小白鷺餐廳 (已結業)

嘩！今日好熱呀！成三十幾度，我地只有四個人，我唸唔係太多人，所以冇book位，好在我地早到，所以有位咋。哩間餐廳好寬敞，樓底好高，個view都幾好，可惜今日太熱，唔想逗留外面太耐。我地分order左四分lunch，先黎既係餐包，比較硬左小小，之後就係海鮮湯，個湯勁好味，唔同出面果d，出面果d好重味精，但lee度d好鮮。我order左海鮮龍蝦雜會，好味呀，d龍蝦汁好match d薯蓉，我個朋友就order海鮮闊條麵，佢話都ok，但我見佢好快食曬，所以好唔好味就見仁見智啦>_<最後就係餐飲：凍檸茶，好淡呀！要改良下。

星期六去了赤柱，星期日就來了這裡。三十五度的炎熱天氣，當然選擇坐室內啦！安排坐至近窗位置，可看到湖的景色。先來麵包及餐湯，餐包軟熟，湯味道一般，但很夠熱。主菜係美國豬柳意大利飯- 豬柳厚厚的，味道不錯，飯就不夠正宗，似港式做法。龍蝦汁海鮮配薯蓉- 味道較淡，海鮮不夠新鮮。最後來的咖啡帶點酸。雖然這裡食物質素一般，但悠閒的周末，在此可坐上兩個鐘，與朋友有傾有笑，非常幸福呢！

燒烤食物品種少又係一般貨仔一d 特別都無, 又無貴野你食, 只有沙律啦, 方飽啦, 什果等, 地方大個view ok 但無風就熱到你暈, service 只係一般都係無人理你自生自滅又貴過人, 我們一行五個人要5xx 埋單> not suggest !!

哩樣野係好食......不過!係超肥!唉, 我哩個quota真係比得唔抵!因為我覺得連意粉屋都好食過佢!其實又唔係唔好食既起碼如果有人話想食肉醬千層麵佢食左都會話好食因為d肉醬又幾有味既d粉就ok啦, 淋pat pat的不過好食就真係唔到佢啦d餐包都幾差好明顯一睇就知係garden 既餐包有人話好食...其實係因為佢熱左比人je有法包,係凍既,又un un地,差

my friend held a wedding lunch buffet. the food and service is ok la. sure, it can't be comparable with five star hotel.

恨左黎呢度好耐...結果今日同老細們入黎食lunch,但同想像真係差好遠呀!個湖大過我想像的,間野又冇想像中咁與世隔絕(成日望到火車經過..),d白鷺又唔係真係好近...老細們仲話好彩今日天氣ok,如果唔係凍時太凍,熱時太熱,大風時又哩hair,坐入面又徙個景,一d都唔浪漫...講番d野食,本來黎呢d地方比貴d都ok,但係咁失望o既情況下,70幾蚊一個lunch set,份量少又唔好食,真係好唔抵,話哂要專登渣車入黎喎!個菠菜忌廉湯一d味都冇,麵包就香港人口味,十分之軟,個皮勉強都叫脆o既,但混埋已經放溶哂o既牛油,一d化學作用都出唔到黎..個蝦球通心粉更加敗筆,我咁食得咸都覺得好咸!仲要得四粒蝦..有挑腸就當係誠意啦!食lunch set有得以六折食甜品,叫左個tiramisu叫做好少少,不過d lady finger冇浸過咖啡o既...?咖啡同酒味都冇乜,不過算比巿面好多tiramisu好食啦!一直好想同bf黎呢個地方,但黎完睇怕都唔會再專登走入黎了.....=(

試過一次同班同事去食dinner (閒日).set dinner 平均約$150-$200一位.室內裝修一般, 環境亦唔係想像中咁靚.食物味道只屬ok, 份量亦只係僅僅足夠.去一次就夠啦, 下次唔會再特登去(好彩係免費泊車)~

食物：不算平，set dinner二人份量四百幾，但就唔好食。上次食既魚仲好腥，係件扒同檸茶好d。環境：個境靚，個店內裝修麻麻，最重要係d 凳唔舒服，坐得好唔自然…總結：貪新鮮，未試過，都可以一試，不過唔好落雨或天冷時去，如果唔係，坐係店入面，個景就大打折扣架啦！

夜景十分靚, 可惜食物唔得.

上星期我同男朋友去食dinner, 諗住呢度環境好,點知令我地好disapointment. d 野貴都算, 最大問題係唔好食...我覺得d食物的質素好差...anyway 我諗我地都唔會再去食lu.......

環境好是不用說,有山,有湖,有公園,有艇爬......有餐廳和BBQ選擇,當然選擇BBQ!BBQ材料都是一般材料,豬排啊,牛排啊,紅腸......最好的有蝦.這裡的蝦大大隻,雖然是雪藏貨,但燒落幾好味,我食左十幾隻!還有沙律,甜品等,算是豐富.但飲品要額外購買.這裡最好的是可爬艇,和你的好朋友來,可消閒一日!!

--bbq食品有豬﹑牛﹑魚﹑丸，一般會有的都有，最鐘意佢地有各種的姑類，可以自己用鍚紙包好黎燒，又有扇貝不斷供應，有燒曼魚，仲有蒜容﹑各種調味料，真係好周到。不過牛扒吾夠味，雞翼就好好味。--飲品方面要另外買，不過，一樓有汽水機，大可以落去飲完番上黎。--員工服務一流，即使假日人多，要求又多，但總係滿臉笑容，值得一讚。--環境方面，好舒服，椅﹑台，都使人坐得好舒服，風涼水冷，即使bbq都吾會話成身煙﹑汗。洗手間都算清潔，又就近，方便食到成臉油時，去洗個臉。--時間，6:30開始，食物會出到9:30，不過可以坐到11:00，吾趕人走，真係幾好。--價錢，當日是公眾假期，所以貴d，168一位，飲品多數十蚊，吾駛加一，買五送一，平日會平幾十蚊添。

那裡很多人食, 冇想像中咁難食, 都入得口既, 秋季時節, 坐在露台上, 看著火車來來回回的, 很relax !同埋我覺得d 麵包真係好好味!!

我個日同男友專登入去食lunch係唔係咁方便去到其實環境幾好又清靜我個日係平日食lunch 都坐左一半到啦我覺得個view 唔錯如果d smoking 人仕就坐係出面對住個湖其實仲好, 不過當然無冷氣啦個返野食啦, 都唔係咁差我地食set lunch一個50-60左右(+10%), 個餐湯幾好味我地食牛扒幾大份, 味道幾好而另外個燒魚就比較香濃d, 味道ok至於service 就普通啦有少少慢動作

淨係得個view，即使坐窗口位都同個小池塘隔住條走廊, 唔好feel，天花板好cheap，似canteen咁又多喉又一舊二舊吸音棉，枱櫈無style，食物全無突出之處，完全唔值得山長水遠揸車去，講完。