小白屋 (已結業)

偶然的機會走到大坑, 發現有幾間食肆, 結果選擇了這一間!內裡裝潢不錯, 有小店的特色, 正值午飯時間, 也不多想, 叫了一個豬頸肉意粉, 朋友則叫了一個薄牛扒沙律!SET LUNCH包餐湯& 餐飲!作為餐湯的CREAM SOUP質素OK, 不會是一般淡而無味, 淡如水的貨色!我的豬頸肉意粉真的不錯, 微辣的醬汁配上意粉, 真的很開胃, 醬汁調配得相當好, 而且很多豬頸肉, 正對我的胃口!朋友的薄牛扒沙律賣相都不錯, 牛扒SIZE亦OK, 而朋友覺得食味還可以!侍應的服務亦算殷勤, 店面不大, 但坐位還算舒適!坦白說, 想不到在這裡還有這種價錢相宜的小店, 相比茶餐廳, 絕對更有特色!

本來想去試試對面的日本餐廳﹐怎知原來星期一時休息日﹐見這裡剛剛有位﹐食評有寫到這裡的甜品那麼好﹐就即管試試咯﹗三個人不想吃set dinner﹐只要了一個意大利雜菜湯﹐甜甜的又多雜菜﹐不錯。兩個頭盤﹕蒜茸包烘得幾香﹐不過應該不是用新鮮蒜茸而是用蒜頭鹽﹐個人認為太鹹了﹐有點失望﹔炸魷魚圈的魷魚新鮮煙韌﹐外面的麵包糠不會太厚﹐炸得鬆脆﹐伴千島汁吃幾開胃。主菜要了一個小白屋pizza 和一份燒汁pork ribs。以這種小餐廳來說﹐質數味道都算可以的了﹐甚至可以算有d 驚喜。Pizza 雖然不是我喜愛的薄底﹐不過厚得來總算鬆脆﹐不會太油膩﹐可以交足功課的了。Pork ribs 味道幾好﹐不過就肉質比較韌﹐不夠嫩滑。最後要了兩個甜品﹕是日特別朱古力蛋糕﹐普普通通﹐無甚驚喜﹐不過朱古力味道都算香濃﹐蛋糕也算幼滑﹐ok 啦﹗鮮果沙巴翁的沙巴翁很滑很light﹐非常可口﹐可惜那些鮮果是室溫﹐和冷冰冰的沙巴翁有點格格不入的感覺。而且那些水果切得太大塊﹐每次都塞得我的口滿滿的﹐不太方便食用。如能改良則更佳。最失望的是咖啡﹐一間好的餐廳/甜品屋的咖啡是非常重要的﹐可惜這裡的咖啡是完全沒有味道的﹐比大x 樂

今次係openrice 做過search, 發覺呢間小西餐店都幾多好評! 就決定呢間啦!lunch time, 好多人啊.裝修好warm, 好舒服.set lunch $33 (唔洗加一, 凍飲唔洗加錢)餐湯: 菠菜忌廉湯...好味呀!幾清唔膩又有菠菜味.主菜: 蒜蓉魚柳蕃茄乾飲管粉...原來飲管粉即係意大利粉中間通窿呀!!!好特意呀!幾清幾多!餐飲: 咖啡... ok 啦另外order個甜品: 百爵奶茶布甸配鮮果沙巴翁... 布甸奶茶味幾重幾滑幾好味!鮮果沙巴翁就因為名特別又唔知係咩甜品wo,而且menu 張相影得幾靚, 好奇心驅使之下就梗係要試下啦...果然好特別...我估係d蛋漿加d酒舖係生果面再焗到個面地. 可惜...味道就...唔太接受到啦.

以前係西環打完邊爐，實去桃花園食個甜品，可惜後來無做，而家知佢重開，一定要試啦！一行３人叫左：１.芝士布甸－我的至愛，做法好似木糠布甸，但佢好味過出面ｄ鋪頭多多聲，正！２. 奶茶布甸配鮮果沙巴翁－唔太甜，好香奶茶味，反而生果好普通！３. 榛子法式燉蛋－朋友話幾正！總括都keep到，不過，如果３樣都凍少少就fit啦！

哩頭好少黎, 唔係幾識路. 唔知點解門口同招牌都無開燈, 離遠睇以為閂左門裝修有d似表哥茶餐廳晚餐:沙律唔好食意粉尚可最後的甜品先係主角:紅茶布甸配鮮果沙巴翁- 陣陣紅茶幽香, 甜度剛好榛子法式燉蛋- 很喜歡放在上面, 幾粒沾上焦糖的杏仁

在10月2日試過晚餐, 總括甜品好D!- 華度夫沙律:切得很大片, 不太像沙律, 應是切粒,但味道是可以的- 燒米鴨(set dinner):很"un", 要很費勁的切, no good- 是日餐湯-燒粟米忌廉湯: 粟米很甜, 好味- 牛油布甸配雲呢拿雪糕:一冷一熱, 一併吃, 甜度剛好- 意式奶凍:有新鮮生果, 有咖啡味, 比一般的panna cotta已經不是太膩

went there for dinner last night. this restaurant is not on a busy street. ok la.. nice and quiet atmosphere... we hve angel hair with clams and mushroom with white wine sauce, and duck brest . the food was ok .. the angel hair was ok .. and taste ok la. the duck brest was in a honey sauce. which taste good and the side veggies are grilled good.. also with mash potatos.. (mashed potatos not made by potato powder.. which is good) .. anyway.. for dessert we have cream beluee.. taste ok too..

半年前和舊同事來小白屋食午飯，今天原班人馬重臨此食店眾舊。地方和半年前一樣乾淨企理，service好，可惜食物質素並無改善，依舊無驚喜。我點了$33蚊的蕃茄焗雞set lunch，連忌廉湯和白飯。忌廉湯我沒喝，舊同事話OK，蕃茄焗雞做得不太出色，雞肉鞋，蕃茄汁味道幾好，不過混有很多碎雞骨。另外點了一客焦糖燉蛋share，燉蛋剛出爐，還不及放涼就開始弄焦糖，搞到個焦糖面一的都唔脆，認真失策。不過個燉蛋整得確實唔錯，夠滑夠creamy。

看到有各人的推介以及對此店前身的懷念，放是決定要一試。打電話訂位時，那位小姐頗不禮貌地‘提醒’小白屋是全店禁煙的，友人與我皆非煙民當然不成問題，但該女仕應注意‘提醒’別人時該有的態度。據說手打薯蓉有驚喜，特意點一客“香芒海鮮焗手打薯蓉”，很失望…　賣相差不在話下，海鮮不‘鮮’但腥，水汪汪的一窩東西，友人以經算是不怕腥之人，但那塊魚還是無法下嚥。Ｔ骨牛排是是日推介，賣相像患有痙攣，教我大開眼界！居然可以讓患病的Ｔ骨牛排出來見人，但好戲還在後頭，它實在是一件有玩健身的痙攣Ｔ骨牛，嚐到第一口後，不自覺脫口而出：幸好我們share!甜品很不錯，伯爵奶茶布甸及南瓜露也屬上佳之品。地點偏遠這個早在意料之內，但內裏佈置很‘街坊’地似一家茶餐廳，尚算舒適，而待應亦很有禮，但只此一次。

星期日難得休假, 下午便同一樣愛吃的男友到大坑浣沙街的小白屋吃lunch。於平平無奇的浣沙街中, 小白屋確是十分突出。舖位雖小, 但裝潢明顯花過心思, 予人一種舒服的感覺。當天Set lunch共有三款, 分別是洋蔥汁牛扒, 烚蛋吞拿魚配烘法包及鮮菌煙肉燴扁意粉, 我們分別點了洋蔥汁牛扒配飯及燴扁意粉。主食上前, 先來一客蕃茄忌廉湯, 蕃茄味濃, 以$33 一個set lunch 的價錢已經很好, 至少我並沒有像喝著罐頭湯的感覺。相比下, 主食更加出色, 牛扒並不像普通茶餐廳般煎至全熟, 又或是給鬆肉粉醃得沒有肉味, 那兒的牛扒只弄至8 成熟左右, 上時還見少許血水; 牛肉味濃, 吃得出有牛肉本身的鮮味。意粉比牛扒更有驚喜, 白汁做得好好, 稀稠適中, 每一條意粉都能沾上白汁, 不會太乾身, 亦不會水汪汪。意粉有咬口, 做到al dente的口感; 配上鮮白菌及煙肉碎簡直perfect! 結果不消20 分鐘便吃清光!以$33 的價錢來說, 的確是十分超值! 下一次晚市再來時, 必定試試各式招牌甜品啊~

朋友S生日....佢又鐘意食甜品....專登帶佢黎試呢間...佢要A餐香草羊扒拌凱撒沙律- 佢話個羊OK...但沙律苦....我食B餐香草忌廉汁海鮮墨魚汁麵- 好得....好好味....本來唔肚餓...但係好味到清哂碟....餐湯係忌廉湯....賣相唔吸引但飲落又幾好喎....飯品要食我地既主菜- 甜品.....S 要左黑糯米拌雲呢拿雪糕(唔記得左個名)....佢話OK我要左個日出鮮果沙巴翁...原來咁大份架喎....賣相好...味道OK...係D奇異果酸到死.....間舖夜晚開左出邊D燈都幾靚幾有情調...可惜入到去完全唔係果回事....建議較番暗少少燈....可能好D.....

西環桃花源是英雄地，有不少可歌可泣的事蹟。那兒結業後，舊班底來這裡開了西餐廳，一日經過，看午餐只值三十二塊，水準應該是平平，但反而甜品有不少的選擇，就約好幾位靚女食友，來吃個「小姐甜品Lunch」。這裡舖面比舊舖大一點，有卡位亦有二人的木檯，地方都算不錯。由於是日以甜品為主題，大家專攻左個甜品餐牌先，而這裡的選擇，又真的是跟桃花源有九成相似。要了意式奶凍、紅茶布甸配鮮果沙巴翁、日出鮮果沙巴翁及榛子法式燉蛋。甜品是即叫即製，賣相都不錯。跟Lazyqueen一樣，最喜歡的是意式奶凍panna cotta，非平時雪到實一實的模樣，吃落又香又甜又滑，當然亦夠凍；紅茶布甸配鮮果沙巴翁夠睇頭，大家也笑說，差不多價錢，這個是「抵食」一點。味道跟桃花源吃到的都差不多水準，紅茶布甸茶味幾香，不過口感不夠滑。沙巴翁是這裡的「強項」之一，似有還無的口感，加點烘至焦化的糖在面，配合內裡的鮮果，十分不錯；日出鮮果沙巴翁就配了一個芒果雪糕球，取其「日出」的意思，但味道跟鮮果沙巴翁又不太配合；榛子法式燉蛋都幾滑溜，但不知何解，就如雪怡所說，是覺得像吃熱腰果糊加湯丸似的，很得意。另叫的兩個午餐，只是配角，水準雖一般，

自從兩年多前找到桃花園以來，一直都慶幸在港島有這麽一家舒服又好味的甜品舖。可是，半年多以前，桃花園突然在西營盤消失了，我手上的儲分咭卻還提醒我她每一道精緻的甜品有多美味...終於，今天找到了小白屋。兩人晚餐，其中一人餐前已吃了一點：頭盤：忌廉番茄煮田螺主菜：煙三文魚配蝦沙拉、莫斯科牛肉配手打薯蓉甜品：蛋白鮮果煎餅（是晚驚喜）、伯爵布甸加鮮果沙巴翁頭盤的忌廉汁超好味，田螺沒有腥味，番茄肉厚鮮爽。我們特地叫多一客蒜蓉包來"yam"清忌廉汁。沙拉挺好，只是比其他菜式來得普通。雖然自己不太喜歡燜的牛肉，但莫斯科牛肉的千島醬汁非常好食，而手打薯蓉更是絕頂驚人。每一口都嘗到薯仔的鮮甜，一般用薯粉打成的薯蓉根本是另外一種食物。甜品一如既往是水準高超。第一口伯爵布甸就帶起往日桃花園的美好回憶...環境乾淨，食物超水準，服務一流、細心，唯一可以評彈的是裝修、食具的格局比較低（如水杯也是膠的），稱不上是真正的fine dining。可是，以每人一百多元的消費和高水準的食物來説，這些外在的細節，還是來日再算罷...

小白屋的牌頭是"西餐.甜品". 該倒調過來~ 甜品先行. 尤其伯爵奶茶布甸, 精緻得沒話說.是晚---- 一個熱烘的仲夏夜. 好在餐廳內冷氣勁行. 主菜點了'莫斯科牛肉配手打薯蓉', 另配一杯冰咖啡. 吃了一口, 第一個問題, 不知莫斯科可真有這個菜? 唔知普京試過味?牛肉k fine. 薯蓉:excellent. 這個我倒懂, 沒竅門, 也沒捷徑, 純心機, 慢慢打. 值得appreciate.店員好nice. 最喜歡他們腰際的圍裙. 這類小店, devil is in the details.大坑, 已是少有的情調社區. 看著玻璃門外的小唐樓群, 隔三兩分鐘便有主人帶著小狗散步經過, 好cozy.這類小區, 絕對該列入受保護項目.

多謝KC的提議, 今日中環友lunch衝出了中上環區, 直往大坑的小白屋. 小白屋的裝修幾骨緻, 相對兩旁的食肆店鋪, 真的有點格格不入. 一行四人旨不在粉麵飯, 一坐低就先點四個甜品, 意式奶凍, 日出鮮果沙巴翁, 百爵茶布甸鮮果沙巴翁和Hazelnut Creme Brulee. 後點兩份午餐, 蕃茄海鮮天使麵和牛扒沙律. 意式奶凍: 一致讚好, 口感一流, 甜度奶味剛好, 加上夠凍, 正(好想encore架)日出鮮果沙巴翁: 賣相幾靚, 真係成個太陽咁, 其實係芒果雪糕加鮮果沙巴, 微帶酒味, 生果都幾新鮮百爵茶布甸鮮果沙巴翁: 百爵茶布甸茶味剛好, 令我唸起上次同大家在上環桃花源所試的, 自己幾鍾意這個甜品Hazelnut Creme Brulee : 第一啖食落覺得好似一款茶樓點心的味道, 經一輪試味加商議後, 結果係花生糊+湯丸, 哈哈..... 蕃茄海鮮天使麵份量幾多, 味道酸酸的, 幾好! 但牛扒就好唔掂, 好靭, 望個樣仲以為七成熟, 點知俾佢呃左...... 沙律係沙律菜, 無咩特別.服務方面, 樓面得一位, 唔知係咪因為咁, 顧得左就唔記得右, 仲連續送兩次未