小食皇大排檔

营业中

休息中

街邊小食，其實已復不再，很不喜歡一些假借其名而做的店子，收得超貴卻又虛有其表。碗仔翅實乃小人的超級大愛之一，味豐濃厚，無可匹敵！一條條明知混著生粉的魚肉條卻又超級的彈牙好食，竟然越食越多，尤其撈著醋簡直令人欲罷不能！雖然冬菇的香氣經已被粉芡完全的蓋著，之不過要食的就是那層杰杰的質感就是之為正宗吧！然後到蘿蔔餅，香口之事，叫人那可抗拒！之但是平心而論，這個煎蘿蔔餅雖則內餡的而且確很多蘿蔔絲，底面都煎得香，可惜油份較多，食完好漏。隅而一食的街邊小食，其樂無窮！

偶然經過淘大，見路旁有間舖頭仔，諗住係隱世小店殊不知一入到鋪頭，就俾個60幾歲左右，外形瘦削，貌似係老闆既職員呼呼喝喝，當啲客係仇人；最癲既係間鋪用啲黑到好似墨汁咁既萬年油嚟炸三寶，啲茄子青尖椒唔新鮮，食落苦既；放食物既鐵碟全部唔似有洗過，摸落油淋淋；食食下仲見到有曱甴喺周圍爬，衛生堪虞！勁驚食食下食到曱甴！最後嚇到食左兩啖就埋單走，個疑似老闆既職員仲要眼超超咁，好不滿！都唔諗下自己間鋪啲衛生同服務有幾差！希望大家睇完食評，唔好中伏極不推介

今次第一次嚟食，諗住嗌外賣攞走，喺門口見到生菜魚肉碗仔翅，入去同阿姐落單，佢嘅態度極惡劣，勁冇禮貌，令我即刻想行返出去，好唔好食我唔知，但我禮貌地落單換來咁嘅惡劣態度，真係令人不快。

一入門口見幾人企响度，我問可以係邊叫外賣，一個疑似係老細既人粗聲粗氣話叫野就呢度啦，之後叫左5件煎釀三寶一個生菜魚肉，野食講真係可以既，但咁既態度真係唔怪得知香港咁既環境，煎釀三寶仲要比少件得四件，後尾先發現原來後面有得自己劃單，五件野都可以比少件，不如我自己劃單好過啦，又唔係有記性過人

九龍灣除咗有好食嘅米線之外，仲有一間隱世嘅車仔麵檔，呢間車仔麵喺以前牛頭角下邨已經做開一直好受歡迎，之前叫做文記傳統車仔麵。最近好似改咗名轉咗老細不過味道一樣依舊啊！環境雖然迫迫地，都有油煙味，但都勝在抵食，喺九龍灣街坊嘅童年回憶🙏🏻🍴豬頸肉牛腩咖喱魷魚油麵 $51 (8/10)餸同埋麵都好足料，豬頸肉係必食，食落去彈牙又有椰香味，牛腩煮到非常軟腍又唔黐牙，咖喱魷魚爽口彈牙咖喱汁好香濃，油麵係粗身有口感，一定要叫辣汁，辣得來好過癮，又帶少少薑味，香得有層次，同出面食嗰啲麻辣醬好唔同，真心好食又飽肚。之前食過豬腸係用新鮮大腸去整同出面嗰啲好唔同，如果鍾意食大腸嘅話一定要試吓😆🍴煎釀三寶 $22 5件 (7.5/10)炸魚蛋係必叫，佢哋嘅魚蛋係攞鯪魚肉，再打到起膠，食落去係有鯪魚肉嘅香味，同時又好煙靭，講真未食過其他魚蛋有呢一個味，好食！推薦指數: 8/10舖頭細細乜都有得食，炒粉麵，車仔麵，煎釀三寶腸粉燒賣，真係勾起以前喺牛頭角下邨食嘢嘅回憶，個人推薦車仔麵煎釀三寶，仲有個碗仔翅加魚肉再加辣菜譜都係好好食，咁多年來味道都無變，依然keep到質素！

碗仔翅-濃稠度調較得剛剛好食落無味精..唔會口渴內有肉絲、冬菇、粉絲等等⋯⋯加上胡椒粉及麻油，個人口味唔會落醋喜歡 💲22/碗煎釀三寶-再番炸整熱，加上甜豉油、甜醬，正常發揮 💲22/5件炸雲吞皮-有驚喜係喺雪櫃攞出即炸，熱辣辣又脆卜卜又有1啖彈牙魚肉餡料超正呀 💲12/5件腸粉-喺車仔蒸櫃熱乎乎剪落紙再加上甜豉油、甜醬又係個人口味唔要麻醬、辣醬亦唔需要灑上芝麻～都係正常發揮💲12/4條住附近但咁炎熱🥵嘅天氣行到過去，男店員都話可以先坐低🪑等外賣🥡服務態度抵讚

附近做完運動 想搵啲小食見倒佢有韮菜豬紅大腸 即刻入左去正wor 份量充足 豬紅係我鐘意嘅小 in un type 大湯底唔重味精 有辣菜脯吊一吊味更正另外 見好多人叫即炸三寶 好想食 不過我就唔可以放縱食甘多 留番下次先仲有個碗仔翅配餃子都好唔錯甘

專登來這間小食店, 是想試下很久都沒有食過的, 一個人就叫少少嘢過下口癮 食物 : 叫咗一份好耐無食過的韭菜豬紅豬腸 $32, 都幾大碗, 不過味道偏淡, 豬腸洗得乾淨, 無異味, 豬紅及韭菜味道正常 煎釀三寶叫咗五款 $22, 大大件, 味道唔錯, 韭菜餃好脆, 裏面好多韭菜, 味道好香, 其他各款的味道正常 環境 : 裝修格局跟小時候差不多, 來小店主要是感受童年情懷 地點 : 小店在淘大商場隔離, 主要做街坊生意 服務 : 姐姐好好人, 我唔知想食咩, 佢叫我埋去睇陪我慢慢揀食咩 價錢 : HK$54

這家餐廳的煎釀三寶和炸雲吞皮都讓人驚艷！煎釀三寶的外皮酥脆，釀魚肉紮實鮮咪，口感非常豐富。炸雲吞皮則是外脆內軟，搭配上鮮美的雲吞餡，其他地方的炸雲吞皮只得皮，這間竟有餡，口感更為豐富。服務員也非常熱情，讓人感到賓至如歸。

🍖 #九龍灣 #小食皇大排檔同屋企人喺九龍灣玩劇本殺，當然要買返個大啲嘅晚餐準備好大量用腦😆 我哋喺淘大附近見到呢間「小食皇大排檔」有小食，有茶記碟頭飯，任君選擇，就揀咗～🐮 滑蛋牛肉飯男朋友揀呢個牛肉飯超重份量！無論飯量、雞蛋，定牛肉份量都好多🤩 仲要好夠穫氣，炒得好香😋 調味都係鹹香適中🥰🍛 咖哩雞扒飯我叫呢個咖哩雞扒飯就好細心咁分成咗兩盒，一盒白飯、一盒咖哩雞扒，方便帶走食又唔會變淋晒～ 咖哩好香，雞扒份量又係超多，好味😋🥟 其他小食屋企人仲叫咗啲燒賣、腸粉、碗仔翅、餃子，呢啲都好抵食，又香又可以選擇調味，堂食定攞走都咁方便！

朋友介紹呢間大排檔好正，咁岩係淘大附近就黎試下，雖然呢間小店唔係大街，但由地鐵站行過去都只係大約5-10分鐘，相當方便。入面環境充滿香港情懷，好接地氣，唔會好迫，lunch時間見到老闆都同啲客人有講有笑咁，氣氛好歡樂🥰🌟菜遠排骨炒烏冬 $55份量真係唔講得小，成隻碟都堆到滿滿都的，菜同排骨都好多，超值性價比✨🌟星洲炒米 $45炒得好靚仔，勁有鑊氣同夠乾身，帶咖哩同其他香料，香噴噴味道香濃，非一般水準👍🏻🌟炸雞髀$30大大隻雞髀炸到金黃色，份量十足！大過隻手掌！🤗雞肉啲汁鎖住哂係入面，有輕輕的胡椒調味過，惹味非常，好推薦✨🌟腸粉4條 $12上枱時出哂白煙，蒸透入心，入口熱辣辣，腸粉白滑而泛油光，配埋啲靈魂醬汁，真係一番風味🤤🤤🌟燒賣5粒$10粒粒彈牙，肉質煙韌結實，係高質燒賣，唔係食落變粉狀果啲🫣

前兩日陪媽咪去左九龍灣，探住喺德福花園既外婆，因為朝早飲左早茶， 到左lunch time 我地都唔太肚仔，所以就喺樓下一間小店舖，食少少野餐餐肚。韭菜豬紅腸 $32份量唔少，湯底清清地，豬紅食落口嫩滑，仲有豬腸魷魚等其他材料，同樣煮得非常入味，炆到琳琳地唔會好靭好易入口，韭菜非常新鮮。生菜魚肉 $21湯底係用雞湯熬製而成，飲落口味道清甜，魚肉份量十足，魚肉食落口勁彈牙，食行出係新鮮手打出嚟既，而且調味做得非常出色。見到隔離枱食既無骨炸雞，非常之吸引，下次一定要買來試吓。可樂 $8

🍢 #九龍灣 #小食皇大排檔今日同家姐去咗九龍灣嘅淘大商場行街，之後就出咗商場隔離嘅食店食嘢😋 我哋揀咗呢間貼地嘅「小食皇大排檔」，呢度有小食（燒賣、腸粉、碗仔翅等）、茶餐廳飯餐、車仔麵⋯ 應有盡有㗎🤪🍜 車仔麵車仔麵有幾十款餸可以揀🤩 亦有唔同價錢嘅麵底任君選擇😋 雞扒份量超多，啲肉都好厚🤤 牛筯牛腩都好香！ 蝦餅都好推薦，好大塊又彈牙😚🐣 炸雞半份炸雞有四件，炸得金黃香脆，而且皮薄餡多😋 熱辣辣好好味㗎😋🍡 墨丸、燒賣充滿港式風味嘅街頭小食都有好多😋 可加豉油辣油🙆🏻‍♀️

小食皇大排檔前身係牛下老字號文記車仔麵，雖然轉左手，但係提供嘅食物同之前差唔多，最出名嘅煎釀三寶同魚肉碗仔翅依舊保留，不過今次我就試咗佢嘅車仔麵。呢度嘅車仔麵最低消費 $32，計埋麵底，大約就係三餸。我揀咗水魷魚，蘿蔔同蝦餅，餸嘅份量正常。味道方面，蘿蔔夠腍夠甜，唔錯；蝦餅冇乜蝦味，反而有啲似魚腐，都 ok 好食；至於水魷魚就冇乜味，不過口感夠爽滑。特別想講下佢嘅秘汁，係好稠嘅芡汁，有啲似煎釀三寶個汁，我覺得同車仔麵唔係咁夾，下次剩係要腩汁就夠。

去完淘大買野，諗住到前面食下茶記，見廣告牌有間小食皇，好耐無食過腸粉個啲，去食下都好。小店都幾舊式風格，但食品種類就超級多，除左港式小食，仲有炒粉麵飯，車仔麵，蒸頭飯等。😋腸粉燒賣腸粉四條加魚肉燒賣五粒，下午時段都蒸過龍，腸粉仲好挺身㗎，最正係多醬多豉油，仲有芝麻添。😋煎讓三寶呢樣又係勁鍾意嘅小食黎，要左紅腸、青椒、矮瓜、豆腐同魚蛋各一件，其實款款都鍾意食，好難揀😅三寶預先炸過，點嘅時候再即刻返炸，拎上枱時熱辣辣，魚肉彈牙大大件，真係好好味。😋兩溝再點左碗魚肉溝碗仔翅，店員問落唔落醋、胡椒粉同辣菜莆，咁正梗係要落齊啦，碗仔翅足料杰身，魚肉雖然較淋，但調味唔錯，仲勁大碗好抵食啊。😋可樂食咁多野再加支冰凍可樂，爽呀！一個人咁多都幾誇張，但好多無食覺得好好味，樣樣都想食呀嘛。