尚鮮日式燒肉漁市場 (已易手) 新餐厅

幾個月前食過，店員好細心會教你點樣燒添，食物質素都ok今日同5個朋友去食，唔知點解d嘢食好似難食咗，特別刺身，不過三百幾蚊算係咁，可能和牛餐反而會抵食d🙏🏻

男友好愛食牛，今次就同佢一齊去銅鑼灣尚鮮日式燒肉漁市場食𝐀𝟓和牛放題🐂 ，啱晒佢呢個牛魔王，可以一次過狂食靚牛食到滿足！呢度嘅裝修環境有幾有日本feel，座位都幾大闊落，坐得舒服！𝐀𝟓和牛放題(𝟏𝟐𝟎分鐘)$𝟒𝟑𝟖坐底冇耐，店員就先送上海鮮拼盤😍，都幾豐富，包埋有鮑魚、甲羅燒、生蠔、虎蝦同帶子。最鍾意燒帶子，味道好鮮甜，🦀甲羅燒就勁多蟹膏，燒熱後好惹味😆之後仲有鹿兒島黑毛和牛拼盤，拼盤一共有8款和牛🐂，有不同部位既A5、A4和牛🥩，如牛肩胛、肩頸肉、牛小排等，每一款都有牌仔標示，試完啱心水可以再order！和牛嘅紋理同油花都好靚，而日肉質又軟又嫩，最愛牛肩胛，牛味好濃，而且油脂味一流！仲有除咗和牛同海鮮，另外仲有多款刺身、壽司🍣、炸物、小食刺身都幾新鮮，質素都不錯，特別係三文魚同甜蝦都好正！炸物就必食香芋波波同雞翼都係即炸的，熱辣辣，好香口！最後仲有每人一杯Mövenpick做甜品，我地都食得超飽，超滿足呀！

尚鮮日式燒肉漁市場放咗工喺銅鑼灣搵食，朋友話好想食燒肉，上網見到呢間評價好似唔錯，一於試試佢😎有兩款價錢嘅肉，我哋揀咗安格斯牛肉放題$298安格斯牛肉放題~$298一入座，佢會送一兜海鮮拼盤俾你，份量係按人頭分配，有鮑魚，扇貝，蠔，甲羅燒，蝦，帶位嗰個姐姐好好，教埋我地要燒幾多分鐘☺️👍🏻，海鮮唔錯喎，食得出都幾新鮮至於安格斯牛肉方面，有原味，鹽味，韓式，我大部份都揀咗鹽味同韓式味，重口味既我🙈，牛肉質素就真係一般般，牛肉未去到鞋口另外會再有10幾款刺身可以任食，三文魚，帶子同蝦，都好大隻同鮮甜，值得食，另外仲燒咗啲燒菠蘿，非常juice，炸物仲有炸榴槤勁香勁好食尚鮮日式燒肉漁市場 (銅鑼灣)🏠：銅鑼灣謝斐道496號金利文廣場3樓☎️：21174267/21174268

今天下午接到來电話昨兩天前話舖水浸理由取消今日五点四十五分訂位，心里很不舒服，想想我早五天前约好家人假期吃点好補祝自己生日，没有想到換來這样的结果，有必要這步麽遲通知客人嗎？星期六我要那里重新訂位呢？

  【出街食好嘢】A4 A5 黑毛和牛燒肉放題 ❗ 有驚喜 鹿兒島直送😍$438任食！必吃推介坐低之後，店員會先送上一份海鮮拼盤，包括扇貝、虎蝦、鮑魚、生蠔，仲有甲羅燒。扇貝鮮甜；鮑魚好彈牙，唔會變到好韌；甲羅燒就好多蟹膏好惹味，全部都夠晒新鮮😉海鮮部分有靚鮑魚、燒蠔、甲羅燒、扇貝、大蝦等等，鮑魚大大隻好爽口！燒蠔勁巨大😍好鮮！甲羅燒有埋生雞蛋係裡面俾你撈勻蟹膏，蟹味好濃郁A4/A5各四件，可以試咗鍾意邊款之後繼續任叫。肉味香濃，而且好有咬口😍和牛有好多唔同選擇種類同部位，例如牛肩胛、一口牛、牛小排等等，而且仲有霜降雪花和牛，安格斯牛仔骨等。選擇大概10多款，點了三文魚，北寄貝，帶子，鯛魚，甜蝦，榮螺和赤貝,味道是可以接受,芥辣八爪魚，三文魚籽，辣味三文魚，每款都很好味,蠔汁爆滿~鮑魚,有嚼勁不腥且肉質結實有咬口很鮮美香甜*三文魚都很厚切滿滿,八爪魚帶子赤貝新鮮!這家餐廳座位都算舒服,如果和朋友行到累來食日式燒肉燒烤野和聊天也不錯喔

對上一次去個陣都不錯阿，食物不錯兼有位侍應貼心 態度又好，教你點燒 ，時間等等。但今次再去是十分失望，食物質素下降左不少，蝦 鮑魚 都不新鮮，侍應態度又差，想轉個位置，又話訂位滿座但其實有很多空枱，個塊隔開板就甘放左我凳上面就算。又在我面前掉甩我個夾，連醬油都快快收走。個個都好似班客欠左佢地一樣。我不是一個挑剔的人 自問容忍度很高，但都感到不被尊重兼大失所望。本人食了$900多的plan,但食物質素大多$300左右，$900多元可以用得更明智。

店員首先會送上海鮮拼盤，有鮑魚、虎蝦、帶子、生蠔同甲羅燒。生蠔好鮮甜，燒完唔會縮哂水，甲羅燒好多蟹膏好惹味！同埋店員會主動幫你燒，唔使驚會燒到過熟。-之後就會送上鹿兒島黑毛和牛拼盤，拼盤𝐓𝐨𝐭𝐚𝐥有𝟖款和牛，𝐀𝟒/𝐀𝟓各𝟒件，部位有牛肩胛、肩頸肉、牛三角、牛小排等，試云哂就可以根據自己中意食既再𝐄𝐧𝐜𝐨𝐫𝐞。-果然係和牛！肉質軟嫩，油脂味香♡最推薦𝐀𝟒黑毛和牛肩胛，牛味超濃！牛舌都唔錯，肉厚爽彈～-不過食得最多既都係清酒煮蜆，蜆肉飽滿無沙，清酒味好香，足足食左𝟒兜( ˘ ³˘)-其實食到呢道已經開始飽飽地，點知仲有刺身拼盤。刺身比我想像中好，夠凍夠新鮮，甜蝦鮮甜軟腍，好好食(⁎⁍̴̛ᴗ⁍̴̛⁎)-除左海鮮、燒肉、刺身、壽司外，仲有炸物可以填填肚。但炸物油溢味略重，可以不試。

銅鑼灣和牛燒肉放題店，價格$398+10%，120分鐘放題，用手機素描qr code落單，有包一次鮑魚，甲羅燒，生蠔，扇貝海鮮燒烤，蝦和蜆可免費再落單，其他海鮮要另外收費，入座即時上海鮮及和牛拼盤，樓梯級擺設架造型很特別，和牛部位選擇都有好幾款，日式刺身都不錯，炸物香脆，有炸三文魚鮫，還有其他熟食，但飲品神奇地無可樂＆雪碧，最後餐廳會送一次movenpick雪糕，總結食物質素不錯，但油煙 略嫌較大，室內座位都舒適。

1️⃣菜有好大條蟲🐛話俾店員知，個店員講左聲Oh，收走咗碟菜就當冇事。我話你收走咗碟菜，又無換返新嘅俾我，無無同我交代一聲會點處理，就咁當無事發生！店員答：咁你想點呀？我答：你至少都俾返碟新嘅菜我啦！2️⃣店員收完我地枱嘅錢，之後收隔離枱嘅錢，就立即問隔離枱雪糕要咩味？我覺得好奇怪，點解唔問我地嘅？我以為我哋唔係簡和牛放題所以無得送，睇返食評，原來人人都可以送！咁即係特登蝦我地啦！3️⃣唉，啲店員一個又咁，兩個又咁，點解可咁以志同道合，態度咁差嫁😒

同朋友慶祝生日，就想食番餐大餐同好少少，見到咁多好評又任食，一於今年就食呢間。叫個任食安格斯餐先，諗住冇咁多油脂冇咁漏，店員仲話唔夠喉隨時可upgrade任食和牛餐。order完就來個海鮮拼盤，嘩嘩嘩，望落幾得，但。。。個蟹殼係冇味，蠔又唔多新鮮，其餘D海鮮食完都冇印象，應該係冇特別出色。跟住主菜安格斯，從未見過肥膏多個紅肉，都唔知咩部位可以肥到咁。肥又未必代表淋，係每塊都好韌，冇辦法咬開，件件只係食D調味同肉汁。唯有升級叫和牛啦，見食評D相冇得輸，又有D期望，點知。。。點解我個拼盤D牛咁冰，好硬好似未解凍，算，因為都要燒，可以燒多幾分鐘，不過，又係韌到咬唔開，只有某個部位係薄切先叫食得到超失望。其餘任叫任食唔多想再多講，睇完自己評（食到冇心機再影）好彩最尾個甜品加番分，因為係叫貨

成場爆哂 好多人呀可能好少可放題會有哂和牛同海鮮兩種選擇吧 通常都二揀一所以都好期待有得任食🤤.唔知係未因為太忙呢見到餐具有少少污糟 有d失分🙈不過侍應見我地唔識燒鮑魚都有過黎幫手燒服務態度幾好.《海鮮拼盤》每人送一份有鮑魚、蠔🦪、帆立貝、甲羅燒🦀不過好可惜除左蝦🦐之外其他追加都要加錢 實在係意猶未盡但又要留肚食和牛既呢.《和牛放題》$498可以試到咁多款和牛，好開心🐄未燒一擺上檯睇到個油份分佈好靚好似好好食咁試過哂咁多款之後都已經好膩放題和牛原來都食唔到好多.咁當然除左和牛之外仲有好多野揀刺身都係任食喇另外有得再加點清酒煮蜆同牛油粟米個牛油粟米幾好食 又有d蒜香味 好惹味.多款飲料選擇汽水啤酒都係任飲最尾仲有Movenpick雪糕作結尾🍦🍨

都真係好一段日子冇出嚟任飲任食喇!!聽朋友介紹...帶咗朋友仔嚟試呢度嘅<<120分鐘和牛放題>>無論平日定假日都係一律$438，而且唔好俾個名呃咗😌唔止和牛㗎!! 部分海鮮、日式刺身、熟食、小食、前菜都係任食㗎🤤一坐低就已經有店員拎咗一大碟海鮮拼盤!仲一邊幫你燒，一邊教你要點燒&燒幾耐! 等你之後再點再encore都識得自己嚟😊好豐富㗎!! 有蝦有鮑魚...仲有生蠔、扇貝同好少放題有得食嘅甲羅燒呀😍正正正!!!和牛拼盤都擺得好靚~而且清楚寫好每一個部位!方便你記低自己鍾意食咩再落單!!刺身選擇都好多!而且你㩒幾多塊，佢真係俾足咁多塊你🤗而且入口都好冰凍鮮甜!臨last仲有movenpick添呀!呢個ending 實在係太完滿喇👏🏻👏🏻👏🏻

友人無肉不歡，對牛肉更是無招架之力，銅鑼灣【尚鮮日式燒肉漁市場】提供不同部位的A5、A4等級和牛燒肉放題，是日慶生，就帶他來大快朵頤。店內裝潢富日式居酒屋氛圍，被安排至闊落卡位，不但坐得舒適，私隱度也高。甫坐下店員便送來"海鮮拼盤"及"A4/A5和牛拼盤"，另可以QR code自行點餐，有多款刺身壽司及炸物小食可選。飲品是自助形式在雪櫃自取的，種類不少，有啤酒、無糖茶、酸梅湯、仙草爽、清熱飲及多款果茶可選。海鮮拼盤按人數供應，蟹蓋甲羅燒、鮑魚、燒蠔、扇貝及虎蝦冰鎮奉上，非常豪華。店員熱心地協助及教導磯燒海鮮之技巧，又不時幫忙翻翻燒物，值得一讚。甲羅燒滿滿蟹膏和蟹肉，吃下甘香鮮甜中帶鹹香，令人回味。鮑魚肉厚，燒得久了也不會變韌，吃下肉質鮮嫩彈牙。扇貝燒蠔也都鮮美富肉汁。牛拼盤有齊A5鹿兒島黑毛和牛牛小排、貝身肉、外腹肉牛薄裙，A4鹿兒島黑毛和牛肩頸肉、大三角、牛肩胛、一口牛，吃完喜歡那款，都可以無限添加。日本A5、A4和牛，雪花紋分佈均勻，油花豐富入口甘香，肉質軟腍鬆化。其中"A5和牛牛小排"屬稀有部位，輕輕以海鹽調味，吃下油脂豐腴，質地柔軟，入口即溶，回點率最高。喜歡豐富口感的，可選軟

🇯🇵🐂日本A5黑毛和牛放題🤩💲438-宜家連和牛都可以放題🥳呢個set仲會包每人一份海鮮拼盤🦐除咗可以任食和牛之外 仲有刺身壽司、炸物同其他小食🤓-• A4鹿兒島黑毛和牛牛肩胛• A4鹿兒島黑毛和牛牛三角• A5鹿兒島黑毛和牛牛肩頸• A5鹿兒島黑毛和牛牛薄裙• A5鹿兒島黑毛和牛外腹肉• A5鹿兒島黑毛和牛背身肉• A5鹿兒島黑毛和牛牛小排• A4鹿兒島黑毛一口牛粒一口牛好癲燒完咬落去啲油湧晒出嚟😹和牛油脂分布平均 A5一般比A4多脂肪 落爐燒嗰陣大火到好似火災咁款🔥😹我自己就比較鍾意食脂肪少啲個啲🤭啲肉都入口即溶 不過我覺得整體牛味唔係好濃 個人認為用生菜包住啲牛肉冇咁油膩好食啲🥬👍🏻除咗牛之外佢仲有豬肉㗎🐷海鮮都幾新鮮 鮑魚好彈牙 刺身種類都幾多 壽司都有🍣小食都唔差不過我哋冇乜點叫 因為食牛都食飽😹飲品就要自己出去拎 啤酒都係任飲🍻食完仲有甜品不過特登同侍應講聲先有🍨呢度每次落單淨係可以叫4份 咁就唔驚一次過叫太多食唔晒🤣整體來講呢個價錢可以任食和牛都算可以😗唔想食放題嘅話佢午市有定食可以試試😗〰️〰️〰️〰️〰️〰️〰️〰️〰️尚鮮日式燒肉漁市場 (銅鑼灣)📍銅鑼灣謝斐道496號金利文廣場3樓

好友就生日，佢話想食日式燒肉，所以今晚同佢黎吃過夠，預早食生日大餐！！！呢度既地方空間都幾大，晚市成人每位$438，可以任飲任食和牛燒肉放題120分鐘😉😉每枱會按人頭送上海鮮盤～當中有 鮮鮑魚、生蠔、大蝦等海鮮：）自己好欣賞鮮嫩腍滑既鮑魚😋😋好友就最愛佈滿蟹膏既濃郁甲羅燒！！除左海鮮有水準，A4/5既和牛都係今晚另一重頭戲~和牛部位既選擇都有幾款選擇，食完一round之後就可以按心水encore啦=）而豚肉同雞肉既質素都唔差，所以就算唔係牛魔王都仲有好多選擇架~雖然係以燒肉作主打，但呢度既刺身同壽司都不比料理店遜色，質素甚佳！特別鍾愛火炙左口魚壽司，自己都encore左兩次😆😆😆仲有提供炸物主食，選擇真係好多好豐富！！最後仲可以一人一杯香滑雪糕仲甜品不論我定好友都食得好滿足，仲好滿意添😚😚😚