小魚兒 (金馬大廈)

营业中

休息中

今天晚上， 我們去到尖沙咀金馬大廈1樓 小魚兒晚餐。在寒冷的冬季，沒有什麼比一鍋熱騰騰的極品鮑魚雞煲更能讓人感到溫暖了。這道菜以半隻雞和四隻鮑魚為主角，鮮美的海味與嫩滑的雞肉相結合，讓每一口都充滿了濃郁的滋味。雞肉經過慢火燉煮，吸收了鮑魚的鮮甜，湯底更是醇厚，令人回味無窮。搭配鮑魚雞煲的，還有一道色彩繽紛的田園蔬菜拼盤。新鮮的時令蔬菜，像是脆嫩的生菜，這些健康的選擇，不僅增添了餐桌的美感，更為整體的口感增添了一絲清新。蔬菜的爽口與鮑魚雞煲的濃郁，形成了完美的對比，讓人感覺到健康與美味的共存。米線的選擇更是恰到好處。米線柔滑細膩，能夠完美吸附了鮑魚和雞肉湯汁，鮮香帶入每一口食物中。煮好的米線，簡直讓人垂涎欲滴。最後，來一杯咸檸七梳打，清新的檸檬味道與微微的鹹味，能有效解膩，讓整個用餐體驗更加完美。這杯飲品不僅能清口，還能帶來一絲爽快，讓人感到焕然一新。

咁啱响尖沙咀做完嘢~一個想食雞煲, 一個又想打邊爐, 所以我哋就嚟咗~ 一次過食曬 2樣嘢嘞~雞煲 (半隻) $168我哋仲另外加咗: 油麥菜 $38蓮藕 $36寬粉 $36同兩碟滑牛肉 $88/ 碟上枱後, 侍應小姐溫馨提示: 滾起兩三分鐘 就食得架喇~ 滾起後, 輕輕兜均~再煮一煮 熱一熱, 我哋就起筷了~煎香過嘅雞件, 熟得啱啱好~鹹香惹味, 自自然然一件接一件咁食~雞件嘅份量好夠, 兩個人都過足癮了~食完雞煲之後, 加湯煮滾, 就可以開始打邊爐了~

😋第一次食烤魚，魚🐟有三款揀，我地揀咗最抵食嘅海鱸魚。條魚比我地想像嘅大條，多肉無咩骨，食落肉質細嫩，厚實，非常嫩滑，應該係煎過再放入烤盤。湯底我地揀咗唔辣嘅「黃金特濃蒜香豆花」，超多炸香過嘅蒜子，仲有蒜蓉同蔥花，味道香濃。其他配料有洋蔥圈，芫茜、滑豆腐、青瓜片、芽菜。底部還有吸收湯味精華嘅寬粉，煙韌又夠味。🍆烤茄子：茄子燒得剛熟，可以一絲絲拉出來食，勁多蒜蓉，夾埋一齊食，味道超正。🍻$99 任飲啤酒90分鐘，可揀Stella 同Sapporo，抵飲👍🏻 倒插啤酒特飲：Hoegarrden Roses x passion fruit 💓 大愛，飲極都仲有咁。

星期日趁住放假出左去尖沙咀行下！見涼涼地咁就緊係要去食返啲暖笠笠嘅嘢食啦😬行行下就見到呢間食烤魚嘅「小魚兒」，同太太決定要再訪先得😋海鱸魚 $308一上枱就見到好大條嘅海鱸魚🐟又多肉又嫩滑！而且調嘅味道岩岩好👍唔會太咸！配料亦相當之豐富😬有豆腐、有寬粉、有洋蔥等……炸響鈴 $48炸得脆卜卜👍再點一點落啲烤魚嘅醬汁度，味道又唔錯喎😋都幾入味👍黑牛柏葉 $98好新鮮嘅黑柏葉，好爽口！而且份量都算多👍

估吾到係尖沙咀可以食到$50以下既lunch!今次試左麻辣肥牛米線 $43，似係原味湯底再倒D麻辣汁，所以湯底偏淡！但肥牛份量都多，仲要係$43！呢個價錢呢個質素，我係接受既！加凍飲都係加$3但佢個麻辣汁幾好味，下次再試口水雞飯！

海鱸魚 (黃金蒜香魚) ($308)萵荀 ($48)白蘿蔔片 ($36)寬粉 ($36)今日去左尖沙咀食烤魚😆😆餐廳總共有海鱸魚，江團魚同凌波魚有得揀，我同朋友揀左海鱸魚，而個湯就想試下唔辣嘅蒜香湯底🧄一上枱嘅時候我就已經聞到有陣好濃蒜香味，真係口水都流哂🤤睇一睇成條魚都鋪滿左蒜頭，唔怪之得咁濃味啦😍😍而試左海鱸魚之後，就發現肉質真係比較實淨，同時都好有彈性好有咬口，係好似海魚嘅口感👍🏻同時，我都叫左一份萵荀、白蘿蔔片同寬粉😋😋上枱嘅時候見到份量都好多，好抵食呀😍白蘿蔔非常清甜冇渣，真係值得一試評分：9/10尖沙咀金馬倫道16號金馬大廈1樓

海鱸魚$308，海鱸魚嘅肉質比較厚實，唔多骨。條魚切開兩邊上枱，見到份量都幾多😶‍🌫️。🐟烤魚口味：上次食左鮮九葉花椒🫑BB豆花味都吾錯，今日想食酸菜魚口味，就揀咗老壇酸菜豆花味，揀咗BB辣配中麻。上枱見到個賣相真係幾吸引，勁大條魚加上個黃色嘅湯汁，湯汁個味道好開胃，麻度方面啱啱開始食完全食唔到麻辣味，要煲耐啲先慢慢出嚟。烤魚入面有🥒青瓜、🧅洋蔥同薯粉🍜、芽菜等等。薯粉索曬汁之後真係煙靭得來又好好味🤤。🍢串燒方面即點即燒，所以都要啲時間等。燒茄子🍆火候啱啱好，上面勁多蒜蓉椒鹽魷魚鬚，炸到金黃酥脆，魷魚🦑口感彈牙

近日天氣凍左好多呀！🥶 好想食番個暖笠笠既麻辣雞煲🥰，收工後即出尖沙咀，二次回訪主打川菜菜式的《小魚兒》，今次我地揀左個「蟲草花膠雞煲」🍲，小麻，BB辣，叫左一隻雞的份量，所以唔打邊爐了。雞煲的香味就已經令人垂涎三尺，醬汁濃郁，🐔雞肉鮮嫩，花膠份量都唔小，每一口都係滿滿嘅膠原蛋白，真係令人食指大動。我們還點了一道小食「金銀蒜燒黃花魚春」🐟，第一次食呢種整法，覺得真係唔錯。金銀蒜嘅香味同黃花魚春嘅鮮味完美融合，即使凍咗都唔會有腥味，味道一流👍🏻👍🏻👍🏻

小魚兒係之前食過，覺得好食再去食嘅餐廳🤪佢最出名食烤魚、酸菜魚或者係雞煲，我當然唔會錯過✌️今次叫咗4樣嘢食😆雞煲（半隻） BB辣BB麻：之前喺第二度食過雞煲完全唔好食🥹但係呢間好夠味😍同埋d雞都仲係滑架，好惹味😋依家嘅天氣食超級正😛有興趣嘅，可以加餸打邊爐（ $168 ）黃金魚皮：好好食🤤魚皮好脆，都幾大碟，同埋無吝嗇到鹹蛋黃，每一舊都充滿鹹蛋黃香😋食過返尋味（ $88 ）冰火魷魚：本身好鍾意食水魷，呢個超正👍少少辣，汁勁香，好爽口😍（ $88 ）清炒萵筍：食咗d辣嘢同炸嘢，食返個清炒萵筍真係好正，炒得超清甜香脆😙（ $88 ）總括嚟講，嘢食全部都好好食😎Menu入面仲有好多嘢食想嗌，但唔會食得晒😝我係星期六下晝嚟，都幾多人食，記得book枱🥳

明明說好的2025想減肥，但路過聞餐廳見到有烤魚吃的時候，胃和隻腳就開始不安份，不自覺地進去吃食午餐。他們其實有很多午市套餐性價比都很高，但我們就是想食烤魚，所以最後還是叫了烤魚。叫了一份江團魚，搭配老壇酸菜豆花口味。🐟江團魚（$348）老譚酸菜湯底裏面有：辣椒、香蔥、豆花、青瓜、大量芫荽、酸菜、蒜蓉和紫洋蔥等等。湯底味道先清後濃，食到後期會越滾越濃。清的時候魚鮮味突出，濃的時候就更顯惹味，都不錯。烤魚滾煮之前有經香煎過，外皮彈牙不容易散，魚肉非常紮實，但同時保留嫩滑嘅質感。豆花則非常滑溜，同濃味嘅烤魚好夾。另外佢哋嘅芫荽份量都真係幾誇張，差唔多一大扎，（平時單點都要$38），係芫荽控嘅福音。🥬每款烤魚都可以自選配菜，個人心水之選是萵筍片、淮山菜。萵筍片嫩口無渣，而且切的薄，容易入味。淮山片清甜粉糯，可以平衡濃膩感😋，如果中意澱粉，可以加上彈牙寬粉，很吸汁，也不錯～～～小魚兒 (金馬大廈) (尖沙咀)尖沙咀金馬倫道16號金馬大廈1樓

今日涷涷地，想食雞煲，朋友帶我黎呢間，睇吓餐牌都幾多款式，價錢唔算貴，就入去試吓。麻辣雞煲（半隻）我地簡咗小麻小辣，份量都唔算少，一開蓋已經勁香麻辣味，食落d雞非常嫩滑，d醬汁好濃好惹味，d麻辣味勁正，食到停唔到口。辣子雞雖然成碟都係辣椒，但唔算辣，雞肉炸到好乾身，入晒味，唔錯。椒鹽金菇炸得非常香脆，勁大碟，好香椒鹽味，食落唔會太油，點埋喼汁仲惹味。燒茄子上面鋪滿勁多蒜，茄子都好厚身，好多肉，燒茄子加蒜，勁正。燒牛油粟米第一次見咁燒，每件粟米上面都有勁多蒜，仲加埋牛油香味，好好味。龍鳳檸樂食雞煲唔少得飲有汽飲品，龍鳳檸樂夠酸夠爽。

冬天最適合吃烤魚雞煲今晚同朋友約左小魚兒位於金馬倫道金馬大厦係地鐵站行過去幾分鐘海鱸魚烤魚可選擇不同的口味和辣度，今次揀選了老壇酸菜豆花～另配料有木耳、青瓜、薯粉等，海鱸魚肉質嫩滑厚實，撲鼻而來的酸菜味加上魚肉一起吃，啖啖滿足感😍蒜香牛油燒扇貝兩隻手掌咁大的扇貝，鋪上滿滿金黃色的牛油蒜蓉，未食已經流晒口水～大大粒嘅扇貝鮮甜而且厚肉，值得一試蒜香牛油燒金菇香味四溢的金菇搭配牛油蒜蓉，一定要趁熱食，兩者結合咗蒜香同奶油的豐潤口感，呈現出美味嘅口感同豐富嘅風味白桃紅茶食烤魚梗係要配搭凍白桃紅茶☕️好濃的桃茶味，唔會太甜

朋友中意吃烤魚，我們約好到烤魚做的好出名的小魚兒吃午餐，這裡可以選擇不同種類的魚和辣味。### 老壇酸菜豆花海鱸魚超大一盤上台，擺設的好靚，隨著加熱，陣陣酸菜味混合魚香味撲鼻，十分誘人，冬天吃真是再適合不過了！海鱸魚一大條從中切開，吸收了醇厚的濃湯，咬下魚肉新鮮緊實又很柔嫩且富有彈性！豆花滑嫩入口即化，粉條好有韌勁，黃瓜清爽又帶點酸味，整份烤魚好吃的讓人停不下來！### 盐烧牛仔骨每一塊肉都帶著一根骨，吃起來更帶勁，更香！肉質的柔滑與多汁，仿佛在唇齒間舞動，帶來無限的滿足感！### 烧鸡中翼選了孜然味，孜然的香氣彌漫在空氣中，令人食指大動。孜然的微辣與雞肉的鮮香相互交織，形成一種難以抵擋的誘惑！

小魚兒好耐冇食過四川菜，今次約咗朋友去到尖沙咀嘅呢間川菜舖，見到餐廳有雞煲、烤魚，種類繁多，店入面仲係咁播韓國k-pop歌，幾有氣氛凌波魚$ 378店名都叫小魚兒，梗係要叫返條烤魚嚟食啦，今次食嘅係凌波魚，魚肉上枱之前用碳火烤過，就算上枱都仲有酒精燈保持溫度，一整條凌波魚網絡都幾大條，魚肉肉質結實香口，配料揀選咗老壇酸菜豆花，所以入面有好多酸菜、豆芽、寬粉、青瓜片、豆腐等配料，辣度同麻度雖然已經叫咗BB辣同BB麻，但係其實都好夠味。本身魚肉索曬酸菜嘅香味，想食返多啲蔬菜所以就叫咗油麥菜（$38）同娃娃菜（$38），煮多耐些浸多陣就好入味，特別係娃娃菜食落仲帶有清甜味，真係唔錯

令你重複又重複去一個餐廳嘅原因，大概就係因為你覺得嗰度啲嘢好味。然後當你重複去點同一道菜，你會發覺原來可以慢慢品嚐到之前未食過嘅味道特色。如果可以再加上一啲嶄新嘅驚喜食材，就會更加令人樂此不疲 咁樣繼續光顧。🍖一如既往，一定要點一條招牌烤魚，因為佢條魚用炭先烤過，肉質結實，但保持鮮嫩。而且成條魚同個鍋一樣咁長，一路滾下滾下，啲煙不停咁升上嚟，聞一住濃濃嘅辣味，非常刺激食慾。再望遠啲，每一張枱都一定有叫，變成非常之壯觀嘅煙霧景象。🍖今次我嘅集中點，係放喺魚以外嘅配菜，本身跟住個鍋上嘅豆腐，青瓜，紅薯粉，浸喺個湯裡面，夾出嚟食嘅時候，滲滿咗魚味同埋辣汁，實在過癮。今次我哋將本來就咁食嘅菠蘿，都喺辣汁入面浸耐啲，個味道係好到不得了，菠蘿嘅鮮甜冇俾個汁蓋住，反而辣汁令菠蘿變得更加juicy，味道更加突出。我哋又另外叫咗蔬菜拼盤，有蓮藕，薯仔，金菇同埋海带結。爽脆嘅蓮藕仲有海帶結同辣汁一樣咁夾，帶出辣味以外嘅口感。金菇索曬味自不然就好食。最正就係薯仔，一路俾佢由頭到尾係咁煲，去到最後先食，成個薯仔粉曬。澱粉質不嬲都係辣味嘅好朋友，所以最後食個薯仔嘅時候，非常有驚喜同滿足。🍖今次佢哋推廣十蚊一隻高