小皇子冰室

营业中

休息中

喺觀塘隨便搵間茶餐廳，諗住食個下午茶，個餐未到已經好嬲，兩個人黎食，呢度個侍應求其比一杯水都算，入邊仲要黐咗啲污漬，證明呢度根本冇洗杯😤 之後諗住攞啲餐具，竟然係有污跡，立體嘅污跡，呢度到底有冇人清潔？成張枱同地下都黐立立，衛生問題極差。順帶一提，電話落單落錯咗一杯熱咖啡(本身冇要求換)，點知個姐姐好熱心話幫我換，諗住呢個行為都可以加番下分 ，點知一個轉頭，又換另一個阿姐過嚟，放返低杯熱咖啡，話出咗就冇得換。 呢度真係極度混亂，未食已經好嬲，講完

第一次試這觀塘茶餐餐，幸好開得夠夜至十時，十分滿足有驚喜。蒸魚餐牌上面有不同種類的魚供選擇，有䱽魚、黃花、鱸魚等等。今次點了黃花魚選了豉汁蒸。鼓汁特意調配較淡配合黃花魚的鮮味，嫩度適中；汁料調味恰到好處，撈飯一流，比酒家更出色！另外又點了鹹香煎肉餅夠鑊氣，鹹香味滿溢，份量足夠，一共有八大件。肉餅食材優質，夠熱脆皮內香帶汁，非常推介👍🏻❣️中西餐湯任選，點了中湯，足料夠濃。臨離開伙記還送了兩個熱辣辣流心菠蘿包給我們，高質鬆軟，一點也不馬虎。

店員服務態度差，餐廳位置接收信號非常弱，但要網上下單，系統午餐並不完善，點完食物和湯就沒有位置點飲品，與店員下單又不願意，要返返出去另外飲品但又顯示正價，向店員查詢就話會自動扣返，佢哋唔願意落單，食物質素差唔新鮮。以前唔係咁，希望檢視及有待改善。

第一次寫食評，最後等45分鐘終於上齊兩份早餐，期間已不停要乞求食物，職員愛理不理，叫我直接搵老闆追單😅 極度混亂冰室建議大家幫襯前，係出面食完早餐打定低，先再黎食早餐，否則會等到好肚餓😅😅想像唔到平日lunch time ，係咪都要咁等法食個lunch ,搞到遲到就唔抵

好食好快手嘅早餐返工時段人流非常多落單上菜非常迅速餐廳入面主要係卡位座位非常舒適正常茶餐廳選擇沙爹牛肉 牛肉又軟又滑沙爹味係入曬肉唔會只係得表面係好好食嘅沙嗲牛餐廳裏面有自己嘅麵包焗爐跟餐嘅餐包 熱辣辣 配牛油 熱到溶溶地牛油香滲到個包入面非常好食

11:00落既餐15分鐘先出到個公仔麵 腸仔煎蛋之後追咗幾次 幾個人都話跟 最後係得一個姐姐真係寫低張單去廚房跟先跟到 去到11:30先出齊啲野 出菜既成日唔睇單 啲嘢送錯晒 奶茶少奶 送到出嚟唔知邊杯係 是但隊一杯落黎 最後無少奶 出到黎啲野食真係唔得 食咗幾啖無食 米粉個湯淡到水咁 沙嗲牛啲肉完全唔入味 個芡都求其 仲有個出菜呀姐完全無訓練無常識 有位女士坐我左邊 佢係位女士左邊面前隊杯野黎我個位到 成杯野檔住人哋塊面度前面過 我望住都唔好意思

同朋友去小皇子冰室食午餐，試咗佢嘅鮮茄燴汁牛脷飯($68)，再加杯熱咖啡($3)。味道唔錯，但整體份量同性價比就有啲令人考慮。食品部分鮮茄燴汁牛脷飯：燴汁鮮茄嘅酸香味好突出，唔會過酸又開胃，配埋熱辣辣嘅白飯真係一啖接一啖，牛脷煮得淋身又帶少少嚼勁，味道非常滿意。不過份量就有啲失望，牛脷啲件數真係偏少，食到最後幾乎只剩飯，感覺有啲唔夠滿足。熱咖啡：咖啡味道屬於正常茶餐廳水平，夠熱，入口順滑，但冇太大驚喜，算係普通解渴。⭐食品評分：4/5環境與服務餐廳氣氛屬於舊式冰室嘅feel，環境乾淨，服務員態度正常，出餐速度算快。不過，$71呢個價位喺附近揀返60蚊左右嘅快餐，其實仲有埋湯同飲品，感覺會更加抵食。⭐服務評分：3.5/5總體感受鮮茄牛脷飯嘅味道係亮點，酸香開胃又好食，但份量同價位稍為拉低咗整體評分。如果唔介意多花幾蚊換個簡單滿足嘅口感，呢個飯係唔錯嘅選擇，但如果著重性價比，可能會考慮其他快餐店更抵食嘅選擇。⭐總體評分：3.5/5

💛本身自己好鍾意食菠蘿包💛但真心，住咗觀塘咁好年，小皇子冰室既菠蘿包係最好味好後悔咁遲先發現雖然等唔到新鮮出爐，但佢地有爐warm住，都keep到個包係暖既菠蘿皮卜卜脆，甜度啱啱好，口感鬆軟有彈性，而且size都算大

今次小吃貨嚟到觀塘工廠區附近，十分趕時間但又肚仔餓😂想快快脆脆食個下午茶就衝左去呢間冰室喇！入到去又幾光鮮企理喎！仲好colourful 添🤭嗱嗱聲叫返個下午茶醫醫肚酸辣豬扒湯米線 $38 送熱飲，幾抵食！碗米線一上枱，真係估唔到咁靚仔喎😊比起我平時食嘅冰室賣相好OK，忍唔住要張相，$38 都有咁嘅水平，很好👍🏻而家酸辣湯唔會好咸，豬扒煎得啱啱好，米線係幼身和偏淋，啱哂我口味，相信我下次都會再返嚟食🤣🤣

喺觀塘廣場附近搵間餐廳食下午茶，見呢間茶記都幾光猛, 姐姐又好熱情喺門口拉客就入左來。佢地方都大下午茶時間都坐咗一半人。 坐低咗係到，諗住叫姐姐落order, 原來佢地係用手機掃qr code落單， 個qr code 喺每枱夾餐牌個牌度，要留心睇先知。點咗個乾炒牛河食。🌟乾炒牛河佢都幾多牛肉， 不過唔係好熱。配上辣椒醬都ok。🌟凍咖啡正常總括來講都ok啦，野食唔係難食既。茶記都唔會諗住有啲乜嘢服務， 自己搞掂係新趨勢， 好過有啲惡死阿姐 好似欠咗佢咁幫你落單。

今天來到在觀塘的小皇子冰室，這一間炒小菜和蒸魚都好吃。今天下午茶時間來，點了個下午茶餐和一個酸菜魚。下午茶-咖哩雞球飯這一間的咖哩相對平淡一點，也沒什麼辣味，不吃辣的話在點餐時可以連紅油都不要。勝在雞肉夠多夠滑，對於我這些不太能吃辣和炸物的人，這樣一個下午茶也很不錯。不知道大家會不會用顏色鑒定水吧，我一看這顏色，直覺最少有85分，果然這鴛鴦茶味超濃，就算我點的小甜，完全不會有酸味突出，超推薦！酸菜魚一份120左右，滿滿一大鍋，無骨的魚片，酸香咸辣的湯底，最優秀是切得厚薄適中的酸菜，煮得透又不會過酸，加上香麻粒，絕對是中上的出品，可以encore!觀塘茶記和冰室可怕在麵包出品也相當出色，除了麵包、蛋撻，還有各種甜品。忘了拍照，不過我還買了這間的黑白木糠布甸，也是性價比相當高的甜點。

因為起附近返工 間中都會過去食下早餐初初去果陣都唔覺衛生有問題 都幾企理近排開始明顯污糟勁多 唔攞濕紙巾抹過係唔夠膽掂落隻手去檯面地下痴立立 張臺係勁污糟 好多漬 同埋凳上面又有d 野食 總之就係汙糟邋遢 好似無抹過咁同埋成浸up味。。講真衛生搞到咁我都唔夠膽再去，去返食黃金算 另外食物質素keep 到 座位係舒適 唯衛生問題要改善。。

下午茶48蚊零鑊氣乾炒牛河又未至於難食既，肚餓到爆都會食埋去。不過反正都翻炒，就炒多兩野啦，而家熱d又唔熱d咁。同埋落成堆芽菜，下次落少d啦，畀餐牌隻手指公icon厄左。食件三文治會開心d😂環境幾好坐既。杯野都好飲既。

如果想食個早餐返工千祈唔好揀呢間首先一嚟到睇咗陣餐牌，見到隔離有個人落單咪順手等佢落完叫待應幫手落點知佢一嘢得埋嚟話：我地QR qode落單但你餐枱定Menu 都無寫囉，咁佢人都係到，又啱啱先同人落完咪順便落埋囉過咗陣，同時間嚟嘅隔離枱已經有嘢到，人地要咗杯水，我見佢坐咁耐無主動比水又想問佢拎杯點知佢勁惡咁話我地QR qode落單㗎！之後走咗去咁我自己岀去拎，去到45分，有位先生搭枱。我見啲嘢食未嚟，而一齊嚟個啲都食完走哂。我27分等到45，叫人又無理我。最後要等佢派餐派到附近先搵到個人問，原來我張枱漏單。佢最後都係岀咗比我對面遲來搭枱嘅先！食到最後見到遠少少都有個人等唔到要拎外賣走！嘢食好一般！餐包是凍的，牛油意義不明個雪菜肉絲米似炸菜多啲！差！

今日大約5:00食下午茶食左個焗豬扒飯，濃濃的茄汁香，超好味最緊要係呢間餐廳都員工服務態度好好好有耐性同人情味同有活力，食又好食，Services又好去到觀塘一定要去幫襯