小火焰韓式咖啡廳 (金山樓) (已結業)

今日同友人去食一間好出名嘅韓式餐廳《小火焰韓式咖啡廳》 🇰🇷🇰🇷午市有套餐可以揀🥳價錢實惠！ 大醬海鮮粉絲鍋：用韓式嘅小沙鍋上！係冬天見到咁熱騰騰🍲嘅湯未食已經覺得好暖🥳入面有韓國粉絲、肥肥嘅青口、魷魚🦑、蝦🦐、翠玉瓜同香菇😋鮮味十足😋海鮮同大醬湯都係好夾😋再配有陣陣嘅微辣😋配飯真係一流！芝味炸雞：兩個人食叫咗半隻岩岩好👍雞件好大塊👍芝味好濃郁😋雞肉就算係雞胸部分都好juicy同好滑😋😋仲要好厚肉😋食到最後都仲回味緊陣芝味😋😋真係要偶然食下炸雞😋😋😋（加配小食）辛辣小杯年糕：醬汁方面質地偏濃👍可以掛住係啲年糕上面😋雖然有啲辣😂但係係偏甜嗰隻辣😋年糕係偏幼身嗰隻👍好有咬口😋😋做開胃菜一流👍

好少入大圍，原來近地鐵站都幾多嘢食，見呢間食韓國嘢、又多人幫襯就決定試下~點餐係用點餐紙填好，再畀侍應，方便快捷啲~不過如果點餐紙可重用就好，會環保啲~Menu都好多嘢揀，想食乜有乜！我就揀咗饅魚燒汁拌飯！！上面鋪滿紫菜、泡菜之類，口感同味道都極之豐富！最正係塊饅魚，又滑又唔腥，上面淋滿燒汁，非常惹味！另外，加$12可配小食~我就揀咗甜辣韓式炸雞！炸雞好脆口，而且一啲都唔油膩，加上鮮豔嘅甜辣醬，開胃又滋味！嘢飲嗌咗綠茶拿鐵~今日所有嘢食都好快送上嚟，唔洗等好耐，高效率！其中嘢飲最快上枱，我都即刻飲一口解渴！綠茶味都幾濃，而且拿鐵幾順滑，但個人覺得甜咗少少，如果少甜會開心啲！

小火焰韓式咖啡廳 (金山樓) (大圍)大圍大圍道1-35號金山樓地下4號舖醬油蝦配糖心蛋 手握紫菜飯 $98醬油蝦比預期中大隻～多肉！蝦肉鮮甜～味道唔會比醬油咸味掩蓋！肉質彈牙！性價比高！ 糖心蛋有流心效果！手握紫菜飯握得實淨～唔會一夾就散！ 飯團外面應該有輕輕煎脆～食落外脆 內軟熟！煎香後紫菜味更突出！冰梅有機蕃茄 $38本身以為係淋上梅汁嘅蕃茄冷盤～食落好驚喜！蕃茄大大粒～咬落超多水份！味道酸酸甜甜～好似食緊蕃茄質地嘅酸梅～好開胃！太陽蛋牛肉炒粉絲 （下午茶餐） $46以下午茶份量而言～份量幾多！牛肉肥瘦適中～唔會韌口！餐廳用咗椰菜，蘿蔔絲，同紅椒絲炒粉絲～粉絲煙煙韌韌幾有口感！配埋太陽蛋～好抵食！熱蜂蜜生薑茶 （跟下午茶餐）薑味微辣～唔會太甜！下午茶餐可以優惠價配小食 同甜品！幾吸引！

週末下午同樹懶仔黎開大圍，見餓餓地就食個下午茶，我地最後揀左呢間韓國野食😽幾年前係觀塘分店食過一次，記得好抵食，性價比高。炸雞Combo(小辣) 💰88包括有雞軟骨、炸雞同薯條雞軟骨口感好脆，樹懶仔食到停唔到口～如果配埋啤酒就正🤣炸雞外層沾滿甜辣醬汁，肉質juicy。而薯條上面吱滿芝士醬同混合左芝士粉，勁邪惡！！🤭大醬牛肉粉絲鍋(中辣) 💰68配白飯一客、餐飲鍋入面有牛肉同大量粉絲，仲有洋蔥、菇類、櫛瓜、豆芽等配料湯甜酸辣剛好，好夠味😋冬天岩晒食湯鍋類，因為食完暖笠笠☺️蜂蜜柚子茶 (凍)跟餐飲品（凍飲+💰3）值得一提佢呢度可以追加小食～怕食唔晒又想試多幾款野飲就岩啦！！辛辣小杯年糕 （+💰10）年糕係較幼身果隻，食落煙韌Q彈，好開胃🥰芝士夾餅（+💰15）夾餅烤得微脆，口感鬆軟。

平時行過都見好多人食難得假日得閒就過黎試下，排左都有15分鐘先有位午餐選擇都幾多，仲可以加錢叫小食，有炸雞，年糕，甜品等等叫左個辣炒豬腩肉炒飯份量都幾多，有翠肉瓜，紫菜，豬腩肉，加埋少少醬汁一齊食，不錯朋友叫拉絲芝士烤豬肉伴泡菜炒飯好多芝士 仲有三件烤豬肉 醬汁係BBQ醬幾特別 熱蜂蜜生薑茶飲完暖笠笠跟餐加$12 甜辣韓式炸雞熱辣辣，皮脆肉嫩估唔到又幾好食跟餐加$10 3.6牛乳奶凍牛乳味濃，而且都幾滑作為結尾十分滿足

今日同細佬入大圍買嘢，順便食埋晚飯，之前有人話小火焰韓式咖啡廳好抵食，一於唔好錯過。門面有好大幅公仔圖案做裝飾，零舍搶眼，內部闊落，卡位好多，無須等位。侍應推介$488弘大二人套餐，認為份量適合大胃王，咁就試吓啦！因為細佬都大食嘅！先有醬油蝦配糖心蛋，加一個手握紫菜飯糰，蝦有兩隻，淋甜鮮嫩，流心蛋軟滑。再有三色前菜就係韓式泡菜、紫菜及蘿蔔，好惹味，令人胃口大開。香芒炸雞沙律，芒果鮮甜，顏色吸引，炸雞甜甜地，脆脆地，配合沙律一齊食，正呀！再揀咗另一款蜂蜜提子脆米炸雞，剛炸好的雞件好大塊，熱熱地配埋蜂蜜及脆米，更凸顯雞肉甜味，非常香口。鍋物就選擇大醬海鮮鍋配走辣豬骨湯底，先試一啖，鮮味無窮，原因係海鮮夠多又新鮮，而且一路有明火煮緊，勁好。主食點咗個牛肉石鍋飯，勁多材料，起碼超過八款，顔色非常豐富，牛肉舖滿喺上面，份量十足，我和細佬都覺得未必食得晒。之後仲有甜品香蕉朱古力窩夫，雪糕配窩夫一齊食，美味香脆。套餐嘅飲品揀咗巨峰乳酸特飲及荔枝乳酸特飲，味道特出，冰凍解渴。兩個人要食晒以上七款食品，真係極之飽肚，確實扺食又好食

朋友話好好好耐無食過韓國野 所以今晚決定整個「韓國夜」好彩今日早放 可以早到 等左一陣就可以入座😚😚😚韓國又點少得食炸雞呀呢度可以叫半份或者1份由於我地兩個仲想食更多野所以今次叫左半份 都有4件架！蜂蜜提子脆米炸雞（好貼心俾埋手套）雞上鋪滿脆米 連埋蜜糖加提子乾 甜甜地咁食又好鬼夾！咬落去 雞肉好滑又juicy炸粉一點都唔厚海鮮炒淮山麵好大份呀！海鮮好足料 有蝦、青口、魷魚等我建議將整盤先攪拌食用 因為可以令菜和蟹籽均勻 咁樣每食一啖都可以食埋其他配料面條好特別 好幼身 我自己第一次食呢一種面質由於汁太多 每一淡都可以食到好濃厚既汁韓式煎雜菜蝦餅入面有齊洋蔥、紅蘿蔔絲、椰菜、蝦我地自己將佢分成6份然後每一份都配上小小嘅泡菜令到每一件蝦餅更加香 今晚兩個人食唔到太多野 希望下次嚟到可以一大班人試到更多其他菜式同埋甜品🤤🤤少少建議如果想食到呢一間嘅~記得真係要早啲嚟啦~如果唔係真係要等位等好耐

真係好似去左韓國咁！想食韓國菜一定會諗起呢一間餐廳！每次去到都一定爆場，不過餐廳出菜快，一般等15-20分鐘都有位推薦抵食2人套餐，今次想食炸雞就叫左弘大二人精選套餐三色前菜好有韓國風味醬油蝦配糖心蛋手握紫菜飯，隻蝦好大隻性價比好高脆米豬手沙律，沙律茶好新鮮，而且種類多，份量仲好大原味韓式炸雞（半份），半份份量有啲啲少，原來得2舊，但配係2人餐啱啱好，因為個餐真係好多野食大醬海鮮鍋，湯底好夠味，上枱時配埋個火，一路食一路煮，唔怕食到凍晒泡菜鰻魚燒拌飯，石鍋飯又係熱辣辣嘅，鰻魚好好味，燒得啱啱好，外面好香！最期待一定係甜品！吉士蛋糕拼3.6牛乳奶凍可惜係食到呢個時候好飽，但都覺得好好味！白桃乳酸特飲+荔枝乳酸特飲

大圍雖然多野食但係韓國菜好似唔係好覺眼今日見到呢間開左冇幾耐既韓國菜梗係要食佢啦今次我點左弘大二人精選套餐都真係幾豐富!三色前菜好爽口，辣味都幾香醬油鮑魚配手握紫菜飯鮑魚好新鮮好爽口，鮮味又唔會比醬油掩蓋紫菜飯握得好實，但又唔會太硬，紫菜味又好香香芒炸雞沙律韓式甜辣醬味既炸雞，辣中帶甜而且清甜既芒果又可以平衡返個辣度成個味道好夾芝味炸雞(半份)一上台已經聞到好濃既芝士味食落更加濃雞都炸得唔錯，外脆內嫩鮑魚人參鴿配人參酒超足料！有超大隻鴿，食極都仲有湯底好香人參味同好夠味飲完之後暖笠笠泡菜鰻魚燒拌飯勁多料既一個拌飯，鋪到個面滿晒鰻魚都好肥美，食落勁香奶油芒果窩夫窩夫好香脆，點埋幼滑又好香芒果味既雪糕超夾青蘋果熱情果梳打、巨鋒乳酸特飲兩杯都好好飲，好爽，食咁多熱辣辣既野，飲返杯梳打就最岩

之前食過觀塘分店都唔錯，今次試吓大圍呢間，餐牌嘅選擇好多，有二人或四人套餐等我同朋友揀咗蜂蜜提子脆米炸雞，外表吸引，炸得卜卜趣，蜂蜜甜甜地包着外皮，加上脆米口感層次豐富，雞肉鮮嫩，只係我同朋友唔鍾意提子粒，所以唔要大醬海鮮鍋材料好豐富，有魷魚、蝦、青口、蜆等等，加上蔬菜好平衡，冬天食熱騰騰最適合，味道濃郁醬油蝦配糖心蛋亦很新鮮，之前都想喺韓國試吓，今次喺香港有機會食到，蝦好爽口，配上醬油味都唔錯前菜有泡菜、蘿蔔等等，辣辣地好開胃叫咗杯蜂蜜生薑茶，冬天飲很適合，薑味重夠驅寒價錢唔貴，上菜速度亦好快，係韓國餐嘅好選擇

嗌咗個冷麵同沙律，食落都幾普通。抱住hea 食一餐嘅心態本來都想算，不過佢又唔平。碗冷麵好似90幾，沙律100幾。啲料係唔差，不過又真係唔值呢個價。同環境同服務就冇乜嘢，冇失望都冇驚喜。咁諗住睇吓電視，望吓女團跳舞啦。呀佢啲電視又唔係對住啲客嘅喎。總之，真係食得唔開心，去到一個點我會打200個字先岀到個食評。我同女朋友兩個食完已經冇乜嘢講，跟住我仲要掛住打呢篇嘢佢又話我唔理佢。咁都打咗194個字囉，唔通唔打埋咩。煩。

滿心歡喜外賣下單，但點解食一碟炒雜菜，可以前後出現兩條頭髮？？🤮🤮第一條以為係偶然，第二條真係無下次！！搞到全家無曬食慾！！建議店舖加強對員工既衛生監察！！

早排MAMA有wannaone表演震撼眼球，但係今日竟然係大圍😳發現有間韓式餐廳嘅電視機播緊wannaone 嘅mv😍！身為wannable 嘅我相當興奮！第一時間衝過去睇下個menu食咩先😋門口都有幾多人等位排隊幫襯😊咁我就同男朋友一路睇住mv一路等位👯🏻‍♂️期待佢d野食😁 餐廳裝飾好有韓式咖啡廳feel😌同韓劇裡面嘅咖啡室一模一樣😂聽住Kpop韓流歌曲🎵同男朋友彷彿變成韓劇裡面嘅男女主角🕺🏻💃好浪漫💕 晏晝有午餐lunch set😍仲可以加小食同特飲🤤我們嗌左個大醬牛肉粉絲鍋🐮同醬燒豬頸肉蕃茄湯烏冬🐷加左3個小食同2杯特飲🍹我地充滿Energetic聽住''Make me feel so high 미치겠어🎵''等野食黎😋 大醬牛肉粉絲鍋 $68 黎到嘅時侯成個鍋滾住上🔥“卜卜卜卜卜”熱辣辣🤤見到即刻提高食慾搶先起啖湯試下先！大醬湯底有驚喜😋入口充滿大醬香！滾燙嘅湯加上辣椒微微嘅辣🌶令充滿寒意嘅冬天如沐春風🧚🏻‍♀️🧚🏻‍♂️微辣嘅湯帶住暖意一路沿喉嚨順流而下😌感覺好舒服！另外，牛肉肉質嫩滑🐂有飽滿嘅牛味🤤配上非常惹味嘅大醬湯🍵一大碗白飯好快唔見晒🍚 醬燒豬頸肉蕃茄湯烏冬 $68 烏

成日都經過觀塘個間小火焰，今日經開大圍先知原來都開左分店！天氣凍凍地唔知點解都想成炸雞！呢日星期六晚去到 都幾多人 不過唔洗等Menu都有2人餐 （明洞、弦大餐）不過想試多D其他野 就簡咗散嗌當然有叫到炸雞～兩個人食就叫左芝味炸雞（半份），d 肉質勁嫩，有芝士粉同芝士醬～真係好「芝」味！之後仲叫左韓式蟹籽卷蛋（$98）有好多蟹籽 同有6舊 份量都好多 自己都忍唔住食左4舊！！仲有埋沙津菜tim 另外見到好多人都推介韓式煎雜菜蝦餅($88) 食落真係幾有韓式風味 配埋泡菜辣辣地 幾開胃 但食完煎味又唔會太油膩下次再經開大圍都會再試埋個甜品同雪花冰！

難得入大圍食飯，想食韓國菜，見到呢間小火焰餐廳係觀塘好出名，而大圍都有分店，於是入去試吓。芝味炸雞半份($108): 雞肉非常嫩滑，而且炸得好香脆，平時唔食雞皮嘅我，都忍唔住食埋添呀！而且佢落左芝士粉+芝士醬，食落去成個口腔都充滿住芝士嘅香味，完全岩晒芝士腔嘅朋友嗌呢碟餸呀！泡菜肥牛炒粉絲($108): 粉絲質感黏得黎，又好彈牙，連埋泡菜一齊食嘅話，辣味嘅刺激感令我更加想食到幾多啖添呀！而且肥牛嘅鮮牛肉味，再撈埋韓式粉絲，亦好match! 不過辣味未必個個人都適合，食唔到辣嘅朋友要小心啦～韓式蟹籽卷蛋($98): 可能甚少食韓式卷蛋，蛋入面包住啲飯作為餡料，一開始以為好奇怪，但食落去感覺又好新奇，上面再加埋啲蟹籽，有少少脹爆嘅感覺，好有口感，令層次感大增！韓式煎雜菜蝦餅($88): 個餅底煎得金黃香脆，食落去有少少焦香味，但稍為油左少少🤏但好彩因為有雜菜去中和下油膩感，每塊餅都有1隻原隻鮮蝦，上面落左啲泡菜刺激味蕾，不過都係個句，食唔到辣嘅朋友就要小心下。