小皇府 (MOKO新世紀廣場)

营业中

休息中

走進餐廳，真係唔係太似中式食府。這裡裝修簡潔又帶點優雅，坐得都幾舒服。打開張點心紙，滿滿嘅兩大頁，密密麻麻。有選擇困難症嘅朋友，應該會花點時間 🤭不過，當你試過一次，有可能你未離開，已經打算好快會再來。因為這裡有好多特色點心，有很多想試嘅食物，一次應該滿足唔到大家 😬 真係唔係誇張，我 d 朋友真係咁講，未走已經話下次食咩食咩。🤩 小皇府鮮蝦餃 大大隻鮮蝦，皮又薄，冇得彈 😋🤩 虎松茸魔鬼魚餃 其實，這個同鮮蝦餃不是太大分別 一樣有大大隻鮮蝦，多了虎松茸 加上好可愛嘅魔鬼魚 😊 打卡必選 🤩 台式脆蝦腸粉 米網紙包著大大隻鮮蝦，薄薄嘅布包腸粉皮外層 👍🤩 懷舊臘腸卷 鬆軟嘅麵包，包著臘腸，好味🤩 小皇府鮮蝦淨雲吞 大大隻鮮蝦，配上蝦子嘅湯底，超好味，簡直是完美配搭 😋🤩 酥炸水餃 來個酥炸既，原來一樣都咁好味架 👍🤩 酥炸蜆蚧鯪魚球 大大粒鯪魚球，配蜆蚧醬一流 👍🤩 啤梨鵝肝咸水角 放了少少鵝肝落餡料，整隻咸水角多了鵝肝嘅香味 👍🤩 黃金沙拉蝦 吉列大蝦，配上沙律醬🤩 原隻花膠灌

這裡真係估佢唔到，講得出都有，似乎又誇張咗少少。 不過，這裡除了點心，粥粉麵飯，小菜，甜品都一應俱全，選擇又多，可以說是包羅萬有，各有特色。🤩 南乳豬手 真的太大件了，食起上黎，有點論盡，唯有直接用手食就好了。 味道是夠味既，但略為硬咗 d，唔係太夠淋。 若果小朋友或老人家就有點難處理，有待改善。🤩 鮑汁鳳爪 好有膠質，而且非常入味 👍 🤩 白灼爽脆豬腰潤 ❤ 力推 大大片，真的好爽脆，超級好味 👍 朋友們以光速，就消滅了一整碟。🤩 蒜香九肚魚 新鮮炸完放上枱，第一口，正呀 👍 除了“正”，真係好味到唔知用咩形容詞。🤩 黑豚肉鮑魚酥 ❤ 力推 鮑魚算幾大隻架，而且夠淋，熱到入心。 配上黑豚肉牛油皮撻，擺盤好精緻 👍🤩 頭抽吊龍炒河 簡單來說，即是乾炒牛河。不過，唔係普通既乾炒牛河。係用了牛既 “吊龍” 部位 😍🤩 小皇府有米佬炒絲苗 香氣撲鼻來形容，放上枱一刻香到呢！ 即刻要試試，飯真係好乾身，而且炒到一粒粒 👍🤩 薑汁千層糕 勁重薑味，唔甜，

因為見到餐廳為D類食肆，我們一行8人便透過OpenRice訂枱，我們6:00pm到埗，當時餐廳也沒有多食客，侍應帶我們到兩枱4人枱，我們告訴她我們要8人一枱，她說是要「特別說明」可能因為我們很少咁樣訂枱啦，我們都當搞錯咗，所以要求坐大枱同埋說明會早食完8pm還枱，點知侍應都說不行。不打緊，下次再訂枱就要小心。各位都留意啦！

食物一般，下午茶餐唔底食，份量小，散叫還好，從來試過咁差服務，服務員態度冷淡，應左你，但唔會有服務，轉頭就忘記咗，唔會有下次，咁既服務加咩一🤬🤬🤬🤬🤬🤬

「新世紀中心- 中菜點心粥粉麵？」💋💋💋💋Address: 小皇府 - 旺角新世紀中心💋💋💋💋好耐無坐定定同一家人食個飯喇！呢排日日都係忙忙忙，之後連覺都訓小咗，一得閒就約吓老豆老媽子食個晚餐！有呀媽通常食中餐！而我哋今日選擇咗呢間小皇府，環境舒服，仲好搞笑地有齊粥粉麵飯，點心同小菜！食物，服務，環境，衛生，價錢統統比預期中好😝火辣如我是日選擇：滑蛋炒蝦仁💋 軟滑！清炒西蘭花💋 鮮！豬手💋 除咗有毛之外係正嘅！生薑豚肉鍋💋 fusion菜！正呀！性感指數💋💋💋💋/5

經過幾次小皇府都想試下，今次約朋友來吃晚飯，預早在網上訂位。 店內裝修簡約， 座位舒適， 又沒有限時食得好舒服。 食物種類都算多， 粥粉麵飯樣樣齊， 還有中式點心。晚餐🥢 ～ 大澳蝦膏爽肉蒸豆腐$98、 鮮果咕嚕肉$98、 虎松茸魔鬼魚餃$36、 啤梨鵝肝鹹水角$32、 頭抽吊龍炒河$138、 白飯$18。 🔹啤梨鵝肝鹹水角 ～ 鵝肝的味道幾香， 整體酥脆好味。 🔸虎松茸魔鬼魚餃 ～ 賣相幾可愛，但餃皮偏厚， 入面餡料似蝦餃。 🔹鮮果咕嚕肉 ～ 咕嚕肉酸甜度適中，味道可以。 🔸大澳蝦膏爽肉蒸豆腐 ～ 蝦膏味好香， 豬肉爽口， 蒸豆腐口感香滑。 🔸頭抽吊龍炒河 ～ 不夠鑊氣， 牛肉片太硬。 整體味道普通， 但座位舒適， 星期五晚上都沒有限時， 所以加分📝。

今日出左黎飲茶 下午茶市 呢度主打食點心2個人食3點心一個炒飯,好飽!酥皮叉燒酥 傳統港式點心酥餅 中間係甜香既叉燒肉餡 個外皮酥脆可口排骨陳村粉 排骨墊粉條,吸曬排骨既汁同油香,好滑溜,排骨肉多好食雞腳湯 飲落暖胃係雞湯黎既,雞腳當小菜等點心上菜時食既炒飯入面食到肉碎同元貝蝦肉,海鮮炒飯口感幾豐富炒得幾爽身 調味唔會太重平均消費$100評分8/10旺角太子道西193號MOKO新世紀廣場2樓205號舖

家中長輩喜歡飲茶，平時喜歡搵不同的點心店，剛巧在網上看見了這家食中式點心，還可以在OpenRice上訂位，起碼唔使去到等位。早上11點去到，還沒有什麼人，餐廳環境明亮乾淨，很多卡位，坐得十分舒服。點心價錢不算平，但選擇頗多。「石榴香芋粉果」有驚喜，有大大粒香芋粒，味道很清爽。「小蜜蜂流沙包」造型可愛，內裏嘅流心奶黃很香濃。「鵝肝鹹水角」食唔出有鵝肝的味道。「芝麻蛋散」好淋，糖漿偏甜，一啲都唔鬆化。「鮮蝦雲吞麵」最驚喜，麵彈牙，湯有蝦子嘅香味，雲吞大大隻，蝦很爽口。總括來說：餐廳坐得舒適，環境乾淨明亮，食物質素總算不錯，但在旺角呢一個食肆林立嘅地方，價錢不算便宜。但如果想坐得舒適舒服，方便傾偈飲茶的地方，這是一個不錯的選擇。

今日再次到訪小皇府，假日人流比平日多，但等了20分鐘就可入座，期間帶位的侍應非常有禮貌，不時向我說就快有位，上菜速度也正常，假日可以安坐一下享受午餐，非常優閑，值得推薦比大家。

同朋友好耐無見，约去酒樓聊天，找到了這間小皇府。環境明亮光潔，座位不擠，坐下不久便點菜。我們點了東湖陳醋肉排，美味!又叫了香杧西檸雞，酸酸的，好吸引。金沙百花九肚魚脆脆的，也很不錯。點心也有很多，很吸引。我們點了虎松茸魔鬼魚餃，外型似魔鬼魚，未吃已很喜歡，吃下也覺得好味。台式脆蝦腸粉也好味，咬下去脆脆的，要趁熱吃。我們最後吃了芝麻蛋散和小蜜蜂流沙包，也很好吃。尤其是小蜜蜂流沙包，像2隻胖胖的蜜蜂伏在碟上，十分可愛。服務員沒有催促我們埋單，我們可以倾到夠。

睇見OpenRice 咁多好評，諗住又可以6人一枱就訂黎和家人食生日飯啦，但總體食物質素中下，真心失望，唔明點解openrice咁多好評首先，所有食物黎到都唔夠熱！用石鍋上既菜，面頭居然係微暖？！最難食係乳鴿，你睇個顏色已經唔想食，好似翻煮又翻煮過咁，又老又鞋！！咸水角得個樣得意，外皮完全唔脆又厚又林，又淋油，食左一啖掉左 片皮雞諗住幾得意！個包完全冇烘焗過！雞又老又鞋全晚叫最正常既只有糖醋松子魚，叫做炸得香脆d。蜜蜂造型既奶黃包幾可愛，半流心，可以一試。但呢間餐廳絕對唔會有下次，格又細又唔夠位放餸。但值得讚既係服務姐姐既態度不錯。

周末相約姐妹們lunch，朋友會湊埋小朋友過嚟所以要搵間近佢屋企同坐得舒服嘅地方，最後擇左去小皇府飲茶🫖我哋張枱側邊有個大裝飾櫃加埋粉藍色牆身配波波燈，成個感覺似一間簡約清新嘅咖啡店多過似中式酒樓～點心紙列明價錢，有點心、腸粉、特色炸物、炒粉麵飯、甜品、飲品。啤梨鵝肝咸水角飲茶必叫！第一次見啤梨造型 超得意！外皮煙靭唔油膩，内餡加左鵝肝食落味道獨特但食唔慣呢個配搭，我都係鐘意傳統多啲😬鮑汁鳯爪醬汁濃郁好入味又夠上色，唔會炆到過腍！小皇府有米佬炒絲苗小朋友想食飯，叫個炒飯比佢。估唔到咁大兜，飯粒好煙韌，炒到粒粒分明，唔會太乾又唔會太濕，控制得好好👍🏻好食！义燒腸粉腸粉皮薄帶有軟韌感，清晰望到每件都填滿义燒！小皇府鮮蝦餃/薑蔥牛柏葉/咖哩魷魚 三款當中，我最鐘意食咖哩魷魚，香而不辣，並用銀針粉鋪底。不得不說，呢度嘅薑蔥牛柏葉同咖哩魷魚份量相比外面的確大份些，好似食極都有咁😝

下午茶套餐一至五供應，2:00-5:30點心拼盤已包指定點心各一件。叻叻豬流沙包：都有蛋黃香味，但唔太流沙臘味煎蘿蔔糕：有少許蘿蔔絲，粉漿比例較多，所以冇乜蘿蔔香，同埋有啲實！蟹皇滑燒賣：蝦爽肉香，呢個係OK嘅蠔油時菜：跟餐送，正常黑蒜和牛炒飯：份量細碟都唔緊要，而係差啲搵唔到啲和牛😂夾住呢一粒已經係全碟最大粒嘅和牛啦！少得可憐🥺炒飯應該係炒定，有啲黐埋一舊。以上係下午茶套餐$65見佢點心有八五折，嗌咗兩樣嘢試啤梨鵝肝鹹水角$32，新鮮即炸，裏面係有鵝肝醬嘅，我食到應該係三花牌鵝肝醬😂椒鹽魷魚酥$58，都算唔錯，炸粉唔會太厚到買單嘅時候發覺，點解八五折淨係減$4.8，原來酥炸魷魚唔屬於點心類，所以冇折😒

途經Moko, 估唔到一間小小嘅中菜館能夠帶嚟不一樣嘅驚喜～打開Menu發現都幾多選擇，新派特式有，懷舊風味一樣有～所以是次都點左唔少食物，由點心🥟到小菜都想試😋先講「🥢點心類」「🐝小蜜蜂流沙包」係必點！除左有qq 嘅造型，加上滿滿嘅流沙奶黃餡～鬆軟嘅外皮跟軟滑內餡，味道又唔會太甜～大人小朋友都難以抗拒😘😘「🐠虎松茸魔鬼魚餃」個人都覺得好好食😋造型好可愛，有外表一樣有內在，餡料加入虎松茸後更有咬口，絕對係「香彈爽」之選👍🏻「🍰薑汁千層糕」本來都驚會薑到辣，出奇地有薑味但甜度係啱啱好中和到～加埋熱辣辣上枱，口感彈牙煙韌，我都忍唔住食左2件～「原隻花膠濃湯餃」我真係灌湯餃專家嚟，我由細食到大，好食到難食我都食唔少～點為之好食，首先要睇個湯，唔洗落醋都夠鮮味就係靚湯底，佢呢個做到🌟第二餃皮要夠薄，好多cheap酒樓/好舊式個種會用黃色好厚嘅皮，咬落去又鞋又粉～但呢個佢好薄皮又滑🌟第三餡料方面，差嘅會一大堆蘿蔔蓉加肉加蟹柳，但佢呢個入面啖啖🍤蝦肉，好滿料絕對貨真價實🌟唯一我唔太鍾意隻原隻花膠，純個人口味問題～我係鐘意食乸肚，啖啖肉腍啤啤個種～公肚紮實爽口我麻麻～小菜方面點左「芝士焗蟹蓋🦀」同「

偶然遇上的驚喜…..有日路過MOKO 的小皇府，見到有不少客人等位，我便行去望一下下午茶的menu, 見到$65一個茶餐，3個點心（各一件）、主菜一個和一碟油菜，這個茶餐頗吸引，於是今日便相約友人一嚐茶餐，用膳後友人也覺得抵，食物質素可以，下次可以試另外一些點心。