小漁港海鮮舫 鮮蒸‧鮮味火鍋

营业中

休息中

小漁港海鮮舫，超抵食又新鮮 淘鲜蒸鍋套餐🍽已經吃過多次，$299，$399套餐也試過今次有朋友生日選擇這到慶祝生日。套餐有日本魚生拼盤👍海蝦南非鮑魚元貝蜆青口阿拉斯加蟹👍蟲草花膠雞烏冬👍強烈推介 蒸出嚟嘅雞汁撈在烏冬度好入味如選粥底都吾錯，海鲜精華混合咗粥到十分鮮甜最後還有和菓子🍡甜品，真是大大滿足真心推介， 雖然沒有豪華裝修，坐位比較窄，枱也不算多，但人氣爆燈， 如 假日一定要預先book位。📍太子荔枝角道127-133號地舖

10/9因為同親戚慶祝生日，所以走左去呢間。環境格局似小型舊式漁港主題酒樓。環境乾淨整齊，服務都ok。當時叫左398/1位嘅套餐，2人起跳。有幾多野食下，包括刺身，龍蝦，瀨尿蝦，海蝦，馬友，元貝，鮑魚，貝殼3款，蔬菜，鷄烏冬同粥，份量幾大下。首先係個刺身，魚同帶子冇乜特別，但係個主打象拔蚌係好明顯新鮮手切，清脆爽甜，會有少少海腥味，所以對魚腥味敏感嘅人有可能覺得有啲難受。然後服務生會上開始蒸海鮮，當中龍蝦可以食到佢嘅鮮甜味，再配有佢獨有嘅海咸味，肉質超爽脆。瀨尿蝦嘅話會比龍蝦冇咁爽，不過蝦身小孩手臂咁長，味道比龍蝦更加清甜，殼軟易剝，啖啖肉，連蝦鉗都有肉可以食。元貝同鮑魚反而冇乜特別，鮑魚比較淡口冇乜味，元貝正常。反而螺，花甲同蜆幾正下，無配料原味蒸，但係可以食到完全冇砂，仲要非常新鮮，有獨有貝殼嘅鮮甜得呢仲有海咸味，口感個個都係超彈牙超新鮮。粥嘅話又係重點，因為長時間煮，所以一出爐會係似潮州粥，非常黏口，而且因為有一堆龍蝦頭放入去一齊煮，所以會非常有蝦膏味。整體來講非常推薦，最好約三两個人一齊食會比較好。

今晚天文台掛8號風球沒有落雨與家人到《小漁港》食海鮮蒸鍋，因海鮮高質又新鮮，店員姐姐勤快親切又友善。我們選海鮮蒸鍋$318：先送上刺身拼盤：有厚切三文魚、帶子、北寄貝、鯛魚、金槍魚。全部都肥美新鮮嫩滑，很鮮甜很美味好好吃😋吃完刺身店員姐姐將米和豬骨放入鍋中，然後開爐蒸海鮮：蒸粉絲大扇貝：粉絲索左扇貝汁鮮甜，大扇貝肉好鮮甜美好吃😋開邊蒜蓉海蝦：兩隻海蝦爽口鮮甜。鮮活鮑魚：大大隻爽口味清甜。馬友魚塊：魚肉嫩滑。蒸貝殼類：有東風螺、兩種蜆肉全都新鮮清甜好吃。蒸大肉蟹：店員姐姐把蟹蓋放鍋底煮粥，頗大隻肉蟹，蟹肉超鮮甜肉質彈牙蟹膏甘香美味😋荷葉蟲草花蒸雞件：有南瓜片、粟米、大蝦乾絲瓜、日本紫蕃薯BB、芋頭片、烏冬，雞肉嫩滑味鮮甜，蔬菜夠健康。粥底：有鹹豬骨、乾元貝仔美味香滑，綿滑可口。小食：避風塘鮮魷，鮮魷炸得鬆脆可口。甜品～紅豆大福好好食。飲品～椰青水&法國有汽血橙汁。總結～食材新鮮，服務好，價格合理。

［是日廚師自選套餐］一口價（免加一、免小食、免茶芥）刺身拼盤一坐低先嚟碟刺身拼盤打下卡先。款式有希靈魚、帶子、北寄貝、吞拿魚同三文魚。款款新鮮，凍食口感好正😊小食：避風塘魷魚鬚外皮非常香脆，避風塘口味好惹味👿。魷魚鬚質感非常軟身。［海鮮款式多］蟹、海蝦 、蜆、鮑魚、粉絲元貝、蠔🦪、魚🐟、蟲草花蒸雞（烏冬底—配勝瓜、小番薯、玉米、芋頭、南瓜）依個套餐好豐富，竟然咁多款海鮮。當然全部海鮮都好新鮮，肉質彈牙。粥底：乾貝豬骨粥落蟹蓋一齊慢煲，蒸海鮮汁會慢慢向粥底流，成窩粥超鮮甜，仲好多粒乾貝仔tim😋

香港人喜歡食海鮮，我都唔例外！今次去咗 ～小漁港 食蒸海鮮，當日座無虛席，好彩有訂位！其實八、九點鐘都仲係坐滿人的！餐廳牆身掛住幾幅昔日漁港風貌的巨型畫作，好有漁港風味啊！是日廚師智選套餐星期一至四免加一免茶芥 $318/位，抵食超值，套餐包括～刺身拼盤、八款時令海鮮、四款時蔬和一款主食！刺身拼盤～三文魚、油甘魚、帶子、北寄貝、希靈魚，都算厚身份量唔少😊再點一個小食，椒鹽白飯魚，食住等海鮮，白飯魚炸得香脆嘅！全程都有職員幫忙蒸煮，唔洗自己動手只係食就可以😆佢會順序將海鮮放上蒸架，時間到⌛️會揭蓋提示我們先食那一樣先！第一輪海鮮有：鮑魚、鮮蝦、粉絲蒸扇貝、魚第二輪有生蠔、花甲、蜆海鮮全部都好新鮮，嚿魚好好味超鮮，蒸嘅時間都恰到好處剛剛熟，又鮮又嫩，點少少豉油已經非常好味！第三輪有膏蟹多肉有膏大大隻，自己去街市買都唔平，非常鮮味，連蟹鉗蟹腳都長滿肉肉！主食有蟲草花蒸雞伴烏冬，雞件同烏冬都蒸得很滑，仲有多款蔬菜伴碟，南瓜、粟米、芋頭和蝦米絲瓜，蔬菜同烏冬吸收了雞汁好味 😋一開始時先在鍋中加入粥、豬骨和小乾貝，然後蓋上蒸餸用的濾網，上面再放海鮮，每次蒸海鮮的汁液精華流落鍋中，最後粥吸收了所有鮮味

小漁港海鮮舫，位於荔枝角道133號（近雷春生附近），一去到門口見到一個大魚缸，好有舊香港情懷，係回憶嘅味道，行到入去店，原來都好多人，好彩我哋有訂位，呢度都係好多街坊嘅聚腳點一坐低先嚟一個冷盤刺身，有魚生、希靈魚、帆立貝、北寄貝，全部都搵含豐富蛋白質係我最鍾意嘅食物，然後一個熱盤係朝鹽魷魚鬚，鋪上一浸黃金蒜蓉，香脆可口跟住就會係我哋嘅主菜，原隻蒜蓉蒸龍蝦，首先將龍蝦頭放入去下層嘅粥底鍋，慢慢熬啲粥，以上層精出一隻蒜蓉龍蝦，呢度嘅服務非常周到，侍應會幫我哋調校好時間，等時間制一度，佢哋就會幫我哋打開蒸蓋，唔需要我哋動手，而且蒸出嚟時間啱啱好，龍蝦非常之厚身又彈口當然呢度係海鮮蒸，點會少得有貝殼三寶、魚、鮑魚、大蝦、扇貝，所有嘅海鮮食材都非常之新鮮，而且處理得非常之乾淨，完全冇腥味冇雜質，最後有個蟲草花蒸雞配烏冬，再配搭上時令蔬菜，蔬菜朔滿晒雞汁，唔需要調味都已經好好食最後唔少得個精華所在，當我哋蒸緊嘅海鮮嘅時候，啲海鮮汁牛晒落去下層嘅粥底鍋度，當我哋一打開見到，龍蝦嘅膏混埋鮮香嘅豬骨粥味，原汁原味，齒頰留香我哋一行三人都食到非常之飽，再加小酌兩杯啤酒，確實係一個聚腳嘅好地方，而且價錢都唔

很久沒吃蒸氣海鮮火鍋了，以前經常吃的，而在好像少了，今次吃得很滿足。這家位於荔枝角道的餐廳，挺爆場的。晚市我們選擇了 318 元的套餐，從第一口刺身開始，就讓人留下深刻印象。刺身拼盤包括了厚切的三文魚、鮮甜的油甘魚、肥美的帶子等，新鮮度直逼高級日料理店。緊接著是重頭戲——蒸氣海鮮。每一份海鮮都是肉眼可見的新鮮，從活蹦亂跳的蝦到肉質緊致的鮑魚，再到鮮嫩的馬友魚，蒸海鮮最重要是有專人控制蒸的時間，每一樣都蒸得恰到好處，保留了海鮮最原始的鮮甜與風味。蒸氣海鮮鍋最令人期待的，莫過於最後的海鮮粥底了，味要夠鮮，質要夠綿，今次用蟹蓋去煲，加上幾輪海鮮蒸煮，粥底充滿了海鮮精華，鮮甜可口。

book咗12位，但臨時有朋友出席唔到，變成11位。收銀個大叔鬧我哋鬧到成間舖啲人都望住我哋，話我哋霸住佢張大枱。11個，同12個真係咁大差別？呢間必定無下次！

近年香港流行Omakase，衣家連蒸氣火鍋都有廚師發辦啦！😂晚上同老公黎到太子《小漁港海鮮舫》，八點鐘去到依然滿曬座，真係好受歡迎喎！🙈第一次黎，先試下佢地最平的318元/位「是日廚師精選套餐」吧！套餐包括:「刺身拼盤」有三文魚、油甘魚、北寄貝、帶子及希靈魚。「八款時令海鮮」是馬友、鮑魚、扇貝、大蝦、生蠔、蚌、蜆及膏蟹。四款時蔬及一款主食「蟲草花蒸雞」。星期一至四，仲免加一，免茶介，免埋小食，性價比都幾高下喎！😏起初還以為免費小食是蕎頭和黃豆，原來是「避風塘鮮魷」，而且份量不少，還很惹味。最重要係成個套餐食咗成兩個鐘，全程都有專人服侍，唔需要理會要蒸多少分鐘，到時到候就有專人嚟搞，又唔洗你去攪個粥底，你只需要專心食就得喇！😉蒸氣火鍋粥底就是靈魂，店員先把米及豬骨放下，連同蟹膏蟹蓋，上面一邊蒸，鮮甜既海鮮味全滴到粥底，當食到最後再品嚐這鮮甜海鮮蟹粥，每一口都充滿滿足感😊

咁，先叫豐富，而且係海鮮中嘅最豐富。雖然由太子站行過嚟要大約10分鐘，但呢個”小漁港海鮮舫鮮蒸‧鮮味火鍋”，平日直到8:30pm仍然爆場。到底有咩秘密？答案可能就喺呢個$318的套餐之中 (星期一至四，免茶芥加一小食費)。呢個套餐包以下嘢食:先嚟”刺身拼盤”。除了三文魚帶子呢啲正常嘅，仲有琵琶蝦，新鮮鮮甜。之後阿姐就開始蒸嘢食，蒸嘅時候嚟咗”椒鹽鮮魷”，可以食住先，水準還好。之後嘅海鮮都係有阿姐代勞，我哋只係負責食。打頭陣嘅海鮮係”鮑魚”、”海蝦”和”馬友魚”。其實鮑魚和海蝦水準已經好好，質感鮮味都有，但個人更欣賞馬友魚，唔會蒸過龍，非常鮮味。再嚟就係”蟶子”、”蜆”、”花甲”同”青口”。當中聖子係好清甜，但似乎少咗啲粉絲同蒜蓉比較清啲。蜆花甲同青口就相當有水準。其實以上幾種海鮮，我一啲沙都食唔到，非常難得。跟住就食”蟹”，又厚又多肉。更重要嘅係佢嘅味道會落晒下便嘅粥度。所以今晚個粥係帶有非常香嘅蟹味。除此以外，阿姐仲整咗個雞肉烏冬，係用雞油味撈埋蒸熟咗嘅烏冬，估唔到咁有創意。再加埋啲配菜。都咪話唔飽。甜品係黑糖豆沙mochi，叫做有啲甜嘢令人滿足啲。今晚食嘅海鮮全部都好新鮮，冇腥味，

位於太子「小漁港海鮮舫 」，主打蒸新鮮海鮮，地方佈置得好喜慶，好有中國特色，而且都幾爆滿，非常熱鬧，好彩一早book 左位😉👍卡位都好寬敞舒適。服務態度殷勤有禮，每次會主動過來協助蒸食材，及調校蒸調時間，令顧客安心享用。今晚我地就叫左海鮮蒸鍋套餐，$318/位🥰，每人仲可以叫一款無酒精飲品。🌸喬頭、炸鷹嘴豆餐前小食，喬頭係我最愛之一，而炸鷹嘴豆，加不同調味粉，好惹味😋🌸刺身每件刺身都好新鮮及凍，為整餐蒸氣鍋掀開序幕。🌸避風塘鮮魷好友好鍾意食魷魚，呢款避風塘鮮魷，即叫即炸，熱辣辣夠乾身酥脆，避風堂超惹味。🌸蟹店員首先將部份蟹放落豬骨湯底，熬成粥。🌸魚、扇貝、蝦及鮑魚魚蒸完要即刻食先，就唔怕會腥，大大隻扇貝，粉絲撈埋豉油、香蒜嚟食，特別滋味🥰🌸蠔、蜆蠔🦪好大隻，蜆好鮮甜。🌸蟲草花蒸雞+蔬菜拼盤芋頭、絲瓜蝦雞肉嫩滑，蒸南瓜芋頭，配埋烏冬，健康又美味。🌸蟹粥粥底熬得好綿，好飽下😅，已經唔食得太多。🌸甜點豆沙水晶飽，细細粒，煙煙靱靱，甜度適中。♨️小漁港海鮮舫 鮮蒸‧鮮味火鍋 (太子)📮太子荔枝角道127-133號地舖☎️28689863📱68833144

今天非常忙碌，到了八點多才開始去找飯店吃晚餐，見到這間這家小漁港海鮮舫這個時間點都燈火通明，顧客滿盈相當熱鬧！海鮮舫裝潢很有漁港風情，天花頂吊大紅燈籠和漁夫草帽，墻上是山水畫和對聯，就連蒸汽鍋也是用漁夫草帽做蓋，相當有趣！不但可以見到比手掌大的瀨尿蝦在蒸汽火鍋裡面活蹦亂跳的樣子，最令人驚喜的是各種海鮮食材在蒸汽的熏陶下都是前所未有的鮮甜，叫人領略到什麼是原汁原味的真正味道，難怪香港人中意吃海鮮！鹹香濃厚的粉絲元貝、彈牙鮮甜的鮮蝦以及超值的鮑魚Q彈肥厚，貝殼三寶有蟶子極鮮甜，咬落滿口生津！鮮嫩得無與倫比的魚塊，整個大大隻阿拉斯加蟹的蟹肉和蟹膏多到爆漿，完全保留了原有的鮮味,回味悠長！蟲草花蒸雞配烏冬+農家四寶農家四寶是南瓜、絲瓜、玉米和迷你型番薯，番薯比手指細但是好甜糯，香嫩多汁的雞肉,有韌勁的烏冬吸飽了各種融合而來的香汁,所有食材放在荷葉上，增添了荷葉清新的香氣，整道菜令人賞心悅目，不僅口感豐富,更是營養均衡！除此之外,刺身拼盤也是相當出色甜美,瑤柱排骨蟹粥濃郁香醇,暖胃養生;避風塘鮮魷又脆又嫩,香味十足；紅豆沙粉果,香甜可口,滿滿的紅豆沙，完美的餐後甜點！

第二次來食蒸海鮮🦪之前已經覺得好滿意😙同朋友經過附近，便介紹他來一起吃🍴先來頭盤一大碟刺身🍣有三文魚，北寄貝，元貝，油甘魚，非常豐富😁再來椒鹽魷魚，炸得金黃香脆🔥外脆內軟好香口😋主菜蒸海鮮出場～有海蝦、大元貝及蟹🦀店員很細心地幫我們將海鮮放在盤上蒸，很快便可以吃🥢海鮮賣相吸引，鮮味十足🤩之後還有大蜆及刀貝，份量好多，同樣鮮味十足😘吃完海鮮，來個蒸雞🐔雞肉好入味，肉質嫩滑🤤烏冬吸收了雞汁精華😍口感彈牙惹味🍜最後吃個海鮮粥底，味道鮮甜，非常滿意🤗

自從屋企附近個間蒸氣海鮮火鍋執左 就已經無再食過🥲 最近俾我搵到間一個價錢 有多款時令海鮮 岩哂選擇困難症 又包你食到夠飽肚既蒸氣海鮮火鍋 位於太子既「小漁港 海鮮坊」♨️🥢是日廚師精選套餐 $318 / 位• 刺身拼盤有三文魚腩 ; 帶子 ; 鰤魚 ; 希靈魚 ; 北寄貝😍 全部都非常新鮮 肥美誘人🤤• 八款時令海鮮第一輪先食左 惹味鮮甜既「蒜蓉粉絲扇貝」; 肉質紮實既「海草蝦」🦐 ; 爽口彈牙既「鮑魚」同埋 肉質鮮嫩 魚味濃郁既「馬友」🐟 而第二輪就食左 鮮嫩爽脆既「蟶子王」 ; 新鮮滑溜既「生蠔」🦪 ; 厚身韌口既「沙白蜆」😌 最後就系重頭戲 肉質肥厚既「大肉蟹」🦀• 四款時蔬有絲瓜 南瓜 芋頭 粟米 同 小蕃薯 夾埋荷葉蟲草花蒸雞件🐥 蒸完之後啲雞油標哂出嚟 最後撈埋啲烏冬一齊食• 主食一份用蟹膏蟹蓋 豬骨 瑤柱 加埋海鮮既精華煲出黎既粥底🥣 健康又好味💁🏻‍♀️ 仲要份量超多到最後要打包走😂椒鹽白飯魚 $68見到隔離枱都嗌左小食 忍吾住嗌😜 香酥惹味

聽朋友推介太子有間蒸氣火鍋，超級抵食👍🏻講緊三百幾蚊已經可以食到海鮮大餐（有蟹㗎！）雞肉、豬骨粥等等😍嚟到又真係覺得性價比超高，食到勁飽🤰🏻海鮮蒸鍋套餐（$318）首先會包咗五款刺身，分別有三文魚、帶子、北極貝、希靈魚同油甘魚～五款刺身嘢都係正常放題質素，切得都幾厚下🙌🏻跟住就會到蒸海鮮👍🏻分別會有手掌咁大粒嘅帶子、油脂感超舊嘅馬友、四隻竹節蝦同兩款大鮑魚😍其中最令我有驚喜嘅係馬友💯蒸完之後啲肉幾軟、油脂感🆙!! 🤩仲食到啲牛奶味😎之後就會食到膏蟹，膏蟹都好大隻同埋好多肉💯海鮮類就到呢度完咗，跟住就會食蒸蔬菜同埋雞肉烏冬🤩想講雞肉超級多油脂，浸晒落啲烏冬度超級香，非常濃味👍🏻烏冬係日本嗰隻💯最後就會食埋用膏蟹蓋加豬骨整成嘅精華粥，粥嘅話個人覺得偏淡少少🤏可以叫姐姐攞啲鹽～