影片
今日中午我去居酒屋食拉面，野食真系黎得好快，点知食食下见到碗面有只蚊滋，已经食唔落，就同个侍应讲，佢竟然望下我，又望下碗面，完全唔俾反应我，隔左几十秒先问洗唔洗帮我换个碗，态度差得很...
继续阅读
有次同男友食晚饭, 由于大家都钟意食日本o野, 系楼下见到有间咩居酒居, 于是就走左上楼食. 依个系恶梦o既开始...上到去, 见到入面已经有客, 谂住应该都ok挂... 坐低左, 见到个menu上面d食物都几吸引(而家谂起都反胃), 男友本来想叫火锅, 不过谂谂下都系试下先, 好味下次再黎.落左order唔够几分钟, 碟炒乌冬就已经黎喇. 我地都碌大对眼, 心谂: 有无煮得咁快呀. 见佢个卖相都唔好唔吸引, 但我姑且一试... 食第一啖, 咬左两下, 即「lur」! 哇, 乜「叔」o既... 我食o野都唔挑剔架啦, 有时食海鲜新唔新鲜我都分唔出. 但我都咁o既反应, 我男朋友就知大镬. 果然佢一试之下, 都觉得系「叔」o既.于是我地揾个店员理论, 佢死口话d汁d味系咁o既, 我信佢就奇! 摆明d鸟冬都唔知摆左几耐, 先「欧」到个阵「叔」味. 我地都费事同佢嘈, 二话不说即刻cancel哂所有order兼埋单, 即走. 依次真系贴钱买难受. 我从未食过咁颓o既餐厅. 印象非常深刻, 因为实在太差喇. 我重未试过食野「lur」得咁快. 我好唔理解点解有人重可以觉得佢d食物OK. 下面个位thankyoume所讲o既, 我身同感受. 饿死都唔会再去!!!
继续阅读
叫左个猪软骨拉面set, 有埋6 件sushi, 价钱系几抵,,,,$65, 但个拉面唔好食....个noodle 既texture 唔得.sushi 就ok la. 环境都几静, 都可以坐耐d同朋友倾下计个种.
继续阅读
25 September 2006 (Mon) - 晚饭都算得上几夜至去食，居然话冇位，我哋位喺门口度等，个waitress居然要我哋出去等，嫌我哋阻住佢，我个friend知我臭脾气，见佢哋咁冇礼貌，都问我仲食唔食，我话食，反正都黎到！入到去发现都有几多日本人下，而且亦发现原来佢系应该有位，不过佢冇比到我哋，但反而比咗张大既卡位我哋，都OK㖞！叫咗：1. 海鲜沙律- 好大碟，真系冇谂过，如果比着系鱼一，丁一定细一倍或只有其2/3，所以好抵食，以我记得系$48，海鲜其实系杂锦碎鱼生，个汁就有啲似系番茄汁再加酸汁，我觉得OK，我个friend话略嫌酸咗啲！2. 香葱吞拿鱼饭- 好大份，好正，啲吞拿鱼都好多，呢个系大家都最钟意3. 烧饼- 似乎比较麻麻，因为佢入面整得太淋，好似个烧饼个馅未熟咁，当然绝对入得口既，但系好难夹起，一毕就散．．．4. 烟肉露荀串烧- 有两串，每串有三件，哗，佢个烟肉非常大抽，人哋通常只有一片包住个露荀，但佢𠮶片足足可以卷三次．．．好吓人，但亦因为咁，露荀既味道就突显唔到出黎，但系啲烟肉味又真系好香！5. 一人一杯特饮：我𠮶杯系white wine sour，我个friend𠮶杯系honey milk sour，我原本想叫柚子，但冇晒，white wine sour都OK既，味道几得意，有啲似波子汽水咁但系有酒味，每杯$15，好似原价系$28，所以都OK抵咁！但系可惜既系服务生笑容欠奉，去到尾连茶都冇再斟比我哋啦，而且态度亦唔太有热诚．．．不过间嘢啲价钱OK，嘢食又大碟，绝对可以再去！
继续阅读
牛肉窝定食–唔错，个窝有牛，豆腐，菜，同粉丝，仲有一片冬菇海鲜沙律–原本个就唔错既，有点鱼生粒，但的菜唔太新鲜，所以扣分三文鱼刺身–好新鲜杂锦寸烧–唔得，完全热都唔热，全部都系整定洒，失望除了刺身过一百蚊之外，餐牌上有好多野都系大概48蚊78蚊左右。服务OK，无食评所提到既肥女人。服务员虽然无笑容，但都唔会黑口黑面。食饱落楼至发觉我地原本想去果间原来响上一层。食完好口渴，番到屋企狂饮水
继续阅读