小皇府 (MOKO新世紀廣場)

营业中

休息中

遇過服務最差嘅員工，沒有之一！明明漏左單，但淨係用啲好寸嘅態度話有單做梗，唔肯幫手check，之後放低嘢食個陣仲要話:「嗱黎啦，比你啦，真係無辦法！」，最後埋單排梗隊比錢仲要起手推開我，非常過分！啲枱凳又唔乾淨，一定唔會再幫襯！PS見佢淨係不斷serve一枱相熟內地客，成袋膠盒紙袋送比人，唔知有冇收返錢呢🧐

Am......帶兩老去飲茶，侍應服務好，好自覺好主動，但食物質素認真麻麻，CP值唔高。炸雲吞咸得黎仲有陣梘水味，真係唔ok。其他食物就中規中矩，但個茶壺又係出左事，一路倒茶，一路漏水，成枱濕哂！

招呼周到，環境衛生清潔，點心美味👍🏼，麵條爽口🤩，粥又夠綿🥳。粥⭐️粉⭐️麵⭐️飯⭐️湯⭐️任選！僅有一樣啱你心意😋😋😋再加上OpenRice訂位方便👍🏼有獎👍🏼，必定再講光顧😋。

我都是小蜜蜂吸引我到這裏試吓，這間小皇府開得比較晏10:30 才開，我們早到在門口等候20分鐘，一般飲早茶都比較早，食物吸引，水餃好味，菠蘿叉燒包一般，其他食物可以的

星期六晚上到餐廳食飯，人數不多，座位亦舒適，打開餐牌後，發覺裏面種類繁多，有中式點心，有炒粉麵飯，也有精美小菜。我們一家有小朋友，各自都能夠選擇自己喜歡的食物。服務員態度也很好，是一個愉快的晚餐。

和閨蜜在這裏噗一盅兩件，被他們的得意點心吸引着，所以選擇了這兒。整體質素平均：蝦餃、燒賣、鳳爪、棉花雞、炸兩這個啤梨鹹水角，內有帶子，又靚又好味😋奶皇包小蜜蜂趣怪又好食，仲買多咗份外賣比朋友食添。誠意推介這個👍🏻魚皮餃味道不錯的，但賣相和menu 有落差，有點兒失望。當日星期日，都滿坐的，但可能因疫情原因，沒有排長龍，可以慢慢坐、慢慢食、慢慢傾。走嘅時候先發現有下午茶套餐，都幾抵食，但因一點入座，把握不到。

朋友山長水遠約出來飲茶，自當奉陪。三人十一點多就來到新世紀廣場的小皇府，遲多半小時就座無虛席了。食店地方寬敞，環境簡潔舒適。原來朋友是熟客，這裡有很多是他的心頭好，但憑他個人之力是難以應付，所以找我來助陣，那就交給他發辦好了。先來的是白灼爽脆豬腰膶，真的很大碟，如果對內臟或怕高膽固醇的朋友當然會卻步。豬腰切得很大片，𠝹了花，爽脆嫩滑，豬的臊味差不多全都去除了。豬膶也同樣切得大大片，鮮嫩腍滑，並沒有特別調味，只佐以蠔油及醬油，上面放些薑絲蔥花，下面有些菜。上素石榴粉果是素食，皮薄餡足，味道清新，賣相吸引。虎松茸魔鬼魚餃的造型特別，有點像魚，朋友說這食店好肯落料，不知「魔鬼魚」是造型還是用魔鬼魚肉來做的呢！我點的蟲草花棉花雞果然用料足，雞件、魚肚及蟲草花都落足，配上湯汁都很入味。鳳尾蝦春卷是春卷裹著鳳尾蝦來炸，鬆脆鮮味，多餘的油已經隔去。咖哩土魷也是傳統點心，大家都知道土魷沒有甚麼鮮味的，只食其爽脆，朋友喜歡那咖哩汁調校得剛好，不稀不稠。酥皮菠蘿叉燒包裡面除了有大粒的叉燒外，還真的有菠蘿粒。另一位朋友喜歡的小蜜蜂流沙包，外面造型十分別緻有趣，肥嘟嘟的兩隻小蜜蜂，肚內原來是流沙奶黃。朋友甫開

今日星期日同屋企人飲茶🫖，已經用Apps一早撳定飛，排緊第一張都要等建議大家可以先訂枱或者早啲或者晏啲先嚟，你只係酒樓但係係可以有點心同小菜食，價錢會貴少少但係會比較精緻京都炸醬撈麵🍝 （$68）會跟蝦子湯都幾清，炸醬夠味夠正宗，麵都夠爽口，如果面嘅比例多少少就好啤梨鵝肝鹹水角🍐 （$32）外脆內軟，口感軟糯，都有好多餡料，鵝肝味會比較濃郁，偏重口味小皇府叉燒腸粉 🐷 （$36）估唔到水準咁高，腸粉皮好薄，有米香，口感軟糯，叉燒肥瘦適中🫶🏻XO醬蒸鳯爪🐔 （$30）夠哂入味👍🏻，飲茶必食酥皮菠蘿叉燒包🍍 （$38）個賣相真係幾靚，但係都係傳統蒸嘅/蜜汁叉燒包好食D小皇府鮮蝦餃🦐 （$46）皮薄餡靚，蝦夠彈牙，鮮蝦同肥豬肉比例適宜，夠滑石榴香竽粉果🫖 （$32）皮薄餡靚，超級多餡料，啖啖都好滿足😚薑汁千層糕🧇 （$28）層次分明，超濃薑汁味，口感軟糯煙靭👍🏻綠豆蓉焗西米布甸🍮 （$28）超級多西米，而且有綠豆蓉同蓮蓉，食落又唔會好甜😊📍 小皇府 (MOKO新世紀廣場) (旺角)旺角太子道西193號MOKO新世紀廣場2樓205號舖

昨天中午去食，这是第三次去食，發覺食物質素差了很多，煎米粉無乜味，點心也没之前好，勉强可以。加上服务超差，漏單仲要催二次才check 單，等左一小時才有得食，令到我和家人都無心情食。總之係新世纪有很多選擇，下次唔会再去。雲吞麵亦是一般，但要五十几元，非常唔抵。類似价格，正斗好食好多。點心就係富臨的質素，但富臨平一点，抵食啲。所以今次体验好差，呢个价钱唔應該服务咁差。那我寧可比貴一点去樓上酒樓食，会覺得值得。

同朋友想食點心最後揀咗呢間入面環境唔錯 有唔同嘅點心同埋炒粉麵揀小蜜蜂流沙包做型好得意入邊係奶黃餡魔鬼魚造型魚餃都幾可愛梨型鹹水角入面係有鵝肝，鵝肝味好重10分抵食芝士蝦丸，好香口

飲茶搵位唔容易，上網見可以網上訂位，就試一試。我哋四個人準時到達，坐嘅卡位，空間感好好。枱面比較窄，但坐嘅位置就比較寬闊。欣賞佢仍然用點心紙去落單，茶壺加水都依然係侍應負責。服務很好，侍應嘅汁碟同埋加水速度都好快。上菜亦好快。真菠蘿叉燒餐包呢個包好食！包面係菠蘿包嘅脆脆，餡料係用叉燒餡，有真菠蘿係入邊。唯一係個包好細，迷你包包。懷舊蝦多士蝦多士，跟咗個千島醬。用好大隻蝦，係爽口，玻璃蝦咁樣。多士比較香口，但吸咗好多油，炸功一般！炸蝦腸粉腸粉係正常嘅，入邊係炸蝦用腸粉捲着。豉油汁比較冇味道，只有顏色。傳統鳳爪正常味道，份量滿滿的，以大大粒花生墊底.炒銀針粉有少許蝦仁和酸蘿蔔去炒味道OK，唔會太濃味冇乜特別。陳村粉蒸排骨係大籠嘅，排骨都好多，陳村粉正常甜品蛋散鬆脆嘅，有三大件。記得要即食啊！綠豆蓉焗西米布甸呢個一般般綠豆蓉好少，整個布甸都係西米，吉士反而好少……整體來講都唔錯嘅，可以再嚟！地點方便又可以訂位。⭕️座位間有距離感，有透明膠板相隔✅店員人手處理進入食肆之安心出行

想搵個地方坐下飲下茶，友人提議黎呢間見到隔離台好多都叫雲吞麵，搞到我都想整番碗試下“簡”口味都幾勁，但雲吞都多蝦肉，好爽口彈牙！菠蘿叉燒包 - 面吾夠脆，入面真係有菠蘿粒！粉果炸蝦腸粉，炸得over左味道好普通，價錢不平！

朋友介紹這食店，一直想來試，前二天（30/6/2022）便來一試。剛巧遇上下午茶，有85折。點心款式都幾多，點了8個點心小皇府鮮蝦餃，唔錯，有二隻及四隻一籠，選了二隻，以便試其他點心。蟹皇滑燒賣，料足實肉，好咬口虎松茸魔鬼魚餃，樣子可愛，好味石榴香芋粉果，味道麻麻，不太喜歡荷葉珍珠雞，糯米好鬆散，麻麻地台式脆蝦腸粉，餡料脆又足，好味啤梨鵝肝咸水角，樣子好看，味道怪怪，還是喜歡普通的味道小蜜蜂流沙包，不太喜歡甜食，但這點心樣子實在太可愛，便叫了一份。諗住先食咸點，才食甜點，但食時已放涼了，不太流沙，下次再食時，要趁熱。埋單，85折後，$279

一直以為呢一間係酒樓，原來係食中式點心嘅餐廳，不過錯有錯着，點心款式都幾多，最緊要兩位老人家滿意坐低叫咗六個點心，可惜又唔記得影相蒸排骨陳村粉，薑蔥牛柏葉，蟲草棉花雞，花膠灌湯餃，蜜汁叉燒包，食落味道OK啦，未至於好出色，但都算唔錯四個人未食飽，所以追加兩個食品。呢個蝦多士反而令我有啲驚喜，佢炸得好脆，非常香口，配埋個千島沙律醬，味道唔錯播另外見到好少地方有嘅炒銀針粉，所以想試吓，望落去好有鑊氣，但食落去真係唔係幾夠味，仲有少少立口，可以再炒得乾身啲咁就好啦🫣，整體其實都還可以吖，可以再食下一次嘅

絕對絕對唔會有第二次嘅餐廳 服務都好一般 服務員好似金魚咁成日應完人轉頭就唔記得 食物又貴又細份重點全部都唔好食 芥菜花膠湯個湯係有少少味道嘅， 但個菜完全乜味都冇離曬大普 懷疑係臨時淥熟d菜就掉落煮左好耐嘅湯度 水煮牛肉真係… 一文不值！！！ 牛肉好似橡筋咁 求其淥熟就淋啲汁上去，d汁同個碗人面任何一樣嘢都係兩個世界嘅 冇一啖入味！ 腸粉不過不失 炸雲吞都係正常味道 唔明點值$62黑醋火龍果牛肉一般 牛肉粒係ok嘅 肥瘦均勻 不過荷蘭豆超級老 咬都咬唔入 又成口渣 個排骨ok 酸酸甜甜 鹹水角內餡係特別整嘅 我見到 但sorry 真係乜味都食唔到 唔知有咩用全場唯一就係個$32/1 嘅奶凍算得上好味 奶味比較濃 但sorry 其他菜式完全係差到極點 廚師唔識整不如落㗎！！！