小火焰韓式咖啡廳 (樂富廣場A區)

营业中

休息中

今日嚟到樂富食晚餐，揀咗一間韓國餐廳，唔係傳統正式嗰種韓式菜，係有啲fusion菜嘅感覺。類似係日本同韓國嘅混合。😋叫咗個照燒雞扒蕃茄湯拉麵，係日式嘅感覺，蕃茄湯味道濃郁，雞扒亦都燒得好香，配菜仲有木耳絲同粟米，整體口感幾豐富。拉麵用咗幼麵，所以比較掛湯，食落去每一啖都充滿蕃茄味。🍅另外仲叫咗個鐵板野菜，菜嘅款式亦都非常多，有椰菜粟米仔翠玉瓜紅蘿蔔同紅椒等等，炒得好有鑊氣，蒜蓉味好香，而且一直用鐵板熱住，唔會好快就到。🤭韓國菜式方面就叫咗雙重芝士炸雞同埋燒牛肉水牛芝士沙律。水牛芝士成個氣球咁，玩味感十足。🤣

今日約左朋友做gym，做完緊係要食返多啲野補充體力路過見到呢間餐廳有隻咁得意既公仔係到，即刻就停低望下，原來間餐廳叫「小火焰」，隻公仔好signature，以後見到就知係呢間餐廳，老細都幾有諗頭呢到主打韓式食物，勁多野食，我地睇左好耐先睇晒成本menu最後我地叫左個蟹籽鍋飯，好足料，撈埋晒之後每一啖都有飯有餸，食落好香好多配料，味道層次十足蟹籽蛋卷，平時食開啲韓式卷物都係紫菜，呢到用左蛋代替紫菜，勁香濃蛋味，比起紫菜更有口感，配埋佢個醬汁食超好味芝士炸雞，每一件都有大件，某大型炸雞連鎖店啲縮水雞無得同佢比，件件都有過我隻手而且係即叫即炸，拎上手熱辣辣出晒煙上面芝士勁多，咬落好濃芝士味，炸得亦好脆，高質抹茶latte，好濃抹茶味，好好飲蜂蜜生薑茶，唔會太甜好暖胃，唔錯

久未外出覓食，想食啲heavy啲嘅野😂呢間小火焰韓式餐廳喺正聯合道商場入口，一落電梯就到。咁就唔使搵喇，今餐就食韓式炸雞啦！蜂蜜提子脆米炸雞（半份）（$108）欣賞佢可以揀少蜂蜜汁，就唔使成份炸雞俾啲醬浸住。另外亦會提供手套，好細心啊❤️炸雞上碟熱辣辣，個皮整得超脆😋蜂蜜汁提升左炸雞的味道，比原味就咁食炸雞冇咁膩。食晒四舊都唔覺好油膩👍🏻雞有用黑椒再調味，發揮正常。提子同脆米係呢個炸雞嘅靈魂，既令雞件甜度大增，個Texture亦因為有佢地而豐富左，唔錯。魷魚水冷麵（餐$72）午飯套餐1430前不設加一，包嘢飲，較晚市實惠。水冷麵同魷魚的質感都好煙韌，偏有咬口。蘿蔔蓉份量俾得好大方，整體湯底酸味夠出，食落有芝麻味。熱蜂蜜紅棗茶（跟餐）杯底有啲紅棗肉碎。可能因為嗌咗少甜，成杯味道相對較淡。如果有時配炸雞/想餐飲得清淡啲，都係唔錯的選擇。加配小食：忌廉蟹肉餅（加$16）正常一個急凍忌廉蟹肉餅~ 口痕價16蚊兩件，都算ok啦😬

今日去搵個好耐無見既朋友，懷念返以前成日上佢屋企一齊打機既日子。上去之前緊要食個靚飯，佢就帶左我去佢屋企附近既韓式餐廳食飯，估唔到樂富都好西食講緊既就係呢間小火焰，門口大大隻公仔一見到就知無去錯我地中午去到，都好多套餐選擇，每個套都有好多款食物可以揀，都幾抵食韓式蟹籽卷蛋，比想像中好食上面啲醬汁勁濃郁好香，好食到連隔離啲沙律我都點埋個汁食好高質芝味炸雞，呢到只係半份但已經勁大盤，每一件雞都好大隻，仲要係岩岩炸起熱辣辣，拎上手都差啲熱親面頭芝士勁多勁杰身，仲加左芝士粉上去，食落勁重芝味不過最底個啲雞就無乜芝士淋到上去，少少美中不足石鍋蟹籽彩雲拌飯，好足料，多到睇唔到下面啲飯除左足料，下面啲飯都有調味過，有少少似壽司飯既味道，唔怕食晒啲餸搞到白飯難以下嚥中意濃味啲仲有辣醬可以添加吊味不過真係要小心個鍋真係好熱，朋友唔小心比佢燙到一下呢到每份食物都勁大份，我地兩個人食三個餸都飽到頂任個肚，超正

見雜誌推介又見幾百個好評所以帶媽咪嚟試一試結果算係失望而回🙄食到半路可能係打工仔放飯時間好多人入。見 食評啲人多數都係post午市套餐，唔知好唔好食但係我就一心諗住食炸雞小食，本來想叫"明洞2人餐",但係覺得唔多吸引最終都係散叫，但原來選擇錯誤😓叫咗一份蛋捲、一分豬頸肉、一份原味炸雞 同一個海鮮煎蛋餅，蛋捲味道尚算唔錯，豬頸肉太硬老人家牙齒不好不啱食，炸雞雖然有兩款醬汁可以點但係炸得偏乾脆皮炸得過火太硬，最後嘅海鮮薄餅面頭放上很多泡菜， 餡料只係四隻蝦、幾塊羽衣甘藍，但食落去唔覺有啲咩味道，另外叫咗兩杯飲品，埋單$442, 平常喺香港食嘅正宗韓國人主理嘅都知道多數貴的，但喺依到覺得依個價錢完全唔合當，一點也不值🤦‍♀️

知道平時這裏如果叫晚餐的話是有啲貴，所以我們今天來吃午市套餐，結果真的很抵食，又有得叫韓國嘢，又唔使加一。最特別的是，這裏可以另外加小食，每樣都只是$10 ， $10仲邊度有得搵。還有用韓式熱鍋上的粉絲煲，真的很有韓國的味道。午市套餐會免費包埋這罐飲品，我比較喜歡白桃烏龍茶，因為這個荔枝飲品比較甜。首先上菜的是這個小食，韓式辣年糕，後勁10分犀利，一入口的時候不覺得很辣，但是過後才會覺得辣味攻上來，整體嚟講一碟小食能夠熱辣辣地上菜，真是值得加分。我們分別叫了韓式魚餅烏冬，同埋豬頸肉烏冬，烏冬的底其實一樣，又有海苔又有粟米，韓式魚餅真的可以試試，不像泰式蝦餅那麼彈牙。而豬頸肉烏冬整得10分入味，豬頸肉邊邊真的係趣卜卜的感覺。來到韓國餐廳，當然要試吓韓冰，平時就食得朱古力味多，今次就試吓芒果味，很喜歡芒果與Brownie的配搭，Brownie入口比較上煙靭，綿綿冰是用牛奶製成的，所以會比較甜，芒果醬汁去到底都會仲有，所以差唔多食到最尾我們覺得有點甜，因為芒果醬都流晒落去。

餐廳食物方面，菜式選擇很多，可以選擇單點或部分多人套餐，加入左fushion 菜元素，未算係十分正宗嘅韓國菜，勝在迎合不同香港人嘅口味，食物味道高質，份量好足，食完大滿足☺️蜂蜜提子脆米炸雞（半份）｜$108｜7/10外皮炸得十分香脆，炸雞表面被香甜嘅蜂蜜包圍，加了少許提子乾，甜味更突出雞肉肉質幾滑，幾juicy，味道咸咸地但未算十分入味，炸雞麵粉感薄d會更好蟹膏海鮮炒年糕｜$128｜8.5/10用蟹膏黎炒嘅韓式年糕鮮味好足，年糕軟度適中，煙韌又有咬口，而且配料豐富，有爽口大件嘅鮮蝦及鮮味十足嘅青口，呢款年糕特別適合海鮮控，份量好足，十分推薦

這家位於樂富廣場A區嘅分店，主打親民嘅韓國料理，採用左開放式嘅門口設計，從外面看餐廳內的擺設佈局算是表露無遺，門口放有餐廳標誌的小火焰卡通人像，生動可愛😜韓式煎雜菜蝦餅｜$88｜7.5/10餅底煎得十分香脆，與食開嘅韓式煎餅分別係，佢嘅配料似pizza咁舖曬係表面，而非混入去煎餅嘅麵粉入面，口感雖然無正宗嘅咁厚實，但就減少左飽滯感泡菜嘗有微溫，酸辣味令人好開胃，蝦肉食落爽口啖啖肉，烘過嘅羽衣甘藍出奇地香脆牛肉水冷麵（蘿蔔味湯底）｜$98｜8/10蘿蔔湯底好鮮甜，咸咸地之餘又帶點微辣，水冷麵麵底同樣討好，浸泡在冰水中，彈牙有嚼勁比較之下，牛肉肉質與味道相對失色，肉質較為堅實，適合喜歡嚼勁的人，牛味不算濃，整體冰湯味道溫和清甜，微辣味增添醒胃感😋

樂富商場越起越大，幾年冇嚟過，原來依家有咁多嘢食。中午飲完個茶行咗成日，夜晚就搵咗呢間韓式餐廳食飯。由於好鍾意食芝士，所以叫炸雞嘅時候揀咗個芝士炸雞，炸雞上邊除咗有濃濃嘅芝士醬，最上面終審上左滿滿嘅芝士粉，每一啖都充滿芝味。另外仲叫咗一個打卡必備嘅水牛芝士燒牛肉沙律，原來個水牛芝士係成個氣球咁，水牛芝士咁樣整都係第一次見。一切落去嘅時候就會漏氣，之後可以切到一塊塊配上牛肉一齊食。餐廳嘅裝修亦都幾特別，好playful好年輕嘅感覺。

樂富廣場最近新開呢間韓國野吸引左好多上班族放lunch過嚟食所以我都唔執輸要過嚟試下甜辣年糕炸雞半份 $108炸雞的醬汁辣度唔算好勁, 幾岩女仔口味而且醬汁好足料，可以包覆大大件炸雞本身, 半份嘅話會有4大件, 兩個人share絕對夠食加$3可以加杯涷蜂蜜紅棗茶用嚟配個炸雞, 感覺好似無咁邪惡泡菜醬燒黑豚拌飯(小辣) $68黑豚肉塊勁厚，而且一啲都唔會好乾白飯加左紫菜同泡菜一起拌均嚟食好開胃炸紫菜卷 $48炸紫菜卷係自己喺屋企整唔到，但又成日想食嘅野, 新鮮炸起嘅紫菜卷內含粉絲，外酥內軟的的口感爽滑Q彈，讓人一試難忘!見到餐牌仲有好幾款waffle 同 brownie 等甜品可以揀, 一於下次有機會過嚟食晚餐先試下!! 

媽咪生日，所以就決定同佢過嚟食餐好嘅嘢食呀。我哋叫咗一個1901路梁津海鮮炒飯，叫咗一個綠茶拿鐵，同埋朱古力糯米糍雪花冰。 呢度可以電子自己落單，咁就唔會錯喇。10分鐘就有嘢食送黎。個炒飯用石鍋裝住，保溫正，仲做到好似少少煲仔飯咁，有啲飯焦喺度，而且充滿韓式風味，打卡一流。用料都好豐富，有魷魚鬚，仲有四隻青口，四隻大蝦，啲蝦夠晒新鮮，咬落夠彈牙，唔會黐住個殼。呢個醬汁都非常之好，少少辣辣地夠惹味，個飯返好快我哋就食晒啦。 綠茶拿鐵可以飲到奶香味，唔係奶精味，唔會過甜，加埋面頭嘅綠茶粉同奶泡裝飾， 媽咪即刻影相。 到最後個甜品又睇得又食得，有成三大粒朱古力糯米糍，糯米糍煙煙韌韌，出邊仲有啲朱古力粉，咬落去軟淋淋，配埋雪花冰，真係夏日必叫嘅甜品。

小火焰韓式咖啡廳樂天兒童餐($78)細細一份但勝在選擇多，仲用左飛機造型餐盒，好食又好睇，細食又想試唔同野就依個最好紫薯沙冰 ($48)超大杯，超抵飲，大過我雙手，如果唔即時飲嘅話，啲冰就會溶左流出杯外，所以要快啲飲，而且佢有幾粒紫薯，淨係飲依杯咁大杯嘅野食就已經夠飽。紫薯味都好足，只係大杯得濟就係因為佢嘅飲品太大杯所以我先食兒童餐😂😂位置有少少難搵，個商場個電子地圖度都冇寫到🥹反正個位置係爆谷同廿一堂🥹

小編周五放假鬆一鬆，懶人嘅我食午餐梗係黎間近近地又抵食的，認住呢個🔥小火焰招牌公仔，無錯啦!佢就係觀塘人氣小火焰韓式CAFE嘅新分店。來到樂富分店空間感比觀塘區分店足足大左一倍!座位闊落開揚舒適0，一路播放著K-Pop音樂K-Pop MV，平日來一轉韓國食個韓風午餐真心幾Chill!餐牌應有盡有，非常多選擇，QR code落單，價錢夠哂經濟實惠!餐員大部分都係後生仔女，服務有禮，店內亦提供WIFI自由自在。🍜明蝦水冷麵(蘿蔔味湯底) $80推介:⭐️⭐️⭐️⭐️⭐️夏日首選中午行出街嘅天氣熱到滴哂汗，最適合就係食返餐冷麵降下溫，上檯色彩吸睛，三隻大蝦加半隻熟蛋仍為主要材料，湯底旁有冰粒加凍，初頭諗住個湯會否變淡，原來味道冰凍得來岩岩好，配料有碎蔥花、芝麻、蕃茄仔、紅白蘿蔔等，麵身爽口，大蝦清甜有咬口，值得推介到韓國都必食的冰爽水冷麵 。凡叫餐都可以追加小食，由於咩都想食就選擇叫左個炸雞Combo更加滿足。🍗炸雞Combo $88推介:⭐️⭐️⭐️⭐️⭐️必點!韓氣推介! 甜辣味炸雞、雞軟骨及炸薯條三款合成的Combo雞肉嫩滑、外脆內軟、鬆化可口，甜辣味調得非常滿意。薯條灑上甜美的芝士粉，個人覺得比之前沾上

平日行開樂富都留意到新開嘎呢間韓式餐廳，今日終於約埋一堆好友一齊炸雞燒酒啦！鋪頭好闊落，空間超大，裝修好時尚，加埋Kpop音樂，都十分有韓feel。店員安排位置好快手，Menu真系勁多野，前菜、小食、主食連飲品厚厚一大本，好彩QR code落單都方便。韓餐肯定唔少得前菜啦，三色泡菜，個人比較鐘意距地個海帶。醬油蝦+紫菜飯，大蝦質素非常好，食落有啲似日本甜蝦，味道鮮甜。燒豬頸肉配韓式辣醬，別有一番風味，豬頸肉醃制入味，又燒得十分香口。炸雞就肯定有嘎啦，同平時食開嘎炸雞唔同，層皮超級脆，而雞肉又好嫩，唔會柴，點埋醬真系超級優秀。吹脹水牛芝士牛肉真系好得意，溝埋曬一齊，味道好豐富，牛肉唔dry，唔韌。龍蝦炒辣年糕，個人覺得辣左少少，但系味道十分惹味，鐘意食辣嘎朋友應該都會鐘意。甜品芒果窩夫就稍微遜色少少啦，中規中矩吧。值得一提的是，距地飲品真系勁大杯，個人比較鐘意蜂蜜柚子同埋荔枝蘇打。

朋友成日放工翻工都行过呢间铺头，话见到入面几宽落，應該會坐得几舒服，然後就日日問我幾時得閒一齊去食。終於我地湊夠五個人，可以陪距一次食曬距想食既野了。 我地叫左個4人餐，五夠再加野食。不過四人餐種類已經好多了，人均200几，其實都算接受到，畢竟出來同朋友聚餐，梗係食好滴啦。事實上，呢間鋪頭滴野都係五錯的，有新意有味道。本人首推個炸雞，套餐裡的原味炸雞有大概5-6件，都好大件，食落同平時的炸雞五太一樣，呢個皮五係果滴魚鱗皮，但係好脆，雞肉又入味，真心推薦。我地都比較中意食海鮮，加錢點個龍蝦炒年糕，講真，個龍蝦係新鮮既，因為食五出雪藏味，龍蝦肉都多，個味有少少辣，配上年糕真心好食。鐵板魷魚係套餐外，但是值得一試的，首先魷魚都大條，上來係熱既，只味都好五錯，多人來食的話，點呢個都好飲料方面，我五中意太甜，飲左個柚子蜜，甜度剛好，令我滿意。