小皇子冰室

营业中

休息中

今次路過試下呢一間茶餐廳比較一下,入到嚟餐廳企理乾淨,餐具放櫃桶裏面都非常整潔,當時因為過咗飯市,所以唔多人三點幾坐低,下午茶餐都唔係太多選擇一般茶餐廳有嘅都會有,可能本身有新鮮出爐麵包餐,所以係冇雙拼三文治下午茶餐,原來呢間茶餐廳有甜品,因為唔太肚餓叫咗個麵包餐,本身我不太喜歡帶酸味的咖啡,這店咖啡香濃的沒有酸味下次試埋甜品,炒粉麵另外小朋友嗌咗個雞髀薯條雞髀都幾大隻,薯條係新鮮炸唔係炸定👍,麵包見佢keep住出爐,這裏可以電子落單及電子付款最啱我唔袋現金嘅人

前排經過成業街食午餐，試下小皇子冰室，位於成業街15-17號成運工業大廈地下1號舖。 店內環境整潔， 但因為食飯時間所以都幾逼，午餐 ～ 鮮沙薑蔥油滑雞$59、 日式海鮮炒烏冬$57、凍檸檬茶$3、西式湯、 明火例湯。 ▫️凍檸檬茶 ～ 凍檸茶點了少冰， 清涼解渴。   ▫️鮮沙薑蔥油滑雞 ～ 沙薑蔥鮮香， 雞件嫩滑。 ▫️日式海鮮炒烏冬 ～ 魷魚質感軟腍， 烏冬炒得夠味。 ▫️西式湯 ～ 羅宋湯酸酸辣辣，湯料多。 ▫️明火例湯 ～ 牛蒡湯味道清甜。 整體而言食得飽之餘， 烹調都算用心。 🏷️溫馨提示～ 整個用餐體驗均屬個人分享意見， 只作參考😊。

🥢🥣🥛一間中規中矩嘅茶記🆗中湯晚市套餐會跟中湯和西湯，我哋揀咗中湯。都幾足料，有瓜、豬骨、粟米，但個瓜吾淋。🆗 是日蒸魚(豉汁蒸倉魚）-$76即叫即蒸，豆豉就甘食幾好味，魚肉尚算嫩滑，有薑蔥喺面，但豉油冇咩味。🆗鐵板珍寶雜扒配薯菜- $101用鐵板上，真係好熱，汁會另上，倒啲汁落去嗰陣咋咋聲。雜扒有牛扒、雞扒、豬扒各一塊，另外仲有條大腸仔，少少粟米同埋一舊西蘭花，而薯菜就係薯條。雞扒最出色，雞皮好脆，豬扒都吾錯，易咬，但牛扒好快會過熟變韌，薯條就正常，但倒左汁落去會淋左。黑椒汁吾係好夠惹味同吾夠多。跟餐嘅牛油餐包熱辣辣，軟熟得來充滿牛油香，個包好食。🆗熱華田唔使加錢嘅飲品，正常🔘紅豆冰 - +$7紅豆好硬，味道較淡吾夠甜，吾推薦🔸小皇子冰室🔸地址：觀塘成業街15-17號成運工業大廈地下1號舖#晚餐 #冰室 #茶記 #港式 #小皇子冰室 #觀塘 #dinner #茶餐廳 #雜扒

觀塘飲食日誌day 14合格的茶記就是要快靚正快：落單快，出餐快，達標靚：賣相可以，尤其菠蘿包，不過就是菠蘿包弄到周地碎屑正：味道來說就一般了，牛肉沒有牛肉味，茄湯就一貫的茄膏稀釋的湯汁，而且極滾燙，菠蘿包則鬆軟香口

繼紅茶後，觀塘都有好多間地方大，野食多元化的茶記，見呢間又係咁，試一試試個下午茶，叫左個乾炒牛河，份量少，有點油膩，牛肉唔滑，味道一般。另一款豬扒湯米線，塊豬扒腌得太勁啦，過軟，冇左豬扒既口感，而酸菜都好一般，整體感覺都頹頹地…杯奶茶都係一般，唔滑，個茶底麻麻，同樣價錢，應該會想食紅茶或黃金冰室多啲環境上，有啲佈置，背景，感覺想造出舒適，享受食物既感覺，但實際上俾出嚟既食物冇咩誠意，好難做到佢想俾人既感覺，應該唔會再試

我和朋友叫下午茶炸魚柳餐，都是同一時間用電話落兩份餐，我朋友的餐已到但我份餐遲遲都未有，奇怪係同一張單同一時間落單，等更食物時見格離枱叫左碟乾炒牛河真的知道我們來錯這間餐廳，河粉色澤淡如水🙄🙄🙄同餐牌相中相差好遠應該味道都會好，我好不容易下找了吹店職員多次，我朋友個餐已食完我份餐終於等到了，但好可惜我份餐宿左水不但與餐牌中不同，明明我朋友的魚柳有兩件但我份竟然係一件小塊魚，這店多樣問題，職員態度差，職員不夠，到餐時間耐，食物味道一樣差。

鮮茄濃湯牛肉通粉（特餐$53)配火腿炒滑蛋、墨西哥藍莓餐包賣相：🐧🐧🐧味道：🐧🐧🐧鮮奶濃湯牛肉通粉份量十足，一大碟裝得滿滿，內裡含不少蕃茄片和牛肉片。通粉湯底蕃茄味道略淡，通粉軟硬合適不會過冧變爛。牛肉片口感不會過韌過硬，略嫌不夠入味。特餐採用少見的墨西哥藍莓餐包，入口微甜，藍莓味不太突出，口感有點偏硬。火腿正常水準，炒滑蛋薄身偏熟略欠嫩滑。茶走（跟餐）賣相：🐧🐧🐧味道：🐧🐧🐧茶走以瓷杯呈上，茶色呈金黃，表面佈滿氣泡。茶走茶味偏淡，奶味一般，甜度低或需額外加糖，入口滑度一般。酥皮蛋撻（$7/個）賣相：🐧🐧🐧🐧味道：🐧🐧🐧🐧酥皮蛋撻新鮮出爐，熱騰騰香味四溢，蛋心金黃酥皮香脆，非常吸引。味道方面，酥皮鬆脆香口，內裡蛋心香滑順嫩，甜度一般，性價比高的推薦。輪候入座時間：🐧🐧🐧🐧🐧在假日下午3點左右光顧，無需輪候能直接入座。等候上餐時間：🐧🐧🐧🐧🐧特餐及飲品在點餐後10分鐘內送達，蛋撻要等待出爐，需時較久，約20分鐘。服務：🐧職員明顯不熟手，下單速度極慢，需要顧客慢慢逐項食品告知，有時還需重複數次。有錯單的情況，明明下單要熱飲，但來了凍飲，服務有待改善。🐧❤️結語：食物質素一般，服務欠佳，雞肋之

其實之前已經幫襯過小皇子冰室好幾次， 不過次次都係外賣。今次諗住堂食早餐就出事， 入列去生意你好嘅 , 但係我坐低左而中間都有好幾次示意職員落單職員望到我，但望完就算，之後佢有佢嘅忙碌，執枱同出餐都有等左10分鐘都無人理...咁唯有直接去第間食啦，既然你哋生意咁旺 ， 做少一個害都無所謂！之後行遠少少去第間茶餐廳，人哋好快說有侍應招呼.....

LUNCH 時段, 等左一陣位. MENU有好多選擇照燒海鮮炒烏冬鐵板上， 味道不錯， 不會太油蕃茄香辣海蝦意粉海蝦很新鮮彈口，不過意粉有點辣 如果唔想單點的話， 仲有set lunch 提供 !!

有日搭𨋢聽到話呢間好食乜乜乜，好啦反正附近好多餐廳都吃過咪當試新嘢無壞，觀塘搵食唔難，好食又啱我口味難啲囉 😅咖哩牛腩, 咖喱稀，牛腩散爛，仲寫推介 😂炒烏冬油而無味焗豬扒飯唔係茄汁味熱杏霜正常熊貓落單外賣自取有折，唔係真係揼春 🤦so9ad食咗個咁差嘅午餐 😂

每朝返工都會去公司樓下冰室食個早餐先🤤之前下午茶食過但冇留意餐廳叫咩名原來係小皇子冰室佢哋餐廳食品款式有好多比你選擇好啱我啲成日唔知食咩既大媽😍🤭早餐試咗個酸辣🐷扒米線佢有得揀大中小辣，多酸，米線有爽啲同淋啲真係好細心🥰🥰大愛，加埋飲品都係$38低食服務：食物味道：環境：

難得朝早喺觀塘出沒，梗係唔可以放過慢慢嘆個早餐嘅機會。成業街有一堆工廠大廈食堂，以前係成日食小皇子前身嘅茶記。咁既然見到茶記執咗，變成小皇子，就試佢一試啦~環境嚟講，餐廳係新裝修，好光猛乾淨。卡位夠闊，整體嚟講係幾舒適。早餐選擇都係大路嘢價錢唔貴。唔想食咁多嘅重有麵包餐，叫個包加$10有杯嘢飲。一場嚟到當然由例牌出發沙爹牛肉麵配火腿炒蛋+餐包先講個麵，沙爹牛肉好嚡，沙爹味有d淡，沙爹醬比較少；麵係普通即食麵，好在都重彈牙；條菜爽口嘅。普通即食麵一碗~餐包正常，暖同鬆軟嘅。火腿炒蛋，火腿正常；炒蛋個size非常‘’精緻‘’，滑嘅，不過無咩奶味，應該純粹係大火多油快炒而成。比較可惜係蛋味亦都欠奉，所以純粹係夠滑。最後係杯鴛鴦少奶，啡味比茶味重，個啡唔多酸味，苦味多dd；茶有少少澀。可惜送上嚟嘅時候倒咗幾啖落隻碟，差d倒埋落枱面整體嚟講，小皇子係成業街幾間食堂中比較多人嘅。環境嚟講係好好坐，不過嘢食太過精緻，而且味道一般，隨便食就好。

星期日好多時都會喺觀塘，食得多隔離嗰間都會想食下其他，今日一於食呢間，睇下有冇機會成為新飯堂！😂 芝士焗肉醬意粉🍝肉醬比其他餐廳冇咁濃同「杰」，似係新鮮蕃茄整出嚟嘅。肉碎量多，但芝士唔夠濃味，令成個意粉比較清淡。不過因為唔算太濃味，食完唔會好口渴要係咁飲嘢。😂 特餐A：鮮茄濃湯牛肉通粉 配火腿炒滑蛋、墨西哥藍莓餐包餐包係上個鋪咗一層藍莓味菠蘿皮，係幾創新嘅……😂火腿炒蛋好油，食完個碟明顯見到一攤油🥶通粉同肉醬意粉一樣，用真蕃茄熬湯，有蕃茄條👍🏻牛肉都好軟淋淋，唔錯。😆 餐牌仲有好多選擇，可以下次再試下唔同餐😁

當我踏進小王子冰室時，我立刻感受到它充滿了傳統香港茶餐廳的氣息，彷彿穿越回到了老香港。我決定嚐一下他們的午餐，點了一份香草洋蔥豬扒半漢堡扒意粉。當餐點送上時，我第一眼看到的就是這美味的半漢堡扒，肉質十分鮮嫩，配上洋蔥和香草的調味，口感極為豐富。意粉也非常美味，融合了濃郁的奶酪和意大利辣肉醬，入口滑順，非常好吃。除了食物，小王子冰室的服務態度也十分親切，讓我倍感溫馨。餐廳的裝潢充滿了復古風情，讓我彷彿回到了老香港。我享受著美味的午餐，身心得到了完全的放鬆，這是一個十分適合放鬆心情的好地方。總體來說，小王子冰室的午餐質量和味道都非常優秀，服務態度也讓人感到溫暖。如果您想要一個放鬆心情、品嚐美味的午餐體驗，小王子冰室是一個不容錯過的好去處。

滑蛋蝦仁炒河是一種受歡迎的中式料理，它利用柔軟的蝦仁和滑蛋，以及鮮美的河蝦炒製而成，間隔淋上醬汁，使食物更加美味。這道料理的最大特點，在於它使用的蝦仁滑嫩美味，再搭配上柔軟而有彈性的滑蛋，整個吃起來非常的美味。另外，油炸的河蝦更是增添了炒河的鮮味和香氣。醬汁也佐以其食用，讓它口感順滑，帶有濃厚的風味。就烹調而言，適量的醬汁能突出食材的鮮美食味，並且更能讓食物回甘可口。滑蛋蝦仁炒河也是一道不錯的家常菜，能夠滿足廣大消費者的口味需求，是很受歡迎的一道菜肴。