小蓉麵家

营业中

休息中

太子呢頭既食肆真係多到唔知揀邊間好今日食既呢間算係區內最出名既小蓉麵家 鮮蝦雲吞撈我就鐘意食撈麵多過湯麵,新穎既食法反而更考廚師既功架 呢個撈我覺得食好神級,即使冇加佢另上既湯但都已經好夠味, 而且佢唔會太乾咁樣食入口就唔會咁乾同埋麵既軟硬度好適中, 岩岩好! 不得不讚一定係佢既鮮蝦雲吞聽說是他們自家人工手作的, 入面的鮮蝦超大一顆的而且整個吃下去超鮮嫩的!!! 讚 炸墨魚丸小食我首推呢個炸墨魚丸好香既墨魚丸味道, 而且係新鮮即叫即炸的外面係勁香脆, 而入面就好濃既墨魚丸味道加埋杯豆漿成個餐就勁滿足了

香港有好多美食，而港式味道相信唔少人會即刻諗起雲吞麵，雖然製作簡單，但一個月入面唔食番幾碗硬係爭緊D野咁小蓉麵家比起一般麵店光鮮得多，而且夠整潔，點解一間餐廳夠乾淨都令我咁驚奇? 因為食雲吞麵的麵店成日都成地紙巾，身為香港人的你一定會明白呢度有提供免費醃蘿蔔，酸酸地薄薄一塊令人好開胃凍檸樂 ($12)、豆漿 ($11)凍檸樂同樣地係好港式的飲品，豆漿既濃又有豆香上湯浸菜心 ($20)、淨豬手 ($55)豬手用左南乳去炆，非常入味，每次食豬手都覺得自己進補左唔少骨膠原，唔知大家同唔同意食豬手最主要係享受「鄰」骨的過程呢雲吞魚角撈粗 ($37)傳統撈麵都係另外跟碗湯，今次呢碗湯無味精，所以我都好放心飲晒成碗，撈麵加上蠔油一齊食，粗麵唔算重鹼水味，雲吞大大粒，釀入的蝦夠彈牙XO醬豉油皇撈麵 ($48)我地另外加左牛筋，牛筋煮得又淋又入味，XO醬豉油皇撈麵用上幼麵，愈簡單的東西就愈見真章，XO醬同豉油係整碟麵的靈魂，香氣逼人，係一道好簡單卻十分美味的食物

小店，唔想對佢太苛刻。餛飩麵 記得要走油！！ 有 d油膩，麵身一般，湯頭淡，餛飩可以好 d. 魚蛋河，越食越淡 好彩河粉質感ok彈同滑，好彩呢碗記得走油，但係湯頭都係淡。魚蛋就ok.

話說情人節，即是年廿九當晚，在彌敦道享用過豐富的情人節大餐後，經界限街慢步至花墟年宵市場，發現了這家雲吞店。只是當晚路上行人眾多，大家都匆匆而過，自己只能記下店名。在花墟年宵那邊，也發現了遊樂場。今天帶小米到這個遊樂場玩樂一番。去玩之前，先要食飽飽，就和小米到這家雲吞麵店吧！　在周六午市時分，也要在門外等候入座，看來這家麵店很受歡迎。　內堂設置古式古香，有仿似酸枝／梨花木的圓形枱櫈。不過最充滿懷舊FEEL的，反而是這樽酸蘿蔔。這是兒時的味蕾回憶。當年母親大人會自行醃製酸蘿蔔，還記得母親大人將蘿蔔切成一片一片，方便入味。酸蘿蔔做法簡單，是很開胃小食。客人增加食慾，胃口大開，自然會多點美食，得益的始終是餐廳。文雅的說法叫做＜拋磚引玉＞。可是現在很少餐廳會免費提供酸蘿蔔了！為求節省成本喎！　大家各自點了粉麵及小食。慢慢地等食物來到。　鮮蝦雲吞麵   在這油尖旺地段，29蚊一碗，價格超值，真係好抵。四粒雲吞大小剛剛好，可以一口吞下，盡享內裡餡料的原汁原味。個人覺得，雲吞是餃子的親戚，都是相同的結構。外皮包著餡料，煮熟後仍然鎖住內裡精華。　麵身和湯的鹼水味重，而細蓉有蝦和豬肉，五香粉？蝦籽？大地

彌敦道轉角有既小店。裝修新淨似乎係新開既鋪頭。用左以前涼茶鋪會坐到既木凳木枱，分外令人覺得親切。同朋友一人叫左個粉麵。個fd叫即係豬手河！因爲個fd食唔哂，分左一隻俾我。真心覺得呢到D豬手好好食。好林！仲好香南乳味！唔會見到有毛！好少會有餸多過麵既感覺。呢個豬手就俾我呢個感覺。仲好sweet咁俾左個碗lur骨！我叫左個豬潤河。佢D豬膶好彈唔鯹！如果再厚切D就好！河粉好好食！係幼身既。湯底好清！重點既係D蔥花食得出好新鮮！extra叫左個炸雲吞，咬落去大大隻蝦。肉汁鎖哂係入面，都幾正！點泰式甜酸醬都係幾夾既。另外叫左個油菜。新鮮，清新。捷榮杯，另類親切。不得不提既係佢任食既醃蘿蔔。等上菜嘅時候我哋都食咗唔少

小蓉麵家的諧音與細蓉相似，令人聯想到此麵家應以雲吞麵為主打。傳統細蓉麵量不大，雲吞亦不會如乒乓波般大，蝦肉及豬肉比例適中。小蓉麵家裝修光猛新淨，令人坐得舒服。今晚沒有叫上雲吞麵，反而叫炸雲吞試試不同做法味道又如何。小食炸雲吞即叫即炸，十分熱辣燙口，雲吞包得小巧精緻，入面有一隻鮮蝦再加豬肉，係傳統雲吞的味道，令人回味。枱面亦有自家製的醃蘿蔔，依家好少麵舖有整醃蘿蔔，一來免費食用，一般店舖可免則免，二來整醃蘿蔔亦花時間，先要將蘿蔔用鹽醃出水份，再加醋加糖醃至入味。生蘿蔔本身有一種辛辣味，用鹽醃時須渣出水份才可將辛辣味完全去除。小蓉的醃蘿蔔酸甜適中，但因為白蘿蔔即將過時，醃蘿蔔的纖維稍粗，如果冬天食用品質應更佳。冬菇牛筋飯有滿滿的一碗牛筋，件數十分之多，牛筋炆得稍腍，很容易分得開。冬落亦有三件之多，厚肉彈牙，菇味香濃。友人叫了XO醬櫻花蝦撈麵，另加牛筋。此撈麵的鹼水味有一點點，幸好有豉油王及點點XO醬蓋過鹼水味，麵質彈性爽口。此外，見有自家製凍豆漿，亦叫了一杯，豆漿甜味豆味適中。

之前農曆新年去花墟嘅時候，已經發現到呢家小蓉麵家。時常都會突然記起佢，所以今日決定同最鍾意食廣東粉都嘅大少去試吓佢嘅虛實一入到去鋪頭嘅裝修幾有中式風格。坐低嘅時候已經見到枱面上面有一樽醃蘿蔔，忍唔住即刻要夾一夠黎試吓，味道酸甜適中， 十分爽口睇完餐牌落完單，跟住上枱嘅就係我哋叫嘅凍檸樂同埋自家磨豆漿。凍檸樂係有一個檸檬冰底加一枝細玻璃樽可樂。而豆漿飲得出唔係平時街買到果啲，飲落口仲有小小黃豆嘅微粒，豆味十分香之餘又唔會好甜。大少點了牛腩撈粗，一上枱佢立刻試吓個湯，手指公就舉起大讚非常好味！因為佢成日出去食撈麵都嫌人哋個湯唔夠好味，今次佢就食得好開心喇！我就揀咗蘿蔔牛筋飯，因為我好鍾意食牛筋，亦都覺得配飯先至係王道。估唔到成碟牛筋都係炆到好稔，非常夠火喉。味道方面又唔會太濃，個汁亦唔太杰，配飯真係冇得頂！反而個蘿蔔就有少少唔夠淋，如果同啲牛筋一齊炆耐啲我相信就更入味更好味！我哋另外重點咗兩款小食，炸雲吞同埋炸墨魚丸。個墨魚丸真係要大讚！食得出係真係貴野嚟，每粒咬開入仲係有墨魚肉，非常彈牙！炸雲吞亦都係好足料，粒粒入邊都有一隻蝦㗎 ！呢個價錢來講，真係好高性價比！埋單＄149 ,兩個人來講

之前同事黎食過，覺得唔錯，就帶朋友過黎食！其中一試難忘既就係佢既醃蘿蔔酸！好好食！蘿蔔好爽，味道酸酸的，好開胃！仲要係任食的啊！水餃麵水餃好大只！入面有豬肉、蝦同埋木耳等，好爽！味道調校得唔錯，有味得黎唔會太咸。個麵好幼條，好爽口彈牙，唔太重梘水味。個湯清清地，有少少韮菜同蝦既香味。櫻花蝦xo醬撈麵如上面甘講，麵幼條，爽滑彈牙。xo醬好香好濃，有好微既辣味。牛腩炆到好入味、好林，有少少既肥肉或筋痴住，食落更林，更好味！櫻花蝦，令個撈麵更香口！炸牛丸即叫即炸，唔算好大粒，但肉質好爽口彈牙！咬開仲有少少汁流出黎！炸魚角個邊脆脆地，點埋個辣醬食好配合！豆槳香濃，唔算好甜，岩口味。柚子蜜同平時飲開既唔同，佢會加塊檸檬，開頭仲以為佢黎錯左添。杯野加埋檸檬既香同酸又幾好味喎！會再黎既餐廳！

雲吞麵我覺得是香港地道美食，如果有外國朋友來香港旅行，我也會推介給她們。今次來到小蓉麵家，環境乾淨，座位舒適，每檯更有醃蘿蔔提供，爽口又開胃。最想試就是豬手、雲吞、水餃，價錢都好經濟！熱柚子蜜 $9，有檸檬多份清新，不過太多柚子蜜，有點甜，哈哈南乳豬手河 $29有2大件豬手，南乳味重，豬手肉腍，骨膠原十足，好正！至於河粉也相當滑身，好難遇到。雲吞水餃麵 $36上檯後要即食，麵質仍是保持好彈牙，下次要上下撈麵。雲吞皮薄，有原隻鮮蝦，彈牙及美味。而水餃材料十足，夠正宗，質感好爽口。炸黃金魚角 $28炸墨魚丸 $28也點了小食，黃金魚角彈牙有嚼口，至於墨魚丸就普通。

外國朋友來港住呢區酒店，探佢時佢想附近食粉麵，見呢到裝修乾淨所以入黎。餐廳內都見到有幾個外國人幫襯。呢度有哂傳統港式粉麵店賣的是牛腩、魚蛋、魚片、牛丸、雲吞，應有盡有。牛腩飯，牛腩方面，牛肉味極濃，有埋牛筋，軟硬適中，好入味，餸飯，正！！蘿白夠淋，又係好入味，好甜，好有香港風味！！炸雲吞，炸墨魚丸，好香口，做到皮薄餡靚的效果。牛丸、魚片好滑，彈牙，麵都好爽口，味道不錯。最後重點有支装可樂，好正，好完美！！

正值晚餐時間剛好路過小蓉麵家，店面裝潢典雅古樸，早前試過一次評價不錯，今日再食一次上次店鋪贈送的酸甜蘿蔔令我印象深刻，飯前進食解饞又開胃一進店已經看到招牌上的豬手圖片，看落飽滿彈牙，很想一試，結果與友人叫兩碗麵食，一個淨食豬手及一碟油菜先來一碗牛筋河，雖然看似細碗，但食落才發現份量十足，牛筋香腍入味另一碗雲吞河，雲吞是自家手製，鮮蝦大隻且彈牙，不錯期待的豬手終於上枱，一碗四大件豬手，賣相果真如圖片一樣飽滿，最喜歡豬手炆得夠腍又不失膠質口感，南乳入味，最重要是豬手處理得乾淨，不會一撮豬先令人倒胃口，推介芥蘭一碟整體不錯，值得一題是粉麵一碗只是$29！在鬧市中找到此價錢實在抵食！

約左人食糖水，晚餐就唔好食過飽啦，又黎左小蓉食碗麵，貪佢快靚正，地方大好坐，比一般雲吞麵店乾淨南乳豬手飯（$42）朋友點左豬手飯，豬手約有四、五件，很淋很入味，南乳汁撈飯幾正呀。柱侯牛腩撈粗（$34）自己要左撈麵，牛腩撈就梗係要配粗麵啦，腩汁勁正，牛腩都好淋，咬落無渣好味喎。凍豆漿（跟飯+$6/正價$11）飯食加飲品有優惠，要左凍豆漿，微甜幾好飲，有熱豆漿就好了，個人偏好熱飲。店內還有不少炸物小食，下次叫一份試下先

和朋友到太子食飯，朋友推介到這間小蓉麵家。平民化的的價錢，侍應態度好，很有人情味。雲吞墨丸河雲吞大大粒，鮮蝦味十足，黑魚丸彈牙，墨魚味突出，湯底很清甜，河粉很爽口嫩滑。鮮蝦雲吞麵朋友點了這碗麵，他也讚不絕口，很有傳統的味道。香炸黃金魚角魚角剛炸好，熱辣辣之餘又非常香脆。魚味濃香之餘又很有咬口，值得一試。炸魚皮魚皮新鮮很脆口，朋友都食得津津有味。熱柑桔味道適中，不太甜也不太酸，有香濃的柑桔味。自家製豆漿豆漿是自家製的，喝下去有陣陣的豆香味。

間吾中就會好想食碗牛腩撈/雲吞撈... 再加碟炸黃金角，炸雲吞小食！大滿足！😋😋😋 .先生小姐食d咩呀？.呢度牛腩靚、魚旦爽、雲吞大大粒！撈麵定係細蓉？ .💕💕💕💕💕💕💕💕💕💕

呢一日同朋友係深水埗行完街慢慢行返太子，咁啱經過小蓉麵家，見好耐未食過港式粉麵就一於行左入去坐底。望一望餐牌，即刻叫左個魚蛋粗麵朋友就叫左個五香牛筋粗麵仲好大食叫多左個炸黃金魚角同蠔油菜心一食落去，以前中學成日食到既味道出返晒黎，今時今日當個個掛住食日本韓國料理既時候，黎呢間食返港式地道既食物都不失為一個好選擇。呢度啲野食性價比都好高，湯底又正，當大家食到日本野西餐悶既時候，都推薦大家黎呢度試下。