日替，同樣價錢定食少左茶碗蒸。同事覺得滑蛋豚肉都好好食，但稍微有點多水。🤔

這天朋友相約一同前往九龍灣， 本來還打算前往大盒吃飯，最後我們還是留在距離地鐵站路程較近的商場內進餐，我們選擇了一間連鎖的日本料理店， 在我記憶當中過去這是一家教室來的，沒想到現在以完全轉型。牛肉壽喜鍋($69)加烏冬（$39）， 牛肉壽喜鍋性價比極高，全因為份量十足，加上味道豐富，牛肉份量又多，美味可口，唯一有點可惜的就是，烏冬需要額外加錢，如果壽喜鍋能贈送烏冬，那就圓滿了。滑蛋豬柳盒子飯（$69）， 有一飽肚之傑作，滑蛋香滑可口，蛋味十足，配合吉列豬扒，帶點香脆的口感。酥炸軟殼蟹壽司卷（$89）， 我會叫他為全晚的弱點， 雖然美味可口，但性價比普通。還算滿意的一晚。

晚上淘大揾食，茫茫大海中唔知食乜好，抬頭俾我見到和民。久別再遇，又响淘大開返啦新舖裝修明亮整潔，俾人一種舒服感，I like it ! 二人店長推介套餐$369兩個人就食二人前，都幾多野食架！ 而飲品呢就有十幾款任揀，柚子蜜、柑桔蜜、啤酒、汽水、檸茶同奶茶都有。而且話咁快就有野食，仲有大大張卡位，放滿曬都唔覺得迫。二人套餐包乜嘢？真係幾多野架，逐一數吓......首先係季節前菜，有紅蘿蔔、蓮藕、牛蒡等野菜組成。芝士凱撒沙律大碟的凱撒沙律，菜菜尚算新鮮，而且仲有隻好味半熟蛋。三品刺身盛合三文魚腩、甜蝦同帶子刺身，亮晶晶新鮮好味。鐵板豚肉野菜炒份量多到滿瀉，雜野用來炒真係最清甜架和民石鍋泡菜飯熱到爆燈的石頭飯，有豚肉、野菜、泡菜同埋隻雞蛋。撈勻佢，令蛋汁滲透每粒飯，加上少許焦焦地，好香好好味牛肉壽喜燒平常食個壽喜燒閒閒地都過百，呢個二人餐包左，感覺好抵。牛肉都靚架，肥瘦適中，加上個底舖滿野菜。同埋醬油底，甜甜地幾正。整體而言，屬水準之上，穩陣呀！原隻蒜味雞腿燒一上枱俾佢嚇一嚇，呢隻雞腿都真心大隻。蒜味不算濃，但勝在夠熱，外皮脆脆夠香口，又有肉汁。食完真係飽到上心口，不過又好鬼惹味一口精選蛋

‪同朋友係淘大睇完戲，第一時間緊係要醫飽肚啦! 雖然餐廳選擇眾多，但當下真係諗唔到食咩好呀，抬頭望望，見到「和民」，行得! 唔洗諗啦! ‬‪ ‬‪日本產有機蕃薯條‪炸出來非常金黃，入口鬆軟香甜一點都唔油!而且番薯味極濃 ， 味帶微甜 ， 質感實淨 ，再點上蜜糖，簡直一拍即合!‬‪ ‬‪和風牛小排陶板燒‪店員貼心提醒我地先落牛油、南瓜同菇類，咁D油就唔會彈到我地啦! 之後將牛排直接放係熱鐵板上燒，即燒即食，保留左食材本身既味道，肉質嫩，油花均勻，大推!‬
‪和風煙肉&雜菌披薩‪批底超級脆薄，無一般Pizza咁乾身，感覺唔會食得太滯，只係個批底就已經加曬分!而且煙肉&雜菌唔會焗得太干，整體滿意。‬‪ ‬‪多彩燒鮭魚壽司 (3件)‪炙燒過後既三文魚既香氣都被逼哂出來，味道中規中矩，較無驚喜既感覺。以哩個份量來講，價錢我覺得適中。‬‪ ‬‪多彩帆立貝壽司(3件)‪帆立貝滋味鮮甜、肉質飽滿，配上鮮彈既飛魚子，回味無窮。‬‪ ‬‪酥炸軟殼蟹壽司卷‪酥香的軟殼蟹配搭蟹肉既清甜，口感極佳，如牛油果味重返少少就天更好啦!‬