小確幸

营业中

休息中

日日忙碌工作 係繁忙中都要抖下氣而一班好隊友絕對係工作間最重要既元素隊友係Tea time既時候就帶左補給品據聞係好出名好好味既布甸急不及待要試既榴槤味 同芝士燒布甸先講榴槤味 係好滑既 榴槤味雖未至於好濃但都夠味既 亦都食得出奶味 係夾既至於芝士燒布甸 可能外賣加無即食 已經無燒焦糖既脆片 面頭果層係好似cheese cake咁實實地 底層就好似普通布甸咁 芝士味唔太出其實燒布甸仲有好多味例如抹茶 朱古力味等朋友都覺得 榴槤布甸係更好食既如果第一次食 可以試左榴槤先

一直都好欣賞小店的努力和食物的水準，，，造得不錯👍好好味，味道都有幾款可選擇，，貓頭鷹🦉標誌也讓人印象深刻，，，希望下次可以食到其他味道!!!!加油💪🏻！

朗屏站📍培茶布丁 $28 朋友們話呢頭有間網紅店，就咁啱嚟左元朗BBQ，就去左幫襯一下！佢地熱門嘅味道都賣光光，以為無機會試。點知佢地有啲準備新鮮岀爐嘅布丁燒！就立即買一個一齊試試！(店員話要立即食。不能外帶) 好新鮮好熱辣辣嘅布丁燒，但比我想像得普通。其實就好似上層似輕芝士蛋糕，下層係布甸一樣。$38 確實不太便宜。但呢款甜品都幾特別，可以試試。另外重買左一個布丁外賣返家。味道其實普通，茶味無特別重，但質地幾幼滑。但點解無咩特別都照放圖呢🤨就係見到當日在舖嘅人，知道我地回家路程要一個多小時。就立即為我地準備每人一包冰，同冰袋。(我只係買一個布丁外賣喔)。重好有禮貌咁招待我地。好有心有禮。值得加許👍🏻

仲記得小確幸最初出名嘅時候，係喺夏天30幾度高溫都有廿幾三十人排隊等佢新鮮出爐嘅布丁燒，當時覺得呢班人都傻傻地，大熱天時喺個太陽曬住底下咁樣排隊等。然後，有次閒日經過冇乜人排隊嘅時候，我就入咗去買個芝士布丁燒嚟試吓，芝士味好濃郁，而且個布丁亦都好好食。雖然價錢有啲貴，但係絕對值得一試。

散水甜品🍮很喜歡這個可愛的貓頭鷹🦉logo 第一次試、除左有賣相味道也好好味蛋味夠濃配埋個秘制醬汁、簡直一絕店主也很細心、預備埋食用指示圖總結⋯食落有幸福的感覺

係附近食完西餐，發現呢間小確幸。係各大社交平台facebook, Ig都非常熱烈討論既一間小店，我今日終於試到啦🤪-其實咁大個女都未食過布丁燒，唔知道係咩黎，純粹跟風買黎試下。店鋪內有2個bar枱可以比客人坐低食，比滿滿既貓頭鷹🦉圍繞住，裝潢好有特色。夜晚9點黎到，剩返最後兩杯，而且只得返原味，有啲可惜，因為我比較想食朱古力口味。雖然味道稱唔上驚為天人咁好食，但絕對值得一試！布丁香滑可口，焦糖甜度得宜，最特別係有一層口感綿滑芝士蛋糕🍰芝士味道不算好突出，但整體黎講都好食既👍🏻價錢比較貴，食兩啖就承惠$3X，下次有機會再試埋其他口味😻

小店就是別有一番人情味的感覺。本來是想找間cafe飲咖啡丶休息一下，偶爾見到這間甜品店，就被那些可愛的布甸召喚了入去。這裡只有一樣甜品，就是不同口味的布甸。店舖很小，只有兩張櫈供堂食，佈置全是以貓頭鷹為主。問了一下店員什麼最好吃，她就介紹了原味布丁，其實就是雞蛋布丁加芝士蛋糕。一試之下，雞旦布丁很滑，也不搶芝士蛋糕的味道，口感軟滑丶細緻，別有一番風味。邊吃邊道可惜這𥚃沒有售賣咖啡，否則一杯香滑拿鐵伴著一件香軟滑的布丁燒，可謂十分療癒。另一加分之處就是，雖然不接受信用卡付款，但竟然收Payme, 可能就是小店才有的彈性。

之前食過其他店舖既燒布丁，都係有d失望。今次泥開元朗掃街，渴望一試小確幸既布丁燒！泥到舖頭時，只剩三款味的布丁燒：四葉草芝士，靜崗抹茶同朱古力，我兩試左朱古力，老闆娘幫我地倒左落碟仔俾我地食。食第一啖，嘩，係我食過既布丁燒裡面最最最好食既！好中意佢層次分明，真係食得出布丁同海綿芝士蛋糕，配上適量既焦糖醬，對我泥講係世界級！我食完堂食都再買左個芝士味既回家請家人食，老闆娘都好好，俾袋冰我凍住個布丁燒

話說這個布丁燒價值$38一個，貴嗎? 少少，但當你知道工序是複雜得連想DIY 的意欲也沒有時，便乾脆去買個來吃好吧 ! 它的底層是焦糖布丁，上層是芝士蛋糕，所以吃時需要將整個倒轉起來，才能夠享受到焦糖汁淋面的效果，感覺非常幸福 ! 而且啖啖芝士香氣充滿在口中，雖然個子小小，但一小口一小口地吃，才更是滿足呢 ! 不過，它的地點稍為遠，是元朗呢 ! 所以訂滿$1000可以免費送貨，而且也有附送冰袋，十分細心。誠然，香港現時也有不少的布丁燒店，但質素確是參差呢，本人在不同的店也買了布丁燒吃，始終還是覺得小確幸的是最美味，所以經過元朗的話，不妨到此一遊，嚐嚐布丁燒，你絕對不會後悔 ! (特別鳴謝好同事的散水餅，祝新工作崗位順順利利 !)

stressed倒轉就係desserts難怪食甜品可以減壓！-近日工作壓力到達了頂峰，要食個甜品減減壓，下星期要重返工作崗位，碰巧在元朗附近吃東西，一心走過來吃一個布丁燒，人潮散去，現在已不用排隊了。-小店以貓頭鷹做裝飾，環境雖小，但地方佈置很有心思，有大大小小的貓頭鷹做裝飾，車上也有黑板為他們的食物作介紹，光猛的裝修，有一種舒服休閒的感覺。最欣賞小店有一個自助的飲水吧，吃一下吃了甜品後，真的需要學口水清清味蕾，這點是非常貼心的。。Tiramisu 布丁燒 $40。一層輕芝士蛋糕🍰一層咖啡布丁🍮一層香甜的焦糖。層次豐富的甜品🤤🤤🤤。第一層：朱古力粉第二層：焦糖不算太甜，較為稀身，可能朱古力粉較為吸水，所以焦糖份量略嫌不夠。第三層：布丁🍮布甸表面好光滑，不會太甜有咖啡香味，如果覺得雲呢拿布甸太甜，這個會是不錯的選擇。。第三層：綿密芝士蛋糕🍰口感輕盈，不似紐約芝士蛋糕結實，唔算太漏。。每一個布丁上面仲有一個非常可愛嘅貓頭鷹🦉烙印呢。-小總結：其實不能夠同 #呦呦鹿嗚布丁燒 比較因為無試到到兩者相同嘅味道🙈不過各有千秋🙈-#小確幸 tiramisu 布丁燒咖啡味濃但芝士味弱左。😫布丁比較幼滑

趁著假期到元朗覓食小確幸🦉香港首間獨創的布丁燒店家用的都是日本的原材料 每一個都是用心製作/曾經有同事買過來做散水餅已覺得抹茶若竹味道相當好吃所以難得來到元朗 就想親臨再嚐它的美味🤤🤤/中秋翌日大約四點來到很多口味也賣光了幸好還有招牌No.1四葉芝士蛋糕布丁燒的熱食版由於要趁熱食 快快影幾張便嚐嚐~熱辣辣的布丁燒 芝士味比凍食更濃郁更突出布甸更軟滑 入口就融化 配埋甜甜的焦糖漿 真係好好食呀🤗肚子充滿幸福的感覺 不枉我遠道而來呢!!

🍮朱古力布丁燒$38🍮像日本布丁 是我喜愛的綿密感😍😍放在口裏 慢慢溶化 滲出微苦的朱古力濃香🍫底下我會形容為好濕潤的蛋糕💁蛋香還可 ermmm重點都係上面個布丁keke🙈.🍂焙茶布丁🍂焙茶香濃不甜 同樣綿密 我更愛這個 本身想翻屋企整 但原來被dum曬焙茶粉omg😭😭🌸雙子星布丁🌸碟豆花調的藍 牛奶味道 但沒有很濃郁 ermm 不太推薦💁.但價錢真的偏貴!!

咁大個仔入元朗既次數一隻手都數得哂！今次竟然為左一個布丁燒走入去，所以滿心期待由於唔係好識路，跟住個導航兜個成個朗景臺一圈先搵到見到間鋪我就立即飛入去買，職員姐姐問係度食訂拎走，我話係度食，佢仲問洗唔洗幫我開，態度非常親切友善，但可惜鋪面主要做外賣，實則得兩至三個位，我入去時已有一pair閨蜜在坐，我坐低影左兩張相，就開始食，第一啖已覺得今日嘅長途跋涉值回票價布甸好滑，配上甜而不膩的焦糖同淡淡的芝士蛋糕，prefect match,整個布丁燒一點都不膩，食完可以再食，我覺得一次食兩個

食完晚飯，喺元朗行行吓嚟到呢間之前Facebook好多人介紹嘅甜品店見唔多人排隊，就去咗買來食，買咗個朱古力味布丁燒。朱古力味唔算濃，布丁幾滑，配合得幾好味，可以一試～而家少d人排隊，先會買來食，要排隊未必買了

阿妹今日去咗元朗，買咗個布丁燒返嚟請我食。佢話呢間小確幸近排好出名，唔使錢我緊係要試一試。佢買呢個係四葉草芝士布丁燒。個面烙印左佢哋嘅logo，係幾花心思。調轉倒咗出嚟之後，見到個面係苦苦甜甜嘅焦糖，中間係布丁，最底係芝士蛋糕。其實以普通甜品店來講，都算整得唔錯，可以講係好過酒店自助餐食嘅焦糖布丁。我覺得面既焦糖苦甜既味道剛剛好，中間嘅布丁都幾滑，而最底嘅芝士蛋糕都食到芝士味。不過呢個布丁要$38，雖然香港人工鋪租貴，但我諗我只會食一次。因為比起日本超市買嘅布丁，我覺得都係爭小小。我喺日本買嘅極布丁,只係100 Yen，所以俾我揀嘅話，都係會食返日本嘅極布丁。不過如果未試過嘅話，我覺得呢個布丁都值得試一試。