尖沙咀凱悅酒店咖啡廳

自從在上年年尾，一個飯局 party 中，認識已有好幾年的女性好友的幾位朋友之後，女攪手今次建議找個星期六到半島酒店食 High tea！ 我們一行 8 人約在 2:00 酒店大堂排隊等位，可惜等到大約 2:30 ，侍應走出來告訴我們，以我們的位置起碼要等到 4:00 才有位！ 大家當時都好失望！臨時臨急轉地方，有位朋友 (即是現在的好友) 建議到凱悅酒店的 <咖啡廳 Cafe>！這是他的心水餐廳，之前他也搜集過 Openrice 資料，rating 高！相信質素有保證！於是大家兵分兩路，部分留在半島酒店繼續等，而我們三人先行到達 <咖啡廳 Cafe>，看看可否即時 book 到 8 位！ 真幸運！ 竟然可 book 到 8 個位！不過， tea buffet 要等到 3:30 才開始！期間，我們走到附近的凱悅酒店大堂坐下來，邊傾邊等其他朋友！未到 3:30，大家已經等到好肚餓！ 當然急不及待入去擦餐勁！ 我們一行 8 人被安排到靠屏風的兩張 4 人桌子，她們卻安排我跟他一起坐！這裡樓底算高！環境舒適優雅！從屏風透進日光，配以木色為主的傢具，顯得份外柔和

現在要揀一間地點方便,不分時段,食物老少咸宜,價錢ok的酒店餐廳與親朋好友吃個dinner buffer真是有點困難。最終去了由哥哥提議位處尖沙咀河內道和麼地道交界的凱悅酒店咖啡廳,搭港鐵的朋友可從N出囗經K11廣場直達酒店,電梯按'L'便抵達咖啡廳。還沒登記入座眼睛已被入口處的甜品櫃鎖住。咖啡粟子蛋糕,雜莓蛋糕,特濃朱古力蛋糕,藍莓撻,桂花榚,綠茶紅豆慕絲,柚子黑胡椒慕絲,拿破崙,士多啤梨奶凍,朱古力慕絲配紅莓......我們的長枱被安排於餐廳的盡頭,雙腳跟隨服務員走,雙眼不停scan。蛋糕櫃的右邊是眼看細細粒但很有頭的蒜香牛仔粒和厚薄適中的甘香鵝肝多士。轉角位擺放了天婦羅,麻辣粉皮海蜇,鹵水鮑魚片,牛,鴨腎,皮蛋等小吃。抬頭一看,原來已走進中式區,片皮鴨,黃油貴妃雞,燒鴨,湯粉,腐竹雞蛋糖水,微辣的擔擔麵,足料清甜的舞茸燉雞湯等,包羅萬有。繼續往前走有今期主打:略嫌多粉無蠔味的香煎蠔仔餅,啜埋手指惹味的避風塘炒辣蟹和龍蝦,不夠辣的辣酒煮花螺,不靭的豉椒聖子皇,雞粥,食之無味棄之可惜的藥膳雞腳。沿著長枱往入囗處走,有白汁蝴蝶粉,巴馬火腿芝士薄餅和芝士薯茸等。行至燒烤區,美食有龍蝦

先後和同事, 家人及朋友來過這間餐廳進餐, 無論自助午餐, 下午茶以及晚餐, 每次用餐的感覺也是愉快的, 所以吸引到我一次又一次來幫襯 ~這天, 和友人 E 小姐來吃下午茶, 除了補祝她的生日外, 更是為答謝早前她幫我在工作上一些幫忙~ 大約早一星期我們已訂了枱子, 一如以往, 酒店 BUFFET 常滿坐, 所以有心來這裏的客人, 真是要先打電話預約, 免得白行一趟好了~食物種類繁多, 雖然是下午茶, 亦有凍蝦, 煙三文魚, 青口, 東風螺, 沙律, 壽司等前菜~其中凍蝦及三文魚很新鮮, 青口有點怪味, 吃了兩三隻就沒有再取了~ 吃了一兩輪前菜, 就吃點熱食吧....見到有意大利面條即煮好, 有蕃茄蝦肉意粉及香草OLIVE OIL 意粉, 兩款水準都各有特色, 面條口感適中~亦有漢堡排, 也是即煎的, 非常可口~ 嫌只吃排太單調的話, 可以加漢堡包, 兩面塗滿牛油用BBQ 型式煎香, 看到都會流口水呢~另外亦有各款中式熱食, 例如點心, 粟米魚塊 (朋友說炸得很香口, 而且汁分開上, 可保持脆度) , 豉汁炒龍蝦 (我懶惰唔想洗手, 沒有吃; 但見友人每輪都拿了一些, 應該質素OK 的

環境唔錯, 燈光暗左D令我眼訓講番食物先, 海鮮有蝦, 龍蝦, 海螺, 蟹腳, 帶子, 青口, 正正常常, 未去到話好好食無蠔呢間既中菜, 炸物, 鐵板牛柳, 肉眼扒, 牛扒, 好難想像一間酒店可以整得咁差...中菜部:鴨湯好好飲糖醋骨上海麵, pack好一碗碗, 要果時倒落去煮, 好淡, 我回家食公仔麵仲開心印式:冇點食, 尚算可以炸物:好多好多油, 中間既南瓜好細塊, 感覺食粉多扒類:勁多筋...我只係切中間黎食都咬唔落甜品:綠茶, 拿破崙, 朱古力類既都幾好味, 而中式甜品真係失敗, 芝麻糊冇乜芝麻味!飲品:叫左earl gray tea 同english tea, 正常味道諗住紀念日食餐好既慶祝下, 未試過成間酒店既食物都係水平以下, 扒類同中菜更係不知所謂我都係去家家樂食扒算, 最起碼咬得落, 埋單都少個 0

今次同同事去食lunch...之前都食過好幾間酒店, 好多lunch buffet都冇咩食,特別冇咩seafood就算之前去w hotel都唔算多~不過今次呢到,以$200 鬆d ge價錢,佢算多選擇~唯一美中不足就係desert 選擇反而唔多,但好處就係佢ge desert係有職員serve,唔怕d cake好似平時咁俾人切到碎哂~另外, 生果就唔太夠...得幾樣揀....而且放出黎ge量唔多, 好快俾人揀哂,但佢又refill唔切....而seafood都算fresh,同多野揀~最開心仲要有curry,好夠spicy~而d 熟食,平時我都唔揀的,但佢有串燒...都試左兩串~good!同埋,so far 環境都算clean, 唔見有咩小動物出現....食buffet,最怕見到d 野飛飛下0係d食物到,呢到佢做得幾好....

由於之前已經試話這裡的 Buffet 覺得環境同食物都幾好所以今次就決定再來這裡食 Buffet 慶祝生日，一開始當然要食我最鐘意的海鮮先啦~~ 今次的海鮮無上次咁好，因為上次來到 d 龍蝦係好多放係度的今次就數量不多同埋大蝦之前係已經脫晒殼的但是今次就無了 今次食左一陣就已經飽飽地了，咁跟住就慢慢試埋其它的食物，BBQ 燒烤我就覺得燒三文魚幾好，熱盤同蝦串燒只係一般。甜品樣樣試少少已經太飽了再食不到~~今次由於有信用卡 85折優惠所以最後加埋一係 $436/人

其實每次要為壽星們訂生日蛋糕, 心情都很矛盾, 一方面高興, 能為他們做些事情, 但另一方面又因選擇太多, 以致有點迷失。 不經不覺又到了父親大人的生辰, 我當然早有安排, 需知這任務難又說不上, 但不算易辦, 只因他口味向來獨特, 對甜品的接受能力有限, 只愛一些傳統或單一的款式, mousse,cheesecake往往不是他那杯茶, 但偏偏我又想從平凡中求突破, 盡量找些新驚喜來。 自從八月尾在Hugo’s嚐過拿破崙後, 一直想找機會重溫那驚艷的美味, 在推算出品應該跟鄰近的café hyatt相同吧? 其實之前也訂過earl grey chocolate cake, 香濃醇厚, 難得星級酒店出品, 定價卻不高, 賓在值得再重訪一下。 跟別的酒店不同, 沒特意劃分一角作餅店, 反而隱躲在buffet廳內。 蛋糕款式要細問才得知, 其中有綠茶紅豆蛋糕、黑森林蛋糕、士多啤梨mousse蛋糕、鮮果忌廉蛋糕等。 這次目標明確, 不用再心大心細, 到付款一刻才得知兩個月前進行調整, 由最初的$175漲至$225, 幅度差不多是三分一, 雖然聽起來有點多, 其實比不少餅店來說, 仍是平易近人。

繼Grissini晚餐，翌日中午一家三口又相約契媽及老友一同前往尖沙咀凱悅酒店，以食buffet為老公繼續慶祝。其實，多年前去HUGO's食飯已經覬覦這間餐廳，因為餐廳入口就是精緻琳瑯的甜品櫃，誘人之極啊!!這天來到一吃，才發覺甜品以及其他食物選擇之多，比預期更豐富，眾人都樂透了! 以步行的順序來介紹吧，甜品區除了十多款不同切餅、蛋糕及卷物，另一邊櫃是同樣繽紛迷人的甜品杯，及令媽媽無限著迷的拿破侖! 四面櫃的另一方還有多款不同水果、即點即煮french toast、曲奇、葡撻、麵包布甸等，以及軟雪糕及froyo機，種類豐富必令甜魔瘋癲抓狂! 　再各前行是刺身、海鮮及前菜區，又是四面櫃擺放了超多不同款食物。刺身區有專人即叫即切，排隊情況良好，未見人龍；旁邊有些冷麵、冷盤等，但真的無暇照顧它們了；轉角是非常繽紛豐富的海鮮區，翡翠螺、龍蝦仔、青口、大蝦等堆積如山，後來更推出啖啖肉的蟹拑，受到場內食客熱烈追捧!! 再轉角還有更多的沙律、壽司、卷物，以及多款火腿拌清新蜜瓜，應有盡有；最後一方還有芝士及麵包，以及專放煙三文魚的凍櫃，太忙太多食物關係，又忘了拿來吃! 　想不到這裡的印度菜／咖哩區也

HUGO隔壁的Hyatt咖啡廳, 曾經是個好地方, 無論食物, 環境, 服務, 衛生都講得上是超值的, 但時間真的可以改變一切。我跟女友非常愛吃自助餐, 因為我們都愛吃。 之前的蟹腳新鮮, 蝦好大隻而且肉質飽滿, 海水味濃的螺肉我每次都要食上十隻才停手, 印度朋友熱情款待, 罵沙啦雞辣得來香, 最少人到的中菜部炒個芥蘭都很好吃, 刺身比其他同級別的對手要好, 甜品區佈置吸引, 色彩繽紛而且有froyo機, 任食鵝乾同miso三文腩讓人愛不釋手…可惜今天冰區青黃不接, 出水了!蟹腳肉質不夠以前扎實了, 是非常明顯的為著減省成本的動作, 連沒什麼品味可言的我一吃也吃得出是不同級別的貨色, 所以都給冷待了, 放那兒很久沒人拿, 凍蝦沒以前那麼大同新鮮, 又未至於頭都掉下來那種, 只不過冰部那區出水了, 真的差了很多, 但值得讚的是他們加了咖啡蟹, 但餐廳不夠細心, 有些部位殼沒打烈, 餐桌上又沒什麼器具去吃, 難到5星酒店我用口咬? 可幸的是龍蝦還是那麼多膏, 不過選貨尺寸是限制了, size明顯減少了。刺身部沒什麼變動, 值得讚的也不算少, 服務態度一流, 尤其師傅, 全部是比100分還要

話說收工同同事食buffet, 起sheraton 既引誘下,最終決定黎呢間(有d9唔搭8)入到黎燈光偏暗,差在未拎電筒出黎一開場例排掃佢兩3轉海鮮先!d蝦岩晒懶人, 全部去晒殼,唔係度度都做得咁體心, 加分!龍蝦就好睇唔好食, 又un又梅翡翠螺同龍蝦仔ok, 冇咩大問題另一個好欣賞就係琵琶蝦, 比起龍蝦 十分彈牙, 終於有番樣似食緊海鮮!跟住剌身好正!有帶子同象but蚌, 都係少數buffet先有既!每次食buffet都會整兜沙律食下, 健康d嘛到熟食喇, 燒烤檔十分正!有燒琵琶蝦, 牛/雞肉漢堡扒(超厚),羊架另外焗青口, 焗薯, 白汁螺絲粉,全部都係佳作仲有鵝肝多士, 食左半打都有(不過見過一個肥佬, 廚師煎果10令件鵝肝, 佢唔理後面排隊既人一野掃晒, 祝你身體健康!)最後入大直路就係甜品d女仔見到 大部份會 "嘩~好正呀"其實入面過百杯入面, 全部都係果4款野有芒果pudding, 朱古力mousse, 藍莓乳酪同埋士多啤利奶凍?(好似係)最後食多杯雪糕就功得圓滿

第一次黎到既感情既環境好高級同舒服....攞野食既環境都好大..唔會迫埋一齊...所以野食都好吸引...甜品櫃就好似放左好多珠寶首飾一樣...樣樣都想試...食物質素高...如果想食午餐buffet我會想再黎...

我其實第二次來此處食午市自助餐,今次給我的感覺是退步的..沒有book位臨時walk in的.在五星級酒店環境當然不俗,空間感有.坐得舒服.至於服務只有樓面好.食物檔的廚師態度一般.特別是燒味部..食物味道進步.連自助餐最大問題.加食物不夠快也存在..經常出去,也見到壽司枱,中式食物.什至燒味都空空如也,去燒烤部食物末燒好..十分無奈.我本來想合併相.才發覺得9張相.因心情問題.同店方補給食物不夠快,今次拿食物是少西式.海鮮同黑椒牛肉海鮮:只得龍蝦肉鮮甜爽口.其餘的螺肉和青口味道都薄弱.蝦亦只是爽口作賣點.但不夠鮮甜,第一碟已經失望.黑椒牛肉:夠辣,肉質紅色,入口鮮嫩無渣.肉味濃.燒味與印度菜.印度菜.咖哩汁不夠辣亦不香口,牛腩好韌.咖哩汁的味道入不到牛腩,牛腩不單止味道薄弱更似煮完又煮.因咖哩汁不惹味.薄餅淪為麵包的角色,薄餅又不香脆,保溫差,燒味:雞,呢個不俗,有肉汁,味道亦有雞應有的鮮甜..燒味米線:廚師服務一般.燒味部的雞只有超鹹一種味道.食了一半.我放棄.當時燒味空空如也,只有雞同少部份义燒.日式,除了呢碟,我仲有食三文魚刺身,吞拿魚刺身.三文魚刺身:整體合格,沒有雪味,有魚

環境優雅，舒服，好多海鲜，龍蝦蟹腳不在話下，風乾火腿又大塊又多最主要係任挾，配新鮮蜜瓜一大片yummy.yummy.鵝肝又香，龍蝦係波士頓一邊一邊食，口感與别不同，鐵板燒有羊架，三文魚，靖魚，鳕魚，大蝦，漢堡扒多不勝數，開放弍廚房見到廚師一邊整出嚟又新鮮，甜品拿破倫及芝士蛋糕very good軟雪糕可以用cone或碗又多陪料，但還是喜愛芒果奶凍，值得一試有時豪一豪也不錯

今次是第二次來，都是lunch buffet，轉戰到這裡是由於感覺這裡還未被攻陷！可能两次來都是平日！由於是突然想來，所以來到已是1330，人不多，時間晏了，所以食物的refill率也不高，海鮮冷盤更好像季尾清貨大減價！但有些食物還是有保證的，今天要讚的是猴頭菇湯，無敵好味！ 天婦羅今日是holiday mood, 做又36唔做又36！ BBQ counter是不需高廚藝表現的，但圓型芝士腸真係好味！本人不喜歡吃羊，但這裡的咖哩羊今天還是吃了三次(配薄餅)其他甜品不吃也不能錯過拿破崙，只因戰鬥到甜品已1430，拿破崙已奄奄一息，我斗膽問靚仔哥哥：可否要新的一盤？他有禮地話：請回座位等，我送來給你！。。。他早前已為先生送來蜜瓜和火腿，真係抵讚！而家好小後生仔咁有心！謝謝 "Hang"整體而言，食物需稱不上是很好，但服務令人有被尊重的感覺，環境舒適，加上信用咭折扣後的價錢，是相當好的選擇！其實，味道是很主觀的，推介與否視乎整體表現。

今天牛一，和老公celebrate。用餐地方雅緻，採用很多木，木地板，木枱，木櫃!先嚐魚生，有三文魚，八爪魚，墨魚和白身魚，因不喜白身魚，沒有問什麼魚!魚生鮮度一般，不太靚，又唔係差，所以沒有狂吃，只吃了不多!名貴的有即切巴馬火腿夾哈蜜瓜。芝士放在不當眼地方，因臨尾才發現，只餘小量，又只提供飽肚的小圓飽，所以無食!印度食品好像不太受歡迎，又無特別想吃，無試。另一檔㰙是燒腸，牛扒，味道一般!有一部份是鐵板燒，只嚐了海鮮烏冬，味道頗好，燒沙甸魚和菇菌不吸引我，無吃。沙律bar一般，只吃了羅馬生菜加芝士!有一檔是四川加新疆食品，串燒羊肉ok，豉椒蟶子很大集，惜有沙。其他熱食如回窩肉不吸引我，無吃!炸蝦天婦羅不錯，炸皮夠簿!有小龍蝦和凍蝦肉，無試!甜品的蛋粆糕有好味和不太好味，好處是侍應幫你取，Service幾好，雪糕是軟雪糕，不錯，還有葡撻，好味!生果有西瓜，蜜瓜，菠蘿，西柚和橙，一般!整體食品不過不失，算吃得過了。評分：70分