尚鮮日式燒肉漁市場 (已易手) 新餐厅

以前都有幫襯食 午餐，味道都可以嘎，不過聽講轉佐師傅，加上在附近上班，貪方便就過來食lunch ，一試，覺得好難食，食物準備得好求其，味道處理得隨便。我問樓面，係咩水準的師傅來嘎？個樓面話係個專門搞午餐個師傅整嘎。雖然唔知係咩人來嘎，但如果我係老細，一定唔要咁沒水準嘎人搞壞d食物，上班之後個午餐都想好好放鬆下咋，一食個餐，一食d食物，就知道師傅有無心機對待d客人嘎啦，咁嘎水準就做師傅，都無打算過來食午餐了

家姐請食飯，話食呢間燒肉放題，之前一值bookmark 左想試好耐😛今個月仲有燒蠔promote~四人同行任食燒蠔啊！放題就限時兩個鐘～～$298+1~✨4 人同行送龍蝦刺生兩食， 龍蝦肉上放左好多蟹籽，食落脆卜卜幾過癮，不過味道就唔算好鮮。反而覺得其他刺身比佢好食，帶子，北寄貝，蟹棒，鮑片都非常鮮甜，刺身水準唔錯👍🏻。✨另外龍蝦頭同殼就拎黎煲粥，講真得個殻其實個粥無咩味。✨海鮮拼盤完來like fb 先有😓～講真好鬼煩～又like 又share video 先有，同行有老有嫩，要個個like 晒～好彩fb account 夠多xD !!✨拼盤有鮑魚，大蝦，蠔，貴妃蚌～每人一隻。甲羅燒就兩個人一個。✨最好食係貴妃蚌，大大隻夠鮮甜多汁，入面仲落左清酒去燒～正。👍🏻✨鮑魚雖然無咁鮮～但夠彈牙，燒得耐都唔會韌。✨大蝦之後可以免費追加，肉質結實鮮味十足～都係抵食回本之選。✨甲羅燒燒到乾晒😆。。唔知食緊乜～嘛嘛地。✨瘋狂任食燒蠔真係最抵，質素唔差，幾好食，我地食左超多👍🏻✨懶人必燒：牛油粟米&金菇菜，唔使理擺埋一邊等食😆✨清酒蜆都好好食，幾鮮甜，不過等左勁耐都無打開🙄後尾先發現係由頭到尾個火都開

今晚與無肉不歡的弟弟來到這裡吃放題! 雖主打肉類，但同時提供不同的日式食品，現在只要like&share fb page，更會附送一盤海鮮呢! 要是不夠喉，可以加錢繼續追加，價錢亦不算貴。餐廳地方頗大，空間寬敞，每張桌子上都有燒爐烤盤，有食物上桌時侍應會幫你拉下抽煙機，服務亦尚算周到。桌上有不同的調味料，加不加或加什麼則按個人喜好選擇，也頗體貼。餐廳走高科技路線，於ipad上點菜，食物多按件的份量計算，點好後按下單，過不久便會上菜，既方便又環保。雖然海鮮拼盤是送的，但份量和貨色絕不欺場，有由羅燒，生蠔，貴妃蚌，鮑魚和蝦! 象拔蚌細細隻，口感和鮮甜度一般；鮑魚雖未至於鮮美，口感亦頗爽口；蝦大小適中，亦夠彈牙。甲羅燒充滿蟹黃膏的濃郁，很不錯! 生蠔沒有吃，弟弟表示味道尚可。先來些前菜，卻是我的主菜。有甜酸薑片，韓式蘿蔔和蟹籽沙律。味道是普通的，但因自己較愛酸酸辣辣甜甜的味道，故也合我口味。刺身方面叫了玉子，三文魚，松葉蟹棒，鮑片和帶子。帶子和三文魚交由弟弟負責，他亦表示不錯，帶子亦夠鮮甜。我自己最喜歡玉子，有焦焦的味道更添香口，味道甜甜正合我意。炸物方面沒有叫太多，弟弟只叫了炸雞軟骨和雞翼

食放題真係好難得會見到有得燒海鮮，佢仲有埋燒肉、刺身、同小食，唔係唔試試佢嘛？！.宜家只要like & share 佢地Facebook 就會送每人一份特選海鮮拼盤，大大份又新鮮！四個人黎食的話會送一份龍蝦刺身 + 龍蝦粥兩食之餘，重可以任點燒蠔！.🔹特選海鮮拼盤雖然係送既，不過一啲都唔求奇，每人有一隻活飽魚、貴妃蚌、大蝦同埋生蠔，至於甲羅燒就兩個人一個。.啲海鮮大大隻又好新鮮，鮑魚重識郁添。.店員會教每樣野要大約燒幾耐，我就教大家唔好放太中間，唔係就濃左都唔熟架啦。.如果食唔夠候想再追加，都可以加錢再要，價錢都算合理，例如甲羅燒係$38隻.🔹龍蝦刺身 + 龍蝦粥兩食龍蝦刺身唔好講放題，本身都唔多餐廳可以食到，剩係咁特別已經值回票價。.龍蝦刺身切成薄片，晶瑩剔透，咬落好爽口既，同虎蝦刺身差唔多口感，味道同熟龍蝦肉好唔同，會較鮮味清甜得多。.食完個刺身，店員會回收個龍蝦殼去煮粥，一啲都唔會浪費。不過可能煮嘅時間比較短，龍蝦味唔係太突出，我都係鍾意個刺身多啲.🔹刺身款式大約有十種，都係揀選香港人最鍾意食嘅種類，呑拿魚，三文魚，甜蛋，赤貝，松葉蟹棒呢啲一定走唔甩，擺盤就爭左少少，但刺身相當鮮

完全不能接受刺身唔新鮮，無鮮味，蝦頭臭燒蠔大隻但好多隻都係臭幾兜蜆煮左一個鐘都唔開口，完全唔新鮮，清酒蜆個蜆落左好多糖送既海鮮拼盆入面既蟹膏，甜到不得之了，唔係鮮甜，係落左好多調味料個隻甜，全部人無食燒蝦第一次送黎又大隻又甜，但後加既蝦，全部霉霉散散，完全唔得叫既刺身唔足數量，一大迫埋係一隻細碟，又無冰坐底壽司d飯未熟，硬，好過份飲品小選唯一覺得龍蝦煲既粥真係好食真係要讚佢地既服務好好，好好笑容，有禮貌

今次嚟到食【浜燒海鮮× 日式燒肉放題組合】🔹️Like & Share尚鮮fb page就送海鮮拼盤🔹️4人同行送龍蝦剌身🔹️4人同行任燒蠔(唔夠4位+$18就可以任燒蠔)呢度係用平板電腦點餐，而格嚟仲有叉電位添🤭.▫️#海鮮拼盤有鮑魚、甲羅燒、海蝦、貴妃蚌同蠔😚店員會同你講每一款海鮮燒幾耐，不過講完之後我已經極速忘記咗😂鮑魚都幾大隻，食落去有咬口又唔會韌😆仲有最愛嘅甲羅燒😚🦀千奇唔好燒咁耐唔係就會乾晒😭海蝦食落去肉質唔會霉，食落去幾彈牙😆🦐貴妃蚌同樣係幾大隻，食落去幾鮮味😋最後因為四人同行所以可以任燒蠔，雖然唔算特別大隻，不過都幾飽滿肥美😚.▫️#龍蝦刺身呢個係龍蝦兩食，龍蝦刺身晶瑩通透，食落去幾爽口😣小小嘅鮮甜味😛之後店員就會拎龍蝦殼去煲粥，不過就唔覺得個粥有好大朕龍蝦味🤔但都係啲殼到met到龍蝦肉嚟食😆.▫️#燒肉類基本上如豬、牛、雞都有，好多唔同部位😚醃得唔錯幾入味，另外都可以落放係枱上嘅海鹽或者黑胡椒🤔一口牛味道唔錯，不過就有啲細粒，要一次過嗌多幾粒先夠本😍最中意就係雞翼，因為係單骨，所以食得好方便又好味😎如果佢得燒肉好油膩，仲可以用生菜包住嚟食添😆.▫️#燒烤類有好多種類😚食咗芝士魚蛋、

👫314白色情人節💞，難得去到銅鑼灣，👱🏽‍♂️👱🏻‍♀️就嚟咗呢到食燒肉放題，每人仲送海鮮拼盤添(5款)😋 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 不定時更新食評⭐️一一一一一一一一一一一一一一#晚市放題 <$278>▫️星期一至四▫️兩小時任飲任食入座後係用平板電腦落單✅，落完單無耐就上咗兩份浜燒蠔海鮮拼盤🌊 拼盤包括大蝦🦐、鮑魚、生蠔、蟹蓋甲羅燒同埋帆立貝👅 全部都大大隻，店員仲教埋我哋點燒，好細心💓 海鮮食落幾鮮甜而且唔會腥，鮑魚食落好有咬口，超級彈牙爽口🤤 甲羅燒入面放滿蟹膏，仲有隻半熟蛋，邊攪拌邊燒，食落超濃郁蟹膏味，好香又鮮甜💕.特選燒肉類有牛、豬、雞肉等🔥 肉類醃得好入味，基本上唔駛點蘸醬就夠味💜（想重口味可以自助加調味料😎）但切得比較細塊，要一次過食幾件先滿足🤪 👱🏽‍♂️👱🏻‍♀️最推薦係牛舌（比較大塊）同豬頸肉，一路燒一路加燒汁都幾惹味㗎！食到覺得油膩可以加生菜包住嚟食就啱啱好😚 雞翼係單骨，啱曬👱🏽‍♂️👱🏻‍♀️呢啲懶人食用👍🏻 燒蜆同蒜蓉金針菇味道都唔錯，而且冇咁容易燒燶😛.尚鮮刺身件件都

好耐無食過放題啦 以為呢間只食日本野 原來仲有燒肉食 門面招牌好靚好有日本風格🇯🇵 係外面等緊已經聞到好香燒肉味 急不及待入去食！一入見到飲品同甜品櫃 甜品選擇有Jelly,Tiramisu,同另外3款小蛋糕🎂🍧🍨🍩 未食熟食已經忍唔住食左甜品先🍰 蛋糕份量唔大又味道又唔溜 約$1硬幣Size 所以食完都唔怕飽飲品櫃有2個 有烏龍茶檸檬茶同汽水 全部都任拎🥛🍸🍹🍵🍶🍺坐低發現枱好大同寛敞 平時放題既枱有ｄ窄🍽 點菜用電子Mon比較環保 選擇好多 有燒既肉類有蔬菜類🥒 亦有刺生壽司同日本熟食🍱 都有冷盤沙律🥗 另有要加錢既酒同高級食材🍖 爐隔離有不同調味料同醬油 亦有兩個唔同既夾分別夾海鮮同肉 同最重要係有得差電！😍先有海鮮拼盤🐟 有鮑魚 甲鑼燒 貴妃蚌 蠔 蝦🦐 店員非常好 知道我唔識燒同唔知海鮮幾時熟 即使忙都特登隔一陣就幫我反一反 全部海鮮都好新鮮 特別係蠔同蚌🐚刺身非常新鮮 但原來每件都好細份 所以如果想食多ｄ既就唔可以好似我咁只寫4件啦🤧燒肉一樣比較細份 但我同朋友岩岩好夠食 肉類都有好多選擇 牛豬雞唔同部位都有 覺得最出色係牛舌牛肩胛🐮豬頸肉🐷同雞腿肉🐔另外點左炸物同小食🍡試

肉種類太少，上菜慢。明明叫左三份 點知三份重少過一份， 刺身好難食， 其他一般。 服務態度 唉！ 好幾次有嘢食未到 都會第一時間 check 您有冇送單 唔係問您有咩嘢食未到。 火🔥都黎 個爐用到有幾次突然大火到噴出黎 但冇人理。 Last order 食到最後燒剩幾塊肉果時 無啦啦走過黎幫您熄火 話點肉出油太多 驚噴火噴到好高 似驚您唔走咁。 地方環境還可以 但整潔就麻麻 。 總之 唔會再有下次。 —完—

當有選擇困難症嘅foodpigss🐷🐷出街唔知食咩好嘅時候 就會選擇食咩都有嘅放題（$278/人）💃🏻 事關放題嘅食物包羅萬有💁🏻 今次呢間除左平時放題必食嘅刺身、壽司同炸物之外 仲有得燒肉😎 岩曬食肉獸🐷呀！ 當中最印象深刻就係牛舌有分原味同醬汁🧐 個人好喜歡食原味嘅薄切牛舌 食左十塊以上🤫另外估唔到任食燒蠔都只係加+$18🤩🤩 質素都唔差 新鮮得黎又幾肥美😆 食三隻已經夠回本🤗 而最最最估唔到係只係需要Like & share尚鮮個facebook就送浜燒海鮮拼盤😍 唔好以為送嘅野就馬虎了事😌 拼盤係包括勁新鮮仲郁緊嘅鮑魚、好多蟹膏而食落甜甜的甲羅燒、已經食左好多嘅蠔、貴妃蚌同海蝦😋 真係好surprise💃🏻 最尾仲有一人一杯movenpick雪糕🍦 即刻覺得值回票價😝當然唔少得野飲同cake啦🤗聽聞4位同行嘅話仲會送埋龍蝦😳 而且蠔都係免費😱😱 下次真係要成家總動員去食👨‍👩‍👧‍👦 P.S. 以上屬晚餐時段去星期五六日、公眾假期及前夕係$298/人

坦白說，我一向不太愛吃放題/任食火鍋，因為通常質素都好參差。這天和媽咪來這間餐廳，令我有少許改觀。.平日每位$278，假日加20（不連加一），優惠送的浜燒海鮮拼盤非常新鮮，鮑魚生猛，貴妃蚌鮮甜，還有混合蟹膏、蟹籽、蛋、蔥花的甲羅燒，用小匙拌勻燒香，入口鮮味。店員說加$18更可任燒生蠔，可惜，我不愛蠔......不過媽咪燒了拼盤的生蠔，她說挺新鮮。.用iPad點餐 ，比較環保，眾多食物中，推薦一口甜薯（超甜啊！吃完又吃）、清酒煮蜆、辣酒煮蜆、牛肋肉、雞肉、熱烏冬等。甜品除了數款蛋糕外，每人都會有一款Movenpick 雪糕，可選士多啤梨或核桃味，兩款都好味。.但是壽司方面就有些失望，鰻魚腥，八爪魚韌，飯質一般，看來這裡還是新鮮海鮮和甜薯最美味～值得一讚的是店內大部分都是卡位，頗舒適，不會太吵，適合和朋友聊天。

今次同女朋友黎試呢間燒肉，就係比佢既燒肉，刺身所吸引雖然地點同平時食飯既地方有啲遠（生活在九龍，所以過海係算遠架喇😂😂😂）一坐低當然點刺身啦，刺身款式唔算多，都有大約十款到，但都係大路正常野，都算新鮮好味三文魚同帶子都好好味點左啲肉同海鮮燒，味道正常，但略嫌汁醬比較少，帶唔出個味道再點左啲炸物同壽司，炸物乾身左少少，味道正路，但壽司就真係唔算好食，扣左少少分整體都不過不失，台有usb叉電，呢個幾貼心唔錯！

睇到上網啲推薦，以為好好食，滿心期待去食，點知係難食到喊😞😞😞好失望。我諗求其一間放題都好食過佢，啲魚生唔新鮮，甜蝦無甜味！啲海鮮同肉又普普通通，食物選擇少，真係唔值依個價。一入去個陣又無人招待。一個字！差！ ！ ！以後都唔會相信上網啲推薦！

由於一年前光顧過，當時覺得食物水平及速度比其他同類型食店為高，而價錢也不算太貴，所以決定今晚再次光顧，$278一人，四人同行更送龍蝦刺身，一行四人約七點半到埗，座位尚未爆滿，眾人隨即輪流在電子平板上點選食物，火熖三文魚壽司、各類刺身、豬牛肉及雞翼…，但等了十五分鐘才來了四件火熖三文魚壽司，當大家期待其他食物估計會隨即送來，可惜過了十分鐘仍未見其他食物出現，於是欲找侍應詢問（眼見全場只有四位侍應），但所有侍應都開始忙碌起來，好不容易才找到一個，例牌回應表示再去廚房跟跟，之後又過了十分鐘才送來其中一小碟刺身，如是者等下食下；雖然整體上食物水平不差，但送食物速度太慢了，120分鐘內其實食不到好多，最後埋單後都忘了送來的龍蝦刺身，總之今晚食得不爽。

睇左網上短片同食評，講到好吸引咁就叫左bf同我去試食，結果兩個字失望由於我地book頭段時間唔洗等位就入得，一坐底就有海鮮併盤奉上蝦係新鮮既鮑魚真係紮紮跳但咬落去勁醒(巳經係跟據指示時間燒多2mins ga la)~~我去其他地方燒無這情況發生，所以咬左一淡放棄。生蠔一般貴妃蚌有沙，又放棄其他冷盤，壽司，燒肉，炸物都ok，但選擇勁小個爐就算較到最大都燒得好慢，(如果一大班人黎應該有排燒,分分鐘食唔飽)，火力集中一邊而且我未試過室內食燒肉，食食下凍到我同bf都要著返褸繼續燒，我以為我地虧，點知附近兩枱都係咁最好笑明明話食兩個鐘，最後45mins有人行過黎問有無野加，同個a職員講加左d炸物無黎，a職員話跟進，30mins再有令一職員問有無野加，我再同b職員講之前加左d炸物仲未黎已同你同事講，我話除左炸物無野加la~b職員話跟進，轉頭大概2-3mins即刻部點餐機熄左唔俾你落即單，然後立即有人行過黎多謝幾多錢，俾完錢食完個雪糕，之前追左d炸物都無黎，唉！算數，本身諗住公司新年飯局起到搞，好彩做左白老鼠先者.......可一不可再