小肥牛火鍋活魚專門店 (已結業)

一日十九日同同事八人，六點鐘到，間鋪好大漂白水味，好難聞，安排坐在職員通道門口，Ｄ人成曰開門關門極之滋擾，叫侍應換抬又話唔得，個冷氣風口吹住頭頂叫佢地調較又話個搖控壞左，算！叫開茶成十分鐘先到，叫佢寫湯底佢就答你開緊茶啦！吹脤！送食物的阿叔仲勁，黑面不凸止，碟碟嘢都係嘭嘭聲放喺枱度，食物只係普通不過，而且價錢又唔平，八個人食左$12xx，相信去第二間一定唔使咁受氣，服務態度極極極差，所以一毫子貼士都唔比，以後一定唔會幫趁！！！！

上星期去左小肥牛打邊爐,d野食普通唔係咁值,食左炸魚皮(好油),3寶九(墨九唔彈牙),炸芋頭(好易”淋”),墨魚滑(唔爽),肥牛(麻麻地)….總括黎講係唔會再去.d service麻麻,成日催人叫野食,好以想趕客咁,d地又濕滑,已經加左一ge la,唔比tips 係正常架麻,多謝都冇句,我四人個人都幫襯左你$700 la,仲想點…下次唔會去.

放工後妹蛋話想食d熱野暖下胃,兩個人就去左打邊爐牛尾湯底:好多番茄好多蔬菜,牛尾份量兩個人就夠,湯底酸味太勁,湯底材料未煲出味,湯底黎到都要再等等,先食得炸腐皮:勁油芝士牛丸拼鵝肝墨丸:芝士牛丸都幾好食,鵝肝墨丸,鵝肝太細粒,味道唔太出青島蠔:細細隻,都幾鮮味水餃拼雲吞:大大隻,味道正正常常10蚊牛肉:細細片,有10片到,都ok啦店舖大部份食物都可以雙拼,人數少就最好

之前已經有朋友推介小肥牛火鍋，但一直沒有機會試。下星期有兩位好同事生日，於是一行六人，見天氣開始涼，便來此預食生日飯。前一晚已訂枱，今晚6:30到場，可能仍是太早，很少人，但侍應說全場已fully booked。我們要了枝竹魚頭湯底，食物方面，我眾貫徹"有今生冇來世"的喪食本色:-三寶丸+四寶丸+鵝肝墨魚丸+手打中蝦滑(x2)，所有丸都很新鮮很彈牙爽口，個人尤其喜歡牛肉丸，而手打中蝦滑更令各人讚不絕口，是童叟無欺的鮮蝦，蝦肉不是完全剁爛，蝦膠之中仍有一塊塊的蝦肉，口感更有層次，鮮甜、爽脆、彈牙，唔使唸即刻"再來一個"!極級安格斯牛頸脊+澳洲雪花肥牛+駝鳥肉+加拿大桶蚝，全部一望而知新鮮，牛肉油脂分佈均勻，入口香滑有質感;駝鳥肉夠厚而嫩滑軟熟，桶蚝大大隻，掂呀!水餃+雲吞，好大粒，都係嗰句，新鮮好味!還有其他較普通的，鱔片、魚雲、魚唇、芝士腸、西洋菜(x3)、唐生菜、油麥菜.... 啤酒、酸梅湯再嚟椒鹽鮮魷+冰鎮螺片....當大家飲飽食醉，酒酣耳熱之際，小女子再請侍應清枱送上我預先買上去的黑森林蛋糕一個....天呀!!值得一讚是他們的服務態度，星期五晚的晚飯黃金檔期，我check過幾間食

和男友想食火鍋，呢度變了我們食火鍋的首選。我地點了沙茶湯底，呢度湯底無其他地方咁油膩亦好香沙茶味。另外點了手切牛肉，水餃，鮮四寶丸，炸魚皮，炸腐皮，油麥菜，白菜仔，生菜同活魚刺身。鮮四寶丸，有牛肉丸，鯪魚球同墨魚丸。三隻丸都好彈牙，尤其係墨魚丸，配合少許馬蹄，好香，口感好好。鯪魚球亦因加上了少許陳皮，所以好香，好好味。炸魚皮依然好薄同脆，好好味道!水餃，有蝦，木耳同瘦肉，好大粒，水餃皮好薄好滑，係正宗廣東水餃。炸腐皮，捲到好大卷，好好味道!活魚刺身，條魚到上臺都仲係郁緊的。好新鮮，但係都好殘忍! 魚肉好香甜，好味道!呢度好值得一讚的是係呢度的菜蔬都好新鮮，好靚。唔會似有d酒樓咁，d菜爛蓉蓉咁!

朋友介紹去到小肥牛到食野..諗住去試下有咩咁好食啦..一行3個人10點到去到..一入去叫個類似(經理)/(老闆)搵個冇咁嘈既位啦..開頭我仲以為叫錯左d客...望一望你就行左去..跟住先有個人黎問幾多位..算..食野...入到去地方唔錯..野食都唔錯..(墨丸同牛丸)都好好食..仲有個付皮都唔錯..但係油左d囉...唔知係唔係太晚既問題..肥牛都冇哂=.=" 得番個安格c..(姐係10蚊果隻)叫左碟大既..都好似冇牛皇果d咁好..可能本地果隻會好d掛..但係就食唔到了.."叫左6支酒..40蚊...係最平既一樣野..嗜酒既可以去大飲一番=o="整體黎講都可以..但埋單果時真係火到黎埋..我叫埋單..岩岩望左我一單果位人兄行左埋黎@@我先知佢係係到做既..好啦..唔理佢..俾左張單佢..諗住d野食唔錯就算啦..(因為俾人望一望唔理你.如果你知佢係係到做既..俾你都嬲啦..)點知等左3個字仲話埋緊..再過多3個字真係火都黎埋..行左出去問..d待應又問我張care係邊囉..我同佢講俾左白色衫果個人..佢又叫我等多陣.點知埋張單要等差唔多9個字..真係..最後出到門口仲要見到個經理係到傾緊電

好想黎呢度好耐，因為男友試過，話好好食。我地一行五人，叫左番茄牛腩湯底想點炸魚皮,男友話好好食的，點知沽清。真失望，那時只係七點幾。炸鮮腐竹,係新鮮熱辣炸出來，相當鬆脆好味。駝鳥肉,幾新鮮軟滑，好味!手切本地肥牛,唔錯，幾有牛肉味。特價雪花肥牛，呢隻牛肉好鬆軟，好好味。石蚌活魚刺身,上碟條魚仲會郁,魚肉好鮮甜，好好味。一流。$80一條幾抵食。鵝乾墨魚丸，好香鵝乾味，真係唔錯。芝士牛肉丸，係鮮牛肉丸，配合半溶出黎的芝士，真係好好味，我個人最鐘意呢個。水餃，好大粒，好好味。菜肉餃/韭菜餃係灣仔碼頭貨來的。係屋企食好過。湯底的牛腩都好有肉味，好好味。總括來說，呢度的食物真係唔錯，好新鮮，用料都幾好。所以吸引到咁多人黎食。所以座位比較逼，不過打邊爐就係咁咖，熱鬧點才像樣的。

放假又係四圍搵好野食0既時候...今日突然邊爐癮起,睇睇食評,e度好似唔錯喎,於是就訂位,9:30後入座,叫左個雞煲翅湯底,都係68蚊,足晒料..正!!食物都唔錯, 唯獨叫左碟80蚊"澳洲雪花肥牛"就覺得非常不值啦,得8塊,10蚊塊...可能我唔識欣賞啦,冇乜特別,下次再去都唔會再叫e款啦!!食物叫左"雞煲翅湯底","澳洲雪花肥牛","手切花雕牛","芝士牛丸","墨魚丸","炸腐皮","唐生菜","一渣柑桔檸檬",兩個人去埋單360蚊, 算ok啦!

我是1月5日去這間店舖食火鍋的，我已是第二次去食，覺得佢o既食物非常新鮮，而且好好味，湯底又足料，非常鮮味。最好食的當然係手切牛啦，另外，墨魚滑都唔錯架！至於刺身就要數牛肉刺身和章紅魚刺身喇！價錢也算適合，我們7個人去食，都唔使$1,000，平均每人消費都係$130 左右，認真抵食啊！

男友仔近排變左邊爐鬼,所以呢晚就去左小肥牛la... 手切肥牛(大)($100):其實我就鍾意美國肥牛多d 0既,不過男友仔就好欣賞,有大半碟都係佢食ga!!蟹籽鵝肝墨魚丸($52):呢個係我全晚最欣賞0既食品,好香墨魚味,不過講真,我覺得有無蟹籽同鵝肝其實分別不大,否則點收你$52 呢....炸腐皮($28):呢個腐皮都好特色,其實就咁食都好香脆,不過佢份量好大,兩個人黎講係滯左d魚皮餃:水準麻麻地,味精感覺好重,內裡0既豬肉亦唔夠香西洋菜:菜就無咩特別0既,ok la另外仲叫左一jar蘆薈蜜,唔太甜,幾好飲 呢度地方唔算好大,要訂位ga,服務都唔錯,食物質素都ok ga,價錢就比d 集團式經營0既平d, 呢晚如果唔叫一百蚊0既肥牛,其實佢仲有好多平d級數0既肥牛,人少少都可以再考慮去ga!

有朋友說這裡的食物很新新,而且價錢亦不算貴,那天我們便相約一行八人一起到這裡吃火鍋。我們叫了很多食物,大部份食物都是二十多元,而且真的很新新,尤其是炸腐皮,只要把它夜在鍋內幾秒鐘,便可吃了,口感有點像放了在鍋內幾秒的炸魚皮,但感覺沒有那麼熱氣及沒有那麼咸,還有很香的腐皮味,記得不要放太久,久了便會不脆口,而這裡的牛肉亦很有肉味,我們共吃了三款,最抵吃的是花雕醉牛肉,十九元一碟,另外還有一款二十八元的牛肉,至於最好吃的是八十八元的雪花肥牛,是比較貴了一些,但真是很好吃,口感很好,至於其他食物,例如蝦滑,菜,菌,魚,雞等,都十分新鮮。但如果大家點了藥材鍋底,記得要叫一碟雞件放進去,因為這鍋底的酒味及藥材味很濃,如果沒有雞件把味道中和一下,不是每個人可以接受。另外,這裡的食品如酸梅湯,蘆薈蜜等,味道不好,可以不試,如果吃火鍋一定要喝的話,便要叫他們給大家冰塊,因以上飲料,不是太甜,便是太濃。但總括來說,小肥牛是一間可以再來捧場的食店。

食左條石蚌剌身後個頭仲"玉玉下"好新鮮,正,再將頭腩椒鹽.仲正,呢條魚只收$80.抵.墨魚滑好爽,正.炸腐竹都不錯,只是漏在D.大部份食物也OK,值得一試.只是我們眼闊肚窄叫多了,消費比較貴.

11月23日晚來,湯底大致都有7-8款,有1個比較有特色的是火焰蟹牛肉粒,還有其他。不過選了普通的番茄薯仔牛肉和豬骨煲(不正宗)印象中不俗的有:1)海中蝦滑:爽,彈2)蟹子墨魚滑:爽,彈3)芝士牛丸:聽說好味4)鵝肝墨丸:爽,彈,不過鵝肝好小5)極級手切肥牛:聽說有質感,嫩6)駝鳥肉:嫩滑7)炸腐皮:狀似圓桶形髮卷,在熱水輕"拖"即食,入口微脆,好味8)送的魚生:都甜9)羊肉片10)脆鯇片,白鱔片普通的是:-芝士腸-鮮魷-白菜餃-菜類服務懇勤,第一句必定是"無嘜幫到你"

睇廣告去呢度打火鍋,地方好細,啤酒就好抵,$10一支Asahi大樽,不過係「暖啤」,催左四次至有人幫我地加d冰!啤酒小姐就木無表情!二人前,叫左個芫茜皮蛋湯底,炸魚皮,不過食左幾件已經夠喉,炸鮮腐竹,相當好味,駝鳥肉,鬆肉粉太多,食唔到!白鱔,夠新鮮,酒浸肥牛,咬唔到,特價都無用,真係食唔到!石蚌活魚刺身,上碟條魚仲會郁,可惜師父唔係真正魚生師父,片魚生唔合紋理,平白浪費條新鮮魚!食完有生果送,仲有鮮生贈卷,九點半後又有特價,喜歡熱鬧唔怕嘈就應該好收貨!對我就麻麻地,嘈到講野都聽唔到!

昨晚和朋友一行四人去食生日飯，揀左呢度，叫了鴛鴦湯底，開頭食都幾好味，但食左個幾鐘之後，就鹹左Ｄ。餸方面：－－蝦滑　　　~~　全晚最鍾意芝士牛丸　~~　全晚第二鍾意肥牛　　　~~　現在做緊特價，每兩位有１碟($10／碟)魚唇　　　~~　朋友推介，但我覺得‘O聲’三丸（豬、牛、墨）~~ 墨最爽脆豬潤　　　~~　爽滑！鴕鳥肉　　~~　軟滑竹笙　　　~~　好好味蘆薈蜜　　~~　唔太甜，O岩我鮮蝦雲吞　~~　最可惜！太大粒，大大減低口感仲有生菜，娃娃菜．．．無乜特別~~~比起一Ｄ所謂任飲任食O既店舖，已經好抵！＄１３５可以食到自己想點O既餸