小野人 (MONTEREY Place)

营业中

休息中

超抵食嘅小鮮肉🤣叫一個有成6串，每串仲要都幾大塊，質地應該似係豬頸肉，同個名一樣好Q彈軟身有汁，側邊仲要有好多粒脆脆同肉出奇地夾😳每台都有自己既火暖住已經熟左嘅串燒唔怕天氣凍會一度食一度凍曬，不過可以慢慢食唔好好似我哋咁樣一次過叫晒就要搭幾層🤣一定要試嘅金菇肥牛卷，有成三大舊，忍唔住encore左多次，出面燒汁甜甜地，肥牛燒到好香，肉汁鎖曬係金菇入面真係超正😍香蔥豚肉卷就相對個味道比較清新淡d。烤牛舌唔係淋BB個種質地，幾爽口脆脆地。另外必食有烤花枝墨魚丸，三大粒夠曬飽肚， 咬落唔會覺得只係食粉，係真係有料用心整👍仲有肚食既可以叫埋牛肉同雞脆骨都好食🤤叫番啲菜令自己感覺冇咁罪惡🤣個人鍾意娃娃菜多過韭菜，染左香料配埋菜既香甜一下就食完😂不過娃娃菜份量就比韭菜少🙆‍♀️抵食之選🤩超大兩條仲要勁重醬料，茄子肉燒到好淋夠入味，連皮或者唔連皮食都ok🤤BBQ燒麵包就見得多，估唔到串燒都有得燒麵包🤣上面比較多糖甜甜地，建議可以早啲放燒嚟食就比較唔會吸咁多油，同埋烘暖啲會好食啲🙈呢樣又想試嗰樣又想試最後食咗咁多嘢😂😂食完真係要去行轉DONKI同海旁消化下🤣

小野人 (將軍澳).好開心呀將軍澳終於有好味串燒💜 一黎就會每人有個爐比你熱住啲食物.▪️烤雞腎·烤韭菜· 烤杏鮑菇▪️.雞腎爽口，韭菜叫左兩串唔洗放上爐以免overcook! 杏鮑菇本身睇相以為充滿葱蒜，點知黎到無😂不過唔緊要，我哋將茄子上面嘅蔥蒜都放咗上去！ 同樣juicy!.▪️蒜蓉烤鮮蟶子▪️.價錢係一隻，但因為我想食都係叫兩隻試下🤭好彩有叫咋好好食！ 時間燒得啱啱好！.▪️蒜蓉烤茄子(1份）▪️.唔算大條但勝在調味一流，大量嘅葱蒜辣椒🌶️.▪️烤BB露筍· 糖烤牛奶方包▪️.露筍嫩口，個牛奶方包好好食，上面充滿粗粒糖💜.▪️墨西哥烤玉米▪️.就好似平時大排檔嘅椒鹽粟米，不過變左墨西哥風調味，充滿芝士粉！.▪️麻辣鴨血▪️.呢個勁辣😂佢好似無得揀辣度，個韭菜同埋鴨血都勁辣😂.▪️蒜蓉粉絲娃娃菜·烤雞翼▪️.入面有大量湯粉絲，清清地； 雞翼一串兩隻，脹卜又多汁.📌 小野人 (將軍澳)將軍澳澳南海岸唐俊街23號MONTEREY Place地下G25A號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

聖誕🎄假期最後的一天，嚟咗朋友屋企打機，然後佢帶我落去屋企附近嘅餐廳食串燒，食物選擇種類都幾多，用QR code自己落單。點好串燒後，由廚房燒，然後放在每張枱的小火爐上保溫，可以食到熱驣驣嘅串燒嘅同時，唔使聞到油煙味。我哋點咗：🦑Q彈烤魷魚(6串）$48呢個我最鍾意，以鐵板上，口感十分Q彈爽脆，十分惹味。🍍烤一口菠蘿(1串）$28燒過嘅菠蘿，味道更香甜，菠蘿味更濃。🐮烤小牛肉（5串）$48燒得剛剛好，肉質嫩滑香口。🐏大漠烤羊肉串（5串）$48帶點香辣，而且風味十足，朋友話好正😋。🍆蒜蓉烤茄子（1份）$42整條茄子切開，以蒜蓉、辣椒一起燒好後，加上香蔥及芝麻，口感香軟。🥒烤翠玉瓜（2串）$18 x2新鮮爽脆，簡單好味。🍜酸辣粉$42夠晒辣🌶️🔥，啱我😆，酸辣粉內有炸菜、花生🥜、芫茜🌿、很傳統嘅做法。🧊Coke Zero $28 食串燒點少得冰凍嘅可樂～

(自費食評) 上次晚餐遇到比較差的服務和食物質素比較差後，今次給他們一次機會，今次吃午餐，原來他們午餐定食也好吃。雖然他們午餐價錢比較昂貴一點，食物份量也比較細，但是幸好他們賣相正和食物質素今次有水準了。今次我們選擇了香辣紅燒牛肉麵再配二十一蚊升級套餐，有蛋，豆腐，涼拌，再有一杯冰茶。今次午餐可以接受，合格，佢地今次湯底係做得夠濃味夠辣，紅燒牛肉今次夠厚肉，又多塊，雖然麵底比較少。但是，其實一人夠飽。如果不夠飽可以再加小食串燒。牛舌串燒，羊肉串燒可以接受

住將軍澳嘅朋友介紹一間惹味串燒店”KOKA 小野人”就立即晚巿去試下。朋友Book 左晚上6:00，唔使等位好輕鬆入座。坐位舒適寬敞，另每台都有一個火爐，可以幫串燒保溫，好細心一坐低，職員立即送咗兩杯潤喉餐前飲品: 雪耳桃膠糖水過程中，全手機落單，好方便牛肉串、羊肉串各5串(各$48/5串)，牛脷兩串($28)，落單時仲可以選擇走辣。羊肉唔羶味，牛肉同牛脷串同樣好juice 唔會韌烤洋芋片($18/ 2串)配上孜然粉，好好味。洋芋片好似薯片咁脆口蒜蓉烤生蠔($38)，芝士烤生蠔($38)。上枱熱辣辣，生蠔夠新鮮，芝士份量好多，蒜蓉烤亦十分香口惹味蒜蓉粉絲烤扇貝($38/隻)，扇貝好鮮甜，而配料有好多粉絲同蒜蓉，粉絲吸晒扇貝鮮甜味左1、2烤杏鮑菇($18/2串)，價錢好抵食，入口唔會乾身，仲好juice，烤蔬菜首選。烤新鮮臭豆腐($26)，出邊好少食到，必試熱蜂蜜綠茶($32)，食咁多串烤，飲番杯蜂蜜潤吓喉，立刻舒服晒奶油烤小饅頭($26 / 2個)，饅頭外脆內軟，配上奶油確係一流整體而言，餐廳環境舒適，食物價錢優惠抵食，可以試到好多種類，各種串燒十分惹味，可以一試再試

同朋友👩🏻‍💼一齊喺將軍澳，肚仔餓要搵嘢食，知道呢條小街上邊有好多小餐廳🍴，咁就決定過去行吓望吓，見到呢間，食串燒，好似幾啱呢日嘅胃口，於是就入去開餐😆$18「烤翠玉瓜」x 2 ：翠玉瓜幾爽脆😆$42「蒜蓉烤茄子🍆」：茄子🍆落咗大量蒜蓉嚟烤，幾香口，茄子肉🍆亦都幾清甜😆$48「大漠烤羊肉串🐑5串」同埋 都係 $48「烤小牛肉🐂5串」：加埋有成10串，感覺幾大堆頭、幾豐富🤩，羊肉串同牛肉串都係辣辣哋又肥肥哋，食落香口😋$38「蒜蓉🧄粉絲蒸扇貝」x 2 ：扇貝幾新鮮，肉質結實，加咗大量蒜蓉🧄嘅粉絲，又係香口😆$38「芝士🧀烤生蠔🦪」x 4 ： 生蠔🦪亦新鮮，加埋燒到溶咗有鹹香嘅芝士，幾夾🤩

將軍澳唔多專門食串燒嘅餐廳，估唔到澳南海岸有一間新式嘅串燒鋪🍗枱面愈有個小烤爐for keep warm! 整體性價比唔算話高，但勝在坐得舒服又唔使等，環境幾好，食完仲可以行吓Donki🤣•大漠烤羊肉串(5串) $48•烤脆雞皮(2串) $26•烤嫩鴨血 $28•蒜蓉烤茄子 $42•烤多春魚(2串) $28•蒜蓉芝士撈丁 $52•奶油烤小饅頭(2個) $26烤羊肉有成5串咁多，燒完都好嫩，必嗌！多春魚都係每次必嗌❤️想飽肚啲，所以先哋加咗份蒜蓉芝士撈丁，蒜蓉同芝士都俾得好足，又唔會食到最後變成餅嘢👍🏻而比較失望嘅係燒茄子，未完全燒到淋晒同埋唔入味🥺烤鴨血無烤過嘅感覺而且好淡味，唔適合拎嚟燒烤~~~

聖誕假期去左將軍澳探朋友gathering ，見Monterey Place有間叫KOKA小野人嘅燒海鮮串燒店，就決定晚餐時間去試下。依度環境精緻，而且以串燒店嚟講，坐位算多兼舒適。我哋坐底後點左大漠烤羊肉串、烤海蝦、蒜蓉烤生蠔、芝士烤生蠔、Q彈烤魷魚、蒜蓉烤茄子、蒜蓉烤鮮蟶子。大漠烤羊肉串好有新彊醃料風味，感覺一流。烤海蝦係我嘅favorite，d蝦惹味又新鮮。蒜蓉烤生蠔好鮮甜，蠔味濃郁。芝士烤生蠔夠creamy ，熱炙炙夠鮮又芝士濃厚。Q彈烤魷魚夠爽夠彈牙添。蒜蓉烤茄子係燒烤必叫之選，茄子夠粗大味道又清新。蒜蓉烤鮮蟶子夠晒大隻，好juicy又海水味濃。

今日同男朋友黎到位於將軍澳海旁既小野人食下台式串燒，我地平時都比較少食串燒，所以台式串燒更加係第一次，先講店舖比我既印象好乾淨，亦無好多燒肉既氣味同煙，同平時既串燒已有好大分別，而且佢亦有好多人排隊。坐低之後發現原來佢一早有過火爐開咗喺度，咁就算叫惹來食嘅時候都唔使等佢預熱，而佢亦都有好多唔同款式嘅食物，我哋就叫咗好基本嘅牛肉串，佢嘅牛肉串唔算好大，但係一叫就會叫咗五串，所以叫一份其實都幾抵食，之後我哋亦都叫咗好多唔同嘅串燒，例如豬肉，翠玉瓜，韭菜，仲有一啲啲丸類，而且仲有叫到蝦。而另一樣我個人認為必食嘅就係金菇肥牛卷，因為本身佢已經調味調得好好味，而且金菇都好易咬散，所以真係好好味。整體來講，小野人嘅串燒都係好好食，而且味道唔會好大，咁就唔怕食完串燒之後行出街會一身串燒味，所以好推薦大家可以嚟試吓。

呢間店鋪平時都見到好多人食串燒🍖，將軍澳比較少串燒店🍢我自己會怕好多油煙同食完好大浸味。今日中午嚟下比較少人食串燒於是入去一試。🍲台灣熱鍋 - 泡菜豬肉鍋 $98台灣熱鍋套餐 = 自選熱鍋一款配米飯或米線 + 冰茶🍲泡菜鍋酸酸辣辣，配菜好多，有萵筍、金菇、粟米、紅蘿蔔、大白菜同白蘭花。蔬菜吸哂泡菜湯底味道，食落特別爽同惹味。另外豬肉份量都唔少，大約有五至六片。🍚滷肉飯套餐 - 士林鹽酥雞粒配台南滷肉飯 $98我哋揀咗套餐B - 2前菜 + 1 主菜 + 台南滷肉飯+ 是日餐湯+ 冰茶🥒前菜 - 青瓜脆豆沙律青瓜爽脆，食落開胃🥚前菜 - 滷蛋豆卜10分入味🐖滷肉飯嘅肉粒唔會好肥，滷肉汁有好多足夠你撈飯食🤣。另外鹽酥雞粒份量都多🐓，雞粒粉唔會好厚，所以可以食到啖啖肉。🧊冰茶比較清淡，但你攞嚟配台灣熱鍋同滷肉飯就啱啱好，飲完可以解油膩感。食緊途中都見到有其他客人點串燒，望到都心郁郁想食🥹，下次應該會試串燒。同埋座位空間都闊落，唔會話坐得好迫😌

將軍澳海傍有好多餐廳，見呢間台式餐廳價錢合理menu啲相又幾吸引就入左去試試☺️啲串燒有驚喜！下次想食夜晚，食住串燒嘆住酒🍺😍🍜紅燒牛肉麵 （$78+$21升級套餐）牛肉麵湯底偏咸同埋偏油，飲多幾啖會有膩嘅感覺🫣牛肉都幾多舊同埋整得幾淋，麵都幾有咬口不錯👍🏼🔸加配左套餐揀左酥炸茄子🍆茄子炸完仲係好juicy，不過調味唔算好濃，淡淡地咁😌🔸飲品揀左熱四季春，小小甜，飲落感覺好舒服，好好飲！😋🍲小鍋煮自由配套餐 呢款可以自由配搭，湯底（香辣/沙茶/酸菜)，肉類（牛肉/豚肉/魚)。👦🏻揀左香辣牛肉紅薯粉，一黎到好似好少，但係點知意外地多，不停食不停仲有😂薯粉軟身左啲，唔知係咪擺得耐左😔配菜都好足，正常水準唔會太硬👍🏼因為好驚蘿蔔同薯仔好硬唔夠淋🫣🔸前菜都好食🥰尤其是個木耳，有小小醋酸味帶少許辣，幾開胃😚蛋同豆腐正常發揮不過偏淡左小小🔸野飲cappuccino☕️黎到嘩左一聲好靚🤩但咖啡味好淡，唔推介😐🦪蒜蓉烤蟶子 ($96/2隻）呢個好好食！蒜蓉味好香，蟶子唔會韌，煮得剛剛好仲係好juicy好嫩滑😋👅烤牛舌 ($28/2串）個樣睇落好乾，但其實食落唔乾，調味係孜然粉味，好香🥰

前幾個月朋友介紹將軍澳一間特色串燒店，今日終於有幸一試。店舖裝修簡約明亮，令人感覺舒服食慾倍增。朋友必食推介～大漠烤羊肉排，因為製作需時30分鐘，所以我哋一坐低即刻落單。傾吓講吓，原來已經差不多30分鐘，香噴噴嘅烤羊排已經呈現眼前，羊排肉質鮮嫩，而且鮮味十足，果然係招牌菜👍👍👍另外串燒都係必點嘅菜式，我哋叫咗羊肉串牛肉串同埋烤牛舌，都非常香口美味；芝士撈丁上面鋪着滿滿嘅芝士，上枱時熱辣辣撈勻即食😋麻辣薯條同墨西哥烤肉米，兩個都香脆可口，薯條麻辣味十足抵讚🎉

今次又去到將軍澳搵食係一間台式嘅特色串燒店.店內環境好chill 好似一間Cafe咁有梳化位 都幾舒服.Menu採用QR code電子落單好多選擇 肉類、蔬菜、熟食、飲品全部都勁吸引 好想叫晒嚟試吓提一提黎食嘅朋友 全部串燒都default左有辣粉唔食辣嘅 一定要叫走辣.👅蒜蓉烤生蠔 (1隻) $38賣相好吸引 蒜蓉汁香濃惹味生蠔烤到半生熟 鮮甜又滑捋捋 正😍.👅清酒煮蛤蜊 $58淡淡嘅清酒香味 加咗薑絲 冬天食真係暖笠笠花甲粒粒都大粒肉 冇沙 鮮甜 推介👍🏻👍🏻👍🏻.👅大漠烤羊肉串 (5串) $48有孜然粉 勁有風味 肥瘦適中 唔會好重羶味食到唔停口🤣🤣餐廳好貼心 有個爐提供比食客 可以熱住啲食物👅烤雞腎 (2串) $28燒得好香口 可以翻啅🤣👅烤牛舌 (2串) $28牛舌唔會燒到好老 口感偏軟 好好食👅烤虎皮尖椒 $18調味粉好夠 尖椒又夠辣👅烤椰菜花 $18平時食辣嘢都一定要叫椰菜花 今次都唔例外有辣粉嘅椰菜花都好好食😍.👅蒜蓉烤茄子 $42又香又juicy 調味啱啱好最鍾意佢多蒜🤤🤤🤤.👅 烤BB蘆筍 $32爽口 唔會好老好乾.👅金針菇牛五花卷 (1串) $28同平時食既金菇肥

今日同朋友放工黎到食串燒，7點左右黎到，已經差唔多坐滿人，所以大家最好預約定。呢度係QR code點餐，菜單有各式各樣嘅串燒、小食，我地叫左以下嘅野食：肉類：-大漠烤羊肉串（5串）-烤牛舌(2串）-烤雞腎（2串）-金針菇牛五花卷(1串）蔬菜：-蒜蓉烤茄子-烤娃娃菜(1串）-烤椰菜花(1串）-烤娃娃菜（1串）-烤虎皮尖椒（1串）-烤BB露筍（1份）-烤翠玉瓜（1串）海鮮：-蒜蓉烤生蠔-清酒煮蛤蜊（1份）飲品：日本梅酒蘇打整體串燒燒得好入味，而且燒得剛剛好，食材都好新鮮，好似蠔同蛤蜊都好鮮甜。而且呢度嘅環境幾靚，設計好日系，只係坐位排得比較密集。同埋呢度啲串燒會放上爐上面，等啲串燒無甘快凍，俾你可以慢慢嘆！仲有一樣貼心野就係有支特製嘅小叉，叉嘅形狀係可以好fit甘將串燒嘅野食從竹籤叉出黎！

今日去咗將軍澳海旁食晚飯知道要食辣嘢所以就嗌咗杯雜苺乳酪味道非常天然甜度適中😋蒜蓉粉絲蒸扇貝BARBECUE GARLIC SCALLOP38元 / 1隻粉絲吸晒啲蒜蓉豉油 扇貝幾新鮮蒜蓉生蠔BARBECUE GARLIC OYSTER 38元 / 1隻生蠔大小適中 囗感好creamy 蒜蓉蟶子BARBECUE RAZOR FISH 蟶子新鮮爽口烤BB蘆筍BARBECUE ASPARAGUS 32 元/ 1份蘆筍好幼嫩 絕對係健康之選🥳 烤香辣豬手BARBECUE PORK LEG豬手唔會太辣 充滿骨膠原蒜蓉金針菇GARLIC ENOKI MUSHROOMS38元 /1份金菇爽口 超惹味