小重慶 (已搬遷) 新店位置

晚上9點鐘唔知食咩好，見柴灣人熱烈介紹，就走左去買外賣先來自助畫單：我要了重慶酸辣粉（麻辣、大）加雞排（微辣），土匪雞翼 （微辣）但真的來遲了，雞排雞翼都售罄，所以改了豬頸肉及涼拌木耳 （微辣）落單的年輕哥哥仔好有禮貌好有人情味，收錢找錢都雙手奉上，走時都要同你講慢行的，而木耳本來賣哂，老闆娘是馬上快手幫我新整的，此服務態度好難得一打開，這個麵才只是$30 （$25酸辣粉加$5豬頸肉），好足料花生都至少有廿幾粒，酸菜大大舊爽口幾好味，芽菜韮菜芫茜蔥都好有份量，而薯粉是彈牙的，豬頸肉份量好足，而且都入味，湯底好濃味，但平時食譚x 10小辣的我，今日叫了微辣，就辣到鼻頭出汗及要包哂雲吞，下次都是要BB辣算，但整體真的是好有驚喜、好味道而涼拌木耳 （$15）估唔到咁大盒，其實是雲耳，味道也可以，唔知是否因本來賣哂即整呢，只是略嫌未浸夠水/ 汆夠水？ 有點木的噏味，但都無阻我大快朵頤，食哂一定會再試的，下次要試重慶涼麵

網上柴灣群組都講左半年有多，終於經過可以買碗試試！去到樂軒臺，行左成條街都未搵到...再上網睇睇佢地址... 真係行過左龍...由於已經食左野，只能夠買碗細酸辣粉返去宵夜。一打開果真好香，又酸又辣。群組評價係十分麻辣，所以我選擇淺嚐小辣。先呷一口湯，辣度同酸度很mild，很易入口。下次可以試試中辣。配料很多，有豆卜、九菜、芽菜和酸菜。酸菜挺特別，因外面酸辣粉好粉落酸菜，而且是橫片的酸菜。口感好清新，可以解辣，不錯不錯。芽菜吸了辣汁，好吃！至於薯粉，我買完帶回家行了十五分鐘，仍然保持彈牙質地，富口感。