小重慶 (已搬遷) 新店位置

今日因公事來到柴灣一帶，見到這間小重慶 店面極細，裝潢簡單，只做外賣，卻有十個八個人在等外賣。通常這個組合，就知道一定是食物質素極佳（因為已無乜其他賣點）。所以即管試下！因為無位，唯有在附近公園搵張無人嘅地方食，自動social distancing 好，入正題。酸辣湯底係香辣而唔油膩，排隊時都聞到好香，我叫小辣所以唔會話太辣。粉煙韌，夠彈性（唔容易架，好多間都煮得太淋）。第一啖就食得出，明顯好食過傷x酸x粉。牛肉係surprise！以為加6蚊，最多係2片肥牛，或者茶記滑牛之類。估佢唔到，係無乜落粉既瘦鮮牛！最重要係，又整得唔會太鞋。有肉感，有咬感。仲要有成5-6塊，認實抵食。酸菜係用譚x個種甜酸菜，而非潮式咸酸菜。爽口，有咬感，酸酸甜甜，清新，醒胃，配酸辣粉好夾。有咩唔好？就係排隊。原來呢間小店lunch hour已經排晒隊，仲接埋電話單。我碗野total等左20min... 去附近買埋杯「響茶」返來仲等緊。不過，咁既價錢，咁既質素，自然要排隊，合理既。

當大家最常食嘅米線連鎖店賣緊 ~$40 一碗雙餸米線, 呢間小店只係賣緊$26 碗 (大), 加$5可以揀雞扒/牛肉/豬頸肉, 計落點都抵食D今日叫左個酸辣粉(大)加牛肉, 超多牛肉!! 加上本身嘅韭菜, 芽菜, 豆卜, 酸菜, 成碗粉非常足料, 性價比相當高家姐都叫左個粉, 覺得豆卜比較韌由於唔食得辣, 所以叫左BB辣, 感覺岩岩好, 有D刺激又唔會頂唔順柴灣少有嘅良心小店, 希望能夠堅持, 捱過疫情

鍾意食酸辣粉一定要嚟試，選麻辣亦得。小店無堂食只做外賣，粉有大細之分，細嘅平d。其實今次我已經係第二次食，上一次去買係夜晚，土匪雞翼賣曬 。 今次下晝嚟買，叫咗個大嘅酸辣粉， 少辣，同埋一份土匪雞翼(終於試到 一份5隻25蚊)，碗粉味足配菜多，粉又彈牙， 女仔一個人食曬嘅話都幾飽， 但如果叫個細粉， 又好似唔夠滿足😆。 個酸辣粉真係好好食，我連啲湯都飲埋。 個雞翼隻隻都脹卜卜 ， 啱啱整好又熱辣辣， 所以特別好食。 我住得近， 所以一定再幫襯!

呢間小重慶係街上並不起眼，係有一次見到一班學生係到排隊先埋去睇睇。今次終於有機會試下啦！十幾蚊嘅冷麵，竟然仲有半塊雞排份量嘅肉，真係好抵食。冷麵嘅麵質爽口，加上酸酸辣辣的醬汁同香料，非常開胃。另外仲有即烤嘅土匪雞翼，需要啲時間去等，但旁邊就有一間雜貨鋪，係入面睇下零食好快就有得食啦。等緊嘅時候見到有人叫酸辣粉，姐姐剪咗勁大塊豬頸肉落去，睇番餐牌都只係夾加$5，真係超好心呀！下次一定要試下佢嘅酸辣粉呀。

Finishing work in Chai Wan brought me to 小重慶 for a bowl of numbing spicy noodles, which was surprisingly delicious!The bowl of goodies looked red and spicy. But it’s actually more on the numbing side than the spicy side. The broth was so delicious and strongly flavored with star anise, I adore it so much! And the noodles were so great too! They were thick glass noodles, perfectly cooked so that they wouldn’t be overly chewy or too sloppy. The dried tofu bags were very yummy soaking up all the ho

呢一間街坊小店 我非常之鍾意可能因為本身我非常之鍾意食辣但係佢嘅酸辣粉做得非常之好而且個湯底亦都好好除此之外佢嘅配料牛肉真係不得不讚佢嘅牛肉係非常之有口感而且亦都吸晒啲湯嘅精華

雖然住得近柴灣，但都好少食，就因為少食每次都有條癮好想食，個湯底又酸又辣！薯粉煮到岩岩好，真係好好味，仲可以叫多芽多九菜，剩係配菜都好好食，好入味！加料個部份可改善多d選擇。辣度本人就真係食小辣就得啦！之前試過中辣太辣了，辣到食唔到，BB辣就岩小朋友食。因為店鋪太細，只能外賣拎走。

呢間之前柴灣朋友們都有推薦，果陣食都ok ge,但今日買外賣黎食時已完全唔同，個薯粉....一夾即斷，食落口冇煙銀嘅口感，好糊。不過個麻辣味湯底幾好，一碗20蚊，其實份量都算多，而且料又足，可惜敗筆係個薯粉到

住柴灣既朋友其實都不愁小食，樂軒台地下一列的小食店，各有特色，這間小重慶一直都是社交群組常推的小店，店鋪得細，基本上只在外賣，鍾意既都可以坐係店外食既叫得小重慶，係食辣為主，鎮店之選是酸辣粉，有不同辣度可選，小碗只需20蚊，仲可以比錢加餸（一般都係幾蚊一款餸）其實仲有其他小食都好抵食店主非常有禮貌，每次去都是很好禮貌

睇openrice 見到柴灣有間酸辣粉就去試試佢啦😋叫左一碗細既中辣($20)加牛丸$6其實中辣真係幾辣💧但又好正(女友食開譚仔中辣都覺得辣)一碗大既小辣($25)再加左豬頸肉$6同雞扒$6好足料再叫多左個紅油抄手 $12 有12隻呢個價錢就食到 又足料又好味下次會再食題外話 叫中辣時店員溫馨提示問我地食過中辣未🤭話佢地既中辣好辣 值得一讚店員nice有禮貌會再光顧

今晚突然想食雞排又唔想食飯，就選了這間。老闆及老闆娘依然好勤力及好友善，人情味濃。 今日雖然單多，但仍快手完成我的外賣。這碗麵$37，我只敢要麻辣BB辣，但性價比很高！$25 麵底（大），加$6一款餸，自己買餸都差點買唔到這個價吧！牛肉沒有如其他食肆的處理過，似家中所煮，但又唔鞋唔痴牙。雞排好滑好juicy，而且有一個手掌的份量。配菜也很多，有一大堆芽菜韮菜酸菜，一堆炸香的花生，還有豆卜。 薯粉軟硬適中，湯也好味。BB辣不太辣，但上一級微辣又覺好辣，都係要慢慢訓練自己食到微辣才過癮。

係柴灣竟然可以搵到重慶酸辣粉，太開心啦！又平又抵食！我叫左個細size既重慶粉$20！加左個餸$6牛丸，仲有好多配菜。佢個辣度好勁！我只能食到小辣！中辣上次叫過1次！真係辣到食唔到！仲有酸度好夠。真係諗起都流晒口水！又平又好食！因為細細間！只能外賣！但都會特登行過去買返屋企食。

食過呢間小重慶幾次每次都係酸辣粉加豬頸肉豬頸肉燒得焦香 份量唔少今次咁岩豬頸肉賣晒叫左酸辣粉（小）加雞扒($6) 牛肉($6)冇諗過會咁大碗😂😂超多牛肉😋😋😋今次嗌左小辣覺得唔係好夠辣但係上次叫中辣 辣到食唔到要過水先勉強放到入口😂所以都唔敢再搏🤣小辣都好食！總括黎講$32一碗兩餸酸辣粉我覺得好抵食雖然話係細碗 但加埋餸一d都唔細🤣p.s. 老闆同老闆娘好有禮貌老闆有禮貌到我有d受寵若驚😂😂

這間店舖都開了一段日子了，而我更幫襯左無數次啦😝😝😝近日開始轉涼，所以就諗起食辣。這間店舖雖然不大，大部份都是外賣的，通常要約晚上7：30後才有機會在門外開一兩張枱。我見天氣涼了便坐在店舖外食完先回家了。這間店舖的酸辣薯粉，是用了自製醬汁烹調而成，所以很香濃辣椒香味，我曾經都試過點選中辣，但真是頂唔順😁😁😁，如果食得辣的，可以試試，真是辣爆，但又正爆。今天點了二個酸辣粉，一個加了牛肉做餸，一個是小辣另一是BB辣。本來想叫紅油炒手，不過太好賣，已經售罄😢😢😢，所以無緣介紹。它的酸辣粉，配料都很多的有韭菜，芽菜，芫茜，花生，酸菜。沒有炒手唯有點了尖椒皮蛋啦，反正都沒有在這店舖試過。它的尖椒皮蛋非常特別和其它地方食的醬汁很不同，這個皮蛋上層是佈滿醃製的尖椒碎，而且皮蛋是溏心皮蛋，感覺很特別，而且又不是太過辣😍😍😍每次光臨，都永遠外賣多一個🐽頸肉冷麵小辣🤣🤣🤣，它的冷麵都很搶手的，試過幾次都買唔到。可能價錢又不是太貴，食品質素又不錯，下午都有一大班學生捧場，而晚上都經常塞爆門口😋😋😋，有機會就挑戰下辣喇🤭

個人唔喜歡吃辣的菜式，不過聽到不少評論這間小店的招牌酸辣粉不錯，按捺不住試下，小店很少，祇有外賣，點了小辣的招牌酸辣粉，涼拌青瓜和土匪雞翼，最出色果然是那碗酸辣粉，不妨一試👍😋