小白鷺餐廳 (已結業)

好耐之前黎過一次, 果陣仲覺得d食物ok. 今次真係唔得, 眼見同檯眾人既食物中, 牛扒好梳打粉、劍魚又腥、天使麵太腍, 係個豬扒未聽見complaint. 伴碟既薯條好"火農", 又落左d玉桂粉, 唔係太夾. 唯一賣點真係得個view, 無可否認確係幾靚幾舒服既, 其實淨係為個景黎飲杯茶算喇.

我係個度燒野食，個景就真係一流啦！如果假日去就多Ｄ野食，例如有自己包既金菇啦！青口啦！蝦啦！但平日既野食就十分普通，又唔係太好食！但價錢又唔係平！而且係用夾燒，一個人服務大眾，又無得自己用义燒，都唔係好似去燒野食咁！仲有係我呢Ｄ無車人仕特登搭的士入去！都幾唔方便！而野飲都唔係平，成十蚊一罐！燒野食，你想食環境定係食味道呀？如果要去洗手間又要落一層，都幾麻煩！

去過食晚飯~ d 野... 麻麻~ 價錢就貴ar~ 可惜味道麻麻~ 賣相唔吸引~　唔值咁貴~

環境都好舒服，適合傾下計、談下心，但食物的味道方面就麻麻，如果在食物方面加多一點誠意，我想信這是一間很好的餐廳。

有朋友報料說這裡有自助燒烤，今日星期日就約左成班人來。呢度位處小白露餐廳的頂樓，來的時候正值黃昏，風涼水冷，景致一流。燒烤係用炭燒，好似一般燒烤場，佢地會用火槍幫客人起爐。食物並非叉住來燒，而是放在鐵架上烤，風味稍欠。地點雖然是露天，但昨晚風涼水冷，唔使對住個烤爐的話都幾舒服的。有大電視在播保頓對列斯，一路燒烤一路睇波，幾正。樓下廁所好乾淨，洗手又夠方便。自助食物都算有幾多，有簡單的沙律吧，但都只是生菜、什果、白雲鳳爪等普通貨色，賣相一般，亦未試過，朋友吃過說不試也不是損失；燒烤食物有牛扒、串燒羊、各式丸類及腸、多春魚、蝦、扇貝、粟米、秀珍菇等等。連方包都有，可以整多士。各式肉類唔使試都知係雪藏貨，落重味精及鬆肉粉，味道可想而知。不過都已在預計中，因為就算其他任食燒烤如白石同西貢都係咁，來得食就預左。佐料如蜜糖及牛油等有充足的供應，飲品每人包一罐，再叫就十蚊一罐。當然以食物的味精含量，加上燒烤，大家都係起碼飲兩、三罐汽水。呢度有酒供應，問過Corkage收30蚊一位，幾貴，所以我地都無帶酒來。埋單每位98蚊再加一，另加飲品大概百三蚊左右。以地方計又大家玩一晚，都唔算太貴。自助燒烤一星期

星期四個日要去大埔見客, 見到都去到大埔, 不如去小白鷺餐廳食野.去到個陣, 當時客人唔多, 環境唔錯, 唔係太嘈.不過個d 食物質素都幾差, 而waiter 既服務態度唔係咁好, 叫十次先有一次應<--係對中國人.d waiter 對鬼佬既招呼就出奇地殷勤.係度食飯有被人歧視既感覺.大家都係同樣既野食,都係俾咁多錢,真係有點兒那個.....

$688 for 2 , 有d唔抵, but valentine's day, 好多地方都係咁既價錢~~<br />食物一般, 平日會好d, 氣氛service decoration 都唔錯, 反而其他配套設施, eg 水上單車, 幾好~

同個朋友去雍雅影野，見順路又順便車埋入呢度。選了露天位，天氣涼涼地都幾爽。叫了tea set，咖啡一杯及芝士餅一件，兩個人連加一百零蚊，以環境氣氛來說，都唔算貴。咖啡普普通通，芝士餅都不是太差，但當然說不上是出色。最唔掂當然是交通，如果無車要搭公共交通工具都幾煩，當然自己揸車的話是一試無妨。呢度室內好大，據部長講可擺二百幾個位，開party都得，但當然最好就租埋巴士車客人啦！

一年前左右嚟呢度下年茶，佢地啲杯一早就放哂喺枱面，原本唔係問題，但係見到啲杯封哂塵，我就同隔離個朋友講︰(嘩！啲杯咁污嘈…)點知個侍應聽到我咁講，仲若無其事咁倒水比我地，要我再三同佢投訴先識做，最搞笑既就係佢再換出嚟既杯都係明顯有塵，而且仲好唔耐煩咁話︰(隻杯花咗啫！已經洗過架喇！)可能佢見我地麻煩，所以order食物既時候啲態度好晦氣，我地叫咗幾份類似炸雞翼薯條等既食物，但係竟然唔熱架，我後尾都費事再叫佢換，驚佢地加料呀，個下午茶餐加咗一要成四十蚊，喺大家樂食都冇咁嬲呀！

今晚不太多人, 大約得半個場左右, 幾靜!餐湯: 南瓜忌廉湯-- 味淡, 南瓜味不足.主菜:1. 酥皮焗什菌三文魚-- 酥皮焗得剛剛好, 新鮮鬆脆, 略嫌三文魚較淡, 幸好不腥2. 炭燒羊仔柳配黑菌汁-- 炭燒很香口,沒有羊羶味, 配菜的薯仔無薯味, 南瓜粒幾香甜品:蜜瓜布甸-- 很香蜜瓜味, 但略甜, 硬身了點, 若然弄得鬆軟一些, 入口即溶就更好.

最衰係人地生日, 先仆入去, 位置勁靜, 深夜行去BUS STOP 都幾恐怖, SO 一定要CALL TAXI !!! set dinner 入量好少!! 去之前我唔知果度係食果D 家畜類既多. D FREIDNS SAY 羊腿正,....... BUT 我自已冇食!! ...SO 食完後, 我地成班再落NEWAY 先OK @!反而環境OK .... D WAITER 好NICE !!

我個friend0既媽媽0係呢隻做野,佢都話唔得. 我去過一次咁大把, 就係我個department0既annual dinner. 其實佢d食物唔係咁難食, 我地攪d咁大型0既聚餐, 但係d野一d都唔行貨. 有烤全羊, 龍蝦, 刺身.... 不過我食完之後就手尾長, 唔知點解會皮膚敏感, 從來都未試過. 騎呢~~ 而且仲要山長水遠咁去, 冇車都幾閉翳, 下下call的都幾煩!!

落地大玻璃，再加上環境難以在市區見到，實在可以去試試，不過如果冇車就煩d，苦了我這些冇車的人。要試下墨汁麵啊~

咁o既價錢,有咁o既環境同服務,簡直係物超所值!你要靜,不如去圖書館喇.

出面睇以為好正,入到去完全唔係果回事.好鬼死嘈坐得好迫,隔離講咩野都聽到晒.食物方面,覺得貨不對辦.個意大利菜湯,質素似必勝客貨色.鴛鴦焗蠔就0黎一隻蠔一隻青口.大蝦扒鮑魚就來個鮑魚菇.呃人0既!!!!食物又係唔熱.佢有現場表現,不過音響效果好差,D聲出得衰唔在講,唱都唱得唔好, 比平時D 賓佬差.(中國人唱)下次唔會再去.