小飛象葡國餐廳 (已結業)

去到megabox見未食過入去試o下囉。叫個非洲雞飯+萄汁牛脷焗飯。咁餐飲叫可樂要加$5,咁ok啦多數罐裝飲品都要加。攞o黎原來只係杯裝,重要有半杯冰同d可樂係無氣。真係完全無氣,好似糖+水咁。個雞d肉"鞋"到我都唔知點形容,又硬。個牛脷焗飯要等多過半個鍾至到。重係同另外幾台早我o地最小十分鐘叫o既人一齊到(另外幾台早過我o地到,我入睇o左成十分鐘至叫,到有得食都無見過人o地再落單),都唔知係咪要等多幾張單至一次過做。

同朋友一個月一次的晚飯, 今次目的地我們去了小飛象食葡國餐，入到去看見地方寬敞巳經覺得唔錯，坐下點菜時發覺價錢唔貴，我們人多所以每樣都叫雙份。我們點了凱撤沙律，胡椒鹽焗中蝦，蒜茸煙肉焗生蠔，香蒜欖油炒蜆配豬仔包，馬介休餅，蒜茸包，炭燒豬頸肉，澳門葡國咖喱蟹煲，炭燒乳朱配鮮茄薯仔飯，炭燒原隻魷魚筒，是不是很多呢？因為實在太好味啦！焗中蝦用原粒胡椒做所以當煲蓋打開時胡椒味香濃但不辣，乳朱皮脆卜卜，蟹煲連一些不吃辣的人也吃得津津有味，魷魚筒的醬汁令魷魚筒更加好味，本來已經好飽, 但係一見到d甜品就再食, 炎夏黃昏 ( 芒果加雲喱拿雪糕)，冰涼雨季 (咖啡加薄荷雪糕) 好味到不得了 , 至於木槺布甸在澳門吃的時侯一小塊巳經很貴，但是在這兒吃大大件也很便宜，總括而言今天晚上真是很開心，因為這裏服務態度及食品味道都有水準！最可惜忘記帶相機-.-

行勻個商場都唔知食咩好，見到呢間有播下音樂就決定入去試下，叫左一個set dinner for 2:清雞湯: 唔油幾清香炸馬介休+焗沙甸魚: 馬介休好似普通薯餅無咩特別，沙甸魚就好脆幾好食主菜4選1，我地叫左一個飯一個意粉:焗乳豬薯仔飯: 乳豬好香脆，d飯味道幾好又夠乾身香口，唔錯卡邦尼意粉: 不過不失甜品: 應該係芒果慕士，跟餐甜品都預左唔好味我覺得呢度0既菜色係偏重味，炸野焗野都係偏硬身，野食味道唔差的。入到去仲發現有位"才子"坐係我後面張檯呢餐廳服務都唔錯，侍應幾有禮貌!

31號戈日同班FD睇完戲見肚餓..落到5樓見到呢間餐廳個名幾得意,叫小飛象..最重要既係出面有甜品買!!好吸引 第一眼見到呢間野覺得都OK大..可能因為31號所以多人要等位' 等左10幾分鐘道就有位..就算甘忙d侍應既態度同笑容都ok(: 我地5個人叫左香蒜欖油炒蜆配豬仔. . . .勁香xp葡國燒風鱔... . . .皮脆肉滑..肉汁很多葡式咖哩蟹..蒜茸煙肉焗生蠔..馬介休炒什菜..但原來飯要加$10..覺得貴左dd..'因為我地都吾係甘熟d菜式so take order戈陣個侍應都有耐心甘答..可能因為多人啦..等既時間耐左dd..不過有個小朋友天地xd又有卡通睇..見到d小朋友玩得好開心整體黎講,我地都好滿意..食物質素吾差..服務態度ok..只係個價錢貴左少少..有機會再去試下

同d friends 去食左一餐好豐富而價錢理想既葡餐...个樣唔止美觀, 味道仲好好, 果然無介紹錯!!環境都唔錯, 又方便! 仲有个小朋友天地添, 唔怕佢地食飽叫悶la...如果係我附近都有間,就好喇!!大家不妨去食下....*yummy yummy, a good choice for portuguese food!!*

今晚之後........我不得不complaint下依間餐廳!!!!!!!所以今次連我都要破例寫一次食評去complaint佢地!!!!!!無禮貌員工,播放的音樂很吵耳,我哋 order 咗燒咸豬手 ($75)、葡式焗釀乳豬炒飯 ($68) 和炭燒銀鱈魚 ($68).....太難食，我先向經理反影;佢 叫(JHONSON)，過了一會，回來對我哋話咸豬手喺咁咸同比較硬的，再換一碟也是一樣!!!!呢間restaurant真係強差人意.食左7~8樣野要500幾蚊.而且食完唔飽!!:

本身諗住去MegaBox睇完戲就走,但係見睇完都成2點,所以就係Megabox食埋lunch先一直行落去,去到dumbo portuguese restaurant冇咩點諗就入左去,因為大家都好肚餓 餐廳的座位好闊，坐得都幾舒服但係由order野開始...就冇咩好印象首先個waitor好似唔係狀態咁 講一樣order講左幾次佢先聽到我地落野個陣又唔係用咩文,都係中文JA,但係佢竟然可以聽唔明好啦,差唔多用左5分鐘先落完order等左一陣D菜就開始上喇炭燒豬頸肉 - 一般,但係同個價錢完全唔成正比例garlic bread- normal臘肉飯 -冇咩特別葡汁焗椰菜- 個人覺得完全冇味 雖然成碟菜浸係D水汪汪既葡汁入面,但係D椰菜好似清水拖過就算咁garlic蝦 - 本身個waitor同我地講$38有4隻,點知上菜既時候得2隻,當佢唔記得,算點知2隻蝦身上面都有garlic,但係再一次....咩味都冇以上咁多野都唔得,本來諗住個葡式豬仔包,簡單D,應該會有翻D風味掛....點知,我覺得佢係麵包舖買翻黎之後就擺係個籃到冇咩分別連最簡單既可樂..都可以一D氣都冇,死未最後我地已經唔敢再叫野

一句講晒... 唔掂... 冇野好食... 所有食物（葡汁雞，焗蠔，magayau炒飯，等等）味道一般．一定唔會再去!! 環境亦一般服務就OK geBut could be a good place for kids... as i saw they had a foreigner playing guitar to kids, and have a small playground for them to play!

看此餐廳裝潢不錯,入座叫了兩人套餐$198清菜湯-有三好:湯好清,味好咸,雞肉好"鞋"沙甸魚拼薯餅-薯餅好味. 沙甸魚勁"腥"白烚拌葡國臘腸-食時先看看臘腸,因非常幼細的,不專心看,你找不到啊!可能想表演刀功吧乳豬茄汁薯仔飯-這個十分好味道,豬皮脆;飯煑得得入味食後待應生上了飲品.因套餐有甜品的,在餐牌上寫着:加15元可選任何雪糕.我們在餐牌上選了兩款,每款售價是48元.吃吧就結脹,單上收了兩杯雪糕錢(96元).我問待應生,他說我們叫的不是包括的雪糕,我同那經理講.是它們的餐牌寫上"任何雪糕"誤導食客,.最後當然是收回兩杯30元.所以結賬時,請查單啊!

今日我同D同事去左MEGA BOX 小飛象度食LUNCH....其實之前都有幫襯過, 覺得佢地個乳豬飯好好食, 所以今日諗住再Encore !!! 可惜今次實在令我地太失望了.... 坐低之後我地發現最想食既乳豬飯竟然冇安排係LUNCH SET 個LIST度, 只係提供散叫, 都冇計啦..... 鬼叫我地幾個都好想食佢地既乳豬飯, 所以最後叫左個例牌乳豬飯大家SHARE食, 點知實在令我地幾個太失望啦..........個乳豬飯既SIZE又細, D乳豬又冇乜肉, D肉又乾, 淨係得番D皮 ...... 真係好難食. 仲有就係佢地既 LUNCH SET 既SIZE好鬼死細碟, D薯菜得兩粒咋!!!! 仲要收成HK$58一份 (+10% SEVICE CHARGE), 實在太離譜啦!!!! 而且D牛排又靭 又咸, D羊肉又生!!!! 兩個形容 難食 最慘就係每人埋單成HK$70 !!!! 真係又貴又唔好食 !!!! 我以後都唔會再幫襯架啦!!!! 豈有此理 !!!!!

我們都算熟客, 平均一個月去一兩次。昨晚再去, 點了炭燒牛仔骨, 乳豬炒飯, 馬介休沙律, 燒咸豬手。收人$88的炭燒牛仔骨, 依然有三口條, 但薄過大家樂早餐D牛排,但都唔熟, 又勁多筋, 冇味冇炭燒味.........根本來貨品質都已經很劣。乳豬炒飯D炒飯都係好馬虎, 冇以前的薯仔粒, 好普通，都似大家樂的貨色。馬介休沙律同之前食的好大分別, 馬介休粒好乾, 份量亦少了。只有燒咸豬手似D樣, 但賣相冇以前咁好, 明顯大廚好馬虎, 唔細心。連飲品甜品埋單$440, 一D都唔值, 仲以為自己去咗大家樂!!!埋單時向經理證實最近換了大廚, 亦反應了食物質數奇差。後悔沒有拍照, 但以價錢質數論, 簡直不合格。順帶一提, 其時有人包部份場開PARTY, 但居然開大咪, 強迫其他食客聽..........完全不是高餐廳所為, 似去酒樓食飯, 隔離有聯歡宴咁!失望, 嘥錢, 趕客是昨晚的結論。

首先講講我地星期日夜晚去食既..6個人..同屋企人..1個小朋友..叫左以下既菜.....馬介休炒飯 >> 味道OK啦..唔太好唔太差..但太細碟..都唔夠食..葡式焗釀乳豬炒飯 >> 乳豬算是幾好食..好脆..不過又係太細碟..咖哩雞>>葡汁又稀....雞肉無味..咖哩海鮮 >> 呢個唔掂..D葡汁又稀..D海鮮急凍無味..魚呀..蝦呀..淡的..無味..馬介休炒什菜 >> 呢個都OK啦..蒜容飽豬仔包好啦..講完食物..講下服務啦..D 服務員態度真係麻麻地..又唔笑..叫加水叫幾次又唔黎..D 經理..加水加1/3 無水又算..又唔返轉頭再加水..連埋單都是是但但..埋單6個人都要4百幾蚊..裝修靚..唉..入面D員工D食物唔好..食物容器又係爛既..似茶餐廳...又嘈..似茶樓..我地都話下次唔會再黎呢度食..

週日再到megabox睇電器前，拉了老公來這裡吃甜品。　吃甜品?不錯，原來小飛象繼承左前身Cheesecake Cafe的餅房，現有多款精美cut cake出售，上回已經引死甜魔，今次誓要完夢! 老公始終對甜品提不到很大興趣，所以獨個兒選了3款餅。同前身一樣，堂食的話$25+10%；在外面coffee shop area進食/外賣會便宜一點，$18件，不過換了紙碟奉上：　木槺蛋糕-外表十分吸引，卻吃來十分乾身，芝士層一點不香，味道差透!　紅桑子朱古力蛋糕-紅桑子只得頂上一粒，其餘餅身是純粹的朱古力味，味道幾濃郁，質感亦滑，加上類似brownie口感的餅底，是幾特別也好吃的一款餅。　藍莓芝士餅-芝味算濃，不過膠感更重，整體效果不算討喜，比起前身絕對是退步了；另外餅底太薄，也令人不夠滿足!　喉痛始終未癒，另備清水，咖啡類今次沒試沒得比較；但甜餅水準就實在不及前身。算了，志在過一過甜癮而已，還是最期待忙完一刻，可以抽空慢慢享受真正心儀的甜品美食!

今晚收夜好累~黎到mega box搵食.....見到有小飛象葡國餐廳,我又未試過食葡國野,但朋友話ok......咪試下啦~點知連朋友平時話好食,都覺得今晚唔好食~我不嬲都對葡國野食無咩好感,所以我點左番茄什菇意粉,因為夠穩陣....而朋友點了當日廚師推介既紅豆豬手煲跟飯!番茄什菇意粉,味道唔係太差,不過份量真係好細,隻碟就好大囉~一黎到見到隻碟,我同朋友都嘩左一聲呀~而且見到上一個食評,都有叫呢個意粉,但唔知點解人地同我既份量真係有出入架~人地碟意粉填滿隻碟,而我o個碟就填唔滿!紅豆豬手煲跟飯:豬手較鹹,送飯都ok既,飯的份量又係細的,男仔食就唔夠飽,因為佢唔係一個餐,無飲品同湯,所有野都要散叫先有~包括麵包,湯,飲品.....環境似街市咁嘈,同朋友講野都要好大聲先得,因為好多小朋友係到....可能餐廳內有一個位係兒童樂園......

噚日去mega box 本來想去b&q, 可惜close咗. 咁肚餓, 見到"小飛象葡國餐廰",咁見佢咁靚, 咪試吓囉, 點知................我叫咗燒咸豬手 ($78)葡式焗釀乳豬炒飯 ($68)馬介休炒什菜 ($48)同沙甸魚 ($18, 兩條起)。燒咸豬手 - 又乾又肥又靭, jusco 檔仔好食好多, d 皮靭到咬唔到, d 肥糕食落去好怪, 會痴晒牙，實在難食。葡式焗釀乳豬炒飯 - 個飯好香好味, 但乳豬又唔脆,又硬又靭, 我自己搵焗爐焗燒肉都好味過佢。馬介休炒什菜 - 係最好食既一碟。沙甸魚 - 係原條燒, 冇劏冇洗入面, 污"job"。好彩hkb 咭九折. 唔係真係唔多抵。