小滿定律

营业中

休息中

西貢近年多左好多人入去，所以多左好多打咭小店。今日經過見到有間裝飾得幾別緻嘅店仔，原來係食乳酪雪糕嘅，佢店舖好細，所以不設堂食，而且長期都有人龍。一杯希臘乳酪雪糕$58，有3個配料同1款醬汁，我就揀左海鹽焦糖脆脆、芒果、檸檬芝士蛋糕配紅桑莓汁，海鹽焦糖脆脆好有焦燶味，唔會太甜，芒果肉有芒果香，而且好甜，檸檬芝士蛋糕都好好味，不過就略為細粒左啲同埋得一舊，唔係太夠吃。乳酪雪糕好易溶，可能天氣熱，前後夾埋10分鐘唔夠要即食晒，唔係變水了😂唯一唔太好係太多人，店舖太細，啲啱啱買完飛嘅人塞晒係店入面，我買完即刻出門外等，到我嗰陣我要逼返入去再逼返出黎都幾辛苦😂同埋人咁多係一個咁細嘅範圍入面，疫情下都有啲驚驚

星期日同老公係西貢食完lunch之後，身為女性既我就自不然好想食甜品。我最近知道西貢呢間小滿定律好多人幫襯買乳酪雪糕，所以一早鎖定目標要食。一杯裝既乳酪雪糕$58，可以揀三種配料同一種醬汁，比筒裝既抵食好多，所以揀左杯裝。配料方面我地揀左藍莓、brownie同咖啡蒟蒻，醬汁揀左蜜糖。唔駛等好耐，好快就有得拎。我無諗過個雪糕有甘多圈，好高身，比我想像中抵食好多。雪糕味道酸酸地，質地都夠滑，但溶得都快。Brownie細細舊但好甜，咖啡蒟蒻後勁咖啡味先出黎。

為咗滿足兩個小朋友，我哋大人食完海鮮就帶佢哋去乳酪雪糕（都成10月啦仲咁熱）⋯呢間因為我之前食過都好好食😋兩個小朋友梗係叫兩杯啦！一個叫晒全部水果，因為我想試焦糖脆脆，所以我慫恿表妹試🤣🤣插咗係雪糕嗰度又靚，一攞到雪糕就打張卡先😆咁啱買完雪糕，門口有位，呢個又係打卡位，其實入邊滿晒人，買雪糕都等咗一陣間🤓打完卡即刻嗱嗱聲食⋯⋯我一路食佢哋兩個杯雪糕⋯我好滿足啊🤣🤣大家入到嚟記得都試吓⋯⋯重點係呢啲雪糕冇咁肥（心靈上好過啲）🤣

#fatxsaikung ‼️ 西貢𝗳𝗿𝗼𝘆𝗼 小店 ‼️•① ［ 𝗚𝗿𝗲𝗲𝗸 𝗬𝗼𝗴𝗵𝘂𝗿𝘁 𝗶𝗻 𝗰𝘂𝗽 : ( 3 ᴛᴏᴘᴘɪɴɢs +1 sᴀᴜᴄᴇ ) ] | ᴛᴏᴘᴘɪɴɢs 選了 海鹽焦糖脆脆// 檸檬蛋白霜// 綠茶糯米糍。Sᴀᴜᴄᴇ 選擇了 𝗛𝗼𝗻𝗲𝘆 🍯 雪糕唔會太膩，有少少 𝗦𝗺𝗶𝗹𝗲 的味道。呢度特別之處係配料有好多特別選擇。海鹽焦糖脆脆 很大塊，雖然𝚊𝚏𝚝𝚎𝚛𝚝𝚊𝚜𝚝𝚎 係有點苦，不過也好吃的！大讚 綠茶糯米糍🫶🏻煙煙韌韌好食！去到西貢玩到好熱，食呢個都係一個唔錯嘅選擇｜𓋪 8/10•② ［ 𝗚𝗿𝗲𝗲𝗸 𝘆𝗼𝗴𝗵𝘂𝗿𝘁 𝘄/ 𝗰𝗵𝗶𝗮 𝘀𝗲𝗲𝗱𝘀 ］｜朋友叫的。可以選擇2𝚝𝚘𝚙𝚙𝚒𝚗𝚐𝚜 （ 𝗰𝗼𝗳𝗳𝗲𝗲 𝗷𝗲𝗹𝗹𝘆 // 𝗺𝗮𝘁𝗰𝗵𝗮 𝗺𝗼𝗰𝗵𝗶 ) +𝟷 𝚜𝚊𝚞𝚌𝚎 ( 𝗿𝗮𝘀𝗽𝗯𝗲𝗿𝗿𝘆 ) ｜𓋪 9/10·Law of Yogurt (Sai Kung)Shop 3, G/F, Ko Fu Building, 58 Fuk Man Road, Sai Kung#hongkongfoodies #香港 #香港食物 #香港美食 #food #hongkong

$58 in cup 3 toppings + 1 sauce揀咗(海鹽焦糖脆脆+Brownie+香蕉 配 美祿粉)果然係排名no.1 topping😂😂 海鹽焦糖脆脆好好食份量都唔少 有三四塊幾大塊下 為咗佢會想再encoreBrownie 係牛油感重啲 偏fudgy的 好濃朱古力味！香蕉係夾咗喺雪糕中間～幾好～美祿粉 就正常發揮 覺得襯蜜糖可能正啲！至於雪糕本體，份量好多！食一個都飽飽地唔算係好酸嘅希臘乳酪雪糕 正常好食～另外試咗朋友個 綠茶糯米糍 topping 幾有綠茶味但唔夾乳酪雪糕😂😂😂聽朋友講 咖啡曲奇 都好正～下次會想試（海鹽焦糖脆脆+芒果+ 未諗到 配 熱情果汁）酸酸甜甜應該仲夾👍🏻

希臘乳酪雪糕🍦@小滿定律每次去到西貢都見到好多人排隊🫣終於都試左一次cup yogurt ice-cream@$58 可以揀3款topping 🤍好多款式可以選擇: fruit/ cookies 🍪 / crunchy / chocolate 🍫 / jade lemon 🍋 , 仲有期間限定嘅芋圓🫶🏻🫶🏻🫶🏻On top 再配埋sweet/ sour sauce 🫙🫙🫙📍今次試左藍莓🫐+芒果🥭+芋圓plus passion fruit sauce 意外地都幾夾📍芋圓嘅煙韌令到成杯yogurt 更有口感📍3種水果嘅combination 令overall 好fresh 亦都唔會太酸 match with yogurt! 值得再試🤍

一直睇到好多人入西貢都要打卡下尼杯yogurt雪糕，次次經過門口都好多人咁，終於到我入西貢可以試到🥳🥳cup $58可以揀3咁topping+一個saucecorn $38蚊淨係可以揀一個topping我揀左芝士蛋糕，焦糖海鹽脆脆，抹茶糯米糍，同埋紅莓醬雪糕本身幾好食，好濃郁嘅yogurt味道溶嘅速度都比較快，要拿拿聲食。三款topping就頗失望，芝士蛋糕食落散soso，完全唔係紮實嘅口感，亦都無乜芝士味…抹茶糯米糍嘅抹茶味好人造香精味，食落口感都唔係糯唧唧嘅感覺，好失望….焦糖脆脆係算唔會出錯嘅選擇，不過我見人地都係插係雪糕上，唔知點解我果d係雪糕夾層D雪糕一溶，焦糖脆脆都跟著溶埋…搞到杯嘢一半都甜左好多食落勁漏…價錢都唔係平🫤整體都頗失望

Ooo西貢必食世一乳酪🍦ooO早排去開西貢即刻去試下bookmark 左好耐既西貢人氣希臘乳酪雪糕🍦！佢1點開店，我預早5分鐘左右到店已經有幾位客人在店外排隊👀好彩我早少少🤏🏿咋，我離開時人龍已經好長了！希臘乳酪雪糕杯/筒+3 Toppings +1 Source 🍦$58我撰晒店內配料人氣榜既頭3位🌟🍨海鹽焦糖脆脆 ——大愛💕果然係no.1 🥭芒果 ——新鮮香甜🍵綠茶糯米糍——口感煙韌，唔太甜😋Source——美綠粉👍🏻

好少食雪糕嘅我成日聽到人話西貢好多雪糕食 今日西貢一日遊 食完飯經開又無人排 即刻買左杯試🥳好好食！ 尤其個海鹽焦糖脆脆 真係食到好開心！ 個yoghurt本身味道亦好好 下次要再黎食

𝑳𝒂𝒘 𝒐𝒇 𝒀𝒐𝒈𝒖𝒓𝒕終於都試到依間位於西貢市中心超人氣乳酪雪糕店！果然人氣爆登唔係冇原因！今次已經係我第二次食！短期內回訪第二次證明真係好好食🤤🤤。。佢有分杯裝同筒裝2個size🔹杯裝 可以揀三款配料 + 一款醬汁 $58 🔸筒裝 可以揀一款配料 $38個人認為揀杯裝比較划算！一次過試多啲配料，仲可以拎得舒服啲唔怕溶左走圍滴😊❤️我最愛就係揀佢十大排行榜上最受歡迎嘅toppings其中三款即係海鹽焦糖脆脆、抹茶糯米糍同芒果！醬汁就揀美祿粉🤤糯米糍煙煙韌韌再加上脆卜卜嘅海鹽脆脆，口感形成大對比👍🏻芒果亦都好甜！佢個乳酪雪糕真係好creamy好解渴！炎炎夏日去食真係啱晒🙌🏻所以多人幫襯唔係冇原因！如果你哋去開西貢玩水/行山唔好錯過依間甜品店呀❤️❤️

滿滿乳酪 • 啖啖滿足☺️呢間説得上係入得西貢必食既小店！暖色木系既裝修令人感覺非常溫馨💡- 希臘乳酪雪糕 Cup + 3 toppings + 1 source 💰$58 ✨我地揀左海鹽焦糖脆脆、brownies、綠茶糯米糍+ 紅桑莓醬不得不讚，個雪糕好重奶味，非常creamy 😋👍🏻厚厚既一塊焦糖脆脆好crispy☺️Brownie 入面有粒粒朱古力，好濃！👍🏻綠茶糯米糍既口感煙韌熟糯，但個人認為綠茶味可以濃少少！一個人食太飽，同朋友仔食就啱啱好喇！😆

小滿定律今日入西貢玩水玩完口痕想食甜野！就去左呢間好出名食yougurt雪糕 食甜品！叫左個honey味～同個雪糕好夾！好好食！！仲可以簡想食筒定杯！叫左杯裝 勁大杯！夠曬兩個人食

乳酪幾好味既，可惜收銀個位員工態度差劣，首先我本身係cashier位見到一本menu我就望住本menu落單，誰知收銀那位叫我望番枱面另一本menu??? (你睇呢本啦) 心諗有咩分別??? 佢解釋話我睇個本menu一陣要放番出去??? 跟住我就order啲款式 咁啱我講個款無哂 佢話話呢款無哂喇(悔氣態度) 我就立即轉第二款，落完order後付款，我用八達通，然後感應吾到，佢就話要成部電話放落去個感應器??? 我真不解🤔 不過算，最嬲係老馮態度，我話已經扣左錢喇，佢再回覆未喎….🙂 貼錢買難受 我每次來西貢都會吃這間乳酪店，但今次有這個體驗真係令我吾會再去。做得服務性行業，好話吾好聽，都應該知道顧客永遠是對的，我個下沒有評論你，並吾代表我認同你是對的☺️ 但回想起我不能忍氣吞聲希望這位收銀員工可以睇到呢個post 我就係話緊你啊 今時今日咁既服務態度 我炒左你喇☺️

📍小滿定律最近天氣咁熱，而且同朋友係西貢玩完水，最想都係食番杯冰凍既雪糕降下溫🍦😜搭小巴去西貢既時候見到有呢間乳酪雪糕店，決定要試下佢先😆！佢地提供乳酪特飲、希臘乳酪雪糕同埋翡翠檸檬特飲比客人揀，我地今次就揀左可以揀配料既希臘乳酪雪糕黎試🤤四點幾黎到既時候已經大排長龍，我地都差唔多等左七分鐘左右先入到去🤭因為呢間乳酪雪糕店係做外賣為多，所以我地都揀左冚蓋拎走去其他地方食😛🍨1️⃣希臘乳酪雪糕配迷你芋圓+朱古力脆珠+芒果+熱情果汁（$58）我地呢個配搭係比較fresh啲既😛適逢中秋節，佢地推出左迷你芋圓呢個期間限定品😜一定要食啦！芋圓口感好軟綿綿，係我鐘意既口感🤤同埋我欣賞佢會將芒果肉夾係雪糕中間個層同埋舖係面頭，令到食落去既時候唔係剩係得乳酪雪糕😛加埋朱古力脆珠同熱情果汁黎食就好開胃😍🍨2️⃣希臘乳酪雪糕配蘆薈+咖啡蒟蒻+Oreo+美祿粉（$58）我地另一款係揀左偏甜既口味😜蘆薈同Oreo既量都好多，食到最尾都仲有！值得一提既係佢地既咖啡蒟蒻🤤咖啡味好濃，而且加埋美祿粉一齊食，個味道係咖啡控必試😍食完即刻醒神左🤤

呢間係我上年偶然入西貢發現既舖頭，好奇心驅使下入去試左第一次佢地既Greek yogurt, 真係返唔到轉頭…首先，佢地個yogurt口感似雪糕，但又唔會似雪糕咁好甜，佢係yogurt所以會有少少少酸酸地既味道，食完唔會話好滯，反而有種好fresh既感覺。佢配料都幾多選擇，有醬料、水果同其他餅既option，間唔中會有啲特別既醬料/配料可以揀。我就最鍾意同每次都會揀焦糖脆脆同朱古力醬！呢間真係我每次去西貢都必食既yogurt!