尚點 小籠包.上海菜館 (悅來坊) (已結業)

星期日約咗朋友帶小朋友們一齊去青衣東北公園踩單車，玩到黃昏就決定一齊大夥兒去吃飯！一行十多人，有大有細，都唔知去邊好，其中一個朋友建議去荃灣悅來酒店呢間上海菜館。呢位博士朋友係專門研究細菌同病菌，經佢嘅選擇應該係合乎衛生水平！🤣🤣🤣去到餐廳要在門口攞飛等位，可能我哋人太多，冇咁多大枱，所以等得比較耐。大約40分鐘後，終於可以入座了！立即嗌嘢食，怕小朋友會餓親。食上海野小籠包係必食之選，小籠包內的湯汁算多，符合一般水平。但係麵食方面，無論係冷麵定係擔擔麵，麵質就好麻麻，嫌佢唔夠彈牙！口水雞較為失色，雞還雞醬汁還醬汁，好似只係加喺面咁，唔太入味！全場最好食嘅係嗰個咕嚕肉同煎鍋貼，賣相吸引，食落味道都好好！值得推介！其餘嘅上海炒年糕及其他小食就不過不失！只係有啲遺憾，覺得欠缺正宗嘅上海菜味道！依家想食正宗又好味嘅上海菜，究竟係邊度可以食到呢？

星期六中午一時多，餐廳唔使等位係點餐紙上✔便可雪菜肉絲炒年糕原本諗住會白雪雪的炒出黎有啲似上海粗炒，只不過唔係麵，係年糕味道ok小籠包係四隻的…已經食左兩隻先記得皮唔太厚，亦唔太簿入面有湯汁$79可以揀四款小食，樣樣少少的一次過滿足四個願望1. 鷄絲粉皮2. 糖醋骨3. 素鵝4. 烤麩

價錢昂貴 食物很差 不值得一試除左裝修較新之外，其他一無是處。首先，食物質素一般，賣相很差生煎包外相奇差，沒有肉汁，整個只是一團白色粉團素鵝只是用腐皮包了一些薄薄的金菇，油膩，乾身排骨菜飯，分量極少，豬扒薄身，味道一般，飯未煮透，比大家樂難吃等待時間過長，等了45分鐘才到齊食物，欠缺人手此外，作為上海食店，居然賣完所有麵食，本來想吃擔擔麵，卻令人失望而回，令人十分失望希望可以加以改善，但個人來說不會再吃

除了幾好食！估唔到間中都會有新菜色推出整體來說，環境衛生，又寬敞！有小朋友的家庭最適合，侍應都有禮貌起菜都快！小籠包和脆鱔都好食，之前食過脆米湯飯，可惜現在沒有了

真係上海菜館嗎？太難食吧！酸辣湯麵個湯不酸不辣，上海排骨担担麵，排骨簿到似肉片，湯又無味，基本花生醬味都無，還好前菜都ok既，無唸過係$80一個午餐都咁差質素，真係有良心食店……好難求。

今次黎呢個場試上海野. 餐廳都幾大間, 晚飯時間客人唔多. 環境寧靜.有大量卡位坐得舒服😆雞絲粉皮幾大份, 又多料 good.脆鱔上桌熱拿拿幾香口. 好味👍🏻👍🏻窩貼煎得幾靚, 食落又唔太油膩.小籠包皮就厚d. 但都多汁 juicy又夠熱👍🏻炒飯炒得乾身不錯. 炸饅頭有成六件太多了, 兩個人食超飽😝服務方便都幾好, 職員有禮, 又主動加茶, 但奇怪職員竟然唔知咩係上海肴肉!? 整體唔錯, 下次可以再 encore😆

今日見荃灣很多小店都多人，行下行下走到悅來坊的尚點試下。叫左個午市套餐，前菜是涼拌粉皮，主菜是炸菜肉絲湯麵。見到炸菜肉絲湯麵有辣椒圖示，好奇睇下如何辣。先吃了個涼拌粉皮，有點失望。冇乜花生味，除了喊，花生的香味真的少得很。之後就試下主菜的炸菜肉絲湯麵。湯面佈滿了好像辣味的顏色，先試一口湯，很淡。再開始食麵，起初味道很淡。食到中段，辣味才由口中慢慢累積而散發出來，但其實都不是很辣。炸菜和肉絲分量算是比較少。但麵身就比較彈牙。整體來說咁的價錢咁的質素，填飽個肚算係咁。不過不失。

媽咪話試過中午黎食一次覺得唔錯，所以今晚帶埋我地黎試吓。星期五晚上荃灣度度都好多人，難得見到有位泊車就拿拿林走咗入去，結果連續兜圈上咗7層先搵到個位 😒 悅來酒店呢個停車場真係窄到不得了，好佩服細佬可以將架七人車舞得虎虎生威 😂 呢間上海野門面裝修都唔錯，望落幾企理，不過旁邊有酒樓同shabu shabu，感覺好少少似food court。一坐低就見到張墊檯紙寫曬一堆員工福利同晉升階梯，好似好求才若渴咁wor 😏成晚咁多碟只有一碟賽螃蟹比較正常，其中最令人失望嘅係酸菜桂花魚，百幾蚊得果幾塊又薄又細嘅魚片，感覺淨係倒d辣椒油落去就算，得個辣字，完全無酸。冷盤方面，好明顯全部都係就咁係雪櫃攞出黎，好凍，無味，雞絲粉皮太少醬，口水雞d雞肉梅曬。上海粗炒味道好淡，而且一d肉絲都無，細佬話好適合素食者 😔 鱔糊都ok嘅，不過我比較中意d結實嘅鱔肉。紅燒肉刈包塊包好乾好碎。小籠包同生煎包皮太厚，一般般。其實服務都ok嘅，落單果陣仲仔細同我複一次對單。不過waiter講錯菜名就有d尷尬，好似紅燒肉刈包呢個比較少見嘅就算啦，但係好似韭黃鱔糊呢個常見嘅上海菜式都讀錯做“非黃”就有d令人哭笑不得喇 😂 可

今天是年初四，我們一家人到悅來坊逛街，看見這𥚃有間新派的上海餐館，於是決定試試。侍應安排我們5人坐半梳化座位，不像一般上海館子的逼狹。桌上的杯碟碗筷擺放得整齊企理，熱茶夠熱很好喝，感覺十分舒適。我們點了以下的食物：擔擔麵：採用幼麵，有不辣、小辣和中辣程度選擇，雖然我們選中辣，可是中辣卻不辣酸辣湯：味道不錯，如辣些更好，多荀絲醉雞：雞肉很滑，但味道不夠醉小籠包：小籠包的內餡不錯，可是皮較厚窩貼：窩貼很熱辣、餡料豐富、網很脆紅油抄手：味道惹味可口嫩雞煨麵：用熱鍋上很夠熱，幼麵很滑小黃魚：有兩條，香脆熱辣，魚肉鮮味番茄拌秋葵：味道很開胃，秋葵爽口，和番茄很夾黃金家常餅（麵醬肉汁）：非常美味，餅面舖滿芝麻，麵醬肉汁似肉醬意粉的肉醬味道，和家常餅味道相配，本人十分推介。上海排骨粗炒：十分熱辣，有菜絲和肉片，味道不錯，但比較油整體上食物賣相不錯，只是食物味道的辣味欠奉。侍應們都很有禮貌、態度積極和有笑容，他們會不時主動加茶，這是值得一讚的地方。

放工吃晩飯, 坐門口 table, 環境舒服, 服務OK! 地方整潔, 衛生很好!雲呑雞 - 雞湯雞味濃郁, 唔覺有味精, 油不多, 雖得半隻雞, 但肉質嫩滑! 雲呑伴嫩菜美味!上海擔擔麵(去辣) – 好像是花生湯底, 有金華火腿絲, 味道剛剛好, 不算太濃味, 麵條也剛剛好, 不淋不硬! 滑蛋蝦仁 - 蛋滑有蛋汁, 蝦仁size較細, 但味道唔錯!咕嚕班塊 – 外脆内軟, 不太酸, 味道剛剛好!整體味道唔錯! 値得推介!