尚善

营业中

休息中

女朋友生日 提前於app內訂位 餐廳也安排了比較寧靜既位置，安排不錯服務員也有細心介紹各種食材及食物最後點了雪糕，都係抺茶味比較好吃 味道更濃郁我地對呢生日餐都十分滿意

位於上環文咸東街柏廷坊7樓的尚善，是一間主打日本菜的社企餐廳。餐廳走精緻路線，裝修設計感覺頗為高級，而且位置闊落，坐得舒適。點了二人起的冬季套餐，當中有七類食物，由前菜一路至甜品都有。首先來到的是前菜，分別（左起）是雜菌八幡雞卷、蕪菁茸泡菜魷魚、柿乾蘿蔔漬伴呑拿魚、鮟鱇魚肝海膽豆腐與飛龍頭。五款前菜的賣相都頗為精緻和豐富。個人最喜愛的為蕪菁茸泡菜魷魚。魷魚醃得頗為入味，肉質夠嚼勁。第二道為鮑魚蝦冬菇清湯 Abalone, Shrimp & Mushroom Clear Soup。湯的味道較為清淡，能嚐到冬菇和蝦的鮮味。當中的「小蝦丸」是用蝦肉攪碎而製成，口感頗彈牙。下一道為鮑魚海膽、呑拿魚腩及兩款時令刺身 Abalone with Sea Urchin, Fatty Tuna & 2 kinds of Seasonal Fish Sashimi。各款刺身的size頗為大件。而且海膽入口時完全沒有臭味，頗值得欣賞。下一道炸物為炸蠔、蝦及松葉蟹鉗（Oyster, Shrimps & Snow Crab Claw Tempura ）。炸漿不會上得太厚，而且上桌時還是熱騰騰的。蠔炸得脆卜卜，而

香港有不少社企餐廳，營餘有不少會捐到慈善機構，對於食客來說，食野本身就係要消費，順便又可以做埋善事，實在係最輕易做到的有意義事情，餐廳門口有個捐贈箱，有心人可以額外捐錢俾有需要人士是日未夠6點就黎到食晚餐，所以一去到時係包場，其實上黎之前無諗過裝修係咁靚，空間大之餘，又充滿日本餐廳色彩劍魚腩壽司 ($50@)、赤貝壽司 ($65@)壽司上的魚生十分新鮮，劍魚腩好肥美，仲要係厚切，油脂味濃，赤貝爽口彈牙，兩者皆為我最愛的魚生之一芝士鰻魚卷 ($138)芝士同鰻魚都係令我愛不惜手的食材，兩者放埋一齊真係無得輸，上面的芝士輕輕炙燒而呈半溶狀態，卷物壓得夠實，飯唔會輕易散開燒牛舌 ($85)燒牛舌可配七味粉一齊食，而我就鐘意簡單加上檸檬汁，牛舌屬厚切型，咬落就更加有口感燒銀鱈魚 ($280)銀鱈魚經過燒烤之後，銀鱈魚獨特的魚油香氣散發晒出黎，每次食燒銀鱈魚都總係覺得唔夠喉，想食完一塊再一塊炒雜菜 ($88)簡單的炒雜菜，上面散上了大量木魚變得無咁單調綠茶雪糕 ($30)最後來個綠茶雪糕作完結夠晒滿足

一年容易又牛一，老婆今年㨂了這裡為我慶生，既滿足了我喜吃日本菜的要求；兼可做善事。怎麼說？因這是由社會企業Confiserie Benji Limited 營運的其中一間餐廳，另還包括La Parole法國餐廳和著名Leonidas比利時新鮮朱古力專門店。所有業務的收益扣除營運開支，全數撥款及營運 - 庭恩兒童中心，這個生日過得特別有意義！店子裝璜簡潔，以金色為主調；顯得貴氣大方。壽司bar 枱上方陳列了衆多日本酒先要一讚這兒的服務，女經理服務相當周到，見我們把餐牌翻來覆去也拿不定主意，主動給我們提供了不少意見；也不會特意推介一些高價的項目，氣氛輕鬆愉快！先來兩支啤酒，分別是Sapporo $38 及 Kirin $38。飲杯，祝自己生日快樂，身體健康！燒三文魚皮伴三文魚籽沙律 $98燒得香脆的魚皮伴入粒粒蘆薈、沙律菜、粟米、三文魚籽、車厘茄及酸甜醬汁，清新醒胃。軟殼螜牛油果卷 $138壽司飯仍保持微暖，好配襯温熱油香的軟殼螜；覆上軟滑的牛油果，是一道美味的闔家歡菜式。海膽昆布卷 $148比起軟殼螜卷物，這個海膽昆布卷更有特色，值得推介；選用日本新瀉的「夢美人」米，味甘甜，口感

上星期是儍媽的生日多謝婆婆幫我們照顧囝囝囡囡我們兩老可以拍拖拖食餐飯預早慶生儍爸揀了我至愛的日本料理『和善 ‧ 和式料理』是香港首間高級日本餐廳的社會企業餐廳的收入扣除營運開支，全數撥款營運註冊非牟利機構 ... 庭恩兒童中心幫助來自低收入家庭，患有語言障礙的小朋友這頓生日飯蠻有意義 !!! 首先，以刺身開始 ... 深海池魚薄切 HK$280十分欣賞師傅的刀功，池魚切得夠透明，砌成花狀 ... 賣相討好池魚刺身質感很嫩，爽口不會有魚腥味沾少少蔥花酸汁一起食更能帶出鮮味但是我就鍾意捲少少爽脆的海帶，再沾點蔥花酸汁來食海帶和池魚真是很夾，爽脆鮮嫩的口感更令人回味劍魚腩刺身 HK$120一客四片，大大塊又夠厚身魚肉厚實細緻無細骨，油花分佈均勻，入口滿是油脂香氣 ~~ 店長推介的 ... 灸燒鮫鰈魚壽司 HK$90雖然有點貴，但是鮫鰈魚真是較少見而這客鮫鰈魚壽司用上油脂最豐富又最好吃的裙邊，就點一客試下 ~~鮫鰈魚是白身魚，屬右口魚，味道好以左口魚但是油脂更豐富，灸燒後油脂更香，肉質細嫩柔軟清甜灸燒後掃上特製醬油，不點醬油和 wasabi 就咁食，更能食出鮮味 雜錦天婦羅 HK$178有蝦、

之前上班時經過，都有留意到這間位於柏庭坊的日本餐廳。最近約了舊同學在上環見面，於是帶了舊同學來「尚善」吃晚餐。餐廳食物的種類繁多，包括刺身、壽司、天婦羅、和風料理等。一行二人，眼闊肚窄，但又想多試幾種款式，於是點了套餐。前菜已經相當有驚喜，賣相精緻，各有千秋。前菜共有五款，由左至右分別是：雜菌八幡雞卷、飛龍頭、柿乾蘿蔔漬伴吞拿魚、泡菜魷魚、魚肝海膽豆腐。最有驚喜的是飛龍頭，類似魚蛋般彈牙的口感，又有鮮甜的味道。魚肝海膽豆腐亦同樣出色，豆腐非常軟滑，慢慢滲出海膽香味。鮑魚蝦冬菇清湯配搭簡單但味道清甜，蝦肉和鮑魚同樣彈牙。刺身非常豐富，有海膽、鮑魚、帶子、吞拿魚腩等等。每款刺身都是厚切，非常新鮮。炸物包括炸蠔、蝦、松葉蟹鉗、蓮藕片和菇。炸物的精髓在於粉漿，餐廳用的粉漿調校恰當，炸物外皮薄而香脆，成功鎖住海鮮的水份而沒有油膩感，非常不錯！A5和牛肉丸拌紅酒梅燴牛尾肉丸味道香濃，牛尾煮得非常入味軟熟，加上酸酸甜甜的紅酒番茄汁，非常開胃。什菜築前煮配燒黃魚黃魚燒得外脆內軟，魚肉鮮甜多汁。姬松茸銀杏蟹肉飯本身非常喜歡姬松茸的香味，再加上啖啖的蟹肉混合而吃，配搭得非常好。士多啤梨奶凍伴蜜瓜看到北海道

早幾日家中既大帝突然話好耐無食壽司，所以呢晚就同女皇一齊去到上環接佢收工，請佢地去食返個壽司之夜啦呢晚揀左黎呢間餐廳其實仲有一個原因，因為呢度其實係一個社企餐廳，佢地會將生意上既部份收入拎黎支持「庭恩兒童中心」推行語言治療服務，希望幫到有需要既小朋友呢度既環境雅緻，氣氛幽靜，絕對可以令人好好放鬆下咁享受食物既然大帝想食壽司，咁就先黎六件“三文魚壽司”HKd$30(每件)+10%啦壽司用上魚腩位置，三文魚肥美新鮮，質素甚高之後大帝就一口氣揀左兩款卷物大帝揀既兩款卷物分別係“海膽昆布卷”HKd$148+10%同“香葱吞拿魚腩昆布卷”HKd$138+10%呢兩款卷物同樣用料新鮮，仲用上昆布代替紫菜，感覺更有特色而熱食方面我地就揀左碗“汁燒鵝肝飯”HKd$168+10%同一客“蒲燒原條鰻魚”HKd$230+10% share黎食呢個鵝肝飯既賣相唔算好精美，但味道就十分出色，有三大塊燒得香嫩濃郁既鵝肝，配上混后左多種菇菌既香軟米飯一齊食，實在係滋味無窮而條蒲燒鰻魚亦非常出色，肉嫩厚身而無骨，汁醬調味適中得宜，相信也無需要有挑剔既地方啦最後女皇話要食埋甜品先滿足，咁就一於每人食返球雪糕啦呢晚我地

上環星期日的印象總是給我幽靜的感覺，很多餐廳都不會營業，所以放假很少在上環吃晚飯。不過凡事總有例外的，朋友今晚帶我去的尚善意料之外多人光顧，有一家大小的，亦有情侶的，人雖多但夠寧靜，可以靜謐的享受美食。在下單的時候，店員詢問我們想不想慢慢的用餐，如果想的話，可每道菜逐一上桌，這正合我們意思，可在最佳溫度不徐不急品味菜式。第一道吃當然是胡麻海鮮沙律，繽紛奪目，沙律最上面鋪滿三文魚，吞拿魚，油甘魚及魚籽，盡是無窮的鮮味。沙律菜拌上我所喜愛的胡麻醬，鮮香爽脆，滿合我們的胃口。接著上桌是蝦天婦羅牛油果卷，壽司外層鋪上翠綠的牛油果，壽司飯把酥脆的天婦羅蝦及紫菜包裹著，外軟內脆，造型吸睛又味美可口。米紙鵝肝卷口味相當新穎，越式薄透的米紙卷結合法式風味郁香的鵝肝，再以清新的青瓜絲與蘿蔔絲相伴，讓味蕾獲得嶄新美味。燒物部份也很讚，鹽燒雞翼燒得很好，表層香脆的雞皮包裹嫩滑的雞肉並帶有肉汁，上頭搭配的海鹽則有畫龍點睛的效果，讓雞翼吃起來口感，味覺更加豐富，我們很推薦這鹽燒雞翼。帶子燒串顆顆飽滿，醬汁都均勻塗在帶子上，而且燒的熟度恰到好處，微焦的外表卻有著柔嫩的肉質，把帶子鮮度海味發揮得淋漓盡致。鹽燒牛舌串

同同事黎食lunch,都好full,最好幾日book位。依間係社企，味道唔錯，仲可以當做下善事。當日餐廳好多人，都幾噪，有少少人手不足，不過服務態度唔錯。叫左三文魚子海膽飯定食，海膽鮮甜濃郁，三文魚子好鮮味。叫左少飯，食到最尾三文魚子多過飯。定食配嘅茶碗蒸，沙律同味噌湯都唔錯，茶碗蒸好滑，有銀杏好少見。食左同事嘅鰻魚，肉身夠厚，帶點焦香，好肥美。牛扒比較薄身，煎得過熟有啲乾身。唯一不滿係甜品嘅果子好甜，有啲失望。跟餐有野飲，都係大路咖啡奶茶檸水等。

之前喺中環上班嘅時候，曾經同同事去過上環文咸東街柏廷坊 3 樓嘅法國餐廳「La Parole」食 team lunch。後來從媒體得知，「La Parole」同樓上 7 樓嘅高級日本餐廳「尚善」屬同一集團，均是社會企業。據知兩間餐廳都會將收入扣除成本開支後，全數撥款營運註冊非牟利機構 – 庭恩兒童中心，幫助來自低收入家庭，患有語言障礙的小朋友，實在非常難得。友人向來鍾情日本菜，趁這晚相約一聚，所以就提議來「尚善」試下。店內環境唔錯，地方頗大，空間闊落，裝潢簡約雅緻，以木質為主調，牆身掛有和服同日式壁畫，配以吧檯頂頭嘅清酒瓶作點綴，散發日系風情。安坐後，店員隨即送上熱茶和一本硬皮餐簿。翻開內頁，食物分門別類，而且選項甚豐，有沙律、小食、雜錦刺身、壽司、火炙壽司、手卷、卷物、串燒、燒物、炸物、煮物、石燒、鍋物、飯麵、湯類及甜品等。由於這晚天氣有點冷，所以經商量後，大家決定以熱食為主。先嚟幾款串燒打開胃口，分別點了帶子燒串 ($105)、鹽燒雞翼 ($60) 同鹽燒牛舌串 ($85)。帶子夠曬肥美，大大粒，啖啖肉，入口爽嫩鮮甜，不俗。雞翼燒得剛好，肉質軟熟，邊位很脆口，而且皮層油份溶化滲入肉

尚善‧和式料理是社會企業Confiserie Benji Limited 旗下的第一間日本餐廳。Confiserie Benji Limited 於2002成立，獲香港特區政府確認為社會企業，公司旗下業務包括La Parole法國餐廳和著名Leonidas比利時新鮮朱古力專門店。所有業務的收益扣除營運開支，全數撥款及營運 - 庭恩兒童中心，幫助來自低收入家庭，患有語言障礙的小朋友。本人對孖女因為之前也有言語障礙，幸運地得到庭恩中心的服務，孖女現在言語發展上已跟到了同齡小朋友的水平。而之前亦因為一個中心的活動，幸運地抽中了大獎，得到尚善料理的餐飲禮卷。「人出雞我出豉油」，和老公結婚9週年的日子，去食餐好，慶祝一下。今次order 了 $600(2位起) 的set dinner

在這裡食過幾次晚餐，水準穩定地好，晚市set dinner 夠多野食而且賣相靚，都幾抵食😋Appetiser 有幾款小食，樣樣都好食，魚子一d都唔腥，海帶同海蜇好開胃，芥末味同泡菜味既魷魚都好食～～～刺身都唔錯，蝦夠鮮甜，其他魚都唔腥，係有d筋～～～下面呢個係湯，夠木魚味同埋d料入晒味！天婦明顯係新鮮炸起，熱辣辣，蝦夠彈牙，粉漿又薄脆😋跟住係主菜，成幅畫咁，牛肉又香又冇筋，口感同味道都好好😋😋😋由於2個人有2個餐，我地可以試晒2個主菜！呢個海鮮好足料，有魚有蝦有帶子仲有芝士！正！主食有茶漬飯，清清地又有燒魚係面，雖然飽都要食埋佢👍甜品係雪糕，仲有幾款選擇，好滿足！

早排朋友同我講係尚善食左條赤陸魚好好食赤陸魚？未試過喎咁岩朋友生日，就約佢去試啦朋友平常要照顧小朋友，去到睇餐牌樣樣都想試如果叫一條魚怕試唔到其他，問下店員可唔可以好似刺身咁散叫，又得喎先黎雜錦刺身，機本上就係想食乜叫乜再放一個盤入面最右下邊就係赤陸，係堅好食喎，最後要叫多件壽司再試真 d 😆成個盤基本上睇光澤都知好新鮮，唔洗多講，正！個海螺係店員介紹，佢話佢地公司海鮮係每日新鮮運到，咁岩個日有返海螺，又叫個試下，爽脆，有小小甜味因為有小朋友，叫左冷烏冬，鰻魚同和牛比佢地，大人心態等佢地食飽再執佢地手尾，點知清晒，我地要叫多碟壽司😂😂本身有件旦壽司，未影相已經係小朋友個口入面😅最後餐廳送左時令生果比我地，甜到 2 個小朋友食晒總結，以食物質數同價錢來講，絕對値得再去！

我係上環返工....之前都食過幾次lunch都OK...lunch可能太忙....佢地唔會主動加茶...面口唔係咁好....我地都好體諒...好食就得....但今次真係性價比太唔符合....仲差過千両...我地叫左廚師推介刺身壽司定食($380)同網燒美國安格斯牛排定食($238)圖中可見....海膽壽司都鮮甜既....可惜紫菜已經淋晒...卷物亦1樣...D飯都睇都睇到好爛...帶子見到咁大隻本來好開心....但食落肉質已經乾晒....又硬又實....食左半無食..赤蝦壽司....最唔新鮮係E件...雪到硬晒...其他魚刺身無乜驚喜...總結個SET感覺似LUNCH清D唔新鮮既貨咁加埋1要$420...食清貨...你話嬲唔嬲?去半島食個LUNCH SET都係$3XX....服務又好...新鮮係最基本...E到E個SET太失望...太鹼...太油...食之黎食過好好味嫁喎....唔知搞乜...最後有碟生果甜品....我見人地係好大碟有蜜瓜西瓜等....我地個個得兩粒西瓜同兩粒提子我問佢點解我地個個唔同...佢話蜜瓜食晒....其實用其他野代替返會好D...唔好咁寒暄....真係無既都可

曾經一起共事的合作夥伴有好路數，工作上有新發展，下星期將會在新公司上班，於是，今天約了2位同事和她一起吃道別午飯。我點了香葱吞拿魚飯定食，定食除了主食，還包括沙律、漬物、蒸蛋、麵豉湯、生果及咖啡或茶。我來這裡通常會點這個，因為印象中這間餐廳的魚生不錯，很新鮮！同事們分別點了三文魚親子飯定食及七彩碎魚生飯定食。不單止魚生飯嘅魚生全部都新鮮又好味，連附送的沙律、漬物、蒸蛋、麵豉湯、生果及咖啡或茶都製作認真，同樣好味道。這間社企日本餐廳絕對值得再來幫襯👍🏻